إعـــــــلان

تقليص

أبجديات دعوية|| مباشرة مع الأستاذ حسام الغزالي ||بادر بالاشتراك

||أبجديات دعوية|| مباشرة مع الأستاذ حسام الغزالي ||بادر بالاشتراك
شاهد أكثر
شاهد أقل

المحرم بداية السنة وبداية صفحة جديدة مع ربنا*

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [عاجل] المحرم بداية السنة وبداية صفحة جديدة مع ربنا*


    المحرم بداية السنة وبداية صفحة جديدة مع ربنا

    عايزين نبدأ سنة جديدة بهجر الحرام من أجل الله

    من كانت له بداية محرقة كانت له نهاية مشرقة

    لو بدأتي السنة بداية مباركة بالصيام إن شاء الله السنة كلها هتبقى مباركة

    يقول النبي صلى الله عليه وسلم عن شهر المحرم : ((أفضلُ الصيامِ ، بعدَ رمضانَ ، شهرُ اللهِ المحرمِ . وأفضلُ الصلاةِ ، بعدَ الفريضَةِ ، صلاةُ الليلِ))
    صحيح مسلم

    كأن المقصود صومي نهاره وقومي ليله

    الصيام هو العبادة الوحيدة المتواصلة ساعات طويلة
    و هو العبادة الوحيدة اللي الإخلاص فيها 100%
    وهو العبادة الوحيدة اللي ليها حصانة على القنطرة يعني محدش هيعرف ياخد حسناتك منها بسبب ذنوب عملتها في حقه

    وفي فضل الصيام قال رسول الله صلى الله عليه وسلم :
    (( من صام يومًا في سبيلِ اللهِ ، باعدَ اللهُ وجهَهُ عن النَّارِ سبعينَ خريفًا))
    صحيح مسلم

    نهاية سنة فاتت وبداية سنة جديدة بتفكرنا بنهاية العُمر وبقصر العُمر وبقيمة العُمر.....
    والعُمر هو فرصتنا الوحيدة لرضا الله ولدخول الجنة

    ندم لحظة الموت إن العمر انتهى في شهوات من غير ما نقرب من ربنا قد يكون أشد من جهنم نفسها ⬇️

    إحنا هنتحاسب على السنة اللي فاتت دي ساعة ساعة ويوم يوم وعمل عمل

    حاسبوا أنفسكم قبل أن تُحاسبوا

    اسأل نفسك ⤵️
    السنة اللي فاتت قربت من ربنا ولا بعدت عنه؟

    لو قابلتي ربنا دلوقتي هتبقي راضية عن نفسك؟

    كام واحد التزم على إيدك؟ كام واحدة تابت لربنا على إيديكي؟

    كام مقطع ديني شيرته؟ كام قيام ليل قومته؟

    كام جلسة ضحى قعدتيها؟ كام ختمة قرآن ختمتيها؟

    كام يوم صومته؟ كام جزء قرأته؟ كام كتاب طلب علم خلصته؟

    كام مرة وصلتِ رحمك؟ كام مرة بوستِ إيد والدتك ؟

    كام مرة بوست رجل والدك؟

    الحساب شديد جداً ولابد من تغيير السياسات لأن الوقت عندنا إما جنة أو نار

    ومن رحمة ربنا بينا إننا بندفع تمن الجنة بالقطاعي وبناخد نعيمها بالجملة

    كفاية أحلام
    ربنا سبحانه وتعالى يقول : " وَمِنْهُمْ سَابِقٌ بِالْخَيْرَاتِ " مش بالأحلام

    كفاية أوهام
    الرسول عليه الصلاة والسلام يقول : ((والجنةُ حقٌّ، والنارُ حقٌّ)) البخاري

    يعني الدنيا وهم

    كفاية كسل
    النبي عليه الصلاة والسلام يقول : (( لا تزولُ قدما ابنِ آدمَ يومَ القيامةِ من عند ربِّه حتَّى يُسأَلَ عن خمسٍ : عن عمرِه فيما أفناه ، و عن شبابِه فيما أبلاه ، و مالِه من أين اكتسبه ، و فيما أنفقه ، و ماذا عمِل فيما علِم )) صحيح

    كفاية طول أمل وتجاهل حقيقة الموت

    الجنة عايزاكوا تتغيروا
    الجنة عايزة شغل وطول نفس


    #وبدأ_شهر_الله_المحرم
    #الشيخ_حازم_شومان





    اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

  • #2
    جميل جدا

    جزاكِ الله خيرا وأعاننا الله وإياكم على طاعته
    ‏أنت تملك قلباً يعاهد الله صباحاًومساءً بإياك نعبدُ وإياك نستعين ،وقلباً يمتد عمره مابين الحمدلله ‏إلى آمين . أتغلبك الدنيا؟‏
    ~وظنًا بالله أنه لن يضيعني~

    تعليق


    • #3
      المشاركة الأصلية بواسطة كريمه بركات مشاهدة المشاركة
      جميل جدا

      جزاكِ الله خيرا وأعاننا الله وإياكم على طاعته
      اللهم امين وإياكم أختنا
      جزاكم الله خيرا على المرور الطيب


      اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

      تعليق

      يعمل...
      X