داخل نطاق الخدمة ..... استقبل الرسايل

[( فارس الحق )]

سيدنا محمد ربنا قاله لو الكل اتخلى عنك ,

لو الكل سابك ,

لو الكل تنازل عنك,

لو كلهم باعوك ..



فَإِن تَوَلَّوْا فَقُلْ حَسْبِيَ اللَّـهُ لَا إِلَـٰهَ إِلَّا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ




حسبي الله .. كفاية علي ربنا




سيدنا إبراهم لما الكل باعوه,

وحتى ابوه وامه ,

كلهم كلهم باعوه ...

قال " حسبي الله " وهو بيترمى ف النار !!


ياجماعة ..

ياجماعه حسبي الله دي زي ماواحد يقول للتاني ,( انت عارف انت بتكلم مين ..؟؟)


والله ياجماعة لو فهمنا الموضوع صح ,

لو عرفنا ازاي الموضوع بيُدار من فوق سبع سموات ..

حسبي الله .. ونعم الوكيل


يعني ايه ..؟؟



نعم الوكيل ...

الكلمة دي ماتتقالش الا لو انت مجرب الشخص دا ,


يعني ايه ..؟؟

يعني نعم الرجل "فلان " ,

طب وانت عرفت منين ..؟؟

لابد انك عاملته ...


نعم الوكيل دي يعني انت مالي ايدك قوي ,,

يارب انا عارف

دا انا ياما , ياما شفت اللي بيتوكل عليك اديته ايه ..



انا شفت يارب ..

شفت لما رفعت ايدي بافتقار اديتني ايه .. .


.

.

.


المحامي اسمه الموكل , يعني واحد هيرجعلك حقك لو دافع عنك ..

وربنا هو اللي هيرجعلك حقك لو دافع عنك ,,

سبحانه وتعالى


حسبنا الله ونعم الوكيل



















ربنا سبحانه خلق الإنسان كده ,,

ضعيف

ضعيف قدام كل حاجة

بيخاف م كل حاجة

بيخاف م دور الشخونيه والحمى زي مابيخاف م الزلزال ..


بيخاف م الميكروب اللي بيتكبر تحت الميكرسكوب الاف المرات زي مابيخاف م الأسد ..


ليه ؟؟


ضعيف , قدام كل حاجة م اصغر حاجة لأكبر حاجة,

ليه ..؟؟


بيقولك تعالى

تعالى واقف على بابي

وقول انك محتاجلي ..

تعالى.. وانا اخليك تواجه الحياة بقوتي مش بضعفك ..

تعالى .. وانا اخليك تواجه الحياة بغناي مش بفقرك ..

تعالى .. وانا اخليك تواجه الحياة بقدرتي مش بعجزك..

تعالى .. وانت تواجه الحياة بعلمي مش بجهلك ..



يااخواننا دا احنا فقرنا وضعفنا دا أكبر نعمه ربنا منّ بيها علينا

عارفين ليه ..؟؟


ربنا خلانا ضعاف ف كل شئ , عشان نتوجه ليه ف كل شئ

ضعاف ف كل وقت , عشان نقوله يارب ف كل وقت




خلق كل ذرة فيك محتجاله , عشان لما تقول يارب مش لسانك بس اللي يهتف ,, لأ دا كل ذرة فيك يبقى ليها لسان تقول معاك يارب


خلقك من طين ... لأن الطين دا أفقر حاجة,, لا هي دهب ولا هي حاجة ..

طين ...


ولا حاجة ..


ليه ...؟؟


عشان نستغيث مع رسول الله .. ياحي ياقيوم برحمتك نستغيث , اصلح لي شأني كله ..


ليه ...؟؟


طب ربنا كان ممكن يصلح لك الحاجات الشديدة ويسيب لك السهل ...

لأ ..


ليه ..؟؟


انا يارب عاجز تماما , انا مقدرش من غيرك اعمل اي حاجة , ولا أصلح اي حاجة..



ياحي ياقيوم .. يعني يا من أنت قائم على كل شئ






امبارح انا صاحي م النوم , سمعت قول الله تعالى


" أَفَمَنْ هُوَ قَائِمٌ عَلَىٰ كُلِّ نَفْسٍ بِمَا كَسَبَتْ "


حسيت بنور ..

كلام الله دا نور ..

ياااه دا انا صاحي على اسم الله القيوم سبحانه وتعالى


يامن أنت قائم على كل شئ برحمتك استغيث ,اسألك برحمتك التي وسعت كل شئ , اصلح لي كل شئ , ولاتكلني الة التي افسدت علي كل شيء














عايزين نعرف قدرة ربنا , عايزين نعرف الخلق..

اصل الخلق دا حاجة رهيبة ,

يعني ايه خلق ...؟؟

خلق يعني حاجة مكنتش موجودة ..

لاكان فيه ايد ولاكبد ولااعصاب ولامخ

لاشجر ولاشمس ولاقمر

كانوااااااااااا عدم

عدم

وهو اللي اوجدهم

ولما خلق .. خلق كل شئ ..

يعني ايه ؟؟

مفيش نموذج استعصى عليه يخلقه ..

ونفس الأجهزة اللي خلقها ف الفيل هي نفسها ف الميكروب وحيد الخلية .... قادر سبحانه وتعالى ..


واما خلق .. خلق كل حاجة م غير مثال سابق ,

يعني مكنش ف حاجة قبل البني آدم شبه ..

لأ ربنا خلقه م غير مايكون له مثيل ,

بالعكس بقي .. البني آدم مااخترعش الرادر غير لما شاف الخفاش ,

مااخترعش المصباح غير لما شاف الشمس ,

مااخترعش الطيارة غير لما شاف الطير ,

انما ربنا سبحانه وتعالى برأك كده زي ماانت م غير مايكون ليك مثال سابق ..


ولما خلق خلق كل حاجة زي ماهي ..

يعني ايه ..؟؟

يعني قارن بين عربية موديل 60 وعربية موديل 2008

يانهار ابيض ..

دا دي مش حاجة بالنسبة لدي

انما ربنا م اولها خلقك كده .. م غير تطوير , انت طول عمرك كده

م اول مرة خلق الأسد كده ,

م اول مرة خلق الطاووووس كده ,

سبحانه وتعالى ..



ملك جليل




ولما خلق , ماحدش ساعده
ف الخلق ..

يعني ايه ..؟؟

يعني خلق كل انواع الطيور لوحده,

وخلق كل انواع الأسماك لوحده ,

وخلق كل انواع الحيوانات .. لوحده سبحانه وتعالي..


واما خلق .. جدد معجزة الخلق كل مرة ,

يعني كان ممكن يخلق الشجر , ويفضل موجود ليوم القيامة

لالالالا

دا شجر يموت وشجر يحيا

فراش يموت وفراش يتولد

شوف كام جنين جديد بيتكون

وكام نجم جديد بيتولد

شوف قدامك معجزة الخلق تتفتح قدام عينك


عشان تعرف قدرته اد ايه



>

>

>


دلوقتي بنقول ع ناس النحات العظيم "فلان"

والرسام العظيم " فلان "

ليه ان شاء الله ..؟؟


لانه مثلا عرف ينحت طير م صخر عامل حركة معينة يعني ,

بس ...؟؟


هو دا ...؟؟

عظيم عشان شكل واحد ف صورة واحدة مابتتغيرش ..؟؟


امال لوعرف يخلي الطير يرفرف ,

وصورة الطير وهو فاتح بقه وامه بتطعمه وهو بينادي يارزاق ياالله ..



بيستغيث بالله مش بأمه




وصورة الطير وهو طاير وفجأة يغطس ف البحر بمنقاره يقوم خاطف السمكة وطالع تاني ف اتزان وضبط اتجاه رهيب ...



الله الخالق العظيم


ومليون صورة وصورة جو جسم الطير , جوا كل عضو , وف كل نقطة م دمه ..


الله الخالق العظيم




الكون دا كتاااب كبيييير وكل شئ فيه معجزة م المعجزات ,

والكرة الأرضيه بكـــــــــــــــــل الآيات اللي فيها , سطر واحد م الكتاب دا هو , بل ماتجيش سطر واحد ف الكتاب الكبير دا هو .


عظمة هيمنة الله


يعني ايه ..؟؟


ياجماعة ربنا مفيش ذرة ف الكون خرجت ع حكمه ,

لو ذبابه واحدة خرجت ع حكم الله , الدنيا كلها تبوظ .. ازاي ؟؟



الذبابه ممكن تضع الوف مألفه م البيض , لو كلها عاشت وطلعت الوف مألف تانيه ف خلال اسابيع , الأرض كلها تتملي ذباب وتبوظ..


لو سمكة واحدة خرجت ع هيمنه الله تبوظ

...


مفيش ذرة ف ملكوته خرجت ع حكمه سبحانه وتعالى ,

......


الراجل اللي جي يموت قال اذا انا مت فاحرقوني ثم اطحنوني ’ ثم اسحقوني , ثم ذروني ف البر وف البحر ,

فلما مات , امر الله البر فجمع مافيه , وامر البحير فجمع مافيه , يعني الراجل دا كان بقى ذرات , وكل ذرة كانت تحت هيمنه الله وسيطرة الله ..


كله اتجمع وكل واحدة اخدت مكانها ف الكبد , ف العين , ف القدم ..


سبحان الملك الجليل .... سبحان الله


الأرض دي بتلف حوالين نقسها , عاملة زي سفينة كبيرة عمالة تلف تلف ف بحر بسرعة رهيبة ,

وحواليها الكواكب عددلايحصى بيلف ف البحر ,

ميييين ياجماعة اللي مسيطر ع الكون دا ...؟؟؟


لما تشوف منظر الشروق والغروب , تقول يارب بتفكرنا انك مسيطر على حركة الشمس والقمر بالثانية ..

هيمنة وعظمة يارب


ياجلال الله




ايه الشرف دا .. اننا بنتكلم عنه ونسمع عنه ..


دا بإذن منه والله العظيم ,


اللهم لك الحمد , شوفوا ربنا كريم اد ايه ..


مش عايزين نبقي اقزام ..

لحد امتى قلوبنا خارج نطاق الخدمة ..

لما تليفونك يكون خارج نطاق الخدمة , يعني لما حد يبعتلك رسالة ماتوصلش ,

وكذلك انت قلبك خارج نطاق الخدمة مش هتوصله رسايل , ولاعطاءات ولا فتوحات ,


الا لما تيجي وتقوله " انا خدام عندك يارب "




انا داخل الخدمة يارب

انا خدام دينك يارب

انا هخدمك يارب بالعبادة والطاعات والذكر

لساني وقلبي وكل جوارحي خدامين عندك يارب

هخدمك ف كل لحظة م عمري يارب

هخدك دينك بكل طاقتي يارب

لو بقيت داخل نطاق الخدمة ..... استقبل الرسايل .





د\حازم شومان