إعـــــــلان

تقليص

شارك معنا في المكتبة المرئية لكسب الحسنات وصدقة جارية لك

شارك معنا في المكتبة المرئية لكسب الحسنات وصدقة جارية لك
شاهد أكثر
شاهد أقل

♥ يلا نتعـــــــلم فقــــــــــــه ♥

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ♥ يلا نتعـــــــلم فقــــــــــــه ♥

    الفقـــــــــــــــــــــه

    في اللغة كلمة فقه معناها :


    الفهم والفطنة و العلم .




    فـ العلم الشرعي الفقه هو :

    العلم بالأحكام الشرعية العملية المستنبطة من أدلتها التفصيلية
    بمعني آخر :
    هو العلم الذي يبحث لكل عمل عن حكمه الشرعي بالدليل من القران او السنه




    طيب نقول بقى ليه حنتعلم فقه
    حنتكلم عن أهمية الفقه من خلال الكلام عن بعض فروع الفقه


    1- فقه الطهارة
    طبعا ده من الفروع الهامة جداً وديما أي حد بيدرس فقه يبدأ بفقه الطهاره

    لان بدون طهاره لن تصح أي من العبادات اللي بتشترط الطهاره زي الصلاه مثلا
    وفـ فقه الطهاره بنتعلم أمور كتير بتهمنا عن الوضوء و التيمم والغسل وأحكام الحيض
    وغيرها من الأمور الهامه اللي قد يكون بعضنا ما يعرفهاش قبل كده





    .




    2- فقه الصلاة

    طبعا مش محتاجه أتكلم عن أهمية الفرع ده من الفقه
    لأن إحنا عارفين أن الصلاة ثاني ركن من أركان الاسلام
    و هيه اللي بين المسلم والكافر من تركها فقد كفر
    حد يقول طيب ما إحنا بنصلي يعني وعارفين الصلاه من وإحنا فـ المدرسه !!!
    حقولك كلامك صح بس في أمور أكيد متعرفيهاش
    وفي حاجات ممكن تكوني عرفاها وبتعمليها بس مش صح اصلا
    فـ فقه الصلاه حنتعلم فيه باذن الله كتير من الأمور دي و حنعرف شروط صحة الصلاه
    و حنعرف كيف كان كان يصلي النبي صلى الله عليه وسلم
    و حنعرف مبطلات الصلاه و غيرها كتير من الأمور المتعلقه بالصلاه










    3- فقه الصيام
    و ده برده من الفروع الهامه و الصيام هو الركن الرابع من أركان الإسلام
    وهو فرض طبعا على كل مسلم بالغ عاقل وبرده الحمد لله أغلبنا عارف كده وبنصوم تمام


    طيب حنتعلم أيه بقى فـ فقه الصيام ؟؟؟
    حنعرف بقى أكتر عن معنى الصوم وفضله ومبطلاته و أحكام الصوم للمسافر
    و لو حد مات وعليه صيام نعمل أيه ؟

    ولو كنتي مش بتقضي الأيام اللي عليكي زمان تعملي أيه

    و لو واحده مستحاضة تصوم ولا لأ
    و لو واحده حامل أو مرضع أو مريضه إمتى تصوم وإمتى تفطر وأيه الافضل ليها ؟
    كل دي امور مهم جدا نتعلمها ونعرفها








    4- فقه الجنائز
    في الفرع ده حنتكلم عن الصلاة على الميت وغسل الميت والكفن
    و لو كنتي فـ مكان و حد بيموت فيه المفروض تعمليله ايه
    و احكام التعزيه وغيرها .








    5- فقه الحج
    برده من الفروع الهاااااامه جدا
    وكتير تلاقي واحده تقول انا ححج باذن الله السنادي ومش عارفه المفروض اعمل ايه
    او تقول حعمل عمره ومش عارفه الخطوات ازاي .......
    قوليلي اعمل ايه من اول ما اطلع من بيتنا لحد ما احج او اعمل العمره و ارجع تاني باذن الله


    و

    واحده تانيه تقول انا حكون حائض ف وقت الحج او العمره اعمل ايه ؟

    برده كل ده باذن الله حنتعلمه سوا







    6- فقه النكاح
    اكيد برده مهم جداااااا الفرع ده
    مهم تعرفي ايه حقوقك و ايه واجباتك كزوجه
    وتعرفي صفات الزوج الصالح وتعرفي تختاري ازاي شريك حياتك
    وايه حدودك فـ فترة الخطوبه


    و هل العلاقه قبل العقد تفرق عن بعد العقد

    و هل العاقد له حقوق الزوج كامله ولا لا ؟
    وامور اخرى متعلقه بالباب ده حنعرفها سوا باذن الله










    دي كانت بعض فروع الفقه وأهمية كل فرع منهم باختصااااار



    باذن الله نتكلم فـ كل اللي يهم المرأه من الفروع دي

    و حنحاول نختصرها على أد منقدر علشان منطولش عليكم



    وباذن الله ناخد اكبر قدر ممكن من المعلومات ف كل فرع
    حنتكلم فيهو نتعرف عليه ونتعلمه سوا








    وخلي بالك انتِ لما تتعلمي فقه مش حتفيدي نفسك بس - لا
    حتفيدي اللي حواليكي كمان بنشر العلم اللي اتعلمتيه
    وخلي نيتك خالصة لله وانتي بتتابعي معانا الدروس



    نسأل الله التوفيق و السداد وأن يجعل جميع اعمالنا خالصة لوجهه ويتقبلها
    اللهم امين







    باذن الله نقابلكم على خير الاسبوع الجي
    مع اول درس من دروس الفقه

    وحنبدأ باذن الله بـ " فقه الطهارة "





    التعديل الأخير تم بواسطة كريمه بركات; الساعة 17-09-2014, 09:29 PM. سبب آخر: حذف رابط أخطاء لغويه
    انــســى هــمــومــكــ „مــع الله
    بـرنـــــامـج لـلعــبـادة .. مـمــيــز جــد آاستغفر الله العظيم صلوا ع الحبيب عليه الصلاة والسلام سبحان الله الا اله الا الله الله اكبر الحمدلله


  • #2
    رد: ♥ يلا نتعـــــــلم فقــــــــــــه ♥

    السلام عليكم ورحمة الله وبركاته
    بارك الله فيكم ونفع بكم

    تعليق


    • #3
      رد: ♥ يلا نتعـــــــلم فقــــــــــــه ♥

      السلام عليكم ..
      تفضلي أختي الفاضلة ونحن متابعين معكِ إن شاء الله ..
      ------------
      فقط للتذكير يرجى الرجوع في الشرح لكتب ثقات ..

      رحمك الله أبي الحبيب, لا تنسوه من الدعاء , الله المستعان

      تعليق


      • #4
        رد: ♥ يلا نتعـــــــلم فقــــــــــــه ♥

        جزاكم الله كل خير ابنتنا الفاضلة
        بارك الله فيكم ونفع بكم
        متابع بإذن الله

        قال الحسن البصري - رحمه الله :
        استكثروا في الأصدقاء المؤمنين فإن لهم شفاعةً يوم القيامة".
        [حصري] زاد المربين فى تربية البنات والبنين


        تعليق


        • #5
          رد: ♥ يلا نتعـــــــلم فقــــــــــــه ♥

          المشاركة الأصلية بواسطة محبة السلف مشاهدة المشاركة
          السلام عليكم ..
          تفضلي أختي الفاضلة ونحن متابعين معكِ إن شاء الله ..
          ------------
          فقط للتذكير يرجى الرجوع في الشرح لكتب ثقات ..

          إن شاء الله
          انــســى هــمــومــكــ „مــع الله
          بـرنـــــامـج لـلعــبـادة .. مـمــيــز جــد آاستغفر الله العظيم صلوا ع الحبيب عليه الصلاة والسلام سبحان الله الا اله الا الله الله اكبر الحمدلله

          تعليق


          • #6
            رد: ♥ يلا نتعـــــــلم فقــــــــــــه ♥

            أهلا بيكم أول لقاء لينا فى حملة
            " يلا نتعـــــــــلم فقـــــــــــه "


            بأذن الله أول فرع حنتكلم فيه سوا من فروع الفقه هو
            " فقـــــــــه الطهـــــــارة "

            الدرس الاول


            وحنتكلم فى فقه الطهارة من أول أ ب طهارة
            و فـ نفس الوقت حنختصر اد منقدر
            علشان ناخد اكبر قدر ونحقق اكبر استفادة باذن الله

            ربنا ينفعنا واياكم بهذه الحملة ويجعلها فى موازين حسناتنا جميعا
            ونسأل الله الثبات على الخير







            الدرس الأول





            أول حاجة حنقولها هى معنى الطهارة :
            الطهارة فى اللغة - يعنى في المعاجم اللغوية - معناها : النظافة
            اما الطهارة إصطلاحا - يعني فى الشرع عند أهل العلم - معناها : رفع الحدث أو إزالة النجس

            طيب ايه هو الحدث وايه هو النجس ؟؟؟

            الحدث :
            الحدث هو أمر معنوي إذا قام بالبدن منع من الصلاة وغيرها من العبادات التى يُشترط لها الطهارة
            - والحدث يكون بشيئ يفعله الانسان نفسه كالبول او الغائط او خروج الريح و غيرها -

            وكلمة رفع الحدث نفسها نقدر نقول ان المقصود بيها ازالة - يعني انا عليه حدث منعنى من الصلاة ازيله و ارفعه بالطهارة علشان اقدر اصلى -


            النجس : مستقذر شرعي يمنع من صحة العبادة
            بمعنى اخر / هي الأشياء الخبيثة اللى بتكون متعلقة بالبدن أو الملابس
            الاشياء الخبيثة :- يعنى الغير طيبة زى الفضلات مثلا -






            لو اتكلمنا في فضل الطهارة
            حنلاقي طبعا فضائل كثييييييييييره جدا وردت في القران و السنه
            اكتفي بذكر 2 من فضائل الطهارة

            1- من القرآن
            قال تعالى : "إن الله يحب التوابين ويحب المتطهرين "


            2- من السنة

            قال رسول الله صلى الله عليه وسلم :
            "طهروا هذه الأجساد طهركم الله فإنه ليس من عبد يبيت طاهرا إلا بات معه في شعاره ملك لا ينقلب ساعة من الليل إلا قال اللهم اغفر لعبدك فإنه بات طاهرا"
            - الشعار هى الملابس التى تكون قرية و ملامسة للجسم -






            طيب هل أى ماء نقدر نتطهر بيه ؟؟؟

            الاول قبل ما نرد على السؤال ده ونعرف امتى الميه تنفع نتطهر بيها وامتى لا
            عاوزين نعرف ايه هيه انواع المياه اللى ممكن نتطهر بيها

            *******************************

            أنـــــــــــواع الميــــــــــــــاه
            **********

            انواع المياه بحسب مصادرها - يعنى بتجيلنا منين - :
            ماء المطر
            ماء البحر
            ماء النهر
            ماء البئر
            ماء الثلج والبرد

            ^
            ^
            ^
            كل انواع المياه دي طهوره

            طهور يعني :
            طاهر فى نفسه ومطهر لغيره - يعنى ينفع نغتسل ونتوضأ بيه -
            وبأذن الله حنفهم المعنى ده اكتر بالامثله فى الدروس القادمه


            أما طاهر :
            قد يكون طاهر فى نفسه ولكن غير مطهر لغيره - يعنى مينفعش نغتسل بيه او نتوضأ بيه -





            طيب كده عرفنا ان الاصل في انواع المياه السابق ذكرها انها طهوره
            والاصل اننا نقدر نتطهر بيها

            طيب هل علطوووووول في اي حاله ممكن نتتطهر بيها
            ولا في حاجه ممكن تحصل للماء ومنقدرش نتطهر بيه ؟؟؟

            تعالو نشوف كده بعض حالات المياه
            ------------------------


            - بالماء المستعمل
            *****
            الماء المستعمل هو : الماء المنفصل عن أعضاء المتوضئ أو المغتسل

            طيب ايه حكم الماء ده - يعنى ينفع نستعمله تانى ولا لأ ؟؟؟ -
            الاجابه ...
            ايوه ممكن نستعمله تانى لان الماء أصله طهور و عند أستعماله ألتقى بـ طاهر ( جسم الانسان )
            علشاان كده الماء المستعمل بياخد حكم الاصل - حكم الماء - ويظل طهور

            الدليل
            عن عبدالله بن عباس أنَّ ابنَ عباسٍ أخبره ؛ أن رسولَ اللهِ صلَّى اللهُ عليهِ وسلَّمَ كان يغتسل بفضلِ ميمونةَ .
            الراوي: عبدالله بن عباس المحدث:مسلم - المصدر: صحيح مسلم - الصفحة أو الرقم: 323
            خلاصة حكم المحدث: صحيح

            المقصود بالفضل هنا يعني ما تبقى في الاناء





            2- الماء الذى خالطه طاهر
            *****

            يعنى فى حالة ان الماء سقط فيه اى شيئ طاهر زى مثلا : دقيق & كلور & شامبو ..... الخ

            هل الماء ده بيظل طهور ولا لا ؟؟؟؟

            هنا بقى بننظر الى الماء هل اتغير حاجه من اوصافه ولا لا ( اللون - الطعم - الرائحه )
            فلو الطاهر اللى اختلط بالماء ده غير صفه من صفات الماء لدرجة أننا لا نستطيع ان نطلق اسم ماء عليه ...
            فى الحاله دى أصبح الماء طاهر فى نفسه ولكن غير مطهر لغيره - يعنى مبقاش طهور -

            اما لو التغير اللى حصل فى الماء كان طفيف لا يُذكر والماء لازال بصفاته وخصائصه
            يبقى هنا الماء طهور
            - زى الماء اذا اختلط بيه صابون اثناء الغسل مثلا -

            **********

            ونفس الوضع لو وقع فى الماء ورق شجر او تراب وما الى ذلك من الاشياء الطاهره
            بيظل الماء على اصله ( طهور )






            3 - الماء الذى خالطته نجاسة
            *****

            باذن الله حنتكلم عن انواع النجاسات وتطهيرها بالتفصيل فيما بعد

            بس دلوقتي نقول لو النجاسات خالطت الماء يبقى ايه حكمة ؟؟؟

            برده الحكم على حسب مقدار التغير اللى حصل فى الماء
            يعنى لو النجاسه غيرت حاجه من خصائص الماء يبقى الماء أصبح نجس
            اما اذا الماء لم يتغير شيئ من خصائصه يبقى الماء ياخذ حكم الاصل - طهور -

            الدليل
            عن ابى سعيد الخدرى رضى الله عنه قال :
            قيل: يارسول الله انتوضأ من بئر بضاعة بضم الباء وهى بئر يلقى فيها الحيض - بكسر الحاء وفتح الياء -
            ولحوم الكلاب والنتن ، فقال رسول الله صلى الله عليه وسلم : " الماء طهور لاينجسه شئ"

            الحيض هنا المقصود بيها : الخرق التى يمسح بها دم الحيض

            *****

            طيب هنا ايه اللى حصل - ليه الماء ده مقلناش انه اصبح نجس ؟؟؟

            هنا الماء لكثرته لا تؤثر فيه هذه النجاسات فلا تغير شيئ من خصائصه - لون & طعم & ريحه -
            لذلك الماء لازال طهور
            زى ماء البحر او ماء النهر - مهو برده اكيد بيُلقى فيه نجاسات صح ولا ايه -
            لكن الماء لكثرته لا يؤثر فيه النجاسه

            **************************

            وهنا شرح مفصل للحديث
            شرح حديث بئر بضاعة





            4 - الماء الآسن
            - الآجن -
            *****

            الماء الآسن هو: الماء المُخزن - اللى بنجزنه يعنى مثلا علشان لو الميه اتقطعت -
            وقد يتغير لطول مكثه
            حكم الماء ده ....... طهور
            طالما لم تسقط فيه نجاسة تنجسه






            كده عرفنا يعني ايه طهارة وفضلها
            و انواع المياه و ايه الحالات اللي الماء بيكون غير طهور ولايجوز استعماله في الطهارة

            نكتفي بهذا القدر
            ونلقاكم على خير الاسبوع القادم باذن الله



            التعديل الأخير تم بواسطة طريقي لربي; الساعة 20-09-2014, 04:26 AM. سبب آخر: تعديل لغوي / ة
            انــســى هــمــومــكــ „مــع الله
            بـرنـــــامـج لـلعــبـادة .. مـمــيــز جــد آاستغفر الله العظيم صلوا ع الحبيب عليه الصلاة والسلام سبحان الله الا اله الا الله الله اكبر الحمدلله

            تعليق


            • #7
              رد: ♥ يلا نتعـــــــلم فقــــــــــــه ♥

              وعليكم السلام ورحمة الله وبركاته



              ينقل لقسم واحة الفقه والعقيدة
              =========
              متابعون معكم وننتظر التتمة باذن الله
              اللهم إن أمي و عمتي في ذمتك وحبل جوارك، فَقِهِم من فتنة القبر وعذاب النار، وأنت أهل الوفاء والحق، اللهم اغفر لهما وارحمهما، فإنك أنت الغفور الرحيم.

              تعليق


              • #8
                رد: ♥ يلا نتعـــــــلم فقــــــــــــه ♥

                جزاكـــِ الله خيرا ً

                نفع الله بكـــِ

                أسجل متابعه بإذن الله

                ‏أنت تملك قلباً يعاهد الله صباحاًومساءً بإياك نعبدُ وإياك نستعين ،وقلباً يمتد عمره مابين الحمدلله ‏إلى آمين . أتغلبك الدنيا؟‏
                ~وظنًا بالله أنه لن يضيعني~

                تعليق


                • #9
                  رد: ♥ يلا نتعـــــــلم فقــــــــــــه ♥

                  جزاكم الله خيراا
                  متابعة ان شاء الله

                  تعليق


                  • #10
                    جزاكم الله خيرا ونفع بكم
                    قال ابن مسعود رضي الله عنه: "نحن قوم نتبع ولانبتدع ونقتدي ولا نبتدي ولن نضل ما إن تمسكنا بالأثر".
                    قال شيخ الإسلام ابن تيمية رحمه الله : " المحبوس من حُبس قلبه عن ربه والمأسور من أسره هواه "

                    تعليق

                    يعمل...
                    X