إعـــــــلان

تقليص
لا يوجد إعلان حتى الآن.

تلخيص درس ابدأ من جديد // مفهرس

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    تلخيص درس ابدأ من جديد // مفهرس

    السلام عليكم
    ارجوا ان تضعوا لي تفريغ درس ابدا من جديد للشيخ حازم شومان
    من سلسلة التربية بالقران
    وهل باقي الدروس مفرغة ولا لسه
    وكمان ياريت حد يفرغ لينا دروس الشيخ اجمد جلال سلسلة مدرسة الربانين
    لان هده الدروس تحديدا ستعييين الكثيريين اللي لسة في بداية التزامهم وانا اولكم
    اسال الله ان يجعلها في ميزان حسناتكم
    اللهم ارزقنا الاخلاص في القول والعمل
    إذاسجدت فأخبره بأسرارك ولا تسمع من كان بجوارك ناجيه بدمع عينيك فهو سبحانه للقلب مالك ستنال بإذنه ما كان في بالك واشكره في جميع أحوالك
    الكلمات الدلالية (Tags): لا يوجد
  • #2
    رد: ارجوالمساعدة انا بحاجة لتفريغ بعض الدروس المهمة بالنسبة لي

    وعليكم السلام ورحمة الله وبركاته

    جزاكم الله خيرا أختنا وإن شاء الله إخواننا فى تفريغ الدروس يفيدوكم

    تفريغ حلقة (( عندما تفتح أبواب السماء )) لشيخنا الحبيب

    نفع الله بكم
    [CENTER][FONT=Traditional Arabic][COLOR=red][SIZE=6][SIZE=5][B][COLOR=blue]1_(([/COLOR] بناء الرجال [COLOR=blue][U]أولى من[/U][/COLOR] بناء الأعمال [/B][/SIZE][COLOR=blue][SIZE=5][B]))[/B][/SIZE]
    [/COLOR][/SIZE][/COLOR][COLOR=#000080][SIZE=6][B][SIZE=5]2_[/SIZE][/B][/SIZE][/COLOR][COLOR=#ff0000][SIZE=6][B][SIZE=5][U]الإعلام منهج قرآنى ونبوى لكن[/U][/SIZE][/B][/SIZE][/COLOR][COLOR=#000080][SIZE=6][B][SIZE=5] الأمّة الآن تفتقده بشدة وقد إبتلانا الله[/SIZE][/B][/SIZE][/COLOR][U][COLOR=#0000ff][SIZE=6][B][SIZE=5] بإعلام فاجر داعر يقوده سحرة فرعون[/SIZE][/B][/SIZE][/COLOR][/U][COLOR=#000080][SIZE=6][B][SIZE=5] وللأسف [FONT=Traditional Arabic][U][COLOR=#b22222][SIZE=6][B][SIZE=5]نحن نواجه مجموعة من الحواة بمجموعة من الهواة[/SIZE][/B][/SIZE][/COLOR][/U][/FONT] كما يقول شيخُنا محمدحسين يعقوب[/SIZE][/B][/SIZE][/COLOR][COLOR=#000080][SIZE=6][B][SIZE=5] إننا في الدعوة عبر الإنترنت والفضائيات، قد دخلنا من[/SIZE][/B][B][SIZE=5]افسة غير شريفة؛حيث إن خصومنا وأعداء ديننا محترفون، يُتقنون الإبهار،والأخذ بألباب الناس إلى هاوية الأهواء والشهوات،
    [/SIZE][/B][/SIZE][/COLOR][COLOR=#800000][U][SIZE=6][B][SIZE=5]:: ويجب علينا بهذا الصدد ::[/SIZE][/B][/SIZE][/U][/COLOR][COLOR=#000080][SIZE=6][B][SIZE=5]
    [/SIZE][/B][/SIZE][/COLOR][COLOR=#ff0000][U][SIZE=6][B][SIZE=5]أن نحترف تقديم الحق، وأن نبذل في ذلك السهر والنصب.. لابد أن نحاكيهم، بل نسبقهم[/SIZE][/B][/SIZE][/U][/COLOR][COLOR=red][SIZE=6][COLOR=blue]
    [/COLOR][/SIZE][/COLOR][/FONT][URL=https://forums.way2allah.com/forum/%D8%A7%D9%84%D8%A3%D9%82%D8%B3%D8%A7%D9%85-%D8%A7%D9%84%D8%B9%D9%84%D9%85%D9%8A%D8%A9/%D8%B2%D8%A7%D8%AF-%D8%A7%D9%84%D8%AF%D8%A7%D8%B9%D9%8A%D8%A9/%D9%82%D8%B5%D8%B5-%D8%AF%D8%B9%D9%88%D9%8A%D8%A9/309450-%D8%B1%D8%AD%D9%85%D9%83-%D8%A7%D9%84%D9%84%D9%87-%D9%8A%D8%A7%D8%A3%D8%A8%D9%89-%D9%82%D8%B5%D8%AA%D8%A9-%D8%A8%D8%A5%D8%AE%D8%AA%D8%B5%D8%A7%D8%B1-%D8%AD%D9%82%D9%8A%D9%82%D8%A9-%D9%84%D8%A7-%D8%AE%D9%8A%D8%A7%D9%84][B][FONT=Arial][SIZE=3][IMG]http://www7.0zz0.com/2010/05/31/08/483217425.gif[/IMG][/SIZE][/FONT][/B][/URL]
    [/CENTER]

    تعليق

    • #3
      رد: ارجوالمساعدة انا بحاجة لتفريغ بعض الدروس المهمة بالنسبة لي

      جزاك الله خيرا
      واتمنى ان تضعوا لي تفريغات باقي الدروس لاني بحاجة اليها
      إذاسجدت فأخبره بأسرارك ولا تسمع من كان بجوارك ناجيه بدمع عينيك فهو سبحانه للقلب مالك ستنال بإذنه ما كان في بالك واشكره في جميع أحوالك

      تعليق

      • #4
        رد: ارجوالمساعدة انا بحاجة لتفريغ بعض الدروس المهمة بالنسبة لي

        بسم الله الرحمن الرحيم
        السلام عليكم ورحمة الله وبركاااااااااته

        جزاكِ الله خيراً أختي الفاضله روح تائبه
        إن شاء الله تجدي كل ماتريدين في منتدانا الطيب
        لكن بالنسبه لدرس إبدأ من جديد لفضيلة الشيخ حازم شومان أنا كنت ملخصاه يعني كاتبه النقاط الرئيسيه فيه ..إنتبهي أختي هو ليس تفريغا حرفيا للدرس هو فقط تلخيص أحببت أن أضعه لكِ ممكن تستفيدي منه
        درس إبدأ من جديد
        لشيخنا الفاضل حازم شومان

        http://www.way2allah.com/modules.php...iles&khid=5997




        أنا أول ماسمعت الدرس ده ..حسيت انه درس مهم جدا لأي حد فينا سواء ملتزم من زمان او لسه ملتزم جديد او حتي لسه ملتزمش..(ربنا يهدينا جميعا)


        واستفدت منه جدا وأي حد حاسس نفسه انه بعيد عن ربنا وان عنده فتور وانه وقع وإنه خلاص مفيش أمل
        في الدرس ده الشيخ حازم شومان بيتكلم وبيقول إنه لأ.. في أمل وإن أي حد معرض إنه يحصله فترات فتور أو إنتكاس عارض بل أي حد لازم يحصله كده..ليييييييه؟؟
        لأن ده مراد ربنا.. لييييه؟


        لأن ربنا لو تركك ماشي صح علطول وبترتقي علطول هيدخل في قلبك إن ده بسببك إنت..بسبب مجاهدتك إنت..مش بسبب الله سبحانه وتعالي

        فلازم ربنا سبحانه وتعالي يسحب منك النعمة دي ولو حتي يوم ..ولو أسبوع.. عشان لما تلاقي نفسك وقعت
        تدعي ربنا وتقول ده أما مكنتش غير بيك ياارب..
        إنجدني ياارب ورجعني تاني ياارب
        هو ده مراد ربنا
        إوع لما تقع تزعل ..ده ربنا بيربيك
        ده ربنا يريد إن يدخل في قلبك معني لو مدخلش في قلبك هتبقي غلبان وهتضيع


        المعني ده اللي هو:
        ((إنك إنت بالله ومفيش حاجه في حياتك غير بالله))
        وإنه لا حول ليك عن المعصيه ولا قوة ليك علي الطاعه إلا بالله عز وجل

        بس المهم ان لو حصل فتور أو أي عارض خلاك تبقي بعيد عن ربنا فتره ..لازم بعدها ميحصلش يأس وإحباط بل بالعكس يبقي في بعدها انطلاقه جديده في علاقتنا بالله عز وجل
        إزااااااي؟؟
        إن أنا أقول سوف أقوم بين يدي ربي..هتقف ليلة تستغيث وتتوسل وتقول يااااااااارب
        طب لييه الحل ده؟؟
        لأن ربنا أصلا لم يبتليك إلا لكي تخرج منك كلمة يااارب لكي يتحقق مقام الإفتقار فيك

        يقول الله تعالي ((فَلَوْلَا إِذْ جَاءَهُمْ بَأْسُنَا تَضَرَّعُوا ))

        إذاً حل الفتور والإنتكاسه العارضه هو:
        توسل الأسحار

        فبأنصحكم كلكم إنكم تسمعوا الدرس ده
        بجد درس مفيد جدا لينا كلنا
        وحبيت أيضاً ألخصلكم الدرس حتي تستفيدوا منه ونبدأ كلنا من جديد في علاقتنا بالله عز وجل
        وده تلخيص الدرس إن شاء الله
        تلخيص لدرس إبدأ من جديد للشيخ حازم شومان
        لما الكمبيوتر بيهنج ياجماعه بنعمل restart.
        كتير مننا محتاج يعمل restart.
        بل كلنا محتاجين نعمل restart.
        عايزين نبدأ من جديد..كيف نبني أنفسنا من جديد وكيف نطور أنفسنا
        في ناس بدأت غلط فإزاي تصحح..
        الدرس ده منهج عملي (خطة للملتزم القديم والجديد )
        كله هيبدأ من جديد إن شاء الله
        إحنا حياتنا عباره عن مهرجان فرص ضائعه في علاقتنا بالله
        فلابد أن نبدأ صح من جديد
        عايزين نفترض إن أول يوم تأخذ قرار الإلتزام هوالنهارده وإنتي أول يوم تأخذي قرار الإلتزام هو النهارده
        لابد أن نمشي بخطوات واضحه وثابته إلي الله سبحانه وتعالي
        الدرس ده عباره عن قواعد لابد أن نلتزم بها

        أول قاعده في هذا الدرس
        1-الجنديه في الإلتزام
        حياتنا لازم تبقي حياة جندي في طاعتنا بالله يعني الورد لابد يتنفذ ميبقاش في تساهل وتفريط
        الدين مش لعبه ياجماعه
        لابد أن نعمل أربع حاجات والاربع حاجات دول هما الحبل السري لإلتزامك
        1- نحدد درس لعالم من علماء أهل السنه تحضره وتلتزم بيه ويبقي ورد مقدس في حياتك لنتربي علي يد الشيوخ الكبار
        2- لابد من طلب علم مبادئ الدين
        ( تعلم مبادئ الفقه والعقيده)
        3-لابد من حفظ القرآن
        4-لابد من تنفيذ جدول خطوة أولي إلتزام
        ((8 أسس عبادات هنعملها جدول محاسبه للنفس تلزم نفسك بيها وتحاسب نفسك عليها))

        1- تكبيرة الإحرام
        ((الإمتحان اللي بنمتحنه 5 مرات في اليوم))
        الآذان قال الله أكبر تيجي الجامع فورا إنتهت علاقتك بالبشريه
        ووالله من أسباب الإنتكاس التفريط في تكبيرة الإحرام
        2- السنن الرواتب
        ((12ركعه))
        3-ركعتين الضحي
        ((ب360صدقه))
        كأنك أعطيت صدقة ل360 أسره فقيره
        4-صلاة الوتر
        طب لو فاتني الوتر؟؟
        أقضيه ثاني يوم ولكن أقضيه شفع يعني لو بأوتر ب3ركعات تاني يوم أصلي أربع ركعات
        5-ورد قرآن ثابت يوميا
        حتي لو ربعين يومياً بس بتدبر وخشوع وحضور قلب
        6-السواك
        شيخ الإسلام إبن تيميه بيقول كيف تترك سنه ورد فيها أكثر من 100 حديث .. والعطر بالنسبه للرجال
        7-أذكار الصباح والمساء
        ((الحصن اليومي ضد السحر والحسد وضدالفتن ماظهرمنها وما بطن وضد عقوبة ذنوبك ومعاصيك وضد شياطين الجن والإنس وضد الهوان))
        الحصن اليومي الذي تتحصن بيه
        الإستفتاح اليومي اللي بتستفتح بيه
        8-أذكار بعد الصلاه
        آية الكرسي ب1000حسنه
        وسبحان الله والحمدلله ولا إله إلا الله والله أكبر 100مره ب2000حسنه
        يعني بعد كل صلاة أخذت 3000حسنه
        يعني في 5 صلوات 15000حسنه
        لو واحد من أهل الدنيا بيكسب كل يوم 15000جنيه هيبقي ملياردير قبل مايموت
        إحنا بنضيع ثروات أخرويه باهرة بسبب التكاسل في فقيقتين بعد كل صلاة

        القاعده الثانيه مرتبطه بالقاعده الأولي
        2-أوغل فيه برفق او لا تصعب علي نفسك الطريق
        إهتم أولا بالأساسيات وثبتها الأول ولو نفسك مالت لعباده أكتر إعملها ولكن ثبت الأساسيات
        ((إجعلوا أول خطوه هي أسهل خطوه))
        لو بدأت بدايه صعبه هتقع بعد مدة قصيره ولكنك ستقع بإحباط ولكن لو نفذت جدول خطوه أولي إلتزام هتفضل في تطور مستمر وركعتين الضحي يتحولوا إلي جلسة الضحي والركعتين سيصبحوا 8ركعات ولكن إمشي صح وبالتدريج ووالله هتزيد وتنطلق

        القاعده الثالثه
        3-لا تستمرئ التفريط في الإلتزام
        إياك تفرط في الأوراد
        إحنا عايزين نزيد مش عايزين ننقص
        عملياً:
        لو وقعت في معصيه إلزم نفسك بعقوبه ماليه عشان تتعلم إنك متفرطش
        وفي الطاعات أي ورد يفوتك إقضيه
        إياك أن تستمرئ التفريط في العوارض
        العوارض زي مثلا موسم الامتحانات
        إياك أن تقطع عمل من الاعمال ولكن ممكن تقلله شويه يعني مثلا واحد بيقوم الليل ساعتين ممكن يجعلها نصف ساعه ولكن لا تقطع طاعه من الطاعات

        القاعده الرابعه:قاعدة العمر اللي هتفضل معاك العمر كله
        4-إياك أن تتخلي عن شحن القلب دائما
        طرق شحن القلب كثيره         ومنها:
        ** سماع وحضور الدروس في المسجد**
        **حضور الدروس الوعظيه **
        (دروس ترقيق القلوب)وسماع الشرائط
        **الدعاء**
        (السلاح الغائب كلمة يااارب)
        اللهم أصلح لي ديني وأصلح لي شأني كله
        **القرآن**
        حفظ وتلاوة
        **الصحبة الصالحه**
        ربنا هيرزقك بيها لو إنت صادق مع الله
        وصحبة الملتزمين:
        معناها أن تربط نفسك في سيارة متحركه فتتحرك من الركود اللي إنت فيه فلما تتحرك تبدأ تفوق وتنطلق بسهوله

        القاعدة الخامسة
        إحذر من الوقوع في براثن مشاكل خطوة أولي إلتزام
        مثلاً:        مشاكل في البيت مع الأهل
        مشاكل في الدراسة (تعارض في الدراسه مع الدين)
        ثوران شهوات الدنيا مرة أخري
        هذه كلها مشاكل بسيطه لا تشغلك عن الله وحول الصخور إلي سلم ترتقي عليه إلي الله
        الحل:
        1-التوسل إلي الله
        2-إستشارة من سبقك في هذا الطريق من الإخوة المجتهدين بل ومن الدعاة والشيوخ
        3-إياك أن تتوقف (إنك علي الحق)
        إحذر من أن يفتحلك الله الباب إليه وأنت تغلقه بيدك

        القاعده السادسه
        إبدأ صح (التربيه بالقرآن)

        لو صليت بالقرآن وإنت فاهمه حياتك هتتقلب وهتبقي بطل
        القرآن هيربيك علي معاني رهيبه ..علي معاني هتغيرلك حياتك وهتقلب حياتك
        إبدأ صح إبدأ مع القرآن..إبدأ بداية الأبطال

        القرآن هيمشي حياتك وينور فهمك ويجدد عزمك ويصلح قلبك
        إجعل كل همك وجهدك منصب علي الإرتقاء بعلاقتك بالقرآن

        القاعده السابعه:
        لابد أن يكون لك ليل
        سورة كامله في القرآن نزلت علشان عباده قيام الليل
        ((سورة المزمل))
        الليل ده وقت الشغل كله يبقي مينفعش ننام

        قيام الليل أكثر حاجه هتوصلك للفردوس وتصلح قلبك وتطهرك وتصلح كل مشاكل حياتك وتقيم علاقتك بالله

        إبدأ بأي ورد ولو نصف ساعه وربنا إن شاء الله هيفتح عليك
        لازم يكون ليك وقت تقف بين يدي الله وتقول يارب
        وتناجيه وتقدسه وتسبحه وتتوسل إليه وتقرأ قرآن في هذا الوقت

        السبع خطوات السابقه هما أحسن بدايه في خطوه أولي إلتزام

        القاعده الثامنه هي بدايه خطوة ثانيه التزام لأن حياتك لابد ان يكون فيها نقلات وقرارت
        إنت كده عامل زي اللي عايز يبني برج ووضع أساس كويس ومحكم ومتين جدا...أي حاجه عايز تبنيها هتطلع بعد كده
        كان رسول الله صلي الله عليه وسلم إذا عمل عملاً أثبته
        وطالما إنت رميت الأساس هتعلي طوبه طوبه(خطوه خطوه)
        مش هترمي الطوب ورا بعضه
        من أول القاعده الثامنه نتعلم إزاي نكمل صح..إزاي نعلي صح..إزاي نرتقي صح..
        القاعده الثامنه إن حياتك لابد أن يكون فيها نقلات

        القاعده التاسعه
        وهي حدد خط التراجع..حدد الخط الأحمر
        إفرض أي عارض أو أي فتور وقعك شويه أو أي نكسه عارضه
        ده لازم يحصل..لأن ده مراد ربنا..ليييييييه؟؟؟
        لأن ربنا لو تركك ماشي صح علطول وبترتقي علطول هيدخل في قلبك إن ده بسببك إنت..بسبب مجاهدتك إنت..مش بسبب الله سبحانه وتعالي
        فلازم ربنا يسحب منك النعمة دي ولو حتي يوم ولو أسبوع عشان لما تلاقي نفسك وقعت
        تدعي ربنا وتقول ده أما مكنتش غير بيك ياارب..إنجدني ياارب ورجعني تاني ياارب
        هو ده مراد ربنا
        إوع لما تقع تزعل ..ده ربنا بيربيك
        ده ربنا يريد إن يدخل في قلبك معني لو مدخلش في قلبك هتبقي غلبان وهتضيع
        المعني ده اللي هو
        ((إنك إنت بالله ومفيش حاجه في حياتك غير بالله))
        وإنه لا حول ليك عن المعصيه ولا قوة ليك علي الطاعه إلا بالله عز وجل
        بس المهم ان لو حصل فتور أو أي عارض بعدك فتره عن ربنا لازم ميحصلش يأس وإحباط بل بالعكس يبقي في بعدها انطلاقه جديده في علاقتنا بالله عز وجل
        إزااااااي؟؟
        ما هو خط التراجع؟؟ما هو حل الوقوع؟؟
        إن أنا أقول سوف أقوم بين يدي ربي..هتقف ليلة تستغيث وتتوسل وتقول يااااااااارب
        طب لييه الحل ده؟؟
        لأن ربنا أصلا لم يبتليك إلا لكي تخرج منك كلمة يااارب لكي يتحقق مقام الإفتقار فيك
        يقول الله تعالي ((فلولا إذ جاؤهم بأسنا تضرعوا))
        إذاً حل الفتور والإنتكاسه العارضه هو توسل الأسحار

        ----------
        القاعده العاشره :
        إحذر من المفارق الخطره((عوائق الطريق))
        يوجد أربع مفارق خطره هتقابلك في حياتك
        ويوجد 3 عوارض خطره هتقابلك
        الأربع مفارق الخطره لابد أن نرتب فيهم الدنيا علي الدين
        1-الكليه اللي هتدخلها
        (لو دينك في خطر لو دخلت كليه معينه يبقي دينك أولي)
        2-العمل اللي هتقبله
        (كسب عيشك هتأكله منين؟؟)
        3-قرار الزواج
        هتتجوز مين؟؟هتتجوزي مين؟؟؟
        نشوف في فترة الخطوبه هل الدين والإلتزام في زياده أم لا؟؟
        4-مكان السكن
        العوارض الثلاثه الخطره ..عوارض بتعطل لفتره
        العارض الأول:فترة الإمتحانات
        العارض الثاني:فترة الجيش
        العارض الثالث:فترة التحضير للزواج من الأخ والأخت
        الحل هو :
        إياك أن تنعزل عن بيئة الإلتزام
        أي دنيا هتعطلك عن دينك..
        هتعطلك عن الإتصال بالحبل السري لدينك..
        أي دنيا هتعطلك عن الإتصال ببيئة الإلتزام اللي هي الدروس والصحبه ..
        إيااك أن تقبلها وإلا تكون بتخسر دينك

        أخر وصيه::
        لابد أن يكون لك طموح عالي في الحياه
        الصحابه من كثرة الشوق للجنه وصلوا إلي مقام
        ((تمنوا الموت))
        سيدنا إبراهيم عليه السلام من كثرة الشوق إلي الله وصل إلي مقام
        ((إني مهاجر إلي ربي))
        الصالحين من كثرة الشوق للوصول إلي الله وصلو إلي مقام
        ((أُولَئِكَ الَّذِينَ يَدْعُونَ يَبْتَغُونَ إِلَى رَبِّهِمُ الْوَسِيلَةَ أَيُّهُمْ أَقْرَبُ وَيَرْجُونَ رَحْمَتَهُ وَيَخَافُونَ عَذَابَهُ إِنَّ عَذَابَ رَبِّكَ كَانَ مَحْذُورًا))

        طموح إيماني ..طموح عالي في قلبك
        كان رسول الله صلي الله عليه وسلم يقول كل يوم صباحا ومساءا
        ((اللهم إني أسألك خير هذا اليوم فتحه ونصره ونوره وبركته وهداه))

        إياك طموحك في الدين يقل
        بداية الإسلام بدأت بكلمه((إقرأ))
        الكلمة أصبحت الأن مليار و400مليون مسلم
        يااجماعه إياكوا تستقلوا أو تصغروا أي خطوة هتأخذها لربنا أو أي حاجه هتعملها في طريقك إلي الله
        يقول الله عز وجل في الحيث القدسي:
        ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة))
        رواه البخاري
        وصلى الله على نبينا محمد وعلى آله وصحبه أجمعين..


        سبحان الله..الحمد لله
        لا إله إلا الله..الله أكبر
        لا حول ولا قوة إلا بالله العلي العظيم
        اللهم أعنا علي ذكرك وشكرك وحسن عبادتك
        اللهم وفقنا لكل ماتحب وترضي
        اللهم استرنا فوق الأرض..واسترنا تحت الأرض..واسترنا يوم العرض عليك
        اللهم يسر لي الأصلح اللهم اشرح صدري للأصلح للأحب إليك، لما فيه صلاحي في الدنيا والآخره
        أسأل الله عز وجل أن يتقبل منا أعمالنا خالصة لوجهه الكريم
        وأن يجعلنا من أهل الفردوس إنه على ما يشاء قدير
        اللهم إنك تعلم ما في نفسي وتعلم حاجتي فأعطني سؤلي واجبر بخاطري ..
        ياااااااااااااارب
        اللهم آمييييييييين
        اللهم لك الحمد كما ينبغي لجلال وجهك وعظيم سلطانك
        اللهم صلي وسلم وبارك علي سيدنا وحبيبنا محمد وعلي آله وصحبه أجمعين
        اللهم إني ظلمت نفسي ظلماً كثيراً فإغفر لي فإنه لا يغفر الذنوب إلا أنت

        تعليق

        • #5
          رد: ارجوالمساعدة انا بحاجة لتفريغ بعض الدروس المهمة بالنسبة لي

          الحمد لله جزااااااااااك الله الفردوس الاعلى اختي سارة

          اسال الله العظيم ان يجعلها في ميزان حسناتك

          وكما قلتي ان هدا الدرس تحديدا مهم جدااا لكل من هو لسة في بداية الالتزام ومش عارف يبدا
          ازاي وهدا هو حالي وحال الكثيرين والله المستعان

          عندي طلب هل يمكنني ان انشر هدا التفريغ واوزعه لكي تعم الفائدة ان شاء الله

          إذاسجدت فأخبره بأسرارك ولا تسمع من كان بجوارك ناجيه بدمع عينيك فهو سبحانه للقلب مالك ستنال بإذنه ما كان في بالك واشكره في جميع أحوالك

          تعليق

          • #6
            رد: ارجوالمساعدة انا بحاجة لتفريغ بعض الدروس المهمة بالنسبة لي

            المشاركة الأصلية بواسطة روح تائبة مشاهدة المشاركة
            الحمد لله جزااااااااااك الله الفردوس الاعلى اختي سارة


            اسال الله العظيم ان يجعلها في ميزان حسناتك

            وكما قلتي ان هدا الدرس تحديدا مهم جدااا لكل من هو لسة في بداية الالتزام ومش عارف يبدا
            ازاي وهدا هو حالي وحال الكثيرين والله المستعان

            عندي طلب هل يمكنني ان انشر هدا التفريغ واوزعه لكي تعم الفائدة ان شاء الله


            بسم الله الرحمن الرحيم
            السلام عليكم ورحمة الله وبركاااااااااته

            جزاكِ الله خيراً أختي روح تائبه
            الحمدلله إنك إستفدتي من تلخيص الدرس..وجزاكِ الله خيراً علي هذا الدعاء الطيب..بارك ربي فيكِ
            وطبعاً أختي يمكنك نشر وتوزيع التفريغ لتعم الفائده..جعله الله في ميزان حسناتك
            تقبل الله منا ومنكِ
            وصلى الله على نبينا محمد وعلى آله وصحبه أجمعين..


            سبحان الله..الحمد لله
            لا إله إلا الله..الله أكبر
            لا حول ولا قوة إلا بالله العلي العظيم
            اللهم أعنا علي ذكرك وشكرك وحسن عبادتك
            اللهم وفقنا لكل ماتحب وترضي
            اللهم استرنا فوق الأرض..واسترنا تحت الأرض..واسترنا يوم العرض عليك
            اللهم يسر لي الأصلح اللهم اشرح صدري للأصلح للأحب إليك، لما فيه صلاحي في الدنيا والآخره
            أسأل الله عز وجل أن يتقبل منا أعمالنا خالصة لوجهه الكريم
            وأن يجعلنا من أهل الفردوس إنه على ما يشاء قدير
            اللهم إنك تعلم ما في نفسي وتعلم حاجتي فأعطني سؤلي واجبر بخاطري ..
            ياااااااااااااارب
            اللهم آمييييييييين

            اللهم لك الحمد كما ينبغي لجلال وجهك وعظيم سلطانك
            اللهم صلي وسلم وبارك علي سيدنا وحبيبنا محمد وعلي آله وصحبه أجمعين
            اللهم إني ظلمت نفسي ظلماً كثيراً فإغفر لي فإنه لا يغفر الذنوب إلا أنت

            تعليق

            • #7
              رد: ارجوالمساعدة انا بحاجة لتفريغ بعض الدروس المهمة بالنسبة لي

              جزاكـم الله خيرا
              وحفظ الله الشيخ ونفع بهِ

              تعليق

              • #8
                رد: ارجوالمساعدة انا بحاجة لتفريغ بعض الدروس المهمة بالنسبة لي

                بارك الله فيكم
                ونفع بعملكم الطيب
                أَنْتَ وَلِيِّي فِي الدُّنْيَا وَالْآَخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ

                تعليق

                السابق template التالي
                يعمل...
                X