Tweet
السلام عليكم ورحمة الله وبركاته
لحد امتي نحصد خسائر المعاصي
بسم الله ورحمة الله وبركاته
خساير في قلبك إزاي؟ إن تعرف إن كل معصية بتعصيها بتنكت فيها نكتة سوداء على القلب على قلبك على قلبي إزاي كل معصية إزاي؟ يعني إلوقتي إنت بتشرب سجاير بتشرب في اليوم كام؟ يا عم خمس سجاير ماشي ، خمس سجاير أنا بشوف الناس كلها بتفطر على السجاير مش عارف ليه؟ خمس سجاير السيجارة بعشر أنفاس يبقى خمسين نفس خمسين نكتة سوده عارفين يا جماعة في خمس سنين بخمسين ألف نكتة سودة من معصية واحدة طب أومال بقى إليء بيطلق بصره في الحرام في الشارع لا ده لو بص بس خمس بصات في اليوم ، خمس بصات في اليوم يعني خمس نكت سوده ده يا جماعة لو حسبناها بعد خمس سنيني بعشر ألاف نكتة سودة على قلبه، طب أومال لما يتفرج على التلفزبون خمس دقايق بس بخمسين لقطة حرام بس خمسين احسبهم في خمس سنين يبقة بمائة ألف نكتة سودة يعني ملايين النكات السوداء يعني قلبك بقى فحمة والفحم ما لوش مكان غير جهنم يعني لازم تتوبي يعني لازم تفوق خساير قلبية فادحة خساير قلبك ، قلبك قبل المعصية غير بعد المعصية خساير يا جماعة حتى عند الموت (إِنَّ الَّذِينَ تَوَلَّوْا مِنْكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا)ال عمران 155، ذنوب والشيطان وقعهم أحوج ما كانوا للثبات، خافي أحسن في لحظة ضعف إنتي إلوقتي قوية ومش قادرة تواجهي شهواتك أومال عند موتك وإنتي في أضعف حالاتك هتواجهيها إأزاي؟ خاف إن الشيطان في اللحظة دي يخليك تستزل بسبب معصية عملتها، يا ترى يا جماعة كل جارحة الواحد عصى ربنا بيها يا ترى يا جماعة والروح بتخرج منها هيبقى ألم خروج الروح منها قد إيه؟ إلي عاش عينيه هيئة أرصاد خروج الروح من عينيه ألمه قد إيه ؟ إلي سمع كل أغاني الدنيا خروج الروح من ودانه ألمه إيه؟، إلي إغتابت ونمت وإغتابت ونمت وإغتابت ونمت ألم خروج الروح من لسانها إيه؟ إلي إتمنى الحرام وعاش يتمنى الحرام ألم خروج الروح من قلبه شكله إيه ؟. إلي أكل حرام ألم خروج الروح من بطنه إيه؟ إلي مشي وإتمشى مع دي ومع دي وهي ألم خروج الروح من رجليه شكله إيه؟ يا جماعة إلي وقع في الكبائر والموبقات ألم خروج الروح من كل عضو من إلي عصى بها ربنا شكله إيه؟ إطلع يا ابني إطلع من شبكة العنكبوت إلي إنت فيها إطلعي يا بنتي إطلعي من شبكة العنكبوت، شهوات أهل الباطل عملوا شبكة عنكبوت للشباب شبكة كلها شهوات طب إلي هيقع في شبكة العنكبوت هيحصله إيه؟ أنا منظر من المناظر إلي ممكن تشوفها لما تروح تتدبر في بعض المناطق الخلوية عنكبوت بس فيه عنكبوتات كبيرة فيه عنكبوتات خطيرة جداً يا جماعة جدا عنكبوت نازل الشبكة بتاعته فجت حشرة لا أذكر إن كانت نحلة ولا إيه جت حشرة ووقعت في الشبكة دي منظر العنكبوت وهو بيلتقم الحشرة ما تعرفش هو دخل إزاي إيه الجزء إلي من جسمه إلي بلعها جواه في لحظة واحدة منظر رهيب ، إلي هيقع في شبكة العنكبوت مستني إيه مستني إلي هيحصله إيه متوقع إيه إطلع يا ابني من شبكة العنكبوت ، فيه سورة إسمها سورة العنكبوت في القرآن عن شبكات العنكبوت إلي بتستنى كل واحد يدخل في طريق ربنا إزاي ينجوا منها؟ شبكات العنكبوت ما بتتكونش غير في الأماكن المهجورة ، أوعي قلبك يبقى بيت مهجور ما فيش فيه قرآن أوعى حياتك تبقى خراب ما فيش فيها دين ولا صحبة صالحة، أخواني في الله خسائر المعصية عند الموت خسائر المعصية في الدنيا كلها رهيبة لازم نقف مع نفسنا وقفة، أنا كلمتك عن خساير كتير خساير مادية خساير نفسية خساير في علاقتك بالله خساير بعلاقتك بالمخلوق خساير إلي في نعم ربنا إلي بتزول بسبب المعاصي خساير يا جماعة نفسية في قلوبنا خساير يا إخوانا أخروية مستيانان والعياذوا بالله خساير عند الموت خساير في قلبك وفي دينك خساير عامة في الدنيا كلها والمجتمع كله بسبب العاصي ، المعصية الواحدة زلزال المعصية دي بركان ، إحنا إغترينا بحلم ربنا ما خدناش بالنا أصلاً المعصية دي ممكن تعمل إيه ما حناش فاهمين إن المعصية دي ممكن يتخسف بها الأرض وإلي عليها حفلة واحدة بها أهل الأرض كلهم حفلة واحدة ومسكوت عليها قناة فاسدة واحدة ممكن يمسخ بيها أهل الأرض كلهم ، خساير في كل ساعة من حياتك هتتحسر عليها يوم القيامة غير خساير لسة كتير عايزين نتكلم عنها يا جماعة لحد إمتى هيوريك عبرة مش هيخليك عبرة لحد إمتى هيحلم عليك عليكي، لحد إمتى شهوات قلبك هيحلم عليها لحد إمتى نزيف الخساير هيفضل مستمر ، أنا عايزك أنا عايزك أنا عايزكم تجيبوا كل المعاصي إلي في حياتكم أنا عايزك تجيب الكومبيوتر بتاعك على المحمول بتاعك على الصور إلي عندك على الألبومات على الشرايط على علبة السجاير ولا علب السجاير على كل المعاصي على هدومك المتبرجة على ميكياجك على الصور إلي في محفظتك في شنطتك على على تجيب كل ده وتحطه قدامك وتكلمهم تقولهم أنا لجأت ليكم عشان أعيش سعيد أنا ما خدتش من وراكم غير التعاسة أنا لجأت ليكم عشان أرتاح أنا ما خدتش من وراكم غير العذاب، قطعتوا بيني وبين ربي ومولاي وحبيبي عيشتوني مهدد في حياتي مهدد يا ترى الضربة هتجيلي منين مهدد أن أموت على سوء خاتمة مهدد بعذاب الآخرة مهدد بإنتقام ربنا حاسس إن ربنا مش معايا حاسس إن ربنا ما عدش بيسمعني والعياذوا بالله أنا كسبت منكم إيه؟ إنتوا خلتوني أخسر كل حاجة.
تعليق