تفريغ شريط .:: روحــي فداك يا رسول الله ::. // مفهرس

[(الزهراء)]

روحى فداك يا رسول الله ..

صلى الله عليه وسلم .. حقيقة عايزين نبدأ الدرس بمشهدين فى غاية الجلال و الجمال ..

المشهد الأول :
رواه الحاكم بسند صحيح "
أن النبي صلى الله عليه وسلم فى آخر غزوة
أحد أرسل زيد بن ثابت ليلتمس له سعد ابن ربيع قال التمس لى
سعد بن ربيع فاذا رأيته فاقرأة منى السلام و قل له رسول الله يقول
كيف تجدك - أى كيف حالك - فوصل له زيد فوجده فى الرمق الأخير - آخر لحظه فى
حياته - فقال له رسول الله يقرأ السلام و
يقول كيف تجدك فقال و على رسول الله
السلام قل له يار سول الله إنى لأجد ريح
الجنة و قل لقومي الأنصار لا عذر لكم عند
ربكم إن يخلص إلى رسول الله مكروه و فيكم عين تطرف " .. اوعوا حد فيكم يكون عايش
و النبي يوصله اى مكروه طول ما أنت عايش هيا دي المسأله ..

المشهد الثاني :
النبي و هو عائد من غزوة أحد فسبقهم
النبي صلى الله عليه وسلم فالصحابة عدوا
على امرأه من بنى دينار هذة المرأة قتل أو استشهد أربعه من أقرب الناس إليها أبوها و أخوها و زوجها و ابنها مين يتحمل هذا الكلام . تخيل واحده أبوها قتل و أخوها و ابنها و
زوجها فكانوا يقولون قتل أخوك ترد تقول و
ما صنع رسول الله ، قتل أخوك و ما صنع رسول الله ، قتل زوجك و ما صنع رسول الله ، قتل أبنك و ما صنع رسول الله فى كل مرة
تقول نفس الكلمة و ما صنع رسول الله
عائلتي كلها فدى النبي مش مشكلة المهم
هو عامل ايه . شوف الكلام يا اخى كلام و
الله العظيم لما تقعد تتأمل فيه تتعجب يعنى
كيف وصل بها الحب الى هذه الدرجة هل
ممكن حد فينا توصل محبته للنبي لدرجة ان
لما يقولوا له عائلتك كلها راحت يقول لهم
و النبي عامل ايه ها حد بيقرب للنبي اوعوا يكون فى حد بيسب النبي اوعوا حد يكون
فى حدبيعمل حاجة للنبي . اوعوا حديكون بيحارب سنة النبي طول ما النبي كويس
الدنيا كلها تروح مش مشكلة .. فقالت اريد
ان اراه فلما ذهبوا بها الى النبي صلى الله
عليه وسلم نظت اليه و قالت يا رسول الله .. شوف المنهج الواضح شوف الحب اللى
واضح كالشمس فى رابعة النهار فقال يا
رسول الله كل مصيبة بعدك جلل يا رسول الله
أى حاجة فى الدنيا تحصل و لا ليها لزمة
المهم انك تكون بخير صلى الله عليه و
آله وسلم ..

بل كان الصحابة دا دأبهم بئي كان لما واحد
فيهم يحب يكلم النبي كان دايما يصدر كلامه
مع النبي بالجملة دي " بأبي و أمي أنت يا رسول الله " ما الذى أضحك " بأبي أنت و أمي يا رسول الله " أين كنت " بأبي أنت و أمي يا رسول الله " فبما تأمرنى دايما يصدرها بأيه " بأبي أنت و أمي يا رسول الله " ،،
ليه مقولوش بزوجتى أنت و أولادي لان الاب و الام اغلى عند الواحد من زوجته و أولاده دا شئ طبيعي لأن سبحان الملك يعنى النبي صلى الله عليه وسلم الوالد أوسط أبواب الجنة و لما يسأل من أحق الناس برجل قال أمه و قال من أحق الناس بالمرأة قال زوجها . اخذت بالك المسألة ما شية ازاى فيا جماعة المسأله أن احنا شايفين الصراع الى بيدور على أرض الله سبحانه و تعالى إن أناس لا يعرفون شيئا و انت مش عايزة أقولك إنهم معذورين هما لو يعرفوا مكنوش يعملوا كدا و زى ما بنقول دايما و الله لو عرفوا رسول الله لاحبوه دا يعنى احنا قولنا قبل كدا يا جماعة ان حبر من احبار اليهود و الحديث رواه مسلم الى هو عبد الله بن سلام و انت عارف اليهود نسال الله عزوجل العفو العافيه يعنى
" َلتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ "
[المائدة:82]
فتخيل بئي لما يكون مش واحد يهودي دا حبر يعنى ايه عالم
من كبارعلماء اليهود و الدليل ان عبد الله بن سلام لما أسلم
راح للنبي فقال" يا رسول الله إن اليهود قوم بهت "
ناس ظلمه و مفتريين و هيفتروا
عليا و هيقولو لك عنى كلام وحش جدا فانا عايزك تبعت لهم
و تخبينى فى حته و تسألهم عنى قبل ما يعرفوا انى اسلمت فبعت
لهم النبي و قال " يا معشر اليهود ما تقولون فى عبد الله بن سلام "
قالوا سيدنا و ابن سيدنا و إمامنا و ابن إمامنا و عالمنا و ابن عالمنا .. و قعدوا ايه خلصوا كلمات اللغة العربية كلها عليه أخذت بالك
فطلع فساعتهاالنبي و قاله له ايه فماذا تقولون لو أسلم
.. أسلم الشر بره و بعيد يسلم
ايه معقول يسلم و يصبأ و يدخل فى دين محمد صلى الله عليه وسلم
فخرج عبد الله بن سلام من وراء الستا فى اللحظه دي فقال يا معشر
اليهود قال أشهد أن لا اله الا الله و أن محمداً رسول الله صلى الله
عليه وسلم ،، مش قاموا من المجلس بتاعتهم لسه قاعدين محدش
منهم اتحرك فقالوا للنبي هذا سفيهنا و ابن سفيهنا و جاهلنا و ابن
جاهلنا يا نهار ابيض ايه الى حولهم 180 درجة كدا هما كدا اليهود فتخيل
لما يكون بئي حبر من أحبار اليهود و الحديث رواه مسلم لما دخل
النبي انجفل الناس اليه - يعنى ايه انجفل يعنى اسرعوا علشان يشوفوا
النبي - قال فكنت فيمن انجفل اليه شوف بئي الشاهد فلما رأيته و
نظرت الى وجهه علمت أن هذا الوجه ليس بوجه كذاب علشان كدا
بقولك الناس دى لو تشوف النبي لو يعرفوا النبي لاحبوا النبي صلى الله
عليه وسلم فالصراع الذى يدور الان بين الحق و الباطل قديم بقدم
الزمان و المكان و دي مش أول مرة يا جماعة يسب فيها النبي صلى
الله عليه و سلم و لا آخر مرة علشان تكون عامل حسابك يعنى لا
هى اول مرة و لا اخر مرة الصراع بين الحق و الباطل سيدور الى ان
يرث الله الارض و من عليها النبي من أول لحظه صرح فيها بكلمة
التوحيد قولوا " لا اله الا الله تفلحوا " الدنيا كلها وقفت ضده شوفوا
اد ايه و مين أقرب الناس اليه سبحان الملك حديث رواه البخارى النبي
أول ما نزلت عليه الرسالة قام و صعد على جبل الصفا و راح منادى
على الكفار قال و صبحاه فاجتمعوا فقال ارايتم لو أنى اخبرتكم ان
خيلا وراء هذا الوادي تريد أن تغير عليكم و فى روايه ارايتم لو انى
اخبرتكم ان العدو مصبحكم او ممسيكم أكنتم مصدقى قالوا أجعل
ما جربنا عليك كذبا قط - هما الى شهدوا على انفسهم قالوا ايه
ما جربنا عليك كذبا قط عمرنا ما سمعنا انك كذبت و لا شفناك
بتكذب ما هو الصادق الامين صلى الله عليه وسلم فقال انى نذير لكم بين يدى عذاب شديد أول من اعترض عليه مين عمه أبو لهب سبحان الله و
شوف من تقدير الله و ابو لهب كان وجه ابيض مشرب بحمرة و كان
احول فسبحان الله وشه مضيئ جدا فبدل ما يقولوا ابو الضوء لاء
ابو اللهب ابو النار .فضل ماش وراه اول ما سمعه قال كدا فقال
تبا لك سائر اليوم الهذا جمعتنا فنزل قول الله عزوجل
{تَبَّتْ يَدَا أَبِي لَهَبٍ وَتَبَّ}
*1*المسد
الى آخرة .. فى يوم من الايام راح الرسول صلى الله عليه وسلم يبلغ دعوة الله عز وجل فى سوق ذى المجاز و عمال يكلم الناس فى الاسواق ، النبي كان فى اى مناسبة يا جماعة لا يفتر عن الدعوة الى الله سبحانه و تعالى فيقول للناس جملة واحده علشان تقدر تستوعب قولوا لا اله الا الله تفلحوا بس كدا و من روائه ابو لهب يقول لا تصدقوه انه صابء كاذب . مع انه ما جربنا عليك كذب قط مفيش مبدأ الكفر مله واحده . يقول الراوى فسألت رجلا من هذا قيل هذا عمه ابو لهبي يبئي من اول لحظه صرح فيها النبي بكلمة التوحيد لقى الشتيمة و الاذى و اتهموه باشنع التهم .. النبي صلى الله عليه وسلم وضع سلل الجزور على ظهره و رمى التراب فوق رأسه صلى الله عليه وسلم و خنقة عقبه بن ابي معيط و بصق فى وجهه اكتر من كدا و جاءوه مره و وضع رجله النجسه على مؤخرة راس النبي و هو يصلي و ضغط على ايه على رقبة النبي حتى قال النبي كادت عينيا تنضران من رأسي و فوق كل دا اتهموه بالسحر و الشعر و الجنون و الكهانة و طردوة من مكة و خرج هو يبكى و هو يقول و الله انك لاحب بلاد الله الى الله و انك لاحب بلاد الله الى رسول الله و لولا ان قومك أخرجونى منك ما خرجت و يدبروا مؤمرات تلو المؤامرات تسع محاولات لقتل النبي و ينجيه الله عزوجل من كل محاوله لقتله صلى الله عليه وسلم و فوق كل دا لما راح من مكه و راح المدينه مش سكتوا تحولت الحملة من حملة كفر لحمله المنافقين الى بدأوا يندسوا فى صفوف المسلمين علشان يكيدوا للنبي و المسلمين صلى الله عليه وسلم يتهموا النبي فى عرضه و هو القائم على صيانه حرمات المسلمين و اعراضهم صلى الله عليه وسلم يتهموه أن امنا عائشة قد وقعت فى الفاحشة . يتهم صلى الله عليه وسلم ودى كانت أشد محنه و أشد أزمة مرت ببيت النبوه و الوحى يتأخر شهر كامل علشان يغربل كل المسلمين دول علشان يشوف مين هيقع فى الكلام دا و مين هيعصم نفسه و مين هيحفظ لسانه اتغربل المجتمع كله . بعدها ربنا سبحانه و تعالى يقول ايه
" لَا تَحْسَبُوهُ شَرّاً لَّكُم بَلْ هُوَ خَيْرٌ "
سورة النور*11*
سبحان الملك و يوم الطائف ضربوا النبي و أدموه ويوم أحد ضرب النبي و دخلت حلقات المغفر فى وجنتي النبي و جاء ابو عبيد الجراح رضى الله عنه و ارضاه فوجد حديدتين داخلين فى وجنتي النبي هتطلعهم ازاى أيد أقوى صح و لا لاء .. لا لا اتكسف يضع أيده على وش النبي أنا أضع إيدى على وش النبي مينفعش راح حاطط أسنانه و راح مطلع الحلقات بين أسنانه و هو بيطلعها كانت شديدة جدا فأسنانه الاماميه الصف الى فوق و تحت كلها وقعت فاصبح ابو عبيده أهتم مفيش سنان يقول الصحابه فما رؤي هتم قط اجمل من هتم أبو عبيدة لان أسنانه سقطت دفاعا عن النبي صلى الله عليه وسلم و يجى واحد تانى بردوا بعد أبو عبيدة و يجى واحد تانى بردوا بعد ما ابو عبيده طلع الحلقات طبعا بعدها لازم تطلع الدم المحبوس . اوعى تقول دم فاسد النبي ليس به دم فاسد صلى الله عليه وسلم . الدم المحبوس كان وراء الحلقات دي فعايز يطلعها ابو عبيده لسه قال لا لا سيبها لى انت عملت الى عليك وقعت أسنانك أنا اضبط نفسي بئي فراح مص الدم الى فى وجة النبي فلما مصه فالدم فين فى فمه فقال الرسول مُجه -يعنى خرج الدم من فمك - فابتلع دم النبي صلى الله عليه وسلم قال ما كنت لامج دمك يا رسول الله فتبسم النبي و قال من سره أن ينظر إلى رجل من أهل الجنة فلينظر الى هذا الرجل يالله ايه دا . ايه الحب و الكمال دا كله يا جماعه أشياء و الله فوق الخيال متخيلش ان فى جيل أصل ربنا مختارهم له الصحابة اختيار ربنا . ربنا الى اصطفى الصحبه علشان يكونوا مين أصحاب النبي صلى الله عليه و سلم و هو دا قدرهم و هى دى مكانتهم رضى الله عنهم و ارضاهم .. فى يوم أحد النبي انضرب الحلقات دخلت فى وجنتيه و ضرب النبي و شج جبينه و انكسرت ربعايته و نزفت الدماء الشريفة من وجه و وقع فى شراك قد نبوه له شبكه كدا فى حفره نصبوها له و نزل النبي وقع فيها بالفعل و انكسرت ربعياته و شج جبينه و النبي كان تعبان و ضربه ابن قمئه ضربه بالسيف على عاتقه ضربه اثرت فى النبي شهرا كاملا فقال خذها منى و لا ابن قمئه . فالقصد من كل هذا ان الحرب لم تتوقف على النبي منذ بعثة النبي و الى أن يرث الله الارض و من عليها علشام مجيش كل فترة تلاقى واحد يهودي رسم النبي فى صورة كا او واحد دنماركى عمل كذا و تقول ايه الى بيحصل دا اعرف ان دا الاصل هما ايه
" وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ "
)(البقرة: الآية120)
هى دي المسـألة طيب ليه مش قال ملتهما مش كان السياق يستوجب ذلك و لن ترضى عنك اليهود و لا النصارى تتبع مش هما اتنين ملتهما قالك لاء ملتهم ليه لان الكفر ملة واحده واضح .. و فصل بينهما بـ و لا ليه لأن الاتنين بيكرهوا بعض لكن لا يجتمعوا الا عداء النبي صلى الله عليه وسلم واضح يا جماعة علشان كدا فصل بينهم بـ و لا .. فالصراع بين الحق و الباطل سنه من سنن الله فى الكون قال عزوجل عن المؤمنين و محاربة المجرمين لهم
" إِنَّ الَّذِينَ أَجْرَمُوا كَانُواْ مِنَ الَّذِينَ آمَنُوا يَضْحَكُونَ{29} وَإِذَا مَرُّواْ بِهِمْ يَتَغَامَزُونَ {30} وَإِذَا انقَلَبُواْ إِلَى أَهْلِهِمُ انقَلَبُواْ فَكِهِينَ{31} وَإِذَا رَأَوْهُمْ قَالُوا إِنَّ هَؤُلَاء لَضَالُّونَ{32} وَمَا أُرْسِلُوا عَلَيْهِمْ حَافِظِينَ{33} فَالْيَوْمَ الَّذِينَ آمَنُواْ مِنَ الْكُفَّارِ يَضْحَكُونَ{34} عَلَى الْأَرَائِكِ يَنظُرُونَ{35} هَلْ ثُوِّبَ الْكُفَّارُ مَا كَانُوا يَفْعَلُونَ{36} "
سورة.المطففين
سبحان الملك فلما يكون دا الحال مع المؤمنين فما ظنك بالحال مع الأنبياء و المرسلين و النبي قال كدا أشد الناس إبتلاء الانبياء . يبقى اكتر ناس هيبتلوا على الأرض مين الأنبياء . وأفضل الانبياء من ما تصلى عليه النبي صلى الله عليه وسلم يبقى اكتر واحد هيبتلى على وجه الأرض منذ ان خلق الله آدم عليه السلام و إلى ان يرث الارض الله و من عليها هو النبي صلى الله عليه وسلم و علشان كدا ربنا قال ايه و كذلك جعلنا لكل نبي عدواً من المجرمين شوف المسأله عامله ازاى لابد يكون فى مجرمين اه دا ظهور المجرمين دول دليل من دلائل النبوة و علامة من علامات النبوة لانه لا يمكن هو دا النبي فعلا صلى الله عليه وسلم الا اذا كان كل العلامات التى أخبر بها ربنا هى الى ظهرت و فعلا كل شئ جاء عن النبي يؤيد أنه هو النبي صلى الله عليه وسلم و احنا مش محتاجين دليل علشان نعرف أنه هو النبي احنا عارفين انه النبي صلى الله عليه وسلم .. يعنى على سبيل المثال مش كنات بنتكلم بنقول دلوقتى أن اكبر أزمة دخلت بيت النبوة هى حادثة الافك . طيب لو كان القرآن من عند النبي ما كان من تانى يوم ينزل برءاة امنا عائشة صح و لا لاء فى حد فى الدنيا يسمع عن حبيبته دا احب الناس اليه يا جماعة لما سُُـئل النبي " من أحب الناس اليك يا رسول الله قال عائشة قيل فمن الرجال قال أبوها "و الحديث رواه مسلم
عائشة و ابوها الاتنين اغلى اتنين عند النبي عليه الصلاة والسلام و بعدين عائشة احب الناس اليه و تتهم فى شرفها طيب النبي يسكت ازاى دا شهر كامل مأساة و رغم ذلك النبي مقلش و لا حاجة لو كان النبي جاب القرآن من عنده كان تانى يوم يا أيها الذين ءامنوا ان عائشة بريئة مطهرة و الاية نزلت حد هيقوله لاء ما هو رسول الله فتأخر الوحى من اكبر دلائل النبوة للنبي صلى الله عليه و سلم يبقى ايه
" وَكَذَلِكَ جَعَلْنَا لِكُلِّ نَبِيٍّ عَدُوّاً مِّنَ الْمُجْرِمِينَ "
(31الفرقان)
واحد يقلك طيب و ليه النبي يكون له أعداء طيب دا أنا اعرف ناس ملهومش أعداء ابدا يقولك فلان دا رجل فاضل مفيش حد بيكرهه أبدا أقولك يبقى منافق لان أى انسان صاحب قضيه خذ بالك من النقطه دى مهمة جدا اى انسان صاحب قضية يأمر بالمعروف و ينهى عن المنكر لازم لازم يكون له أعداء دا لازم يا جماعة دا ربنا له اعداء ربنا . البشرية مجتمعتش على ربنا 6 مليار ربنا خلقهم موجدين الان منهم مليار و 300 مليون مسلمين و الباقى يكفرون بالله 5 مليار تقريبا بيكفروا بالله هل ربنا اجتمع عليه حد ابدا و كما قال الشاعر و الله لو صاحب الانسان جبريلا لم يسلم المرء من قال و قيل قد قيل فى الله اقوال مصنفة تتلى اذا رتل القرآن ترتيلا قيل ان له ولدا و صاحبة زورا عليه و بهتانها و تضليلا هذا قولهم فى الله خالقهم فكيف لو قيل فينا بعض ما قيل دا ربنا سبحانه و تعالى اتهموه بانه هو سبحانه و تعالى و فعل كذا و أن الله فقير و أشياء يندي لها الجبين و دا مين ربنا ..

" وَامْرَأَتُهُ حَمَّالَةَ الْحَطَبِ{4} فِي جِيدِهَا حَبْلٌ مِّن مَّسَدٍ{5} " المسد
شوف علامات عجيبة جدا لهذة المرأة .. المرأة دى كانت غنية جدا على فكرة كانت بتتهم النبي صلى الله عليه وسلم بالفقر فاتهمت بالبخل ما هو لازم الجزاء من جنس العمل هى غنية جدا لدرجة أنها علشان توفر تمن الناس الى ببشلوا لها الحطب هى تروح تجيب بنفسها الحطب و توديه البيت فاتهمت بايه بالبخل فكانت تضع الشوك فى طريق النبي صلى الله عليه وسلم . النبي هيخرج من الطريق دا تروح رميه له ايه نوع من الاغصان فيها شوك كتير جدا تقوم رمياه فى طريقه علشان النبي يتعور صلى الله عليه و سلم كان النبي يمر على تلك الاغصان كأنها قطعة حرير شوف دفاع ربنا عن النبي عليه الصلاة والسلام و لذلك لما نزلت بئي السورة قالت بس دا بيذمنى دا بيقول كلام عنى فمشيت تردد تلك الكلمات " مزمما أبينا و دينه قلينا و امره عصينا " مذمم يعنى ايه ما هو عكس محمد مزمم فدا من العلامات او الاشياء التى دافع الله عزوجل فيها عن نبيه حتى ان النبي قال للصحابه هل تعلمون كيف يصرف الله عزوجل اذاهم عنى يشتمون و يسبون مزمما و انا محمدا صلى الله عليه وسلم فهما بيشتموا واحد تانى خالص مش الن
بي فراحت واخده شوية حجارة شوف جرأم المرأة يا أخى سبحان الله ما هى المرأة كدا لما تؤمن توزن الف راجل و لما تكفر يتافت لها بلاد ربنا يعافينا . المهم أخذت شوية حجارة و راحت رايحة على مين على حبيبك صلى الله عليه وسلم و رايحه عايزة تضرب النبي بالحجارة داخله عند الكعبه لقت النبي و من بجواره ابو بكر . فابوبكر اول ما شافها قال يا رسول الله هذة المرأة جاءت تريد ان تؤذيك فقال انه سيحال بينى و بينها و بدا النبي يقرأ القرآن اول ما وصلت قالت أين صاحبك سمعت أنه قد هجانى قال لا و رب هذة البنيه ( اى الكعبه ) ما هجاكِ و ما تكلم بالشعر قالت صدقت و مشيت فحال الله بينها و بين النبي صلى الله عليه وسلم . تموت ازاى بئي مرة من المرات شايله الشوك و معدية تعبت قعدت و هى قاعده و مسك حبل و رابطه فيه حزم الحطب فشدها ملك من خلفها فماتت اتخنقت و فوق كل دا يجمع الله بينها و بين حبيب العمر ابو لهب . بالاضافه الى نهاية ابو لهب فى الدنيا جاء له مرض اسمه العدسه و هو مرض معدى فتركه ابنائه لحد حتى ما تعفن و لم يدفنوه .. فسكبوا عليه ماء من بعيد و حملووه الى اعلى مكه و ردموا عليه بالحجارة كل دا لمين لمن عاد النبي صلى الله عليه وسلم . الثالث عبد الله بن قمئه فى غزوة احد و يضرب النبي مرتين مرة بايه بحلقات المغفر فدخلت فى وجنت النبي صلى الله عليه وسلم و المرة التانيه راح ضربه بالسيف على عاتقه فشكى النبي شهرا كاملا قال له ايه خذهامنى و أنا ابن قمئه فقال له النبي مالك اقمأك الله جل و علا فطلع بعد غزوة أحد رايح يطمن على اهله فلما راح هناك لقى الغنم بتاعته اعزك الله كانت بتلعب حتى صعدت لفوق الجبل راح يلمها و هو بينادي على الغنم فسلط الله عليه تيس ( تيس صغير ) فنطحة بقرونه من أعلى الجبل فنزل متقطع حتت ربنا لم يسلط عليه جبريل و لا ميكائيل و لا اسرافيل و لا اى حد و لا امر الجبل يتهد بيه و لا الارض تبلعه و لا البحر لا لا تيس هذا هو مقامه سبحان الله دا واحد من الى كانوا بيعادوا النبي صلى الله عليه وسلم .. مثل رابع و أخير و الحديث فى صحيح مسلم واحد نصرانى أسلم فى عهد النبي و كان يكتب للنبي و حفظ سورة البقرة و آل عمران ثم بعد ذلك أرتد و تنصر مرة أخرى و يقول لهم و الله ما يعلم محمدا الا ما كتبت له - و الله ما يعرف حاجة خالص دا انا الى كنت بألف له الوحى من عندى - فأماته الله فقام النصارى بدفنه تانى يوم الأرض لفظته لقوه فوق الارض بعد ما ادفن ،نغوط بئي كدا و نحفر تحت خالص و ندفنه مثلا دفنوه تحت متر لاء يبئي مترين و دفنوه تانى يوم لقوا الارض ايه لفظته قالوا بس محمد و أصحابه هما الى عهملوا كدا ثالث مرة مثلا عملوا ايه حفرين 4 متر و منزيلنه تحت راحت الارض لفظته . فعلموا ان هذا ليس من صنع محمدا انما هو من صنع رب محمدا صلى الله عليه وسلم شئ فوق الخيال .. الشيخ ابن تيميه رحمه الله رحمة واسعة بيقول حدثنى من أثق به من الثقات من أهل العلم أنه عندما كانوا يحاصرون حصون الروم فى بلاد الشام كان يحصل ايه الحصون طبعا منيعه جدا تعرف يعنى ايه حصن حصن بيتقفل و هما عندهم خزين اكل يكفيهم شهر شهرين تلاته او اكتر فالتالى مش هيفتحوا و المسلمين مش قادرين يدخلوا ايه الى يحصل يقولك نكاد أن نيأس من فتح هذا الحصن و اذا برجل منهم من الروم يقوم فيسب صلى الله عليه وسلم و اذا بالحصن يفتح فى يوما أو يومين فكان نستبشر اذا سمعناهم يسبون صلى الله عليه وسلم مع ما تمتلئ منه قلوبنا غيظاً و حنقا مما يفعلون مع النبي صلى الله عليه وسلم .. هى دى المسألة اى أمه تسب النبي هذا إيذان بهلاك الامه الدنمارك سبوا النبي صلى الله عليه وسلم هتسمع الى هيحصل للدنمارك ان شاء الله و هذا ليس من باب العلم بالغيب ان قدر الله لهم الهداية فنسأل الله عزوجل ذلك و ان لم يقدر ذلك هتشوف الزلازل و البراكين هتشوف بئي خير كتير المهم مع ان ربنا سبحانه و تعالى هو الى بيدافع عن النبي لكن خذ بالك بئي مش معنى كدا نتخاذل خلاص بئي ريح نفسك دا ربنا هوا الى هيدافع ايوة خذ بالاسباب خذ بالاسباب يا اخى فى الدفاع عن النبي صلى الله عليه وسلم ما هو شرف لك انت ان تذكر النبي شرف لك أنت تدافع عن النبي شرف لك أنت ..
يقول جل و علا "هُوَ الَّذِيَ أَيَّدَكَ بِنَصْرِهِ وَبِالْمُؤْمِنِينَ"
[الأنفال:62،
و قال جل و علا " فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ وَالْمَلَائِكَةُ بَعْدَ ذَلِكَ ظَهِيرٌ "
التحريم: 4.
و سبحان الله من المحن تاتى المنح .. أى محنه فى الدنيا ياجماعة و الله
لابد ان تكون تحتها منحة خيرا لا يأتينا الا من عند الله سبحانه و تعالى شوف ربنا بيقول ايه ...

جاء شباب الى صاحب شركة و قالوا له عايزين كميه علشان نوزعها و راحوا عن الاستاذ و الناس خارجة كأننا 8عايزين نوصل رساله للناس دى انتوا بتحبوا بلدكم و الفريق القومى و حرصيين جدا على انكم تحضروا و تشجعوا و تعملوا طيب عايزين بئي حبكم للنبي يكون أكتر من كدا خدوا شوفوا محبتكم للنبي تخليكم تعملوا ايه .. و كانت فكرة جميلة جدا بـ 5000 جنيه جابوا شرائط و مات الحبيب و قلب موصول بحب النبي صلى الله عليه وسلم و وقفوا امام الاستاد و الناس خارجة يدوا كل واحد شريط فى ايده و يقولوا زى ما حبيت الفريق القومى و حبيت بلدك شجعتها و حب النبي بئي حب النبي اكتر و دافع عن النبي الشريط أثر فى الناس بفضل الله من الموقف دا رجعوا انهاردة يتصلوا بصاحب الشركة و كل يشكره و يبكى جزاكم الله خير ربنا يبارك فيك ادى موقف بسيط جدا . يمكن سامحنى انا واحد من الناس مش فكرت فيه ابدا و لو خطر على بالى كان الواحد بعت عربيه ترلا بشرائط و يوزعها امام الاستاد . و سبحان الله ان يهدى الله بك رجلا واحدا خيرا لم من حمر نعم اذن الامة مفيش بيها حدود و لا فواصل الامه ذابت فى بعضها بئت امه واحدة دفاع عن مين عن صلى الله عليه وسلم .

انتوا عارفين قبل بعثة النبي صلى الله عليه وسلم كان اى واحد يكفر بنبيه ايه الى يحصل ربنا سبحانه و تعالى كان بيسلط علي الامه عذاب الاستئصال اذا كفرت بنبيها واضح كدا
"َكُلّاً أَخَذْنَا بِذَنبِهِ "

و نوع عليهم كل انواع العقوبات سبحان الملك بعد بعثت النبي مباشرة رفع الله عذاب الاستئصال عن كل الامم الكافره و اجل عذابهم الى يوم القيامه
و قال عزوجل " وَمَا كَانَ اللّهُ لِيُعَذِّبَهُمْ وَأَنتَ فِيهِمْ "
الأنفال33.

و كان لها مناسبة لها سبب أن أبا جهل و قف فى وسط الحرم و قال اللهم ان كان هذا هو الحق من عندك فامطر علينا حجارة من السماء أو ءاتنا بعذاب اليم .. انت بتتحدى ربنا فنزل قول الله أكراما للنبي صلى الله عليه وسلم
" وَمَا كَانَ اللّهُ لِيُعَذِّبَهُمْ وَأَنتَ فِيهِمْ وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ "
الانفال33
النبي فى عز الاذى الى كان بياذوه المشركين للرسول عليه الصلاة والسلام كان بيعمل ايه اللهم اغفر لقومى فانهم لا يعلمون يأذوا اصحاب النبي و الصحابه يروحوا يشتكوا له يا رسول الله ادعوا الله على المشركين احنا تعبنا ادعوا الله انت مستجاب الدعاء فيقول " إنى لم أبعث لعانا و انما بعثت رحمه صلى الله عليه وسلم و لما يجي له الطفيل بن عمر الدوسي سيد قبيلة دوس و جاى لمكه يحج و هو داخل المشركين اصطادوه يا طفيل انت رجل عاقل و اوعى تسمع لمحمد فإنه يفرق بين الزوج و زوجه و بين الولد و أبيه و هكذا قال خلاص حط ودانه وقال الباب الى يجيلك من الريح سده و استريح و مشي يطوف حول الكعبه فلقى النبي يصلي قال فابي الله الا أن يسمعنى من قول محمد القرآن يعنى . فقرب منه و قال يا طفيل انت رجل عاقل و مش هتعرف الحلو من غيره و أنت رجل شاعر كمان تفهم فى اللغه فسيبك من كل دا و أسمع له شوف بيقول ايه فراح للنبي و قال أنت الذى تزعم أنك نبي قال هل انزل الله معك شيئا فقال أجل فقرأ عليه آيات من كتاب الله و شوف تخيل نفسك مكان الطفيل و أنت تسمع القرآن من فم من أنزل عليه القرآن صلى الله عليه وسلم ع طول فى ساعتها أسلم .. و راح لقبيله دوس يدعوهم الى الله مين الى استجاب و سيدنا طفيل كانت دعوته شديدة داخل على زوجته اول ماجت تسلم عليه حمد على السلامه قال لها اليك عنى ملكيش دعوة بيه قال فى ايه قال لها لقد أسلمت قالت له خلاص و انا كمان داخل عليه ابوه قاله اليك عنى فاسلم كانت دعوته شديده فجاء يدعو القوم فمحدش منهم ايه استجاب فعاد الى النبي صلى الله عليه وسلم و طلب من طلب شديد قال له يا رسول الله ان دوسا قد عصت و كفرت بالله فادعوا الله عليهم مين الى قاعد حول النبي الصحابة و عارفين دعوة النبي صلى الله عليه وسلم فرفع النبي يديه قالوا بس هلكت دوس خلاص . فقال النبي " اللهم اهدى دوسا و أتى بهم يالله و هدى الله دوسا و أتى بهم صلى الله عليه وسلم على النبي محمد صلى الله عليه وسلم .. يجى له ثمامه بن آثال فالصحابه يقبضوا عليه و يدخلوه المسجد و يربطوبه فى السارية طيب بيربطوه فى الساريه ليه علشان يشوف النبي و هو بيصلى و بيكلم الصحابه و أخلاق النبي و معامله النبي فيمكن يتأثر فشوفوا الحكمه فربطوه فاول ما ربطوه النبي داخل فى الفرية الى بعدها دخل لقى مين ثمامه قال الا تعرفون من هذا قالوا لا يا رسول الله قال هذا ثمامه بن آثال سيد أهل اليمامه . اليمامه كانت قريه كانوا بيحيبوا الاكل و كل شئ لمكه .. فاول ما شاف قال له النبي صلى الله عليه وسلم ماذا عندك يا ثمامه قال عندى خيراً يا محمد . لسه مش اسلم ان تقتل تقتل ذا دم و ان تنعنم تنعم على شاكرا و ان تريد المال عايز فدية علشان تسبينى فسل تعط منه ما شئت . فقال النبي صلى الله عليه وسلم اكرموا ثمامه . نكرم مين الى كان عايز يقتلك . اه تكرموه دى اخلاق النبي .. كل واحد عنده حاجة غاليه راح يوديها لمين لثمامة علشان كلام النبي صلى الله عليه وسلم يوم و اتنين و تلاته فاخر اليوم الثالث قال ماذا عندك يا ثمامه قال عندي خيرا يا محمد ان تقتل تقتل ذا دم و ان تنعم تنعم على شاكرا و ان تريد المال فسل تعط منه ما شئت فقال النبي اطلقوا ثمامه مش عايزين منه حاجة كان ممكن يشترط النبي فياخد منه المال لاطعام الفقراء و تجهيز الجيش صح و لا لاء و حقه .. لكن مش النبي صلى الله عليه وسلم الى يعمل كدا النبي عنده لو أن ثمامه اسلم أفضل عنده من ميت مليون . فالمهم خرج ثمامه و مش رضى يسلم و هو واقف هو شاف الخلق العالى من النبي صلى الله عليه وسلم فخرج مشي بعيد شويه و رجع للنبي صلى الله عليه وسلم و قال أشهد أن لا اله الا الله و أنك رسول الله صلى الله عليه وسلم فقال للنبي صلى الله عليه وسلم و الله يا رسول الله ما كان من وجه أبغض الىًّ من وجهك فلقد أصبح وجهك أحب الوجوه كلها اليًّ و ما كان من دين أبغض الىًّ من دينك فلقد أصبح دينك أحب الدين كله إلىًّ و ما كان من بلد أبغض الىًّ من بلدك فلقد أصبح بلدك احب البلدان كلها الىًّ ثم بعد ذلك قال للنبي صلى الله عليه وسلم قال يا رسول الله انى كنت عزمت على العمرة فبشرة النبي صلى الله عليه وسلم فيقول الحافظ بن حجر اى بشره بالجنة أو مغفرة الذنوب أو بشره بان الاسلام يجب ما كان قبله و يدخل ثمامه بن آثال الى مكه ملبيا و هو أول مسلم على وجة الارض يدخل ملبيا هو ثمامه اول واحد فدخل لبيك اللهم لبيك لاشريك لك لبيك سالوا مين دا قالوا ثمامه بيعمل ايه بيلبي ع طول بالحطب و جرى عليه فضلوا يكسروا فيه من انقذة العباس عم النبي صلى الله عليه وسلم قال الا تعلمون من هذا هذا ثمامه سيد اهل اليمامه يعنى هتجوعوا ان شاء الله خلاص بالسلامه . فتركوه و تانى يوم راح ملبي فراحوا مسكينوه و ضربوه فقال و الله لن تصلكم حبة حنطه - اى قمح - حتى يأذن فيها النبي صلى الله عليه وسلم هى دى بئي المقاطعة الاقتصادية التى تمت من ثمامه فى كفار قريش .. كفار قريش مرفهين جدا فى غزوة بدر كان بيدبحوا عشر جمال كل يوم و الغناء و الراقصات و الخمر يدار فى الفترة دى قريش مش كانت لاقيه العيش الحاف بصدق و الله لدرجة انهم كانوا فى روايه يقولك ايه فجهدت قريش حتى اكلت العلهز - و هو وبر الابل يوضع عليه دم و يشوى و ياكله - ثم ارسلوا للنبي صلى الله عليه وسلم الى نهر الرحمة و ينبوع الحنان و دى الرسالة الثانيه بنبعتها للغرب شوفوا النبي عمل ايه مش انتقم مش عمل شئ وحش مش قالهم بس اسلاميه اسلاميه و دخل كسر الاصنام معملش كدا النبي صلى الله عليه وسلم .. فبعثت اليه و قال يا محمد انك لتصل الرحم و تفعل كذا وكذا فمر ثمامه ان يخلى بيننا و بين الميره فقام النبي صلى الله عليه وسلم و ارسل لثمامه و قال خلى بينهم و بين الميره فقال لهم ثمامه اما اذا اذن النبي فيها لارسلن لكم الميره و بعث لهم الاكل فكلوا بسبب مين النبي صلى الله عليه وسلم .. عمير بن وهب و هو آخر مثل .. بعد غزوة بدر و غزوة بدر قتل فيها 70 من الصناديد الرؤوس الكبيرة بتاعتهم لذلك ابو سفيان بئي زعيم رغم انه كان صغير كان لان كل دول اتقتلوا فايه الى حصل . فتقتل 70 واحد و اترموا فى القليب - وهو البئر الى مفيش فيه ماء - فصفوان ابن اميه واحد من اغنياء قريش واقف مع عميربن وهب وهو فقير جدا و ابنه أتأسر فى غزوة بدر عند النبي صلى الله عليه وسلم فقال صفوان و الله ما فى العيش خير بعد قتل القليب بعد ما اتقتل ابو لهب و ابو جهل العيشه لزمتها ايه .. فقال له عمير و الله لولا دين عليًّ لا استطيع له قضاءً و لولا عيال أخشي عليهم الضيعية لذهبت الان له لاقتله بس صفوان ايه مسك فى كلامه دينك دينى و عيالك عيالي و روح اقتله راح عمير مولع النار و محمى السيف كدا لحد ما احمر و راح غمسه فين فى السم أصبح السيف ايه مسموم بحيث لو ضرب النبي صلى الله عليه وسلم فى اى مكان اصل ممكن ميوصلش لاى مكان رقبته او صدره لكن رجيليه او ائيديه فو ضربه فى اى حته يموت لان السم هيجرى فى عروقه فى ساعتها فراح سامم السيف و طالع على النبي صلى الله عليه وسلم وصل المدينة اول ما وصل المدينة مين الى شافه سيدنا عمر ع طول راح جايبه و انت عارف سيدنا عمر مسكه بيد واحدة و اخذه و داخل بيه على النبي صلى الله عليه وسلم قال له يا رسول الله عدو الله عمير بن وهب ما جاء الا لشر النبي قاله ايه دعه يا عمر . فتركه سيدنا عمر وفضل واقف امام النبي صلى الله عليه وسلم فقال له النبي ماذا عندك يا عمير فيما جئتنا قال جئت من أجل أسيري .. قال أصدقنى يا عمير قال و الله ما جئت الا من اجل أسيري قال بل جلست أنت و صفوان بن أميه في الحجر فقلت كذا فقال لكم كذا و الله حائل بينى و بينك يا عمير ..عمير اول ما سمع الكلام دا صفوان انا سايبه فينن فى مكه و محدش يعرف و بعدين هو قطع الطريق فى مسافه سريعه جدا جدا و محدش معاهم و صفوان مش من مصلحته يقول لحد . فقال و الله ما أعلمك بذلك الا الله فاشهد أن لا اله الا الله و انك رسول الله صلى الله عليه وسلم .. كان من الممكن أن يأمر بقتله لكن لاء قال للصحابه أطلقوا له أسيره و فقهوه فى دين الله ..

و فى الطائف يضرب النبي صلى الله عليه وسلم و تسيل الدماء الشريفة من رجليه ايه الى يحصل يجئ له سيدنا جبريل و الحديث فى البخارى و مسلم و معاه ملك الجبال ملك الجبال يقول لسيد الرجال و الله يا رسول الله لو شئت لاطبقت عليهم الاخشبين - و الاخشبين جبلان بين مكه و الطائف - فيقول لا إنى لارجو الله ان يخرج من أصلابهم من يعبد الله و بالفعل يخرج من ظهر الوليد خالد بن الوليد و من ظهر ابي جهل عكرمه بن ابى جهل هى دى المسأله و يئذوا النبي عليه الصلاة والسلام .. و زى ما قولنا فى الخطبه ان النب كان عنده قوة 4000 رجل بنقول للغرب النبي مكنش ضعيف يا جماعه كان يقدر يعمل حاجات كتير جدا ان كنا احنا اليوم عندما ضعف و وهن و و لكن النبي صلى الله عليه وسلم و الحديث فى البخارى سيدنا انس بيقول لقتادة رضى الله عنهما ان كنا لا نتحدث ان النبي اعطى قوة اربعين رجل زاد ابو نعيم فى صفة الجنة أربعين رجلا من اهل الجنة النبي كان قوته اربعين رجل من اهل الجنة قال النبي فى الطبراني فى الكبير بسندٍ صحيح ان الرجل من اهل الجنة ليعطي قوة مئة رجل فى الطعام و الشراب و الشهوة و الجماع الرجل من اهل الجنة له قوة 100 رجل و تدوم ع طول اضرب 100 فى 40 يطلع كام 4000 لذا علق الحافظ بن حجر فى فتح البارى و على ذلك يكون حساب قوة نبينا محمد صلى الله عليه وسلم بـ 4000 رجل دى الهدية الرابعه للغرب هات لى بئي أعظم واحد على وجة الارض الان و قولى قوته بـ 10 رجاله دا بالكتير ماشي فى حد قوته 4000 رجل النبي كانت قوته 4000 رجل و رغم ذلك لم يقتل الا رجل واحد ابى بن خلف لسبب كان بيسئ الادب مع النبي و يقول له لو لقيتك خارج مكه لاقتلنك مرة و اتنين و عشره حس النبي انها دخلت فى دور المهانه و قال أنا و الله لاقتلنك فقابله فضربه بالرمح فكانت اصابه خفيفه لكنها خلصت على اب بن خلف لما راح لكفار قريش قالوا ما بك ايه الى حصلك دا يدوب كدمة صغيرة قال و الله لو بصق فى وجهى لقتلنى صلى الله عليه وسلم و مات هذا الرجل من أثر تلك الضربه من النبي صلى الله عليه وسلم .. النبي يزور غلام يهودي الرسالة دى لليهود و الحديث فى البخارى يعود غلام يهودى مريض كان يخدم النبي فيدخل عليه النبي صلى الله عليه وسلم مش داخل يشمت مش داخل يخلص عليه و يقول له أسلم فالغلام مش قادر يسلم لان ابوه واقف جنبه ...

الى بيسبوا النبي بئي من الغرب فوق ان كل الرحمه دى و ان ربنا رفع عنهم عذاب الاستئصال ببعثت النبي صلى الله عليه وسلم هم احوج الناس الى الرسول صلى الله عليه وسلم يوم القيامه .. يوم القيامة يحشر الناس حفاه عراه غلاً غير مختونين و الشمس تدنو فوق الرؤوس حتى تكون كمقدار ميل و يفيض العرق سبحان الملك و يأتى بجهنم لها سبعون الف زمام و مع كل زمام سبعون الف ملك الناس واقفه بلا طعام و لا شراب و لا ظل شيئ مأساه خمسين الف سنة الكل هيروح لمين لسيدنا آدم علشان يطلبوا منه بدأ الحساب ربنا يبدأ بس الحساب فآدم عليه السلام يقول نفسي نفسي اذهبوا لغيري و كذلك نوح و ابراهيم و موسي و عيسي عليهم السلام ثم يذهبون الى الحبيب المصطفى صلى الله عليه وسلم فيقول النبي انا لها انا لها النبي مش هيقو لبتوع الدنمارك انتوا سبيتونى خليكم على جنب هيحصل الكلام دا طبعا لاء و بتوع اليهود مش انتوا عملتوا كذا لاء ... هو دا المقام المحمودالذى تحمده فيه كل الخلائق كل اهل المحشر يحمدون النبي صلى الله عليه وسلم على هذا الموقف العظيم فيشفع النبي لبدء الحساب و يبدأ الحساب بالفعل النبي لم ينقض عهد قط مع كافر و لا خان من خانه صلى الله عليه وسلم بل وفى حين نقضوا العهود و صدق حين كذب هؤلاء .. مثال رواه مسلم سيدنا حذيفه بن اليمان و أبوه الحسين كانوا جايين داخلين على المدينة ايه الى حصل قبلوهم الكفار رايحين فين قالوا رايحيين المدينة قالوا لاء انتوا رايحيين لمحمد علشان تقاتلوا معه فى غزوة بدر قالوا لا و الله ما اردنا الا المدينة قالوا خلاص تدونا العهد لو رحتوا مش هتقاتلوا معاه . فراحوا للنبي صلى الله عليه وسلم و حكى للرسول ما حدث و احنا ادينا عهد للكفار . فالنبي قال لهم نفي لهم بعهدهم و نستعين الله عليهم و دى الرساله الاخيرة للغرب ..

آخر عنصر فى درس اليوم .. كيف ننصر رسول الله ؟؟
ارجع معايا لبيعه العقبة الثانيه مش الانصار و بس لا هى فى عنق كل مسلم يريد النجاة لما قالوا يا رسول الله عليه الصلاة والسلام علما نبايعك يا رسول الله قالوا تابيعونى على السمع و الطاعه فى المنشط و الكسل و الامر بالمعروف و النهى عن المنكر و على ان تقولوا لله لا تخافوا فى الله خوفه لائم و على ان تنصرونى فتمنعونى - تحمونى - اذا قدمت عليكم مما تمنعون عليه انفسكم و ازواجكم و ابنائكم و لكم الجـــــــنة .. البيعه دى موافق عليها و لا لاء البيعه فى عنق كل مسلم طيب .. أنت لو نصرت الله عز و جل و نصرت رسول الله .. الله سينصروك لا محاله تأكد من كدا
" إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ "
[ محمد : 7 ]
" وَلَيَنصُرَنَّ اللَّهُ مَن يَنصُرُهُ "

(40سورة الحج)
قاعدة ضعها فى دماغك تنصر الله ينصرك تنصر النبي صلى الله عليه وسلم ينصرك سبحانه و تعالى ايه النصرة الحقيقة يا جماعة مش أنى انتصر على عدوى فى حرب و بس لا اعظم نصره ان انت تموت على الحق
قال جل و علا " يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ "
آل عمراان آيه102
هوضحلك دا بمثل بس صلى على حبيبك صلى الله عليه وسلم
ربنا قال ايه "كَتَبَ اللَّهُ لَأَغْلِبَنَّ أَنَا وَرُسُلِي "
» سورة المجادلة »21
و قال جل و علا " إِنَّا لَنَنصُرُ رُسُلَنَا وَالَّذِينَ آمَنُوا "
) 51 من سورة غافر (
يبئي ربنا اعطى العهد و الميثاق بنصر من الرسل طيب ازاى كتب نصره لما قتل عدد كبيير من الانبياء و المرسلين فين النصرة بئي ازاى بئي الرسول ربنا نصره و يسيبه يتقتل هل اخذله حاشا لله هل اسلمه الله الى اعداء ما كان الله عزوجل ليسلمه أولياؤوة الى اعداءه امال ايه الى حصل اراد الله عزوجل ان يجمع لهم مرتبه الشهادة مع مرتبه الرساله يبئي اكرام و لا مش اكرام اكرام يا جماعة مكنش خذلان صلوات ربي و سلامه عليهم .. علشان كدا عايزك لما تنصر النبي ترفع شعار سعد بن معاذ لما النبيوقف فى غزوة بدر قبل الغزوة ما تبدا و عددالكفار تقرلايبا 3 أضعاف عدد المسلمين و النبي عايز يعرف مقف الأنصار لان عدد الانصار كان ضعف عدد المهاجرين و العبأ بتاع القتال كله كان هيبئ على مين على الانصار و النبي كمان اخذ عليهم العهد فى بيعه العقبة الثانية انهم ينصروا فين جوا المدينة مش بره المدينة و غزوة بدر كانت بره المدينة فالنبي عايز يطمن مع ان النبي لو امرهم يدخلوا حد يتاخر لاء بس عايزهم يحتسبوا فقال النبي أشيروا عليا ايها الناس فتقدم ابو بكر و عمر و مقداد فتكلموا و احسنوا و التالته من المهاجرين النبي عايز يشوف موقف مين الانصار فقال النبي أشيروا عليا يا ايها الناس قال سعد بن معاذ لكأنك تريدونا نحن يا رسول الله قال أجل فقال له سعد بن معاذ فقد ءامنا بك فصدقناك و شهدنا ان ما جئت به هو الحق من عند الله و اعطيناك على ذلك عهودنا و مواثيقنا على السمع و الطاعة فامضى يا رسول الله لما اراك الله فو الله لئن استعرضت بنا هذا البحر فخضته لخضناه معك فما تخلف منا رجل واحد و ما نكره ان تلقا بنا عدوا غدا انا لصبر فى الحرب صدق عند اللقاء و لعل الله يريك منا ما تقر به عينك فسر بنا على بركة الله يا رسول الله .. ايه اكلام الغالى دا كلام كبير اوي الواحد مهما فكر علشان يجمع الكطلمتين يجبهم ازاى .. و الروايه التانيه بتقول ايه سيدنا سعد قال له يا رسول الله لكأنك ترى ان الأنصارى ترى حقاى عليها ألا تنصرك الا فى المدينه فانا اجيب عن الانصار و اتكلم عن الانصار فاظعن حيث شئت و صل حبل من شئت و اقطع حبل من شئت و خذ من اموالنا ما شئت و اعطنا ما شئت و ما اخذت كان أحب الينا من اعطيت فوالله لو سرت بينا حتى تبلغ البرك من غمدان - البرك فى الجنوب عند اليمن و بين البرك و المدينه 13 قبيله كلهم عايزين يقتلوا النبي كانهم بيقول له احنا معاك لحد ما نقاتل الـ 13 قبيله و محدش فينا يتأخر - لجالدنا معك من دونهما حتى تبلغه فسر بنا على بركه الله يا رسول الله الشاهد قول سيدنا سعد لكأنك تريدونا نحن يا رسول الله ايوة يريدك انت و انا لننصره صلى الله عليه وسلم ..

1- مقاطعه افكار و معتقدات هؤلاء الكفار .. مينفعش تسيب الجبنه بتاعة الدنمارك و نفس اليوم بتتفرج على الفليم الى هما انتجوه و لابس اللبس بتاعهم و حالق و مخلى بيتى زى بيوتهم مينفعش لازم تقاطع معتقدات و افكار هؤلاء الكفار .
2- المقاطعه الاقتصادية .. الى هى زاجبة الان على كل مسلم أن تقاطع كل المنتجات تقول لى أصل مقدرش استغنى عن الجبنه الفلانيه يا راجل دا اصحاب النبي صلى الله عليه وسلم أكملوا ورق الشجر حتى سالت الدماء من اشداقهم رضى الله عنهم جميعا و ارضاهم نشجع المنتجات المحليه بتاعتنا حتى لو كانت اقل جودة .. كلها حسبة لله اولا هتعمل دخل لبلدك و لازم تحب بلدك دا النبي عليه الصلاة والسلام لما خرج من مكه قال و الله لانك احب بلاد الله الى الله و انك لاحب بلاد الله الى رسول الله يبئي حب الوطن مينفصلش عن حبك لدين الله حب بلدك و اسعي لها الخير و فلما اشجع انتاج بلدي هيتحسن و ربنا يكرمك و لو مش اتحسن كله حسبه لله البس منتجات بلدك حسبه لله خذ و شجع اى منتج حتى لو اغلى من بره هو مش اغلى بس حتى لو اغلى اهو الخير عائد على بلدك و على مسلمين و على الاقل مش هيوصل للكفار الى هما الى بيحاربوك بالمال الى انت بتديه لهم .. مش الكفار و بس نتكلم بصراحة بئي حتى المسلمين الى بيفسدوا فى الاسلام و يعنى انهاردة الى بيعمل اعلان عن كوتش عربيات بالله عليك كوتش ايه لزمته تجيب واحده عاريه علشان تعلن .. حتى اعلانات بودرة الصراصير واحدة تطلع علشان تشجع صراصير و لا بودرة ... و ايه علاقته عارية ببودرة صراصير .. اعلان بطاطس لازم واحده عاريه تتطلع و عماله شعرها ازاى و لا بسه ازاى و تقوم ماسكلك ايه يا سيدى ما تعلن من غير نساء .. تقاطع المنتجات الى بتدعوا للفساد ...

3- القنوات الى شغاله رسائل و رسائل حب تلاقى الشيخ بيتكلم و حقيقة و الله و تحت تلاقي بحبك يا اسمرانى يالى مش عارف منين ..

4- ونقاطع القنوات الى بتعرض الكليبات الجنسية الفاضحة .. يعنى مش الكفار بس لكن كل من يريد الفساد و الافساد

5- العودة الى هدى النبي صلى الله عليه وسلم . و هى اهم نقطه عايزاك تفهمها بس بعد ما تصلي على حبيبك صلى الله عليه وسلم .. ربنا بيقول ايه و هو اجتهاد منى فان كان صواب فمن الله وحده و ان كان خطأ فمنى و من الشيطان و الله و رسوله منه براء ..

يقول جل و علا " إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً "
(56). الأحزاب
ربنا قال يصلون مش يسلمون و لما طلب من المؤمنين قال صلوا و سلموا ليه ؟؟ الانسان المؤمن بيستفيد من صلاته على النبي صلى الله عليه وسلم و سلامه عليه صلاتك على النبي من أسباب الفوز بصلاة الله اى بالرحمة و الثناء عليك فى الملاء الاعلى و سبب فى الفوز بشفاعة النبي و النبي قال كما عند مسلم من صلى عليًّ صلاة واحدة صلى الله بها عليه عشر و الروايه بتاعة الطبرانى فى الكبير باسناد حسن من صلي عليًّ عشرا حين يصبح و حين يمسي ادركته شفاعتى يوم القيامة يبئي اخذت حاجتين ربنا يصلي عليك و تفوز بشفاعه النبي طيب و السلام حديث رواه أبو داود باسناد حسن النبي بيقول ما من احد يسلم علي الا رد الله عليا روحى حتى ارد عليه السلام صلى الله عليه وسلم صلوا عليه و سلموا تسليما سلموا الى هيا السلام .
طيب و الايه التانيه "فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً "
» سورة النساء 65»
هنا معناها السلام لاء معناها ان تزعن الى شرع الله و لسنه رسول الله صلى الله عليه وسلم و ان تتحاكم الى شريعه الملك سبحانه و تعالى و الايه بتنفى اصل الايمان مش بتنفى كمان الايمان يعنى الى ميعملش مش يبقى مؤمن اصلا فلا وربك لا يؤمنون حتى يحكموك فيما شجر دا الايمان ثم لا يجدون حرجا دا الاحسان .. هنا و يسلموا و هنا و تسلموا ..

"يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً "
ايه علاقة الصلاة و السلام بالايذاء بالحجاب . كان ربنا بيقولك لو عايز تنصر النبي خلى بنتك تتحجب خلى زوجتك تتحجب خلى اختك تتحجب و انت التزم دى اكبر غصه
فى قلب الغرب اجمعين بفضل الله سبحانه و تعالى و الله اكبر نصره للرسول صلى الله عليه وسلم أن كل اخت تلبس حجاب او تكون لابسه حجاب اى كلام و تحسن من حجابها دى نصرة كبيرة جدا لرسول الله صلى الله عليه وسلم .. نختم بـ ان نعلم ابنائنا و ازواجنا و امهاتنا سيرة النبي صلى الله عليه وسلم فين ناس كتير متعرفش يا جماعه اه لما يتقال النبي تقول صلى الله عليه وسلم .. عمل ايه هاجر امتى بذل ايه ضحى .. ميعرفوش حاجة بالمرة .. اذن كتاب سيرة و نعلم احبابنا .. آخر شئ عايزين ندعو الكون كله الى دين الله بس ايه بخلق رسول الله صلى الله عليه وسلم .. قولنا فى وسط الدرس ايه ان مفيش حد فى الدنيا حتى المشككين ف الاسلام و الذين يتهمون النبي صلى الله عليه وسلم محدش فيهم قدر يسجل حادثة اعتداء واحده من النبي صلى الله عليه وسلم على الكفار فين فى مكه يبئي عايزين ندعو نستغلها فرصة يا جماعة عايزين الدنيا كلها ببتكلم النبي صلى الله عليه وسلم عايزين نعرف الغرب مين هو النبي و ايه اخلاق النبي و لو سبوا اوعى تسب و لو شتموا اوعى تشتم و لو اعتدوا على مقدساتنا اوعى تعتدى على مقدساتهم النبي مش عمل كدا عرفهم احنا اخلاقنا عالية اوى احنا نقدر نعمل فيكم حاجات كتير جدا نقدر نهزمكم ون نقدر نعمل فيكم بس مش هنعمل لان النبي صلى الله عليه وسلم علمنا كدا هما لما يشوفوا الاخلاقيات دي يا جماعه شئ تانى خالص لانهم ميعرفوش لانهم لو يعرفوا لكانوا احبوا النبي صلى الله عليه وسلم و ابشر ان نصرة النبي صلى الله عليه وسلم يقول النبي ان من ورائكم زمان صبر للمتمسك فيه اجر 50 شهيدا منكم و يقول صلى الله عليه وسلم طوبي لمن رأنى و ءامن بي الى هما الصحابة و طوبي ثم طوبي ثم طوبي و فى رواية طوبي7 مرات لمن ءامن بي و لم يرنى الى هو انتوا قال يا رسول الله و ما طوبي قال طوبي شجرة فى الجنة يسير المسرع فى ظلها 100 عاما لا يقطعها و يقول صلى الله عليه وسلم إن أشد امتى لى حبا أناس يأتون من بعدي يود احدهم لو انه فقد اهله و ماله و انه رأنى و يمر النبي صلى الله عليه وسلم الحديث رواه مسلم من أمام المقابر فيقول السلام عليكم دار قوما مؤمنين ان شاء الله بكم للاحقون قال وودت ان قد رأينا اخواننا او لسنا أخوانك يا رسول الله قال لا بل انتم اصحابي انما اخوانى اناس ياتون من بعدى يؤمنون بي و لم يرونى صلى الله عليه وسلم علشان كدا ننصر النبي بركعتين قيام ليل ننصر بمقاطعه هؤلاء . ننصر النبي باشرطه عن النبي و نوزعها على الناس بكتيبات عن النبي بسيرة النبي نعرف الناس من هو النبي ننصر النبي صلى الله عليه وسلم بان بناتنا تتحجب و ازواجنا ننصر النبي بالعودة لهدى النبي ...

سبحانك اللهم و بحمدك أشهد أن لا اله الا انت اسغفرك و اتوب اليك .. صلى الله على نبينا محمد و على آله و صحبه و سلم
و السلام عليكم و رحمة الله و بركاته

[د.خالد الرفاعي]

رد: تفريع شريط .:: روحــي فداك يا رسول الله ::.

جزاكم الله خيرا

سبقك بها عكاشة لماذا لم تخبرينا أنك قمت بتفريغ الشريط حتى نشاركك جميعا الفرحة بهذا العمل ؟؟؟؟؟؟؟

بارك الله فيك

[(الزهراء)]

رد: تفريع شريط .:: روحــي فداك يا رسول الله ::.

جزاكم الله خيرا


سبقك بها عكاشة لماذا لم تخبرينا أنك قمت بتفريغ الشريط حتى نشاركك جميعا الفرحة بهذا العمل ؟؟؟؟؟؟؟


بارك الله فيك

يااااااااااه الشريط انا فرغته و نزلته فى شغل الحمله من فترة .. لكن نقلناه الى هنا بناء على طلب الاخ أبو حنين ..


و فيكم يبارك الرحمن

[د.خالد الرفاعي]

رد: تفريع شريط .:: روحــي فداك يا رسول الله ::.

غفر الله لي لم أراه

[ابن القيم]

رد: تفريع شريط .:: روحــي فداك يا رسول الله ::.

جزاكم الله خيرا

مجهود رائع والله يزيدكم صبر

ويجعلو الله في ميزان حسناتكم

[محبة المساكين]

رد: تفريع شريط .:: روحــي فداك يا رسول الله ::.

اللهم طهر قلوبنا واحسن خاتمتنا وامح ذنوبنا
ربااااااه اغفر وارحم إنك أنت الأعز الأكرم

إلاهي أنت تعلم كيف حالي فهل يا سيدي فرج قريب

اللهم لك الحمد حمدا كثيرا طيبا مباركا فيه