إعـــــــلان

تقليص
لا يوجد إعلان حتى الآن.

شرح بسيط لأساسيات لغة html

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [حصري] شرح بسيط لأساسيات لغة html


    تنبيه ::لا احلل استخدام اي شئ اشرحه فما يغضب الله
    وانا بريئة امام الله ممن يستخدم الشرح في غير طاعة الله وسأحاجيه أمام الله ان استخدمه في غير طاعة الله ومرضاته

    السلام عليكم ورحمة الله وبركاته
    حياكم الله وبياكم وجعل الجنة مثوانا ومثواكم
    كنت قد شرحت اساسيات للغة
    ++C
    (سي بلس بلس)
    لمن يحب الاطلاع عليها

    شرح بسيط بالصور لأساسيات البرمجة..لغة ++c




    اما بعد نتناول في هذا الموضوع بإذن الله
    شرح لبعض اساسيات لغة البرمجة
    HTML


    سامحوني هشرح باللغة العامية

    اولا مش خبيرة بالبرمجة ومجال الحاسب بس بنقل لكم اللي عرفته ودرسته بالكلية اللي يحب يبقى بيرفكت ممكن ياخد كورسات ع ارض الواقع او على اليوتيوب يبحث عن كورسات وهيلاقي ان شاء الله


    بسم الله
    اولا HTML اختصار
    (لـ Hyper Text Markup Language)
    يعني لغة تنسيق النصوص التشعبية
    اللغة دي من اللغات اللي بنستخدمها لتصميم الصفحات على النت يعني بتستخدمها في الويب ديزين
    ##سامحوني ع بعض المصطلحات الانجليزي اللي بكتبها عربي ##


    المهم
    HTML
    دي مهمتها ايه بقى
    دي زي رسم كروكي للويب ديزين اللي انت عايز تعمله
    بمعنى تاني
    حاجة بسيطة كده تحدد بيها اماكن الزراير والمقاطع والصور والكلام اللي ع الصفحة وكده يعني


    مع ان شايفه ان من خلال اكواد فيها بضيف الصور او الفيديو او او ممكن استخدمها كلغه كاملة للديزين ومحتجش معاها لغة تانية عشان اضيف لمسات الجمال للويب بتاعي اللي بعمله ده
    بس ده اظن يكون للناس اللي لسه مبتدئين او مش شغالين في المجال اووووي او في بالهم اي موقع وخلاص واي ديزين والسلام
    لكن لو بيرفكت بجد ممكن تتعلم لغة تانية عشان تضيف بيها لمسات الجمال على الصفحة بتاعتك
    هوضح باقي اللغات المستخدمة دي بعدين ان شاء الله



    HTML
    بتختلف عن اللغات التانية في حاجات كتير منها
    ##انها مش بتحتاج برنامج اشتغل عليه
    بمعنى ملهاش برنامج بحمله عشان اكتب الاكواد
    ممكن تكتبها ع wordpad عندك على الجهاز
    ##مش بتحتاج compiler يعني مترجم .. مش بتحتاج مترجم خاص بيها ليه بقى لان مفيهاش جمل تحكم وجمل الدوران زي ما موجود في لغة سي بلس بلس ++c
    فبالتالي مش بتحتاج مترجم يترجملي الجمل او يشوف صح ولا غلط
    ##وكمان هي لغة مش مرتبطة بنظام تشغيل معين لان زي ما قلت انت بتكتبها على الوورد باد ويعدين بتغير المسار بتاع الملف وتفتحه ع الويب وتشوف نتيجة الاكواد اللي انت كتبتها وده هنتعلمه ان شاء الله فيما بعد
    ##عشان الاسباب اللي قلتها دي هي لغة سهله وبسيطة جدا وسهله انك تفهمها بس الحكاية كلها انك تركز في الاكواد كويس اوووي وترتب افكارك عايز تعمل ايه بالظبط في الويب ديزين بتاعك


    كنت قلت في لغات برمجة تانية هقولكم عليها
    اهو
    لغة
    html
    css >>> cascading style sheets ودي اللي بضيف بيها لمسات الجمال ع الصفحة
    java
    java script

    asp


    php /// ودي من اقوى اللغات للتعامل مع قواعد البيانات D.B
    دي كانت فكرة بسيطة جدا عن ال HTML ان شاء الله المرة الجاية نبدأ شرح بتعمق شوية في الاكواد والخصائص




    تنبيه ::لا احلل استخدام اي شئ اشرحه فما يغضب الله
    وانا بريئة امام الله ممن يستخدم الشرح في غير طاعة الله وسأحاجيه أمام الله ان استخدمه في غير طاعة الله ومرضاته

    سبحان الله والحمد لله ولا اله الا الله والله اكبر ولا حول ولا قوة الا بالله
    استغفر الله العظيم واتوب اليه
    استغفر الله العظيم واتوب اليه
    استغفر الله العظيم واتوب اليه
    حسبنا الله سيؤتينا من فضله انا الى ربنا راغبون
    حسبنا الله ونعم الوكيل
    لا اله الا الله وحده لا شريك له.له الملك وله الحمد وهو على كل شئ قدير
    اللهم صل على سيدنا محمد وعلى آله وصحبه وسلم تسليما كثير
    لا اله الا انت سبحانك اني كنت من الظالمين


    ....
    اللهم اجعل عملنا كله صالحا ولوجهك خالصا ولا تجعل لأحد غيرك فيه شيئاً
    اللهم انا نسألك الاخلاااااص والقبول
    اللهم انا نسألك الاخلاص
    اللهم انا نسالك الاخلاص
    ..
    سبحانك اللهم وبحمدك نشهد ان لا اله الا انت نستغفرك ونتوب اليك




    ليس عذراً لترك الإستقامة.. إنها جنة تستحق الصبر والمجاهدة
    فمن للأمة الغرقى إذا كنا الغريقينَ ؟
    وما المعنى بأن نحيا فلا نحيي بنا الدينَ ؟




  • #2
    رد: شرح بسيط لأساسيات لغة html

    جزاكَ الله خيرا

    معاكِ بإذن الله

    وفقكم لما يحب ويرضي

    في الوقت المناسب ؛ ستأتيك الأمنيات المؤجلة لترسم في قلبك فرحًا !
    مختومًا بقوله تعالى : " إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ ​


    تعليق


    • #3
      رد: شرح بسيط لأساسيات لغة html

      بارك الله فيكم
      استمروا



      تعليق


      • #4
        رد: شرح بسيط لأساسيات لغة html

        بسم الله ما شاء الله
        ولا حول ولا قوة الا بالله
        جزاكم الله خيرا
        كلام تمام ... متابع ان شاء الله

        تعليق


        • #5
          رد: شرح بسيط لأساسيات لغة html

          المشاركة الأصلية بواسطة كريمه بركات مشاهدة المشاركة
          جزاكَ الله خيرا

          معاكِ بإذن الله

          وفقكم لما يحب ويرضي

          المشاركة الأصلية بواسطة Abdullah-Albani مشاهدة المشاركة
          بارك الله فيكم
          استمروا
          المشاركة الأصلية بواسطة eng.fadyalislam مشاهدة المشاركة
          بسم الله ما شاء الله
          ولا حول ولا قوة الا بالله
          جزاكم الله خيرا
          كلام تمام ... متابع ان شاء الله
          وجزاكم خيرا مثله وزياده

          السلام عليكم ورحمة الله وبركاته
          ليس عذراً لترك الإستقامة.. إنها جنة تستحق الصبر والمجاهدة
          فمن للأمة الغرقى إذا كنا الغريقينَ ؟
          وما المعنى بأن نحيا فلا نحيي بنا الدينَ ؟



          تعليق


          • #6
            رد: شرح بسيط لأساسيات لغة html


            تنبيه ::لا احلل استخدام اي شئ اشرحه فما يغضب الله
            وانا بريئة امام الله ممن يستخدم الشرح في غير طاعة الله وسأحاجيه أمام الله ان استخدمه في غير طاعة الله ومرضاته

            الدرس الأول (tages ) (الأوسمة)

            يعني إيه tag
            يعني ايه وسام ؟؟
            التاج او الوسام ده هي الاكواد في لغة Html
            او بمعنى تاني
            الحاجات اللي من خلالها بقدر اكتب اللغة بتاعتي عشان اصمم الصفحة اللي انا عايزها

            اليوم هوريك شكل الصفحة الرئيسي والاكواد المستخدمة فيه
            او الtages المستخدمة فيها
            بمعنى تاني
            الهيكل الرئيسي لصفحة الويب اللي انت هتعملها


            الوسوم الاساسية

            وسم البداية وسم النهاية
            <HTML> <‎/HTML>
            <HEAD> <‎/HEAD>
            <TITLE> <‎/TITLE>
            <BODY> <‎/BODY>
            يعني ايه وسم بداية ووسم نهاية
            وسم البداية يعني اللي بفتح بيه او اللي ببتدي بيه
            ولما بفتح وسم معين لاااازم وحتما ولابد اني اقفله
            وبقفله بوسم النهاية
            ووسم النهاية بيختلف عن وسم البداية شكلياً في
            /
            ايوة في الشرطة المايلة دي
            دي كده الوسوم الاساسية للهيكل الاساسي لصفحة الويب
            تمام كده ؟؟
            طبعا انت لسه مش فاهم ايه الوسوم ده ووظيفة كل وسم منهم ايه



            ده الشكل العام للصفحة
            كده لاحظنا ايه ؟؟
            ان ملف ال html
            بيبدأ بوسم <HTML> ورحت قفلته على طول تحت ب <‎/HTML>


            ال <HEAD>
            ده بيتكتب فيه عنوان الصفحة واي معلومات عنها
            بس عنوان الصفحة بقى زي مثلا way2allah بيتكتب بين وسم <TITLE> … <‎/TITLE>
            يعني العنوان
            يعني وسم جوا وسم
            ال<TITLE> … <‎/TITLE>
            جوا ال
            <HEAD>
            ومنساش اقفل
            <‎/HEAD>


            نيجي للوسم الاخير
            <BODY>
            ده بنكتب فيه كل الصفحة بقى ومحتوياتها والروابط اللي فيها والفيديوهات والجداول والكلام
            كله
            يعني الشغل كله بعد كده هيكون في جزء ال<BODY> ده
            وبرده منساش اقفل
            <‎/BODY>



            طب نطبق بقى
            افتح وورد باد عندك
            واكتب الكلام ده

            <HTML>
            <HEAD>
            <TITLE>
            This is my frist webpage
            <‎/TITLE>
            <‎/HEAD>

            <BODY>
            بسم الله الرحمن الرحيم أو in the name of allah
            <‎/BODY>
            <‎/HTML>




            دلوقف احفظ الملف ده بأي اسم
            بس وانت بتحفظه هتلاقي مستطيل تحت في الامتداد غير انت الامتداد اعمله
            htm. أو
            html.
            كل الملفات html هتكون بالامتداد ده
            مش هتحتاج تغيرها تاني لو اشتغلت كل مرة على نفس الملف



            افتح المتصفح بتاعك بقى
            وروح على الملف اللي انت لسه مغير امتداده وافتحه


            ملحوظة .. مش بتفرق تكتب بحروف كبيرة او صغيرة
            هي هي
            # مش لازم يكون الكتابة تحت بعض كده
            بس تحت بعض عشان التنظيم والشكل العام وعدم اللغبطة بس

            ممكن تكتبها كده
            <HTML><HEAD><TITLE> This is my frist webpage </TITLE></HEAD><BODY>
            بسم الله الرحمن الرحيم</BODY></HTML>‎






            كده الدرس ده خلص
            واعذروني لعدم وجود صور ولكن الجهاز عندي خرب شوية فمش عارفة اعمل انا على الوورد باد وانزل صور
            ان شاء الله الدرس القادم يكون الجهاز تمام وانزل صور للشرح نسأل الله التيسير
            كفاية كده اليوم لان الباقي لازم انزل صور للتوضيح
            ان شاء الله الدرس القادم هيكون اوسمة الخطوط




            تنبيه ::لا احلل استخدام اي شئ اشرحه فما يغضب الله
            وانا بريئة امام الله ممن يستخدم الشرح في غير طاعة الله وسأحاجيه أمام الله ان استخدمه في غير طاعة الله ومرضاته

            سبحان الله والحمد لله ولا اله الا الله والله اكبر ولا حول ولا قوة الا بالله
            استغفر الله العظيم واتوب اليه
            استغفر الله العظيم واتوب اليه
            استغفر الله العظيم واتوب اليه
            حسبنا الله سيؤتينا من فضله انا الى ربنا راغبون
            حسبنا الله ونعم الوكيل
            لا اله الا الله وحده لا شريك له.له الملك وله الحمد وهو على كل شئ قدير
            اللهم صل على سيدنا محمد وعلى آله وصحبه وسلم تسليما كثير
            لا اله الا انت سبحانك اني كنت من الظالمين


            ....
            اللهم اجعل عملنا كله صالحا ولوجهك خالصا ولا تجعل لأحد غيرك فيه شيئاً
            اللهم انا نسألك الاخلاااااص والقبول
            اللهم انا نسألك الاخلاص
            اللهم انا نسالك الاخلاص
            ..
            سبحانك اللهم وبحمدك نشهد ان لا اله الا انت نستغفرك ونتوب اليك





            ليس عذراً لترك الإستقامة.. إنها جنة تستحق الصبر والمجاهدة
            فمن للأمة الغرقى إذا كنا الغريقينَ ؟
            وما المعنى بأن نحيا فلا نحيي بنا الدينَ ؟



            تعليق


            • #7
              رد: شرح بسيط لأساسيات لغة html

              جزاكم الله خيرا سيتم تثبيت الموضوع

              تعليق

              يعمل...
              X