بنرات المنتدى
صفحة 1 من 2 12 الأخيرةالأخيرة
النتائج 1 إلى 10 من 20
  1. #1

    مشرف سابق


    تاريخ التسجيل : Nov 2007
    رقم العضوية : 8791
    الجنس: ذكر
    المشاركات : 768
    التقييم : 188
    أبو عمـر القرشي غير متواجد حالياً

    صنية سمك رجالي !!!

    السلام عليكم ورحمة الله وبركاته

    والله أنا عارف إني دايما بصدعكم لكن معلش استحملوني .

    الموقف اللي حصل لي اليوم فعلا فكرني بشئ طبعا الشئ ده هيعرفه اللي هيكمل الموضوع للأخر

    فقلت أكتب لكم الموضوه هو صحيح ممكين يكون ممل .. لكن أنا بعرف إنكم بتستحملوني


    طبعا زي ما أنتم عارفين إني شغال في السعوديه .. وزي مأنتم عارفين إني لسه خاطب لم أتأهل بعد

    إن شاء الله يتم الزاوج خلال شهور إدعولي

    المهم أحنا كنا 3 عذاب بالشقه عايشين مع بعض
    1- محمد (وده الطباخ بتاعنا)
    2- أبو عمر (اللي هو أنا)
    3- أحمد


    المهم محمد هو طباخ درجة أولي وكان بيعمل لنا أكل ممتاز ...

    وبعدين محمد إتنقل من الباحة وراح فرع بعيد جدا

    ودعناه والدموع كادت تتساقط من أعيننا ..

    مش علشان فراقه !!!

    علشان شايلين هم مين هيعمل لنا الأكل .. من بعده وأنا وأحمد مش بتعرف نعمل أي حاجه أحسن حاجه إننا بنعرف نغسل


    أنا عارف إن أنتم خلاص هتفرقعم لكن إستحملوني ... معلش وبلاش أخ يطلع الموس من بقه ولا حاجه

    المهم كنا بعد فراق محمد بنجيب .. أكل جاهز

    لحد أما النهارده الساعة 12 بالضبط الظهر أحمد قالي أيه رأيك نعمل صنية سمك في الفرن

    قلت يا أحمد إنت هتعرف تعملها ..؟؟

    قالي عيب عليك يا حماده

    قلت ربنا يستر

    رحنا صلينا الظهر واشترينا السمك (سمك كبير كدا عامل زي السردينا مش عارف اسمه ايه صراحه) وإحنا طالعين وفلفل وحاجات كدا مش مهم تعرفوها

    المهم قعدت أنا من الساعه واحدة الظهر لغاية الساعه 3 منتظر صنية السمك ..

    والواحد قاعد بيسخن في مواطير معدته .... علشان الأكله الهنية دي ..
    المهم أحمد جاب الصنية من الفرن بتاع البوتجاز

    وجه حطها قدامي

    وأما جيت أفتح الصنية ....... أقسم لكم إني حتى الان لا أجد لها وصف



    وجدت الأستاذ أحمد حاطط السمك براسه من غير حتي ما يفتح بطنه وينظفه .. حطه بحاله كدا في وسط الطماطم والفلفل ..

    أقسم أنه من أعظم المناظر البشعة التي رأيتها حتى الآن .

    طبعا كان ردي فعلي اني تقيأت في قلب صنية السمك

    وأترمت للقطط في الاخر

    خلاص كفاية قرف حتى الأن

    تعالى بقى يا أبو عمر ... أيه علاقة القرف اللي قلته ده بالموضوع


    أنا أقولكم


    أحمد أما كان عامل صنية السمك .. مكنش في نيته خالص .. إنه يقرفني أو إنه يبوظها أو أو أو

    بالعكس ده كان في نيته إنه يخلي الصنية دي عبارة عن أكله لذيذه جدا جدا جدا ..


    لكن

    في النهاية مظبطتش ..

    أحمد كان بإيده يسألني مثلا أو يسأل واحد خبرة .. لكن معملش

    أحمد بإيده إنه ميخترعش ويألف من رأسه لأن طريقة عمل الصنية معروفه ألف باء مفيهاش اختراع .. لكنه ألف .

    اللي حصل إن أحمد إبتدع في عمايل السمك
    (يعني عمله بطريقه غير معهوده)

    لذلك في الأخر كان الصنية محلها هو الزباله للقطط تاكلها

    ----------------------

    تعالى بقي للناس اللي بتخترع في العبادات .. وبتألف من راسها .. هي بتعمل كدا ومنتظره في النهاية تلاقي الجنة

    لكن

    في النهاية وجدوا شئ تاني

    هم كانوا بإيدهم يسألوا أهل الذكر ... لكن معلموش كدا

    هم كانوا بإيدهم ما يخترعوش لأن الدين كمل مش مستنيهم يخترعوا ويبدعوا فيه .. لكن للأسف معملوش كدا

    اللي عملوه إنهم إبتدعوا في الدين
    (يعني إخترعوا في الدين اشياء النبي معملهاش هو ولا الصحابة)

    لذلك كان في النهاية أعمالهم كتراب اشتد به الريح في يوم عاصف

    طيب أسألك يا حبيبي بالله وقلت لك إستحملني

    لو فيه واحد بيخترع في الدين شئ .. والنبي معملش زيه . ومصمم إنه ربنا هيعطي له ثواب عليه ..

    مفيش تفسير لده إلا حاجتين

    إنه جاب حاجة النبي صلى الله عليه وسلم حرمنا من أجرها ومرضاش يقولنا عليها .
    وده طبعا مرفوضه
    أو إنه في وحي نزل بعد النبي علي الراجل ده وقاله لو عملت كذا هتثاب
    وده طبعا مستحيل

    طيب

    إنتم يعني عارفين ان الدين كمل خلاص صح

    ولا لأ ؟؟

    قال الله
    " اليوم أكملت لكم دينكم وأتممت عليكم نعمتى ورضيت لكم الإسلام دينا "


    خلاص
    يبقي أي حد يخترع أي حاجه ويقول دي صح

    مش لاقي له غير كلام النبي ده

    أو كما قال رسول الله صلى الله عليه وسلم
    "من أحدث في أمرنا هذا ما ليس منه فهو رد". رواه البخاري ومسلم

    -----

    هو بصراحه حبة الكلكه اللي فوق دي علشان نعرف البدعه يعني ايه .

    البدعه هي أي حاجه اخترعوها في الدين ولم يفعلها النبي أو الصحابة ..

    طيب اشمعنا الصحابة . ؟؟؟
    لأنهم هم أفضل القرون بدليل قول النبي صلى الله عليه وسلم
    خير القرون قرني أو القرن الذي بعثت فيه ثم الذين يلونهم ثم الذين يلونهم

    وكمان خد ده في فضلهم من القرآن


    1 - (لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحاً قَرِيباً) (الفتح : 18 )

    2 - ( فَأَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التَّقْوَى وَكَانُوا أَحَقَّ بِهَا وَأَهْلَهَا وَكَانَ اللَّهُ بِكُلِّ شَيْءٍ عَلِيماً) (الفتح : 26 )

    3 -(وَالسَّابِقُونَ الأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللّهُ عَنْهُمْ وَرَضُواْ عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَداً ذَلِكَ الْفَوْزُ الْعَظِيمُ) (التوبة : 100 )

    4 - (وَالَّذِينَ آمَنُواْ وَهَاجَرُواْ وَجَاهَدُواْ فِي سَبِيلِ اللّهِ وَالَّذِينَ آوَواْ وَّنَصَرُواْ أُولَـئِكَ هُمُ الْمُؤْمِنُونَ حَقّاً لَّهُم مَّغْفِرَةٌ وَرِزْقٌ كَرِيمٌ) (الأنفال : 74 )

    5 - (مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْراً عَظِيماً) (الفتح : 29 )


    ومن السنه


    1 * اقتدوا باللذين من بعدي من أصحابي أبي بكر وعمر واهتدوا بهدي عمار وتمسكوا بعهد ابن مسعود.
    2- عزاه السيوطي في الجامع الصغير للترمذي من رواية ابن مسعود *؛ والروياني ... عن حذيفة ؛ وابن عدي ... عن أنس.- وقال الألباني: (صحيح)

    عن عبد الله بن عمر رضي الله عنهما قال: "لا تسبوا أصحاب محمد صلى الله عليه وسلم فلمقام أحدهم ساعة خير من عمل أحدكم عُمُرَه". أخرجه ابن ماجه وحسنه الألباني.

    3 عن ابن عباس رضي الله عنهما أن رسول الله صلى الله عليه وسلم قال: "من سب أصحابي فعليه لعنة الله والملائكة والناس أجمعين". رواه الطبراني وحسنه الألباني، ورواه الخطيب البغدادي عن أنس رضي الله عنه.4

    4-عن ابن مسعود رضي الله عنه أن رسول الله صلى الله عليه وسلم قال: "إذا ذكر أصحابي فأمسكوا وإذا ذكرت النجوم فأمسكوا وإذا ذكر القَدَرُ فأمسكوا" رواه الطبراني، ورواه ابن عدي في الكامل عن ابن مسعود وابن عمرو وثوبان.

    5 عن أبي سعيد الخدري رضي الله عنه أن رسول الله صلى الله عليه وسلم قال: "يأتي على الناس زمان فيغزو فئام من الناس فيقولون: فيكم من صاحب رسول الله صلى الله عليه وسلم ؟ فيقولون: نعم، فَيُفْتَحُ لهم، ثم يأتي على الناس زمان فيغزو فئام من الناس فيقولون: فيكم من صاحب أصحاب رسول الله صلى الله عليه وسلم ؟ فيقولون: نعم، فَيُفْتَحُ لهم، ثم يأتي على الناس زمان فيغزو فئام من الناس فيقولون: هل فيكم من صاحب من صاحب أصحاب رسول الله صلى الله عليه وسلم ؟ فيقولون: نعم، فَيُفْتَح لهم". أخرجه البخاري ومسلم.
    6 عن أبي موسى الأشعري رضي الله عنه أن النبي صلى الله عليه وسلم قال: "النجوم أمنة للسماء، فإذا ذهبت النجوم أتى السماءَ ما توعد، وأنا أمنة لأصحابي فإذا ذهَبْتُ أتى أصحابي ما يوعدون، وأصحابي أمنة لأمتي، فإذا ذهب أصحابي أتى أمتي ما يوعدون". أخرجه مسلم في صحيحه.
    7 عن عمران بن حصين رضي الله عنهما قال: قال رسول الله صلى الله عليه وسلم : "خير أمتي قرني، ثم الذين يلونهم ثم الذين يلونهم" قال عمران: فلا أدري أَذَكَرَ بعد قرنه قرنين أو ثلاثًا، قال النبي صلى الله عليه وسلم : "إن بعدكم قومًا يخونون ولا يؤتمنون، ويشهدون ولا يستشهدون، وينذرون ولا يَفُون، ويظهر فيهم السمن" (أي تسمن أجسادهم) متفق عليه. وفي رواية "خيركم قرني" وفي رواية لمسلم "إن خيركم قرني".


    عرفت ليه الصحابة


    طيب معلش أنا تعبتكم

    بعد أما عرفنا يعني أيه هي البدعه

    هنضرب أمثله ... لأقسامها .. وانا كنت كاتب موضوع في أقسامها .. هنقله هنا تاني

    1- لاعب كورة قدم إحتسب له الحكم ضربة ركنيه فصمم أن يلعبها بنلتي (او ضربة جزاء) .
    2- لاعب كرة قدم نزل ما بين الشوطين في الإستراحه .. وأحرز عددا لا بأس به من الأهداف .
    3-فريقان إتفق كل منهم (في بطولة كأس عالم مثلا) علي أن يلعبا ماتش كورة ويكون وقت الشوط الواحد 3 ساعات . أو أن يتلعب ككل فريق ب 50 لاعب .
    طبعا من البديهي وان كل ذي لب سيكون حكمه علي ما سبق كالتالي
    بالنسبة للنقطه الأولي ستكون ضربة جزاء غير محتسبه .
    بالنسبة للثانيه سيكون أهدافا غير محتسبه.
    بالنسبة للثالثه ستكون مباراة غير محتسبة.
    ووما ستندهش له .. أنه لن تجد أحدا عاقلا يجاوبك بغير ما سبق .. وستجد شبه إجماع علي أن كل الاهداف باطله .. ولن تجد من يعارضك .
    لكن أخي تعالي تكلم عن الدين وعن تطبيق مثل ما سبق في دين .. ستجد ألف راي ورأي .. لماذا لأن هناك من يريد سمعه ومن يريد منصبا بالدين .. فيتلاعب الكل بالدين كيل ينال نصيب من عرض الحياة الدينا .. طيب هنفق بين الأمثله الثلاثه وبين البدعه
    طيب معلش يا أبا عمر يعني سؤال جانبي طق في دماغي
    أيه علاقة اللي فات بالبدعه .... ؟؟!!!!
    هقولك
    (1) بدعه مكانية
    بالنسبة للأول الحكم حسب له كرنر يعني في مكان مختلف والقانون ينص إن الكره لازم تتلعب من هذا المكان .. واللاعب أراد أن يلعبها من مكان أخر
    * يعني .. زي واحد رايح يلف حول الهرم .. ويقول لبيك اللهم لبيك ويكون مخلص وكل شئ .. لكن للأسف ننبهه ونقوله إن الحج في مكه حول الكعبة مش حول الهرم . وعلي ذلك فقس
    (2) بدعه زمانيه
    اللاعب التاني .. راح يسجل أهداف في وقت الاستراحه .. وده مثلها مثل البدعه الزمانيه .
    * واحد رايح يدبح الأضحيه في رجب (طبعا لا يجوز لأن لها وقت معين تاني)
    *واحد رايح يزكي زكاة الصائم في شوال (طبعا لا يجوز لأن لها وقت معين)
    * واحد رايح يحج في محرم .
    * أجيب لكم مثلا من الأمثله اللي بيتعمل عليها مشكله . أحد الناس يقرأ قرآن بين الأذان والإقامه يقول له أحد الإخوه قراءة القرآن الوقتي بدعه .... يقوله أعووذ بالله قراءة القرآن بدعه !!!
    يقولوا يا سيدي أنا بقولك قراءة القرآن في ذلك الوقت بدعه ... يعني لو كان قراءة القرآن الوقتي أفضل كان النبي محمد عملها .. لكن النبي لم يفعل هذا .. ولابد أن نتبعه وندعوا كما كان يدعوا . فهو وقت إجابة الدعاء فأعوا الله
    وعلي ذلك فقس
    (3) بدعه عدديه
    ذي اللي إتفقوا إنهم يلعبو الشوط 3 ساعات أو إنهم يلعبوا الفريق 50 لاعب طبعا مينفعش ليه لأن القانون يمنع هذا
    *يعني هل ممكن تصلي الفجر 3 ركعا ت.


    (4) بدع قوليه

    زي اللي بيتلفظ بالنيه .. يعني قبل الصلاة يقول نويت أصلي صلاة الظهر مثلا أربع ركعات ,,, أهو النبي مقلهاش كان بينوي بقلبه .. لو كان التلفظ بالقول فيه خير لسبقكم إليه النبي


    أنا هبطت بس أظن إن المعنى وصل

    استودعكم الله

    كتبه أخوكم
    أبو عمر القرشي الأثري

    4-5-1431 هـ

  2. #2

    عضو مجتهد


    تاريخ التسجيل : Aug 2009
    رقم العضوية : 56444
    الجنس: ذكر
    المشاركات : 199
    التقييم : 124
    رضا الله هو الغاية غير متواجد حالياً

    رد: صنية سمك رجالي !!!

    بارك الله فيك اخى

  3. #3

    مشرف سابق


    تاريخ التسجيل : Nov 2007
    رقم العضوية : 8791
    الجنس: ذكر
    المشاركات : 768
    التقييم : 188
    أبو عمـر القرشي غير متواجد حالياً

    رد: صنية سمك رجالي !!!

    بوركت أخي وجزاكم الله مثله

  4. #4

    عضو ذهبى


    تاريخ التسجيل : Mar 2010
    رقم العضوية : 75895
    الجنس: ذكر
    المشاركات : 7,237
    التقييم : 5249
    ؏ـمَـر غير متواجد حالياً

    رد: صنية سمك رجالي !!!

    بارك الله فيك أخي أبو عمر وجميل منك أن تسقط الدين على الواقع وان تقارن بين هذا وذاك وتآتي بأمثلة حية
    لكن هسأل سؤال : هل قصة صنية السمك ده حقيقة أم أنك تريد أن تشبه البدعة بالواقع ؟؟

  5. #5

    مشرف سابق


    تاريخ التسجيل : Nov 2007
    رقم العضوية : 8791
    الجنس: ذكر
    المشاركات : 768
    التقييم : 188
    أبو عمـر القرشي غير متواجد حالياً

    رد: صنية سمك رجالي !!!

    اقتباس المشاركة الأصلية كتبت بواسطة إبن القيم مشاهدة المشاركة
    بارك الله فيك أخي أبو عمر وجميل منك أن تسقط الدين على الواقع وان تقارن بين هذا وذاك وتآتي بأمثلة حية
    لكن هسأل سؤال : هل قصة صنية السمك ده حقيقة أم أنك تريد أن تشبه البدعة بالواقع ؟؟

    لا فعلا حقيقية يا غالي :)
    أما بطني وجعاني من المنظر حتى الان

  6. #6

    مراقب سابق


    تاريخ التسجيل : Jan 2010
    رقم العضوية : 72878
    الجنس: ذكر
    المشاركات : 1,818
    التقييم : 1650
    انا بحبك يا رب غير متواجد حالياً

    رد: صنية سمك رجالي !!!

    سبحان الله,شوفتوا بقا فايده الام,انا لو اتجوزت دلوقتى ده لو ها لو اتجوزت,ممكن اقوم اغسل معاها,انفض معاها,اعمل اكل ممكن.
    هههههههههههههههههه.
    هيا ديه فايد الام انها بتعملم اابن كل حاجه ازاى,طبعا انتوا عارفين من هيا الام و مين هو الابن.

  7. #7

    مشرف عام سابق


    تاريخ التسجيل : Oct 2009
    رقم العضوية : 65824
    الجنس: ذكر
    المشاركات : 17,770
    التقييم : 5911
    تائب بإذن الله غير متواجد حالياً

    رد: صنية سمك رجالي !!!

    اقتباس المشاركة الأصلية كتبت بواسطة أبو عمـر القرشي مشاهدة المشاركة

    أما بطني وجعاني من المنظر حتى الان
    ههههههههههههههههههه
    ياراجل دانا كنت هارجع هههههههههههههههههههههه
    بس بالله عليك سلم عليه ابلغه سلامى
    جزاك ربى خير الجزاء اخى الحبيب
    ثبتك الله وجزاك الله خير الجزاء
    احبك فى الله

  8. #8

    عضو متميز


    تاريخ التسجيل : Jan 2009
    رقم العضوية : 33108
    الجنس: ذكر
    المشاركات : 1,061
    التقييم : 122
    ابو شدا غير متواجد حالياً

    رد: صنية سمك رجالي !!!

    ماشاء الله اخى الغالى دائما تتحفنا بموضيعك المفيدة
    جعل الله ما تكتبة فى موزين اعمالك بوركت اخى الطيب
    نحبك فى الله

  9. #9

    نائب مشرف عام سابقا


    تاريخ التسجيل : Jun 2009
    رقم العضوية : 50628
    الجنس: ذكر
    المشاركات : 2,164
    التقييم : 2210
    أبو جعفر محمد المصرى غير متواجد حالياً

    رد: صنية سمك رجالي !!!

    السلام عليكم ورحمه الله وبركاته
    _________________
    الحمد لله والصلاة والسلام على رسول الله
    جزاك الله خيرا أخى أبو عمر وبارك الله لك فى أفكارك الجميلة .
    ولتعلم أن فكرة تجعلها موضوع هو رزق من عند الله فبارك الله لك وما شاءالله تبارك الله .
    ويسأ ل سؤال ياشباب انا بحاول أدخل الغرفة بتاعة التسميع الان بيقولى تم حجبك أكن مفيش دخول . وأول مرة يعمل كدة . اذا حد يعرف السبب يقولى وبارك الله فيكم ياشباب

  10. #10

    عضو فعال


    تاريخ التسجيل : Nov 2009
    رقم العضوية : 68087
    الجنس: ذكر
    المشاركات : 463
    التقييم : 128
    ابا فارس غير متواجد حالياً

    رد: صنية سمك رجالي !!!

    ربنا يبارك فيك
    وبالنسبه لموضوع الاكل
    فاحسن واسهل حاجه المكرونه
    وتقطع عليها فلفل وبصل
    كفايه باة لانى جعت

    وبالنسبه للبدعه
    ربان يجازيك كل خير ويبارك فيك
    انا لسه سامع فى احد الدروس عن احد من السلف مش فاكر مين بالظبط
    لكن علشان يتاكلد عن حديث لرسول الله صلى الله عليه وسلم
    سافر مصر
    ولا طياره باه ولا عربيه مكيفه
    او مش مكيفه
    وراح سمع الحديث واتاكد منه
    ورجع تانى
    لكن دلوقتى الحديث والسنه والتفسير والقران كــــــــــــــله متفسر و مفيش حد بيدور الا من رحم ربى
    وبالنسبه لموضوع البدعه المشكله ان فى ناس كتير اوى تشوفهم بيعملوا كده بعد ما تعرف ان هيا بدعه وييجى واحد تانى ينصحهم ودى قدام عينى كانوا هيمسكوا فى خناق بعض
    وامته بعد الامام ما كبر تكبيره لاحرام الاولى
    واهم رجاله كبار
    امال انا لو شاب واتكلمت مع حد هيضرنى بالنار ولا ايه؟


    وبعدين فى مشكله تانيه حضرتك لفت النظر اليها
    ان كل شيخ حاليا وليه فتوى

    يعنى اللى عاوز يسمع اغانى الشيخ الفلانى بيقول حلال
    اللى مش عاوز يسمع اغانى الشيخ الفلانى بيقول حرام

    النقاب الشيخ الفلانى بيقول حلال
    النقاب الشيخ الفلانى مكروه او مش مستحب او حرام

    ف اى واحد دلوقتى بيفتى ومش حاسس بان الفتوى اللى هوا بيفتى فيها دى لو غلط واتبعه ناس فيها هو اللى هيشيل ورزهم
    والمصيبه الاكبر انه يكون عامل كده للشهره كما زكرت حضرتك
    زى الشيخ بتاع ارضاع الكبير

    وفى نهايه كلامى بجد باشكرك للتكلم فى موضوع البدعه
    وربنا يجعلها فى ميزان حسناتك

صفحة 1 من 2 12 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •