موضوع مهم جدا

[ابا فارس]

السلام عليكم ورحمة الله وبركاته
الموضوع دة منقول من احد المنتديات وصدقونى بجد هو مهم لان كل اللى فيه حقيقه

وربنا يحفظنا ويقينا فتن المحيا يارب والاصدقاء السوء وكل ما يؤدى الى الطريق الخاطئ

لكل اب و ام اتاكدوا وبلاش الثقه العمياء ف اولادكم لان الموضوع دة دلقوتى اكتر حاجة عند الشباب والبنات
الموضوع منقوووول

أنا بقي النهارده بكتب عن موضوع خطير جدا
وعارف إن الشباب هتكرهني بسببه وتقول ليه ياعم بس الأذي ده
لكن والله عشان مصلحتك لأنها فاكرها حاجة كويسه
الحشيش اللي إنت بتشربه ده مش هو الحشيش بتاع زمان
اللي بتتحجج إنه كويس ومابيعملش حاجه
لأ الحشيش دلوقت كله كيماويات وبلا أزرق
يعني ممكن يحصلك
overdose
من شرب الحشيش وماتستغربش
يعني ممكن تروح فيها
والموضوع ده كله موجه لكل أولياء الأمور أو الأخوة الكبار
اللي بيخافوا علي أخواتهم عشان يعرفوا إمتي يدخلوا
المهم ياسيدي الفاضل نييجي لمرجعنا وهو
إزاي تعرف إن إبنك بيشرب مخدرات ؟!

1-
الفلوس

هتلاقيه بيطلب فلوس كثير مره عشان كتاب ومره عشان مشروع
في الكليه بص عشان تعرف صدقه كل ما يطلب منك فلوس تعالي بعدها بإسبوع كده
وقوله ها فين الكتاب اللي جبته بس يوريهولك في ساعتها مايقولكش بكره هجيبه
والمشروع كذلك يوريك ورق ليه أو حاجه عشان ممكن يدبر الحاجات دي من زمايله 2- الصحة
صحته هتكون في النازل علطول يعني شكل علي الفاضي من الأخر وفي
ناس بيبان عليها إنها بتحشش لأن وزنها بينزل بطريقة كبيره جدا
وبشكل ملحوظ وتلاقي فعلا لونه مخطوف

3-
المنظر الخارجي

وده من أهم الصفات بص ياعم هتلاقي شفته لونها إغمق وعمال يغمق
بص بين الصوباعين بتوع ماسكة السيجارة
والسنان شوف اللون بتاعها أكيد بيغير بس ممكن بيكون حويط ويغسلها
العين بتبقي حمرا بس خلاص لقوا طريقة بيستخدموا قطرة بريزولين
ولو لقيتها علطول مع إبنك إعرف إنه بيشرب من الأخر
تحت العين هتلاقي المنطقة بتبقي في لون بني أو قاتم بيزيد

4 –
قلة التركيز

هتلاقي مستواه في الكلية زفت وقطران وخلي بالك في محششين برضك
مستواهم العلمي كويس بس في ناس تقولك نصطبح قبل المذاكره أو الإمتحان
عشان الحشيش بيزود الذاكرة ودي أكبر كذبه بيتتداولها الشباب بينهم وبين بعض
وأوعي تخليه يروح يذاكر مع واحد صاحبه ويبات معاه أه يروح يذاكر
بس مايباتش عنده ولما يرجع فاجأه وشوف منظره كويس
وإسأله عملت أيه

5-
المكنه

ده بقي ياسيدي المكان اللي بيتحط فيه الحشيش سواء ربع أو تمن
بس خلي بالك بيبقي في أعلي حته عشان يبقي بعيد عن العين
وما يطحتش علي الأرض عشان مش الكل يشوفه
وممكن حتي يخبي المصلحه في الكمبيوتر نفسه
جوا الكيسه

6-
التبه

دي ياسيدي حته في علبة السجاير كده هتلاقيها مختفيه
بيتعمل منها الكارتيلا بتاعة البتاع

7-
الحمام

ممكن برضك تلاقيه طول أوي في الحمام
يعني بيتعامل في الحمام أو ممكن يشربها في الحمام ويفتح الشباك ويستحمي
الريحه هتروح علطول أو ممكن يتعامل في الحمام ويطلع يشربها في أي حته بقي

8-
الشله والأصحاب

دي أكثر حاجه بتضيع الشخص عموما هي الشله الفاسده وشلة الصياعه
هو فاكر إنهم رجاله وجدعان مادام بيشربوا مع بعض
لكن اللي ميعرفهوش إن هما أصحاب طبليه أو أصحاب كيف
يعني مش رجاله ووقت الشده مش هتلاقيهم

9-
هتقضي

هتقضي دي كلمه بيقولها لما يعوز يروح يجيب الحشيش يقول نقضي منين
أو عايزين نقضي خلي بالك من الكلمة دي يا حاج
وماتعملش نفسك مفتح

10 –
الأكل

ساعات لما الواحد يصطبح بتبقي طالبه معاك ضحك تهيس أو حتي أكل
ممكن تلاقيه فضل يأكل أكثر من عادته ولا حاسس باللي حواليه
ماهي طالبه أكل برضك ومش هيبطل أكل ولا هيفصل وهتشوف

11-
البفره

ورقة البفره في منها نوعين
الزجزاج وفي أوتومان المنتشر في أوساط المحششين هو
بفرة أوتومان

12-
بيرول ( اللف ) خلي بالك

بص ياسيدي لما تخش أوضة إبنك شوف لو في سطح أملس
زي مرايه أو الكارنيهات مثلا وورق هتلاقي عليها بواقي تبغ
أو ريحة حشيش أو تبغ وماتبصش علي البطاقه لأن هو حويط
مش هيقطع بيها أو عليها وبص في محفظته برضك ممكن تلاقي
وشوف لو في معاه قطر أو حتة موس شمها برضك
دبوس

13-
طرق الشرب

بص ياعم عشان ده مهم جدا في طريقة الكوبايه دي دي طريقة مهمه
يعني لو مسافر وإبنك لوحده لما ترجع كده شوف الكوبايات برضك
وعندك طريقة الغرقانه المهم شوف لو في عندك أزايز بلاستيك ومقطوعه
نصين أو الحته اللي فوق أعرف إنه بقي معلم

[الراجي عفو رب العالمين]

رد: موضوع مهم جدا

جزاك الله خيراً

[مجاهد الشام]

رد: موضوع مهم جدا

يا ساتر إيه ده
الله يستر عليك خليها علي الله
دي بتخوف اوي
موضوع جميل ومهم للأمانة ويحتاج إهتمام سينقل إلي قسم التواصل الإجتماعي

[انا بحبك يا رب]

رد: موضوع مهم جدا

فعلا موضوع مهم جدا ربنا يبارك فيك و يعفينا من الذنوب

[مع الحق]

رد: موضوع مهم جدا

صحيح



بارك الله فيك

[M_S_A]

رد: موضوع مهم جدا

جزاك الله خيراً اخى الحبيب على هذا الموضوع الرائع

ولكن يا اخى انت عرفت الكلام ده منين انت بتحشش ولا ايه _ابتسامه_

لا تحرمنا من جديدك

[ابا فارس]

رد: موضوع مهم جدا

جزاكم الله كل خير واسال الله عز وجل ان يكفينا شر فتن الدنيا

[العابدلله]

رد: موضوع مهم جدا

ربنا يسترنا يا اخى والله
الموضوع ده عاد منتشر بشكل صعب اوى ..
تقريبا كل المدخنين الوقتى محششين
ربنا يسترها ومتبقاش نهايتعم زفت وقطران عليهم

نسال الله تعالى ان يرزقنا حسن الخاتمة

[تائب بإذن الله]

رد: موضوع مهم جدا

جزاك الله خيراً اخى الحبيب على هذا الموضوع الرائع

ولكن يا اخى انت عرفت الكلام ده منين انت بتحشش ولا ايه _ابتسامه_

لا تحرمنا من جديدك

هههههههههههههههههههههههههههههههههه
صحيح عرفت الكلام ده منين
ربنا يحفظنا جميعا
جزاك الله خيرا على هذا الطرح الرائع
اللهم ثبتنا على الحق حتى نلاقاك

[ابا فارس]

رد: موضوع مهم جدا

هههههههههههههههههههههههههههههههههه

صحيح عرفت الكلام ده منين
ربنا يحفظنا جميعا
جزاك الله خيرا على هذا الطرح الرائع
اللهم ثبتنا على الحق حتى نلاقاك

السلام عليكم ورحمة الله وبركاته
ههههههههههههه
بردوا صممين تعرفوا انا عرفت الكلام دة ازاى
الحمد لله انا لا بحشش ولا حاجة ولله الحمد انا تركت السجائر منذ فترة ليست بالقليله الحمد لله

فى الاجازة الماضيه كنت باشتغل فى احدى السنترالات فى منطقه شعبية جدا جدا جدا ولو ى احد من الاخوة من مدينة المنصورة اكيد عارفها هيا *****
المهم المنطقه دى اهلها واللعياذ بالله 48 ساعه مخدرات بياخدوا حبوب علشان يعرفوا يشتغلو وبالتالى الموضوع قلب معاهم بادمان
دخلى اية انا بالموضوع
انا كنت بشتغل هناك 12 ساعه واللى بجد ثبتنى على انى مدخلش للطريق الىل هما فيه دة الصلاه دة بعد فضل الله سبحانه وتعالى
اللحمد لله كانت الناس هناك بتحبنى وبالبلدى كدة عاوزين يوجبوا معايا بس الناس الىل هناك اغلبهم مش متعلمة ف كانو عاوزين بيوجبوا معايا ازاى
الىل الاقيه جايب حبايه وجاى يقولى دى فيتامين واللحمد لله انى متعلم تعليم عالى
اللى الاقية جاى يقوللى خد السجارة دى ولازم تشرب وووالله هنزعل والكلام الىل لا بيودى ولا بيجيب دة
والحمد لله انا سيبت الشغل هناك من زمان
ف الطبيعى ان الناس دى لما كانت بتقعد معايا كانت بتعرفنى دة اية ودة ايه واشوف تعاملهم هناك ازاى مع بعض ودة بياخد دة ليه لمزاجة ولا علشان ايه
يعنى ف يوم من الايام واحد جالى وقاللى فكلى ال 20 جنية دى
وانا بسلامة نيه بفكهالو
قام شاتمنى وقاللى انت اى حد كدة يجيلك تفكلة
وقاللى امسك ال20 جنية دى كويس
بصلها اوى ببص حسيت انها مزورة بس كان شكلها حقيقى واللى اعرفه ان اى فلوس مزورة لو مسحتها ب ماء تتمسح والوانها تروح
طلعت مزورة وهو كان بيعفنى والحمد لله انه عرفنى لان فعلا جاللى فلوس موزرة بعد كدة والحمد لله ربنا سترها


طبعا مش كل اهل المنطقه كانو كدة فى ناس ربنا يبارك فيهم ملتزمين ومحترمين مقلناش حاجة

و كان فى واحد بيشتغل حداد الشاب دة بينزل من بعد الفجر لشغلة ويفضل شغال ل بلليل دة لو حيوان مش حاسس اكيد كان هيتعب ولازم يشتغل علشان يصرف على اهلة (والدة متوفى) وهو راجل العائله
وكان علشان يستحمل التعب كان بيقضيها حبوب مخدرات (****) ودة انا عرفته ف **** بردة ف بالتالى عرفت موضوع الحشيش وطرقة وازاى اعرف ان اللى قدامى دة بيشرب ولا لا



و دة السبب ف انى اعرف حاجة زى كدة

[علي منجد]

رد: موضوع مهم جدا

[ابا فارس]

رد: موضوع مهم جدا

وجزاك الله مثله...