إعـــــــلان

تقليص
لا يوجد إعلان حتى الآن.

صفحة تواصل مادة الدعوة العملي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [هام] صفحة تواصل مادة الدعوة العملي


    السلام عليكم ورحمة الله وبركاته.

    حياكم الله جميعًا طلاب الدفعة الثانية والثالثة للمعهد القرآني الدعوي.
    نبدأ بهمة ونشاط ونقول بسم الله:
    جولتنا الأولى في فصلنا الدراسي الجديد بإذن الله ستكون عن عيد الحب.
    مطلوب الآن:
    1- اقتراحات مميزة وشبابية لاسم الجولة.
    2- أفكار للجولة نفسها، من حيث البوستات التشويقية.
    .....
    ف انتظار مشاركاتكم المتميزة بإذن الله كما عهدناكم.
    أقصى موعد لاستقبال المشاركات عصر الإثنين بإذن الله.


    جولة عيد الحب
    جولة أحبك ربي

    التعديل الأخير تم بواسطة آمــال الأقصى; الساعة 03-04-2017, 06:46 PM.


    رحمــــةُ الله عليـــكِ أمـــي الغاليــــــــــــة

    اللهــم أعني علي حُسن بِــــر أبــي


    ومَا عِندَ اللهِ خيرٌ وأَبقَىَ.

  • #2
    رد: موضوع خاص بتحضير الجولات


    اقتراحاتي لاسم الجولة:
    1- حب بريء ... ولكن!
    2- بتحبيه ليه؟
    3- مين أغلى؟
    4- حب من طرف واحد. " باعتبار نهاية هذا الحب ".
    .......
    البوست التشويقي:

    فاكرة يوم ما فتحتي قلبك....لغير الحلال.
    ساعتها بس قلتي هو ده....الحب الحلال.
    عشتي الحياة كلها أوهام منتظرة...فارس الأحلام.
    رسمتي قلب وقلب جنبه وقلتي خلاص...نلت المراد.
    ضيعتي نفسك بحب حرام وجنيتي حرقة...وألم ونار.
    وضحكوا عليك وقالوا " عيد الحب "ده...مش حرام!
    .........


    رحمــــةُ الله عليـــكِ أمـــي الغاليــــــــــــة

    اللهــم أعني علي حُسن بِــــر أبــي


    ومَا عِندَ اللهِ خيرٌ وأَبقَىَ.

    تعليق


    • #3
      رد: موضوع خاص بتحضير الجولات

      الاسم الاول جميل ومشوق للناس حيث يظن الناس انه حب برىء ثم يعرفوا الحقيقة

      وعموما هفكر فى اسم لو عندى ساضعه هنا

      بالنسبة للبوستات

      فاكرة لما ظنيتى ان لازم حد يحبك

      وتعيشى معاه احلام رومانسية

      فاكرة لما كنتى بترسمى ديما قلبين وتقولى مش هيتفرقوا

      وقالوا ليكى فى يوم حب هو ده اليوم الجميل

      اللى هتحسى بيه بسعادة وحب

      وطلع كله وهم فى وهم

      تعالى بقى عشان تعرفى معانا يعنى ايه حب

      وهو لازم حب طيب ازاى ؟

      قال ابن الخطيب《 لو علم المؤمنون فضل الصلاة على النبي ﷺ لما كفّت ألسنتهم عنها كل حين》
      اللهمَّ صلِّ وسلم على نبينا محمد


      تعليق


      • #4
        رد: جولة عيد الحب

        إقتراحاتي لـ إسم الجولة:
        1_
        بكم تبيـــــع جنتك .. !!
        2_ هان عليك ... !!!

        البوست التشويقي
        فاكرين لما كنا صغيرين وكانت
        لســـه الفطرة الحلوة جوانا
        كانت البنت عندها حيـــاء
        ،لكن مع الأسف الفطرة بدأت تختفى شويه بـ شويه
        بـ حجة التحضر والإنفتـــاح وأنه بقى ده كلام قديم وما يناسبش زمانا
        ، نسينا الملك الديان ، نسينا القسم اللى قسمه ابليس وعزتك وجلالك لأغوينهم اجمعين
        سيبنا الشيطان ينتصر علينا بـ ملذات ومتاع ودنيا زائلة بل هى مجرد طريق خُلقنا فيها لـ نعبرها
        نقى قلبك وارجع لـ فطرتك اللى ربنا خلقك بيها
        وسيبك من ركب إبليس

        تعليق


        • #5
          رد: جولة عيد الحب

          الاسماء المقترحه
          الحب الحرام طريق لجهنم
          الحب الحرام مش حيدوم
          البوست التشويقي
          حب ايه اللي يضيع عليك جنه عرضها السماوات والارض
          حب ايه اللي تعيشى عمرك كله ندمانه عليه
          مش مكسوفه لما ربنا سبحانه ينظر الى قلبك ويرى حب حرام في قلبك مش خايفه من غضب ربنا
          فوقي لايستحق قلبك ان يمتلئ حب إلا لله سبحانه وتعالي

          تعليق


          • #6
            رد: جولة عيد الحب


            عيد الاعداء

            هو: ابعدي عني انتي لسا جاية ورايا
            هي: انا مش طريقة اشوف وشك انت السبب في اللي احنا فيه
            هو: مين اللي، كان السبب ان شاء الله
            هي: انت السبب انت اللي كنت بتشاغلني وتحاول تقرب مني وتبعتلي رسايل وهدايا وتقولي مش قادر استغني عنك انت السبب في المصيبة اللي احنا فيها اااااه
            هو: نعم، مش انتي اللي كنتي بتلبسي اشيك لبس وتحطي ميكب علشان تلفتي نظري مش انتي اللي كنتي بتردي علي رسايلي وتعملي مكسوفة وانا بكلمك مش انتي اللي كنتي بتقولي ماقدرش اعيش من غيرك انتي اللي وديتينا في داهية ااااااه
            هي: ماتفكرنيش بالمصايب اللي عملتها
            دي كمان انت السبب كنت بتبعتلي الاغاني وتقولي بتفكرني بيك ربنا يزيدك من اللي انت فيه كمان

            هو: ااااه من المصيبة دي كمان انتي اللي كنتي فاتحة باب الفتنة ربنا يزيدك من اللي انتي فيه كمان وكمان
            هي: ياريتني سمعت كلام صاحبتي اللي ياما نصحتني وقالت اللي ان دي اخرة اللي انا بعمله ياريتني سمعت نصيحتها بدل ماكنت بستهزئ بيها وبقول عليها معقدة هيا فين انا مش شايفاها هنا، هيا اكيد مش هنا اللي هايجيبها هنا
            ياريتني ارجع واسمع كلامها ياريتني ارجع واصلح كل ده يارييييت ندمااااانة بجد

            ////اللي شوفتوه ده مش مقطع من مسلسل!!
            ولا جزء من خناقة زوجية ولا حتي خناقة بين
            اتنين فركشوا مع بعض
            ده موقف حقيقي جدا وده اللي هايكون بين كل اتنين مقضينها مع بعض في عيد الحب لو لم يتوبوا
            مش مصدقاني
            ربنا بيقول "الاخلاء يومئذ بعضهم لبعض عدو الا المتقين "
            مش مقتنعة طب اقرأي كده وتخيلي

            هَذَا فَوْجٌ مُقْتَحِمٌ مَعَكُمْ لَا مَرْحَبًا بِهِمْ إِنَّهُمْ صَالُوا النَّارِ (59) قَالُوا بَلْ أَنْتُمْ لَا مَرْحَبًا بِكُمْ أَنْتُمْ قَدَّمْتُمُوهُ لَنَا فَبِئْسَ الْقَرَارُ (60) قَالُوا رَبَّنَا مَنْ قَدَّمَ لَنَا هَذَا فَزِدْهُ عَذَابًا ضِعْفًا فِي النَّارِ (61) وَقَالُوا مَا لَنَا لَا نَرَى رِجَالًا كُنَّا نَعُدُّهُمْ مِنَ الْأَشْرَارِ (62) أَتَّخَذْنَاهُمْ سِخْرِيًّا أَمْ زَاغَتْ عَنْهُمُ الْأَبْصَارُ (63) إِنَّ ذَلِكَ لَحَقٌّ تَخَاصُمُ أَهْلِ النَّارِ
            عرفتي اخرة اللي انتي فيه
            عرفتي اللي مش قادرة تستغني عنه هايكون كلامه ليك ازاي وقتها
            طب عايزة تعرفي عيد الحب الحقيقي؟!!!
            (ممكن يكون البوست اللي بعده عن الاخوة في الله ولقاء المتحابون في الله في الجنة ونعيمالحب في الله)
            التعديل الأخير تم بواسطة آمــال الأقصى; الساعة 12-02-2017, 03:08 PM.
            الباقيات الصالحات

            تعليق


            • #7
              رد: جولة عيد الحب

              العنوان متاهة الحب
              البوست التشويقى
              هتودينا لفين
              حبيته
              بس ياترى هوبيحبنى بجد متاهه
              مش مهتم
              ومازلت متمسكه بيه
              ليه؟
              متاهه
              عشان متكسرش متاهه
              عشان مصغرش فى نظر اهلى متاهه
              عشان انا بدات على انه حلال فلازم ينتهى فى الحلال متاهه
              جواكى لغبطه وميت متاهه
              مبقتيش عارفه تروحى فين وتيجى من اين
              تعالى معانا هنسعدك تخرجى من المتاهه
              بس
              خدى قرار انك تخرجى وترجعى تنورى دونيتك وتلونى ايامك وترسمى اخرتكاحنا قلوب بتحبك تنقذك من المتاهه

              تعليق


              • #8
                رد: صفحة تواصل مادة الدعوة العملي

                اقترح اسم
                1. كيوبيد الحب
                2. ومن الحب ما قتل
                لأستسهلنَّ الصّعبَ أو أدركَ المُنى ... فما انقادتِ الآمالُ إلّا لصابرِ ..

                تعليق


                • #9
                  رد: صفحة تواصل مادة الدعوة العملي

                  أقترح يكون اسم الجولة
                  الذنب المقدس؟؟؟
                  البوست التشويقي
                  ذنب ومقدس طب ازاى؟؟
                  راق لديهم وزينه أهل الأهواء في عقولهم ووجدانِهم ,
                  وجعلوا له إلهًا , وخلعوا عليه القُدسية قديمًا ,
                  فاستطالة الأيام فصيروه يومًا واستبدلوه بإلههم القديم ,
                  وقالوا بِزعمهم هو يومًا نقدسهُ , نبذلُ فيه الحب لمن نحب ,
                  قنن لهم الشيطان ذاك العيد ,
                  ووعدهم في شرعته عليه المزيد , كيف لا وهو عدوهم العنيد ,
                  فقدسوه فأصبح ذنبًا إلفهم وإلفوه , وذنبًا قدسوه فصار الذنب المقدس .

                  تعليق


                  • #10
                    رد: صفحة تواصل مادة الدعوة العملي


                    الأسامي المقترحة:

                    ** كل يوم بقربك هو عيد حب

                    ** حقيقة عيد الحب



                    وَمَا كَانَ رَبُّكَ نَسِيّا






                    تعليق


                    • #11
                      رد: صفحة تواصل مادة الدعوة العملي

                      العنوان :
                      بتحبها ؟؟! .... بتحبيه ؟!
                      البوست :
                      بتحبها .. بتحبيه
                      وجاي فلانتين منتظرين تحتفلوا بيه
                      طب ممكن سؤال لنفسك تسأليه
                      امتى ربك هتفتكريه ؟! وشيطانك هتهزميه ؟!
                      لازم تاخدي خطوة بيها تواجهيه
                      وتدعي ربك قلبك ينقيه
                      وتستني حلالك اللي هتفرحي بيه
                      يلا سدي الباب بسرعة اقفليه
                      وابعدي عنه فورا بدال ما تتحاسبي عليه
                      وافتكري وعد ربك اللي هيعوضك باحسن من اللي تركتيه

                      تصميمات :

                      تعليق


                      • #12
                        رد: صفحة تواصل مادة الدعوة العملي

                        العنوان أعقل حب

                        البوست

                        أجمل حب هو إنك تحسيى ان قلبك مطمن لما تقربي من حبيبك
                        وأخلص حب هو إن يكون عندك استعداد تضحى بأى شيء ممكن يبعدك عن حبيبك
                        وأعقل حب هو إنك تحبي اللى يقدر واللى يستاهل

                        اللي يقدر يحوطك برحمته وحنانه طول ما انتى قريبة منه
                        واللي يستاهل إنك تضحى بأغلى شيء عندك عشان تقربي منه

                        يا ترى مين اللى يقدر ومين اللى يستحق كده؟



                        تعليق


                        • #13
                          رد: صفحة تواصل مادة الدعوة العملي

                          اسم الجولة :-

                          1- كونى جوهرة

                          2- لا تأتوا البيوت من ظهورها

                          3- العيد من عيدنا

                          البوست التشويقى :-


                          1- ألا تعلمون .... ان المودة والرحمة بين الازواج من آيات الله لقوم يتفكرون

                          2- سأكتب عن الحب الحلال لأوقد جذوته و أعلى رايته منتصرا على الذين لا يفقهون

                          تعليق


                          • #14
                            رد: صفحة تواصل مادة الدعوة العملي

                            الاسامى المقترحة
                            حب كل يوم
                            حب بجد
                            الحب الحقيقى
                            بتحب مين؟
                            خدعه الحب
                            عيد حب لمن؟
                            عيد حب ام اغضاب للرب؟
                            دعوة للباطل
                            من يستحق الحب!!
                            أهل الحب

                            تعليق


                            • #15
                              رد: صفحة تواصل مادة الدعوة العملي

                              أجمل حب
                              مش عارفة اضيفها للتعليق السابق ﻻنه مش راضى يتعدل

                              تعليق

                              يعمل...
                              X