Tweet
السلام عليكم ورحمة الله وبركاته
الكلمات مش هتقدر توصف قدر سعادتنا بانضمامكِ لينا
أكيد أنتِ كمان سعيدة وأنتِ بتبدأي أول خطوة في طريقك لحفظ كتاب الله
ممكن تكوني قلقانة وخايفة
هي دي طبيعة البدايات
البداية أهم خطوة في كل مشوار
والمشوار لحفظ القرآن مينفعش يكون فيه خوف وقلق
هتخافي وتقلقي وأنتي بتقرأي كلام ربنا!!
أكيد لا
أخوات كتير زيك بدأوا نفس المشوار من فترة قريبة
ودلوقتي بفضل الله ختموا 3 أجزاء ودرسوا كم كبير من التجويد
هم استعانوا بالله وكملوا ولسة مكملين
وأنتِ كمان هتستعيني بالله وهتبدأي أول خطوة وهتكملي معانا المشوار للنهاية
هنبدأ دورتنا على بركة الله الحلقة التانية من الاسبوع ده
يعني إيه الحلقة التانية؟
يعني لو حلقتك سبت وتلات يبقى تحضري يوم التلات
لو حلقتك أحد وأربعاء تحضري الاربعاء
لو اتنين وخميس تحضري الخميس، وهكذا
يلا قولي بسم الله وابدأي
تعليق