Tweet
حفظ القرآن الكريم
حلم بيتمناه كل مسلم ومسلمة
لكن كتير فاكرين إن تحقيق الحلم ده صعب وفي ناس تانية شايفاه مستحيل كمان
وكتير بيشوفوا حافظ القرآن على أنه شخص نادر أو حصلت معاه معجزة مش هتتكرر مع الكل
ممكن تمسكي المصحف وتسألي نفسك هو أنا ممكن أحفظ كل العدد ده من السور والصفحات والآيات !!!
ممكن تسمعي تلاوة للقراء والمشايخ وتكوني مبهورة جدًا هو إزاي بيقرأ بالشكل ده!!!
هتحسي وقتها إن كل ده صعب ومستحيل
وهتقولي لنفسك أنا لا أقدر أحفظ كل ده ولا أقدر أنطق زي الشيخ كده
وطبعًا الشيطان مش هيسيبك وهيكبر الرأي ده في دماغك لحد ما تقولي: "لا يُكَلِّفُ اللهُ نَفْسًا إِلَّا وُسْعَهَا"
هيحرَّف معنى الآية عندك علشان تلاقي لنفسك مبرر إنك متبدأيش
مين قال إنك متقدريش؟
عايزة الصدق؟؟؟؟
أنتي تقدري جداااااااا
تقدري تحفظي المصحف كااااامل بكل سوره وآياته ومتشابهاته كمان
تقدري تتعلمي أحكام التجويد وتطبقيها خطوة خطوة لحد ما تقدري تقرأي القرآن الكريم تمامًا زي ما أُنزل على النبي صلى الله عليه وسلم
هتقولي آه ممكن بس صعب!!!
لا مش صعب خااااااااااااالص
وحتى لو صعب الجنة تستاهل نتحدى الصعب ونحققه علشان نفوز بيها
صح؟؟؟؟؟؟؟
ممكن تلاقي طرق كتير مكتوبة إزاي تحفظي القرآن وتراجعيه
لكن أهم خطوة وبداية الطريق هي :
الاستعااااااااااانة بالله وحده
بعدها هيسهل كل عسير بفضل الله
لسة برضه مترددة وقلقانة
قلقانة تبدأي ومتكمليش؟
قلقانة تبدأي وتلاقي صعوبة
ادخلي الموضوع ده اقري آراء أخوات سبقوكي واشتركوا الدورة اللي فاتت
❤ ✿ツسنة أولى قرآن " آرااااااااااااء وانطبااااعاااااااااات❤ ✿ツ
بعد الكلام ده كله خلاص بقى
مفيش خوف ولا قلق ولا تردد
وأصلا تخافي وتقلقي وتترددي ليه؟؟
ادخلي الدورة ولو حفظتي آية واحدة أنتي المستفيدة صح؟؟؟؟
هتبدأي تجربة جديدة ومش هبالغ لو قلت لك حياة جديدة
لإن الحياة مع القرآن مختلفة جدًا وجديدة فعلاً
شوفي الانفوجراف ده
http://www.youtube.com/watch?v=6wGpvXPslSY&app=desktop
مش بس ده
شوفي كمان الدعاة والمشايخ بيشجعوكي ازاي
http://www.youtube.com/watch?v=eGpXZKwamXw
وده كمان
http://www.youtube.com/watch?v=vDjjAmpPnis
طيب نتكلم عن تفاصيل الدورة
الدورة منهجها حفظ جزء عم ودراسة أساسيات علم التجويد
هنحفظ كل يوم نص وجه بس (يعني نص صفحة)
والتجويد هتشرحه المعلمة في الحلقة وتطبقي معاها
التسميع مرتين أسبوعيًا
كل أسبوع هينزل جدول فيه حفظ الاسبوع ومعاه وصلات صوتية بصوت الشيخ الحصري
تسمعيه وترددي معاه ويوم ورا يوم تتحسن تلاوتك أكتر وأكتر
المواعيد هتكون متاحة إن شاء الله صباحًا ومساءً
تختاري موعد يناسبك وتحضري فيه
بعد انتهاء الدورة هيكون ليها اختبار شفوي في الحفظ واختبار تحريري للتجويد
وهيتم تكريم الأوائل والمتميزات زي ما في الموضوع ده
❤ ✿ツسنة أولى قرآن " حفل إعلان نتائج دورة حفظ جزء عم❤ ✿ツ
طيب علشان تسجلي اشتراك دلوقتي مطلوب منك إيه؟
أولاً: لازم عمل عضوية هنا على المنتدى
تابعي الروابط الجاية
تسجيل العضوية
https://forums.way2allah.com/register.php
شرح تسجيل العضوية
https://forums.way2allah.com/showthread.php?t=263095
تفعيل العضوية من هنا بكتابة رد
https://forums.way2allah.com/showthread.php?t=53777
عملتي عضوية وتم تفعيلها
تكتبي رد هنا إنك عايزة تشتركي بالدورة
لكن
شرط الدورة تكوني مبتدئة في حفظ القرآن ودراسة التجويد
يعني تكوني غير حافظة لجزء عم من قبل ولو حفظتيه تكوني ناسية أغلبه
وتكوني غير دارسة للتجويد قبل كده أو في بداية خطوات دراسة التجويد
الحلقات على النت
يعني لا هتخرجي ولا هتتعبي خالص
الحلقات بتكون على برنامج اسكايب ولو فيه مشاكل الحلقة بتتنقل على برنامج الزووم
مطلوب منك تسطيب الاسكايب والزووم وعمل حساب على الاسكايب
وبعدها تضيفي الحساب الخاص بينا وهو ده
Quran_way2Allah آية أية نصل للغاية
وترسلي رسالة عليه فيها اسمك على المنتدى وإنك هتشتركي بدورة عم
الحلقات هتنزل مواعيدها قريب جدا
خليكي متابعة معانا وأول ما تنزل مواعيد الحلقات تكتبي اشتراك في الموعد المناسبك ليكي
وعلشان تقدري تدلي كل أصحابك على الخير ده عملنا لك ايفينت على الفيس وده الرابط بتاعه
https://www.facebook.com/events/1068345276622299/
منتظرينك
جوايز الأوائل في المشاركة الجاية
جوائز الدورة
تعليق