إعـــــــلان

تقليص
لا يوجد إعلان حتى الآن.

تفريغ ح 2 من برنامج دقة قلب للشيخ هاني حلمي // مفهرس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تفريغ ح 2 من برنامج دقة قلب للشيخ هاني حلمي // مفهرس




    تفريغ ح 2 من برنامج دقة قلب للشيخ هاني حلمي


    أسأل الله تبارك وتعالى أن يرزقنا وإياكم قلوبًا سليمة، وألسنتةً صادقة، اللهم إنا نعوذ بك من علمٍ لا ينفع ومن قلبٍ

    لا يخشع ومن نفسٍ لا تشبع ومن دعوةٍ لا يستجاب لها



    ربنا آتنا من لدنك رحمة وهيئ لنا من أمرنا رشدا


    دقـــــــة قـلــب


    يا ترى على مدى الأسبوع القلب دق؟


    يا ترى الواجبات العملية اللي اتفقنا عليها في الحلقة اللي فاتت من إنه نبدأ نسأل أنفسنا الأسئلة


    هل يشعر قلبك بربك؟


    هل قلبك قريبٌ من ربك؟


    ماذا وجدت في قلبك؟


    في الخمس أشياء التي اتفقنا عليها:


    عند قراءة القرآن, وعند الذكر, وعند الصلاة, وعند النوم, وعند الاستيقاظ.


    الخمس أشياء التي تعلمناها من العلماء نعمل بهم مكاشفات للقلوب, ونتحسس ما في هذه القلوب, حنبدأ نرى أي القلوبِ قلوبنا؟


    قال سفيان الثوري:


    "يأتي على الناسِ زمان تحيا فيه أبدانهم وتموتُ فيه قلوبهم"


    النبي صلى الله عليه وسلم قال:


    (ألا وإن في الجسد مضغة إذا صلحت صلح لها سائر الجسد، وإذا فسدت، فسد لها سائر الجسد، ألا وهي القلب))


    رواه البخاري ومسلم من حديث النعمان بن بشير رضي الله عنه.


    العبرة بهذا القلب، هذا القلب ملك والجوارح رعيته فإذا صلح هذا القلب وكان قلبًا سليمًا، كما وصف الله سبحانه وتعالى إبراهيم عليه وعلى نبينا الصلاة والسلام وقال:


    (إِذْ جَاءَ رَبَّهُ بِقَلْبٍ سَلِيمٍ) الصافات:84


    وقال سبحانه وتعالى:


    (إِلَّا مَنْ أَتَى اللَّهَ بِقَلْبٍ سَلِيمٍ) الشعراء:89


    وهذا هو المعني الذي يجب أن ننتبه إليه كثيرًا.


    ابن الجوزي رحمه الله تعالى يقول:


    "كل الطرق تقطع بالأقدام إلا طريق الرحمن فيقطع بالقلوب يقطع بالجنان"


    يقطع الإنسان طريقه ويسير فيه إلى الله تبارك وتعالى بما كسبت هذه القلوب,


    الوارد إن القرآن سمى القلوب بأسماء متعددة والمشهور من كلام أهل العلم,


    مثل ابن القيم رحمه الله في مفتتح إغاثة اللهفان يقول:


    إن القلوب ثلاثة: قلبٌ سليم، وقلبٌ سقيم، وقلبٌ ميت


    هذا مشهور، لكن أبو بكر الوراق كان له قولٌ آخر، يقول:


    للقلوبِ ستةُ أشياء(قال إن تقسيم القلب غير الثلاثة السابقة):


    قلبٌ حي، وقلبٌ ميت، وقلبٌ صحيح، وقلبٌ مريض، وقلبٌ يقظان، وقلبٌ غافل نومان.


    ستة أنواع من القلوب:-


    القلب الأول:


    قلبٌ حي:-


    وحنبدأ اليوم ندرس علامات حياة القلوب،


    والعكس تمامُا قلبٌ ميت وأيضًا له علامات ومظاهر سندرسها معًا في الحلقة،لكي نعرف قلوبنا حية ولا ميتة والعياذُ بالله.


    القلب الثالث:قلب صحيح


    ماالفرق بينه وبين القلب الحي؟


    لإنك ممكن تكون حي لكن غير صحيح


    واحد حي ومريض، هو موجود حي لكن مريض!


    فالأول حي والثاني حي وصحيح معًا يكونوا القلب السليم، هذا هو القلب السليم


    قلبٌ صحيح وقلبٌ مريض (فِي قُلُوبِهِمْ مَرَضٌ فَزَادَهُمُ اللَّهُ مَرَضًا) البقرة:10


    وقلبٌ نومان وقلبٌ يقظان.


    سندرس قلب قلب من هذه القلوب ونبدأ نشخص حالك,


    اليوم تشخيص حالك، تشخيص حالة هذا القلب


    من أي القلوب قلوبنا؟


    نبدأ مع القلب الحي والقلب الميت,


    ربنا يقول (أَمْوَاتٌ غَيْرُ أَحْيَاءٍ وَمَا يَشْعُرُونَ أَيَّانَ يُبْعَثُونَ (21) إِلَهُكُمْ إِلَهٌ وَاحِدٌ ) النحل:21


    في أول علامة إن هذا القلب ميت ولا حي:


    الشعور:-


    (أَمْوَاتٌ غَيْرُ أَحْيَاءٍ وَمَا يَشْعُرُونَ أَيَّانَ يُبْعَثُونَ (21) إِلَهُكُمْ إِلَهٌ وَاحِدٌ ) النحل:21


    القلب يحيا بالهدى، ويموت بالضلالة


    القلب الحي قلبٌ أول صفاته:


    الوجل:-


    القلب يحيا بالهدى ويموت بالضلالة، القلب الحيّ "قلب" أول صفاته الوجل


    خدوا بالكم من الآيات دي لأنها آيات كواشف ، آيات بتفضح الإنسان قدام نفسه


    كتير أوي لما أسألك إلتزمت من إمتى؟ الحمدلله التزمت من خمس سنين :


    اللي هو لبست الحجاب يعني! لبست الخمار يعني! لبست النقاب يعني!


    وإنتَ التزمت يعني إيه؟ يعني كنت ماشي مع بنات وبطلت وبدأت أصلّي يعني! آه الحمدلله بدأت أتسنن وأَطلقت لحيتي مثلا!


    إنت كدا ملتزم؟ إنت بتقول إنّ إنت كدا مؤمن! إنت كدا صالح؟ إنت كدا مستقيم!


    طب بص الآية بتقول إيه علشان المعيار القرآني معيار مختلف تماما:-


    قال تعالى : (إِنَّمَا الْمُؤْمِنُونَ الَّذِينَ إِذَا ذُكِرَ الله وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ * الَّذِينَ يُقِيمُونَ الصَّلاَةَ وَمِمَّا رَزَقْنَاهُمْ يُنفِقُونَ * أُوْلَئِكَ هُمُ الْمُؤْمِنُونَ حَقًّا)سورة الأنفال


    إيه دا؟ ليه حقا؟ إنما المؤمنون: ربنا بيقولنا مين هم أهل الإيمان ليه بقى أولئك هم المؤمنين حقا؟


    لأن في ناس تدّعي الإيمان باطلا: هو مش ملتزم ولا حاجة، ولا مستقيم ولا حاجة، والناس بس حطّت شوية معايير سموها معايير الالتزام وهي دي مش الالتزام؛


    الالتزام الحقيقي: التزام بمعاني الإيمان .. قلب وجوارح مش صورة أعمال مش واحد علشان تسنن بسنة من سنن النبي صلى الله عليه وسلم بقى اسمه ملتزم كدا، بقى اسمه صالح كدا .. مين قال!


    بقى خلاص أنا من الخاصة والباقيين دول اسمهم العوام

    آسف خمس علامات لو عندك يبقى إنتَ من المؤمنين حقا,



    خمس علامات لو عندِك يبقى أنتِ فعلا من أهل الإيمان حقا,


    نشوف؟ ودي أولا علامة لحياة القلب وصلاحه


    " إِنَّمَا الْمُؤْمِنُونَ الَّذِينَ إِذَا ذُكِرَ الله وَجِلَتْ قُلُوبُهُمْ " يا ترى لما سمعت " الله " عمل إيه في قلبك دلوقتي؟


    " الله " قلبك نبض؟ قلبك دق!


    عارفين النبي _ صلى الله عليه وسلم - يوم أحد "لما أبو سفيان قعد يقول أعلوا هبل ، أعلوا هبل _ هبل كسب _ فقال: النبي _ صلى الله عليه وسلم _ ألا تجيبونه ؟ قالوا : يا رسول الله _ صلى الله عليه وسلم _ ما نقول؟ قال : قولوا الله أعلى وأجل "


    أهي هي دي " الله أكبر " بتكسر حجر قلبك ولا لأ؟


    " الله " بترعش قلبك ولا لأ ؟ إذا ذكر الله وجل القلب ولا بيوجل لحاجات تانية؟ يعني بيبقى خايف حاجات أكتر من ربنا؟


    الواحد بيترعش لو شايف فلان الظالم أو فلان المتحكم في لقمة عيشه _ في نظره _ مع إن الله هو الرزاق ذو القوة المتين,


    فأول ما يسمع اسم فلان جه قلبه يرعش، دخل المدير قلبه يرعش!


    إنما إذا ذكر الله القلب بيخفق؟ بيدق؟ ولا لأ!


    إذا العلامة الأولى وجل القلوب إذا ذكر " الله " ( وجلت قلوبهم )


    " وَإِذَا تُلِيَتْ عَلَيْهِمْ آيَاتُهُ _ لما يسمع قرآن _ زَادَتْهُمْ إِيمَانًا "


    كل ما الواحد يحس إن الدنيا بتسود يقرأ قول الله (حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا) سورة يوسف 110


    يقرأ قول الله سبحانه وتعالى : (وَهُوَ الَّذِي يُنَزِّلُ الْغَيْثَ مِن بَعْدِ مَا قَنَطُوا وَيَنشُرُ رَحْمَتَهُ ۚ.. .) سورة الشورى 28


    لما يعمل ذنوب تقيلة وخايف يقابل بيها ربنا سبحانه وتعالى ويقرأ قوله : {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} سورة الزمر 53

    يسكب في القلب الاطمئنان والراحة ، روح وريحان وجنة نعيم,



    القلب الحيّ إذا تليت عليه الآيات زاد إيمانا.


    القلب الحيّ 3 :


    1: وجل القلوب

    2: يزداد القلب إيمانا بذكر الله
    بتلاوة الآيات؛ لأن الإيمان في القلوب قال تعالى : ("
    قَالَتِ الْأَعْرَابُ آَمَنَّا قُلْ لَمْ تُؤْمِنُوا وَلَكِنْ قُولُوا أَسْلَمْنَا"_ بصوا الجاية دي _ وَلَمَّا يَدْخُلِ الْإِيمَانُ فِي قُلُوبِكُمْ..) سورة الحجرات 14

    يرشق جوة، يثبت جوة.



    3: القلب الحيّ : قلب متوكل ..
    قال رسول الله _ صلى الله عليه وسلم _ [
    يدخل الجنة أناس أفئدتهم كأفئدة الطير ] قالوا : في رقتها ، أو في توكلها لأن النبي _ صلى الله عليه وسلم _ في الحديث الآخر قال : [ لو أنكم تتوكلون على الله حقّ توكله لرزكم كما يرزق الطير تغدوا خماصا وتعودوا بطانا ] هو دا التوكل : قلب مستعين بالله.


    القلب الحيّ مستشعر قرب الربّ فمستعين بالربّ سبحانه وتعالى فهو قلب لا يأتيه من كدورات الهم والغم والمشاكل دي لأنه متوكل, قلب يسجد لله تبارك وتعالى ويتقرب لله تبارك وتعالى.





    4:من علامات القلب الحي كمان إنه لو حيا هذا القلب زي ما اتفقنا إنه ملك الجوارح تظهر آثار حياته في قشعريرة الجسد، يبقى رعشة القلب دي تجيب قشعريرة في الجسد (اللَّهُ نَزَّلَ أَحْسَنَ الْحَدِيثِ كِتَابًا مُّتَشَابِهًا مَّثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ) يبقى يظهر حياة القلب في قشعريرة على الجسد إذا ذكر الله عز وجل.


    5: من علامان القلب الحيّ ايضا خشوع هذا القلب: القلب بيخشع بيبقى فيه من معاني افتقار القلب ، وانكسار القلب إلى الربّ تبارك وتعالى,


    قال الله : ( أَلَمْ يَأْنِ ) قول آن يارب?


    لما ربنا يقولنا قال الله : " أَلَمْ يَأْنِ " ما أنش الأوان بقى?


    لسة تايه، لسة بعيد، لسة شارد، لسة مش مركز، لسة مفتون بالدنيا وفاهم إنها فلوس وإمرأه و...إلخ


    (أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ) ؟! مأنش الأوان!


    القلب اللي

    يخشـــــــــــــــع

    وينكســــــــــــــــــر

    ويفتقـــــــــــــــر


    : قلب حيّ والله عند المنكسرة قلوبهم



    تواضع خضوع خشوع


    القلب ده خاشع لو أزيد بقى كمان, وأخضع ما يكون, أذل ما يكون متذلل لله سبحانه وتعالى


    وإنسان متواضع؛ عشان كده ربنا بيقول: " فَتُخْبِتَ لَهُ قُلُوبُهُمْ ", تخبت القلب ده مخبت


    مخبت يعني إيه : يعني مفتقر ومتذلل ومنكسر لربنا سبحانه وتعالى , وانسان متواضع


    دي من علامات القلب الحي.


    7: سبعة : من علامات القلب الحي إنه قلب ينيب إلى الله جل وعلا,


    لما ربنا قال: "وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ * هَذَا مَا تُوعَدُونَ لِكُلِّ أَوَّابٍ حَفِيظٍ * مَنْ خَشِيَ الرَّحْمَنَ بِالْغَيْبِ وَجَاءَ بِقَلْبٍ مُنِيبٍ *" سورة ق 31


    شوفتوا بقى اللي يروح لربنا بيروح بإيه: بقلب,


    وَجَاءَ بِقَلْبٍ مُنِيبٍ


    أنوب

    الإنابة معناها : الرجوع



    كلمة أناب وآب وتاب كلهم معناهم رجع


    بس أناب اللي خلاه يرجع خوفه وتعظيمه وإجلاله لربنا


    عشان كده ربنا بيقول: "وَأَنِيبُوا إِلَىٰ رَبِّكُمْ" , يعني خافوا منه, واختشوا منه, وإعملوا له ترليون أس ترليون حساب,


    فلما تبقى خايف

    ترجعله

    ترجعله مكسور

    ترجعله وأنت مقبل عليه بقلبك



    بيقول : "وَأَنِيبُوا إِلَىٰ رَبِّكُمْ" , لو حصل ده, {وَأَسْلِمُوا لَهُ}


    البني آدم يبقى مستسلم لأمر ربنا سبحانه وتعالى


    كان عتبة الغلام يقول : "يارب إن تعذبني فإني لك محب, وإن ترحمني فإني لك محب, فاصنع بي ما تحب"


    يارب, أهو ده المستسلم, أهو ده صاحب القلب المنيب


    قلب مستسلم لأمر الله تبارك وتعالى


    فعلامة من علامات حياة القلب إنابة هذا القلب.


    من العلامات كذلك : السكينة


    والله أنا كتير أقول: مفتاح علاج, الكلمة المفتاحية لعلاج أمراض البشربة ( السكينة )


    عارف مش إنت بتقول: بس الواحد بس في الزمن الصعب ده يرتاح باله صح ولا إيه؟


    والله هم, هم الرزق, وهم البيت, وهم العيال, وهم, وهم البلد, وهم وهم ..... صح


    أهو الحل فين؟


    ("فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ") سورة الفتح 18


    القلب الساكن ده: قلب مستقر, مش متلفت, مش زائغ


    القلب الساكن ده: قلب مابيزوغش زوغان الثعالب.


    استقيموا, وإعلموا أن الإستقامة أن تكونوا على الطريق, لا تروغوا روغان الثعالب


    كما قال عمر رضي الله عنه: في تفسير قول ربنا سبحانه وتعالى: (" فَاسْتَقِمْ كَمَا أُمِرْتَ")


    قلب مستقيم, وقلب هادئ, الدنيا مستفزة, وكل حاجة حواليك تخليك متنرفز وعصبي


    لكن سبحان الله ربنا أنزل على قلبك سكينة , لأن القلب ده قلب حي,


    ("فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ") سورة الفتح 18


    من علامات القلب الحي:


    إنه قلب لا إثم فيه, ولا غل, ولاحسد, ولا بغي.


    "قيل : يا رسولَ اللهِ أيُّ النَّاسِ أفضلُ ؟ قال : كلُّ مَخمومِ القلبِ صَدوقُ اللِّسانِ . قالوا : صَدوقُ اللِّسانِ نعرِفُه ، فما مَخمومُ القلبِ ؟ قال : هو التَّقيُّ النَّقيُّ لا إثمَ فيه ولا بَغيَ ، ولا غِلَّ ، ولا حسَدَ"

    الراوي : عبدالله بن عمرو | المحدث : المنذري | المصدر : الترغيب والترهيب
    الصفحة أو الرقم: 4/33 | خلاصة حكم المحدث : إسناده صحيح


    لما تشوف كده صفة أهل الإيمان بيقولوا إيه: (وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا) سورة الحشر 10


    قلب مافيهوش المعاني دي, قلب طاهر, قلب نقي,


    لما قال النبي صلى الله عليه وسلم: يطلع عليكم رجل من أهل الجنة " حسن

    الراجل ده بيعمل إيه؟

    يبيت وليس في صدره شيء لأحد من المسلمين

    هو ده صاحب القلب الحي قلب بالفعل يخفق بحب الله تبارك وتعالى قلب بالفعل يخفق بحب المومنين قلب مافيهوش الأضرار دي مافيهوش المشاكل دي.

    من علامات القلب الحي:-
    قلب سليم من الأحقاد

    ربنا يقول "وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ ۗ"

    تأليف القلوب

    قلب متآلف مافيهوش مشاكل.



    إنما القلوب أما تبقى متنافرة ها كل واحد بقى مركز فمصالحه, بتحصل بعد كدة النزاعات فيكون الفشل هو دا سبب مشاكل, وأنتم فاهمبن ما وراء الكلام هذا علامات القلب الحي.


    طب علامات بقى القلب الميت إيه؟؟

    "ما لجرح بميت إيلام"

    بس القلب الميت قلب لايعرف معروفا ولاينكر منكرا قلب

    (
    قُلْ أَرَأَيْتُمْ إِنْ أَخَذَ اللّهُ سَمْعَكُمْ وَ أَبْصَارَكُمْ وَ خَتَمَ عَلَى قُلُوبِكُم مَنْ إِلهٌ غَيْرُ اللّهِ يَأْتِيكُمْ بِهِ ) 46 سورة المطففين


    قلب مختوم يعني متشمع بالشمع الأحمر مقفول اتفقل ما بيخشلوش حاجة

    لسة قايلين "
    وَلَمَّا يَدْخُلِ الْإِيمَانُ فِي قُلُوبِكُمْ"

    لا ده مبيدخلش فيه حاجة خالص

    لا يشعر بحاجة كل شيء حواليه ممكن يبقى حاجات مزلزلات

    وربنا يبعتله النذر ربنا بيقول "
    ..وَجَاءَكُمُ النَّذِيرُ.." سورة فاطر,


    النذر كتير جدا:-


    موت الفجاة نذير,


    موت الأصحاب نذير,


    ها لما تشوف حادثة في الطريق حواليك نذير,


    لما تشوف موت جار من الجيران نذير,


    لما تمرض مرض والمرض دا ممكن يكون مقدمة ما هو أشد منه نذير,


    لما تروح تشيع جنازة نذير,



    كل دي نذر " .. وَجَاءَكُمُ النَّذِيرُ فَذُوقُوا فَمَا لِلظَّالِمِينَ مِنْ نَصِيرٍ." سورة فاطر (37)


    يوم القيامة الملائكة حتقول "... أَلَمْ يَأْتِكُمْ نَذِيرٌ" سورة الملك (8)

    هو ماجالكمش نذير؟؟

    قَالُوا بَلَىٰ قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِن شَيْء..ٍ
    " سورة الملك 9

    يا عم بقى خلينا نعيش خلينا نعيش فبلاش بقى الكلام دا, نذر إيه وبتاع إيه أنا لسة في عز شبابي

    أنا ناقصك أصلا, هي اكتئاب في اكتئاب, فبلاش الكلام دا,



    قلب ميت قلب ممسوخ, قلب مطموس, وتعرف إن دي من أشراط الساعة؟

    اه والله

    حديث حذيفة ابن اليمان اللي رواه أبو داود وحسنه الشيخ الالباني قال حذيفة في رواية أبي داود "كان الناس يسالون رسول الله صلى الله عليه وسلم عن الخير وكنت أساله عن الشر مخافة أن يدركني فقلت يا رسول الله صلى الله عليه وسلم _أبعد هذا الخير شر يعني اللي إحنا عايشين فيه دا زمن النبوة والخلافة الراشدة والحاجات الجميلة دي وزمن الخير دا كله_ أبعد هذا الخير شر فقال: النبي صلى الله عليه وسلم يا حذيفة عليك بكتاب الله اتبع ما فيه, قال: يا رسول الله أبعد هذا الخير شر فقال: يا حذيفة عليك بكتاب الله أتبع ما فيه, قال: يا رسول الله هل بعد هذا الخير شر, قال: عليك بكتاب الله أتبع ما فيه"



    ومرة قاله فتنة وشر حيحصل فتن كتير وشر كتير حديث معاوية لما النبي صلى الله عليه وسلم قال لم يبق من الدنيا إلا بلاء وفتنة, فتن
    قال هل بعد هذا الشر من خير قال عليك بكتاب الله أتبع ما فيه برده قالهاله تلات مرات بعد كدة قاله خير فيه دخن وجماعة على أقذاء, يعني إيه يعني تحسبهم جميعا وقلوبهم شتى, يعني إيه يعني متفرقين فقال, وما الخير الذي فيه دخن؟ أسمع بقى الحتة دي عشان دا تشخيص حالنا يارب أحيي قلوبنا يارب ألا ترجع قلوب أقوام على الذي كانت عليه,



    يعنى القلب قلب ومرجعش تانى,


    يعنى القلب زوغ ومرجعش يكتب حضور تانى,


    يعنى القلب في التلاهي ومش عارفة خالص أجيبه تانى,


    لاترجع قلوب أقوام على الذى كانت عليه فلو القلب دا زوغ وبعد أوى, وشرد جدا والمرض أشتد عليه بيوصل لمرحلة القلب الميت, الميت " فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّهِ ۚ..." سورة الزمر 22:

    أى عن ذكر الله,



    قلب قسى فبقى كالحجر والعياذ بالله,


    طيب إيه هى أشهرعلامات هذا القلب:-


    1- ألا يستشعر لايشعر بالأمور من حوله فقد الشعور.


    2- لا يرغب في الخيرات
    يعني موسم رمضان ويلا وكلنا نشتغل مش هنا خالص يلا يا جماعه لازم "وَلَوْ أَرَادُواْ الْخُرُوجَ لأَعَدُّواْ لَهُ عُدَّةً وَلَـكِن كَرِهَ اللّهُ انبِعَاثَهُمْ فَثَبَّطَهُمْ وَقِيلَ اقْعُدُواْ مَعَ الْقَاعِدِينَ" [التوبة : 46]


    وعلى قدر الإعداد يكون الإمداد, لازم نشتغل تلاقيه ولا حول ياعم الراجل اللي بيتكلم في إيه دا؟

    ياعم سيبك من القصة دي دلوقتي خلينا نشوف لنا برنامج في واحدة, بتعمل كذا ولا كذا ولانشوف السياسية, ولانشوف ماتش كورة ولانشوف التحليل بتاع كذا سيبك فكك القصة دي دلوقتي قلوب إيه؟ واستعدادات رمضان إيه؟ فكك سيبك!!



    قلب لا يرغب في الخيرات علامة القلب دا إيه:-


    إنه يعرض عن كتاب الله بيقى بينه وبين كلام الله حاجز " وَجَعَلْنَا عَلَىٰ قُلُوبِهِمْ أَكِنَّةً أَن يَفْقَهُوهُ وَفِي آذَانِهِمْ وَقْرًا ۚ " سورة الأنعام,


    الودان مليانه قطن والقلب عليه حواجز فتقعد تقول آيات النذر تقعد تقول له ولا ولا بل بالعكس أنا بشغل قراءن إمته الصبح علشان أطلع الجن أو احط مصحف تحت مش عارفة إيه تحت المخدة علشان البيت مكهرب وبتاع كده أشغله الصبح في المحل علشان يجيب البركة, بس إنما بعد كده تفاعل مع القرآن, وتعايش مع القرآن, إعراض تام قلب ميت.


    3- من العلامات إيثار الدنيا على الآخرة:-


    يا عم وقت الله يحلها الله, سيبك أنت عيش حياتك ضحك ولعب وجد وحب, عيش وأتهنى يلا بقى قضيها النهارده وبكرة بقى يحلها حلال, يؤثر الحياه الدنيا إغرامه وحبه المبالغ فيه للشهوات ربنا قال " زُيِّنَ لِلنَّاسِ حُبُّ الشَّهَوَاتِ.." آل عمران 14, لكن دا بقى كل اللي شغله شهوته هواه.


    ((القلب الميت))

    شوفوا الحديث دة أعزكم الله لأن النبي بيشخص داء وراه داء, الأول الذي أبتلينا به في زماننا هذا, وهو داء عبودية الهوى عارف يعني إيه عبودية الهوى؟ ربنا بيقول في القرآن "
    أَفَرَأَيْتَ مَنِ اتَّخَذَ إِلَٰهَهُ هَوَاهُ " سورة الجاثية - الآية 23
    دلوقتي في الزمن ده على مزاجي والله طب ربنا بيقول طب النبي بيقول، لا يا عم أنت اللي بتقول, لا يا سيدي ده كلامك أنت لا يا عم دي تأويلاتكم أنتم, أصل الجماعة دول تجار دين لا يا عم ما الناس دي مش عارف إيه..ماتسيبونا نفك بقى ونعيش!! يا عم عيش وكل قراقيش زي ما أنت عايز براحتك.. بس أنسى الموضوع مش كدة.. يحصل إيه بقى؟ تلاقي هو في حتة تانية خالص..خالص مغرم بهواه! عابد هواه!
    "
    أَفَرَأَيْتَ مَنِ اتَّخَذَ إِلَٰهَهُ هَوَاهُ وَأَضَلَّهُ اللَّهُ عَلَىٰ عِلْمٍ وَخَتَمَ عَلَىٰ سَمْعِهِ وَقَلْبِهِ وَجَعَلَ عَلَىٰ بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ ۚ أَفَلَا تَذَكَّرُونَ" (23) " سورة الجاثية


    الدنيا مقفولة خالص.. فهو دة يؤثر شهواته هو محب لشهواته شوفوا بقى الحديث، النبي بيقول( تفترق أمتي على ثلاثٍ وسبعين شعبة كلها في النار إلا واحدة،قيل ماهي يا رسول الله،قال ما اأنا عليه وأصحابي
    )) اللي هي. متبعة للكتاب والسنة ثم قال(وليأتين على أمتى أقوام تتجاري بهم تلك الأهواء كما يتجاري الكلبُ بصاحبه، لا يترك عرقٌ ولا مِفصَل إلا دخله))

    والكلب هذا داء من عضه كلب أعزكم الله والراجل اللي يعضه كلب مسعور يأخذ من صفات الكلب، فاللي بيحصل إن الهوي "عضه"!
    فدخل كل شئ في هواه يقولك أنا بمزاجي والله!
    قال النبي صلي الله عليه وسلم: ((
    ثلاثة مهلكات شحٌ مطاع، وهوي متبع، وإعجاب المرء بنفسه)) صحيح
    ماشي ورا مزاجه..هو ده بقى قلبه ميت عشان كدة النبي صلي الله عليه وسلم لما قال القلوب هاتبقى قلب دخلت به نكات بيضاء فبقي زي الصفا وقلب دخلت عليه نكات سوداء اللي هو القلب المنكوس، قال النبي صلى الله عليه وسلم (
    كالكوز المجخيَ لا يعرف معروفا ولا ينكر منكرا)
    الناس زمان كانت تتمعر وتقول عيب! عيب حد يمشي كدة.. ميصحش واحد يأخد واحدة ويقعد بيها على جنب دلوقتي بقى عادي والناس تعدي تقولك احنا هانعمل إيه يعني!! يا عم سيبك من الجماعة المتشددين دول حتى الحاجات الأساسيات بقى اسمها تشدد!!



    لا يعرف معروفًا ولا ينكر منكرًا، إلا ما أُشرب من هواه..


    3 /ومن علامات هذا القلب أيضًا:-


    أنه شديييييد الغفلة
    والغفلة معناها:-


    المرحلة الأولي نوم القلب إلي أن تصل لموت القلب!


    3/هوان القبائح عليه .
    النهاردة الناس عندها ثلاث أربع خمس ذنوب اللي ما بيعملهمش يبقى ولي.. وشوية بشوية شياطين الإنس بتهون الأمور دي.



    هذا اليوم الفأر لعب ودخلت فتحت الباب مرة واحدة كانت تمسك التليفون وأولما دخلت بهذه الطريقة ألقت التليفون من يديها وصرخت أمسكت التليفون وجدت رسالة لعشيقها وتقول له اعترافات بالزنا بينهم قالت لي: أقتلني يقول لي أنا لم أستطع قتلها وأتيت لأضربها لأعمل بها شيء شللت أغلقت الباب وخرجت إلى أن أشرقت الشمس وخرجت وقفت على باب دار الإفتاء وذهبت لأسأل الشيخ ماذا أفعل بها؟ قال لي يا بني هذه المصيبة السوداء أنت فعلتها قبل ذلك قال له: نعم يا شيخ قبل الزواج مرة قال له: كما تدين تدان ردت إليه بعد إحدى عشر سنة، بعد إحدى عشر سنة فهم كما أن أناس كثير يفهمون يقول لك أنا تزوجت،

    تزوجت لكن تبت من الزنا؟ نعم أنا تزوجت أنتهى الأمر تزوجت يعني تبت ولن تفعل الذنب ثانيةً
    وهذا الذنب استغفرت ندمت تبت بمعنى الكلمة وأصلحت حالك,

    التفريغ منقول من الاخت لاتحزن وسبح ربك جزاها الله خيرا



    التعديل الأخير تم بواسطة *أمة الرحيم*; الساعة 09-01-2017, 10:33 PM. سبب آخر: بعض التنسيق وإضافة فواصل القسم .. بارك الله فيكم

    قال ابن الخطيب《 لو علم المؤمنون فضل الصلاة على النبي ﷺ لما كفّت ألسنتهم عنها كل حين》
    اللهمَّ صلِّ وسلم على نبينا محمد



  • #2
    رد: تفريغ ح 2 من برنامج دقة قلب للشيخ هاني حلمي

    جزاك الله خيرا

    تعليق


    • #3
      رد: تفريغ ح 2 من برنامج دقة قلب للشيخ هاني حلمي

      المشاركة الأصلية بواسطة ~ رقيـــة ~ مشاهدة المشاركة
      جزاك الله خيرا
      واياكى يارب

      قال ابن الخطيب《 لو علم المؤمنون فضل الصلاة على النبي ﷺ لما كفّت ألسنتهم عنها كل حين》
      اللهمَّ صلِّ وسلم على نبينا محمد


      تعليق


      • #4
        رد: تفريغ ح 2 من برنامج دقة قلب للشيخ هاني حلمي

        جزاكم الله خيرًا

        تعليق

        يعمل...
        X