[عاجل] `·.·• عشر ذي الحِجة ·.· في انتظار اقتراحاتكم `·.·•

[آمــال الأقصى]

السلام عليكم ورحمة الله وبركاته

بإذن الله يُجهز د/ حازم شومان لبداية سلسلة جديدة عن عشر ذي الحِجة حتى لا يفوت هذا الموسمـ العظيمـ على كثير من الشباب .
ويريد اقتراحاتكم المُميزة في اختيار ::
1- عنوان للسلسلة
2- موضوع للسلسلة
ومن فاته لقاء أمس يقوم بتحميله من
هنــــا
في انتظار مشاركاتكم بإذن الله .
.....

[محمد أمين بن حميدة]

رد: `·.·• عشر ذي الحِجة ·.· في انتظار اقتراحاتكم `·.·•

وعليكم السلام ورحمة الله وبركاته

1- عنوان للسلسلة: مشاريع العشر
2- موضوع للسلسلة: جعل مواضيع كتاب الشيخ محمد حسين يعقوب (مشاريع العشر) منطلقا مع التوسع في عبادة ذكر الله تعالى لإتقانها على نفس نسق سلسلة فن الذكر أو ذوق طعم الذكر للدكتور حازم شومان مع الإستفاضة في الشرح.

جزاكم الله خيرا.

[رسولى أندى العالمين]

رد: `·.·• عشر ذي الحِجة ·.· في انتظار اقتراحاتكم `·.·•

وعليكم السلام ورحمة الله وبركاته أقترح تكون سلسلة عن العبادات القلبية زي التوكل والخشية والخشوع والإنابة والرضا وهتكون دعم لسلسة كأنك تراه ووالعنوان ممكن حياة القلوب أو أحي قلبك

[((سلسبيل))]

رد: `·.·• عشر ذي الحِجة ·.· في انتظار اقتراحاتكم `·.·•

حقيقتا اقترح ان تكون السلسلة عن الله والفهم عن الله

بما ان السلسلة اللى كانت فى رمضان كانت كانك تراه

يعنى نكمل عن الله
وعن معاملة الله واقترح ان تكون هناك مشاركة من الناس عن معاملة الله لهم

واما العنوان ممكن يكون( مع الله )

[جويريه*]

رد: `·.·• عشر ذي الحِجة ·.· في انتظار اقتراحاتكم `·.·•

اقترح أن يكون العنوان "لسه فى فرصه"
جزاكم الله خيراً.

[المشتاقة للفردوس (ريهام)]

رد: `·.·• عشر ذي الحِجة ·.· في انتظار اقتراحاتكم `·.·•

قال الله تعالى في سورة البقرة : ( واذكروا الله في أيام معدودات ) وقال في سورة الحج : ( ليشهدوا منافع لهم ويذكروا اسم الله في أيام معلومات )
ومنها اقترح ان السلسلة تكون عن الذكر معانيه وأسراره زي (أسرار الذكر - ودوق طعم الذكر)
وتكون دروس قصيرة بردو زي رمضان في الجون و كأنك تراه
ولو كان الدرس في 10 دقايق مثلا ...اقترح اسم السلسلة "10 × 10"
واذا كانت كل حلقة مخصصة لذكر واحد فقط بالتالي الشيخ هيتخير أفضل عشر أذكار ... فاقترح اسم السلسلة يكون "توب تن" والأفضل قول ربي "ولذكر الله أكبر"

أسأل الله أن ينفع بكم ويتقبل منكم

[*أمة الرحيم*]

رد: `·.·• عشر ذي الحِجة ·.· في انتظار اقتراحاتكم `·.·•

اقتراح عنوان (عودٌ على بدء) إيحاء باستكمال مسيرة رمضان ...
الموضوع (ذكر الله) مفاهيم جديدة وطرح مختلف لموضوع الذكر ... إنه حياة مش مجرد اني لازم اقول واحفظ كلمات ... يعني كتير ناس مش بيفوتهم ذكر ف اي موقف ومع هذا لم يصل القلب المعاني دي
او موضوع (سنن الله في معاملة المقبلين عليه) بتفاصيلها بمشاكلها بحلولها .... علشان تبقى مساعدة للي شغالين يقوموا ويقعوا
او موضوع (الالتزام الحقيقي) الملتزم يعمل ايه في كل جوانب حياته علشان يكون ماشي صح "اجتماعيا اخلاقيا روحيا جسديا معنويا ماديا اسريا علميا مهنيا" كل حاجة ومشاكل وحلول بردة ...
وعامة اي موضوع هيتم اختياره ياريت يكون فيه جزء المشكلة وحلول مقترحة... يعني لما نكلمهم عن الذكر وهو قد ايه حاجة كويسة. ... نعرفهم هيذكروا ربنا ازاي بطريقة سليمة تصل قلوبهم ليصلوا لربهم .. وايه المشاكل والعقبات اللي ممكن يلاقوها ويحلوها ازاي

[ام براء مصطفى]

رد: `·.·• عشر ذي الحِجة ·.· في انتظار اقتراحاتكم `·.·•

السلام عليكم ورحمه الله وبركاته
اقترح ان تكون السلسله شحن ايمانى شامل فى كل الجوانب لاننا بعد رمضان فقدنا الى حد ما هذا الشحن
وارجوا ان يكون هناك تنويه على ثوابت لانضيعها بعد مواسم الطاعه حتى لا نكون عرضه للانتكاس والعياذ بالله

[أم عبدالملك]

رد: `·.·• عشر ذي الحِجة ·.· في انتظار اقتراحاتكم `·.·•

عنوان للسلسة


(فكبروه تكبيرا)
(أفضل أيام الدنيا)


=========================

موضوع السلسة:

كان في دروس للدكتور حاز م عن عشر ذي الحجة ومن ضمنها كان بيقول انت عارف يعني ايه عشر ذي الحجة

فممكن يكون بداية المقطع انت عارف يعني ايه عشر ذي الحجة وبعدا يتكلم عن سر ذكر او سر عبادة


=====================

ولي ملحوظة فضلا


لما يتحضر قبل الموسم واتشحن قبله بكون متحمسة جدا اول ماادخل فيه فياليت السلسة مثلا تبدأ اخر 10 ايام في ذو القعدة وتكون 10 مقاطع على عدد ايام عشر ذي الحجة ويكون في فيديو مخصص للكلام عن يوم عرفةواسمه ( عرفة لمن عرفه)جزاكم الله خيرا

[ام_خديجة]

رد: `·.·• عشر ذي الحِجة ·.· في انتظار اقتراحاتكم `·.·•

اقترح ان السلسة تكون عبارة عن بطاقة شحن
زى الواحد لما يخلص منه الرصيد لازم يجدد الباقة ويعمل اعادة شحن
ساعات كتير بفكر فى القرب بين موسم عشر ذى الحجة وموسم رمضان
ساعات جماعية الطاعة فى رمضان والتهيئة النفسية والكونية لرمضان بتجعل الطاعة اسهل
فبعد رمضان ناس كتير بتفصل
وده يخلى الشيطان يبث فيها اليأس من نفسها
وانه مش هيقدر يكمل المشوار
فتيجى موسم العشر وتكون الطاعات فيها مختلفة
يعنى نهارها افضل
ومفيش اجتماع كبير عليها
والعمل فيها تطوع وبيكون فردى (بعكس صيام رمضان وصلاة التراويح)
يعنى اللى يغتنم الفرصة دى كأنه بيقول للشيطان انا هاقدر اكمل
هاصوم حتى لو الصيام مش فرض
هاقوم الليل حتى لو لوحدى
هاعمل طاعات حتى لو اغلب الناس غافلة عن فضل هذه الايام
اتمنى ان تكون السلسة بها هذا المعنى
جزاكم الله خيرا ونفع بكم

[ام_خديجة]

رد: `·.·• عشر ذي الحِجة ·.· في انتظار اقتراحاتكم `·.·•

وياريت كمان لو فى تركيز على موضوع التكبير
وارتباطه بهذه الايام