Tweet
حياكم الله جميعاً
ورشة عمل "خطة لسنة"
بدآية جددوا النية واستعينوا بالله على التنفيذ :)
..
في حيآتنا العادية لو سألت واحدة ماشية في الشارع إنتي راحة فين ؟
هتلاقي إجابة واضحة ومحددة
- راحة الجامعة ، راحة اشتري حاجات من السوبر ماركت ، راحة أزور صديقتي ، راحة المسجد ، راجعة البيت ...
هل ممكن تتخيلوا إن في حد ماشي في الشارع بدون مكان يقصده ؟!
طبعاً لا ..
ممكن تسأل طيار وهو رايح يعمل رحلة أكيد معاك خريطة ؟!
يقولك لا أنا بمشي بالبركة مفيش خرايط !
مستحيل ..
*أي شركة ناجحة تعتمد على وجود خطة على المستوى القريب وخطة على مستوى أبعد ,,
لو سألت أي شخص ناجح عن أسباب نجاحه
هيقول إن حياتي كانت منظمة ، كنت "مخطط" لكل حاجة ..
*يُقال إن "ساعة" تخطيط توفر "أربع ساعات" من وقت العمل .
بالتالي ..
لازم تتعاملي مع حياتك بالتخطيط ، تنظميها وترتبي الحاجات المطلوبة منك
أهدافك ، وأحلامك
قرأنا كتير عن أهمية التخطيط والتنظيم
لكن وقت التنفيذ بنفشل ؟!
طيب تعالوا نحاول مع بعض ^^
قبل البداية في عمل الخطة لازم ناخد بالنا من الكلام ده :
1_ لابد من أن تكون الخطة مكتوبة , أي مدونة تراها أمامك دائماً
والخطة التي في العقل مرفوضة تماماً لعدة أسباب
منها أن الإنسان قد يغير أهدافه ، قلة الاصرار ، نسيان الأهداف ، تقليل أهمية الأهداف ، قلة التشويق ....
2_ مجرد تطبيق نصف الخطة يعد إنجازاً كبيراً ، والتقدم خطوة واحدة خيرٌ من أن تقف مكانك.
3_ الشعور بالإنجاز وإن كان الإنجاز صغير يعد من أكبر الحوافز والدوافع لعمل إنجاز أخر..
4_ لا بأس من الخطأ في الخطة أو عدم إنجازها على أكمل وجه فأنت تتعلم ,
جرب إلى أن تصل للخطة التي تشعر أنها فعلا خطتك .
5_ ليست الخطة لجانب واحد مثل الدراسة أو العمل أو العبادة
وإنما تشمل عدة جوانب : الروحي ، النفسي ، الاجتماعي ، الخيري ، الدعوي ، الثقافي ..
6_كلما أبدعت في خطتك زاد انجازك ورغبت اكثر في تحقيق أهدافك وكلما كانت الأهداف أمام عينك يومياً زادت رغبتك في تحقيقها ..
الأدوات المستخدمة ..
عادةً من أكبر العوامل المساعدة على إتمام أي عمل هو الاستمتاع قدر الإمكان أثناء تنفيذه ..
حاولي أي عمل مطلوب منك تبدعي فيه وتضيفي له لمسة خاصة بكِ ...
وضع الخطة كأنك بتقضي وقت ممتع ، بترسمي ، بتلوني ، عشان تكسري جو الملل أو أي شعور سلبي أثناء الكتابة ..
بعض اقتراحات للأدوات وممكن أي حاجة مش موجودة تستبدليها
* أقلام ملونة بإختلاف أنواعها ..
*ورق ملون
"العلبة بتتشرى من أي مكتبة ، لها استخدامات كتيرة جداً ، حاولي تخليها عندك دايماً"
*النوتة بتاعتك إلي المفروض تكون معاكِ دايماً تسجلي فيها ملاحظاتك
+ كشكول أو ورق أبيض عشان تكتبي فيه
*أدوات تانية زي مقص ، استكرز ، سمغ
يُتبع
تعليق