[جديد] دروس عن الدعوة إلى الله(حملة لنستمع للدروس بشكل جديد)

[فريق عمل ملفات الرئيسية]

الحمد لله رب العالمين ؛ حمداً باقياً على مر الدهور والسنين ،

والصلاة والسلام على نبيه الكريم الأمين وعلى آله وصحبه أجمعين ؛ وبعد :

حياكم الله أعضاء وزوار منتدانا الحبيب الطريق إلى الله

عــدنــا إليكم من جديد مع
✷ ✶ ✵ حمــلة لنستمـع للـدروس بشكــل جـديـد ✷ ✶ ✵


ونبدأ على بركة الله مع موضوعنا لهذا الشهر
الذي هو عن "الدعوة إلى الله"

ومن يريد المشاركة يكتب رد بالموضوع
ويتابع معنا الاستماع للدروس إن شاء الله

الدرس الأول
فن الدعوة
الدكتور حازم شومان

الدرس الثاني
مش قادر اسكت
الدكتور حازم شومان

الدرس الثالث
الشباب وهم الدعوه

mp3
الشيخ مسعد أنور


الدرس الرابع
ماذا قدمت لدين الله ؟
الدكتور غريب رمضان


الدرس الخامس
مسئولية المسلمين في الدعوة إلى الله
الشيخ: أحمد النقيب

الدرس السادس
التقصير في الدعوة
الشيخ محمد حسان

الدرس السابع
دور المسلم فى الدعوة
الشيخ مصطفى العدوي

الدرس الثامن
الدعوة بالحكمة
الشيخ أيمن صيدح

ونضع بين أيديكم 8 دروس عن الدعوة إلى الله
كيفية الإستماع (خلال الشهر يتم الإستماع لــ 8 دروس من خلال تحميل الدرس كامل من رابط حفظ المادة أو صيغة mp3)

يبدأ المشتركين من الأسبوع الأول
يوم الإثنين 5/5/2014 إلى يوم الأحد 11/4/2014 للإستماع للدرس الأول والثاني

ثم الأسبوع الثاني
يوم الأحد 11/4/2014 إلى يوم الجمعة 16/4/2014 للإستماع للدرس الثالث والرابع

ثم الأسبوع الثالث
يوم السبت 17/4/2014 إلى يوم الجمعة 23/4/2014 للإستماع للدرس الخامس والسادس

ثم الأسبوع الرابع
يوم السبت 24/4/2014 إلى يوم الجمعة 30/4/2014 للإستماع للدرس السابع والثامن

(وفي كل أسبوع يدخل المشتركين معنا ويكتبوا انهم استمعوا للدرسين ولو كان يوجد نقاط كتبوها من الدرس أو فوائد يضعوها)



الله استعملنا ولا تستبدلنا

ختامًا.. نسأل الله أن ينفعنا وإياكم بهذه الدروس
والسلام عليكم ورحمة الله وبركاته

ولا تنسونا من صالح دعائكم
إخوانكم في فريق ملفات الرئيسية

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

وعليكم السلام ورحمة الله وبركاته
معكم ان شاء الله
نسأل الله التيسير

[أيوب اسلام]

رد: دروس عن الدعوة إلى الله(حملة لنستمع للدروس بشكل جديد)

معكم ان شاء الله
بالتوفيق للجميع

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

السلام عليكم ورحمة الله وبركاته
لو سمحتم اريد رابط صوتي للدرسين الثالث والخامس
جزاكم الله خيرا

[قلب يحب الله ورسوله]

رد: دروس عن الدعوة إلى الله(حملة لنستمع للدروس بشكل جديد)

وعليكم السلام ورحمة الله وبركاته
أسأل الله أن ينفعنا بهذه الدروس وأن يستعملنا لنصرة دينه
وأشترك معكم بإذن الله

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

وعليكم السلام ورحمة الله وبركاته
أسأل الله أن ينفعنا بهذه الدروس وأن يستعملنا لنصرة دينه
وأشترك معكم بإذن الله

امين يارب واياكي اخيتي
يلا شدي الهمة
في انتظار ملخصك ان شاء الله
جزاكي الله خيرا كثيرا

[قلب يحب الله ورسوله]

رد: دروس عن الدعوة إلى الله(حملة لنستمع للدروس بشكل جديد)

امين يارب واياكي اخيتي
يلا شدي الهمة
في انتظار ملخصك ان شاء الله
جزاكي الله خيرا كثيرا

بإذن الله أختي الكريمة
وجزاكم الله كل خير


وتفضلي أختي

قد حولت الدرس الثالث ورفعته
http://www.gulfup.com/?kMpokB

وإن شاء الله يتم رفع الدرس الخامس غدًا

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

جزاكي الله خيرا كثيرا اخيتي

[قلب يحب الله ورسوله]

رد: دروس عن الدعوة إلى الله(حملة لنستمع للدروس بشكل جديد)

وجزاكم مثله أختي

تفضلي الدرس الخامس
http://www.gulfup.com/?z4oqMi

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

جزاكي الله خيرا اخيتي
اين الجميع واين المستفاد من الدروس
يلا شدوا الهمه

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

كتبتهم في الدفتر وان شاء الله اقوم بكتابه الملخص اليوم هنا
اين الجميع
الله المستعان
ربنا يوفقكم في الامتحانات يارب

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

الدرس الاول ( فن الدعوة )
السلام عليكم ورحمة الله وبركاته
فن الدعوة
1) قلب كل انسان عامل زي البيت له باب وجدران
اوعى بقى تدخل من الجدران احسن هتتخبظ وتقع ومش هتعرف تدخل خالص ..ريح نفسك وادخل من الباب
كل انسان بقى له اربع مداخل
# معرفة الله / انك تكلمه عن حب الله .الثقة في الله .. الافتقار الى الله ... الحاجات دي
# هم الأخرة / انك تكلمه عن الجنة . النار . الموت . القيامة . الصراط . الميزان
# اليقين على الاثر الدنيوي للدين / تكلمه وتعرفه لو تاب ورجع لربنا . ربنا هيعمله ايه وهييسرله في حياته ازاي وكل اموره هتكون ميسره وكده
# هم الدين / تكلمه عن احوال المسلمين في سوريا وفلسطين وبورما .. وهو بحاله هذا ولا يشعر بهم
واحد هيجي يقولي وانا ازاي اصلا اتكلم عن الحاجات دي بقى ؟؟
اقولك بسيطة انت تسمع عن الحاجات دي وتلخصها والكلمتين اللي يأثروا فيك من كل درس كلم الناس فيهم .. مفيش ابسط من كده

2) عد الاصطدام
بمعنى مترحش تكلم حد تقوله انت بتعصي وانت ربنا غضبان عليك وتدبش في الكلام كده لالالا خالص
اوعى تروح تكلم حد تقوم مواجهه بمعاصيه كده
كلمة الاول في الحاجة اللي لو جت النور هيحي بمعنى كلمه في الايمانيات اللي اتكلمنا فيها فوق قبل كده قبل ما تكلمه في المعاصي
لا تجااااااادل متجادلش حد انت مش عالم ولا اهل للفتوى انت رايح تكلم الناس عن ربنا عشان يحبوا ربنا وبس
طلب فتوى دله انت ع شيخ المسجد وهو يستفتيه ان شاء الله

3) حسن اسلوب العرض
اتكلم بأسلوب حلو اسلوب يشرح الصدر كده ويكون مقبول
احمل هم انقاذ الناس من النار
#مثلا .. لو عرضت عليك وظيفة ب10 ساعات ب 5000 في الشهر هتوافق ؟؟ طبعا هوافق
طب ليه احنا في الدنيا طموحين وفي الاخرة زاهدين ..ليه في الدنيا عايزين نزيد وفي الاخرة مش عايزين نزيد ؟؟
يعني حاول تبدا كلامك بمثال دنيوي بعدين اربط الكلام بقى بالاخرة وكده
# زي مثلا واحد لابس عباية ب 300 ج وجزمة ب 10 ج كل ما الجزمة تتوسخ يقوم ماسحها بالعباية ..
اهبل ده ولا ايه ؟؟ لا مش اهبل بس اصله وارث العباية لكن الجزمة هو اللي شاريها
احنا كده العباية دي هي الدين انت ورثت الاسلام اتولدت لقيت نفسك مسلم
الجذمة هي الدنيا
ليه بمقطع في الدين عشان نحافظ على الدنيا
الطالب بيعد يزاكر ب 3 ساعات وميقدرش يعد ع المصحف ربع ساعه
تعد تشيت او تسمع الماتش بالساعات ولو الامام طول في الصلاة بتتخنق
## كل ما كلامك يكون بسيط يكون قبول الناس ليك اكتر

4) الشخصية الظريفة
خليك بشوش ضحوك لطيف كده
الناس بينبهروا بالملتزم اللطيف الضحوك
خليك ضحوك يا اخي وانت بتتكلم مع الناس

5) الرحمة
نعين بعض
نشجع بعض
مش توبخ حد بمعاصيه
بالراحه . بالرحمه
بلاش الاسلوب الجدالي
بلاش تحتقر حد

6) الاخلاق
انت الواجهه بتاع الدين فخد بالك من تصرفاتك واخلاقك
اي واحد هيغلط او هيتعامل مع الناس بشدة
مش هيبقى هو اللي وحش
لا
هيبقى الملتزمين كلهم وحشين
انت مسؤال عن سمعة الملتزمين جميعا لازم تحس بالمسؤليه دي

ال3 مشاكل اللي الناس بتعاني منها
اهلي .اصحابي .. ميكروباص بيشغل اغاني
خد عندك حلول اهي
## اصحابك
حاول تكلمهم كلهم كل واحد لوحده متكلمهش جماعه ابدا
لو بتحب الدين بجد هتعرف تتكلم عنه
اقل مجهود بيجيب نتيجة في الدعوة
الابتسامة وانت بتلقي السلام يا اخي لها مفعول
&& برنامج ش م م م
شهر ملازمة المدعو المستجيب
لما واحد يستجيب ليك لازمه خليك معاه
خده معاك المسجد ديما
تابعه
عرفه على صحبه صالحة
اشحنه معاك يا اخي زي م بتشحن نفسك
الخمس شواحن اهم ( سماع محاضرات .. حضور دروس .. حفظ قرآن .. الدعاء بالثبات .. الصحبة الصالحة )
واصبر عليه .. التغيير مش هيحصل في لحظة
طالما كلمته وسمع ليك تأكد ان كلامك هيترمي في قلبه
اديله فرصه يتغير شهر 2 3 خلينا صبورين على الناس
اوعى تكلم حد في المعاصي في حرمة اي حاجة
اللي اتلكمه في الحلال والحرام الناس اللي التزموا خلاص انما الجديد اللي لسه في الاول ده كل وظيفتنا نضغط على زرار النور عشان ننورله وهو هيشوف معاصيه لوحده

## الميكروباص اللي بيشغل اغاني
يكون معك شريط لطيف ظريف كده تديه للسواق
انك اللي تتكلم معاه بهدوء وبالراحه
كلم اللي جمبك في الدعوة الى الله
حط سماعة الموبايل في ودنك وعيش مع القرآن بقى
يبقى معك مصحف تطلعه تقرا فيه بصوت واااطي ؟؟اوعى تقرا بصوت عالي
اخر حل بقى انك تنزل وتسيب الميكروباص

# سواق التاكس افضل حل انك تكلمه عن الله
# وانت معدي ع قهوة متبصش وتمشي وتسكت
لو هتبص بص وروح كلمه كلمتين
او لو مش هتتكلم متبصش خالص قول السلام عليكم وكمل طريقك

## اهلك
اجتهد في بر امك وابوك
اجتهد في مساعدة اخواتك الصغار لو ليك
اوعى تصطدم معهم بالدعوة الى الله
سمعهم معك محاضرات
الدعاء ثم الدعاء ثم الدعاء
اهم حاجة لا تصطدم وكن ذو خُلق

&& جدول محاسبة && حفظ القرآن من اعظم اسباب انشراح الصدر والهداية
&& كل واحد يتلزم اسبوعيا انه يوزع شريطيم لله في اي وسيلة مواصلات لأي شله لأي حد
&& كراسة الشرايط بقى
فكرتها انك كل م تسمع محاضرة او مقطع لخصهم في كراسة سميها كراسة الشرايط
بعد فترة هتلاقي عند زاااااد كبير جدااا في الدعوة الى الله
هيكون معك كنز
## كن مباركا اينما كنت

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

الدرس الثاني ( مش قادر اسكت )
انت شايف المنكرات عاملة ازاي ؟؟
شايف الله بيُعصى ازاي
انت قااادر تبطل دعوة الى الله ازاي
قادر تقفل فمك عن كلام الدعوة الى الله للناس ازااااي ؟؟
القضية يا جماعه ان الله يُعصى يهاااان حرماته تُنتهك
فين حرقة دمك لانتهاك حرمات الله وعصيانه
فين الحُرقة بتاعة الدعوة
فييين الملتزم اللي عاطفته القهرية تقوده الى الدعوة الى الله
كل حاجة لها قيمة وكل حاجة لها ناس بتدافع عنها الا دين الله هو اللي معدش حد بيدافع عنه
مش شايف المجتمع وهو يتحول الى صراع محموم على الشهوات
اشمعنه الدعوة الى الله .. الفريضة دي .. اللي محدش عايز يجتهد فيها
قلبك مش بيوجعك لما شفت معظم الشباب والبنات بيعصوا ربنا
فين الغيرة على الدين
فين الحرقة على الدين
في الحرقة على معالم الدين
الدعوة سعادة
الدعوة جنة
عطاء عطاء لدينك وما اعظمه من عطاء
ساكت ليييه .. مكسوف محروج .. من ايييييييييييييه يبني
دي جريمة في الدين كلمة ان انسان يترك الدعوة الى الله دي
الدين ده اصلا طريقه طريق دعوة
يا شرفك لما تتحرج عشان ربنا يا عم
مفيش بديييل نحن لا نملك خيار اخر سوى الدعوة الى الله
اهل الباطل لما حسوا ان الباطل في خطر انتفضوا .. اهل الحق لما عرفوا ان الحق في خطر .. سكتوا لييييييييييييييه ساكتين لييييه ؟؟

مفيش بديل غير اننا نستحمل ثمن الدعوة الى الله
اللي هيجيب نتيجة اننا ننزل للناس نكون اقوياء في الدعوة الى الله على ارض الواقع
انت لا تملك طريق اخر ..لا يوجد بديل عن الدعوة الى الله

الاخ اللي مستني يتربى عشان يدعو .. الدعوة بتربي زي ما قيام الليل بيربي
الاخ اللي مستني العلم .. يا حبيبي علم ايه اللي محتاجه في الدعوة ؟؟ محتاج بس وعظ محاضرات وعظيه .. علم الوعظ غير علم الاستفتاء الفقه والعقيدة اللي على المنبر
انت محتاج وعظ .. اسمع شرابط .. كلم صحابك عن اللي اثر فيك


الشاب اللي عايز يفسد ادامه مليون فرصه للفساد
الشاب اللي عايز يلتزم ادامه مين يا جماعه ؟؟
يقول لمين خد بإيدي ؟؟

فين البيئة الايمانية المتكاملة اللي احنا عاملينها للناس والشاب اللي يدخل هنا ميخرجش تاني
عايزين مجهود .. نتعب .. نبذل لدين ربنا

مين اللي عنده عاطف الحرقة القهرية تجاه دين الله

في ناس شغالة في الدعوة انت مش شغال ليييه ؟؟ انت ناااايم ليييه ؟؟
ايه السبب ؟؟ ايه الحجة ؟؟
لما تحب الطريق بجد هتكون مش قادر تسكت ؟؟!!

من يسترضي الله بالدعوة الى الله
اللي مش شغال في الدعوة ده مينفعش يكون من حنود الاسلام

## الدعوة الى الله من اسباب الفرج الدنيوي
## الدعوة الى الله من اسباب السعادة
## من اسباب تيسير رزق الدنيا
## الدعوة الى الله جنة وسعادة وترك الدعوة الى الله يعرض الانسان للوقوع في النار حتى لو بيصوم ويصلي
الدعوة الى الله من اسباب رضا الله وسكن الفردوس الاعلى مع رسول الله صلى الله عليه وسلم

القضية فِكر .. رجوله .. تحمل مسؤليه .. عواطف وحرقة تجاه الدين

###مشروع لستة الموبايل
امسك موبايلك اسماء اللي فيها اختار كم واحد منهم كلمه انت اكيد عارف صحابك وعارف مين هيتسجيب وكده مثلا ومين قلبه رقيق ممكن يستجيب
اتكلم وتحرك وربنا هيرزقك
## دينك مش هيقل بالعكس ده هيتضاعف ويزيد لما تشيل هم دينك وهم غيرك

[قلب يحب الله ورسوله]

رد: دروس عن الدعوة إلى الله(حملة لنستمع للدروس بشكل جديد)

الله المستعان
أعتذر جدًا لعدم المتابعة لظروف
وإن شاء الله على غدًا استمع للدرس الاول والثاني

[(أم فارس)]

رد: دروس عن الدعوة إلى الله(حملة لنستمع للدروس بشكل جديد)

السلام عليكم ورحمة الله وبركاته
يسر الله امورك اخيتي
يلا شدي الهمه
هكون في انتظارك ان شاء الله تعالى