دورة صيانة المزربورد للمبتدئين(تم بحمد الله)

[Ayman_M]

رد: تعليم صيانة المزربورد للمبتدئين(متجدد - ان شاء الله)

فى انتظار باقى الموضوعات و جزاك الله خيرا

وجزاكم الله مثله الله المستعان

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .
.................................................. ...........................


ثالثا الفيوز Fuse

(من العناصر التى ليس لها قطبيه)

الرمز على البورده هو حرف F


الرمز الفنى



هو عنصر شبيه بالمقاومه وسنجده بكثره عند الماوس والكيبورد وفتحات اليو اس بى
ومكتوب على سطحه اما 0 او 000 او p او N




وظيفته : حمايه الدائره من اى ارتفاع مفاجى او زياده للتيار الكهربى


قياسه على الافوميتر لمعرفه ان كان سليم ام معطوب يتم على وضع الصفاره
فان كان سليم اعطى صفاره
وان كان معطوب او تالف لا يعطى صفاره
عند التلف يستبدل باخر نفس الشكل والنوع

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .

.................................................. ...........................................

رابعا : ملف Coil

(من العناصر التى ليس لها قطبيه)

رمزها على البروده حرف L

الرمز الفنى



وظيفته: امتصاص حدة او شدة التيار الكهربى وتنعيم التيار


له اشكال كثيره منها ما يلى











وفى البورد الجديده له شكل مربع اسود




او مربع وداخله الملف






ويوجد منه بشكل اخر يشبه المقاومه والفيوز لكن بلا اى بينات عليه





طريقه قياسه تكون على وضع الصفاره بالافوميتر

يكون سليم عند اعطاء صفاره
ويكون تالف اذا لم يعطى صفاره

واعطاله غالبا ما تكون ظاهره للعين المجرده كان يكون الملف سايح من درجه الحراراه منصهر او مقطوع


فى حالة التلف يتم استبداله باخر يكون له نفس عدد اللفات

[Ayman_M]

رد: تعليم صيانة المزربورد للمبتدئين(متجدد - ان شاء الله)

طلب صغير لو فى متابعه للمضوع وفى استيعاب عرفونى استمر ولا لا لان الموضوعات بتاخد وقت فى التحضير والتنسيق مجهود زهنى يعنى وبدنى ف ان كان لا يوجد متابعه او تفاعل عرفونى ان كنت استمر ام لا

[حمادة جزر]

رد: تعليم صيانة المزربورد للمبتدئين(متجدد - ان شاء الله)

متابع معاك جزاك الله خيرا وفى انتظار باقى الموضوعات

[سامح الهلالي]

رد: تعليم صيانة المزربورد للمبتدئين(متجدد - ان شاء الله)

جزاك الله خيرا أخي الحبيب
متابع معك بكل دقــــــــة

كنت أبحث عنها منذ مددددة

عندي محل كمبيوتر ولكن أقوم بصيانة سوفتوير فقط
صراحة معلومااات رائعة جدااا استفدت كثيرا وبإذن الله أتابع معك
وأحاول تطبيقها


أنتظر باقي الدروس وكيفية معرفة مكان العطل بطريقة سهلة ( لأنه مش معقول أجيب الأفو وأقيس كل قطعة موجودة ع البوردة علشان أعرف العطل ) ^_*

[Ayman_M]

رد: تعليم صيانة المزربورد للمبتدئين(متجدد - ان شاء الله)

متابع معاك جزاك الله خيرا وفى انتظار باقى الموضوعات

جزاكم الله مثله وعزرا على التاخير

جزاك الله خيرا أخي الحبيب
وجزاكم الله مثله
متابع معك بكل دقــــــــة

كنت أبحث عنها منذ مددددة

عندي محل كمبيوتر ولكن أقوم بصيانة سوفتوير فقط
صراحة معلومااات رائعة جدااا استفدت كثيرا وبإذن الله أتابع معك
وأحاول تطبيقها
ربنا يرزقك وان شاء الله تستفيد بس راجع بالورقه والقلم وبص على البورد فى الاجهزه اللى بتجيلك ودور على العناصر الى انت عرفتها :)


أنتظر باقي الدروس وكيفية معرفة مكان العطل بطريقة سهلة ( لأنه مش معقول أجيب الأفو وأقيس كل قطعة موجودة ع البوردة علشان أعرف العطل ) ^_*
ان شاء الله عز وجل هنعرف اغلب الاعطال واحنا بندرس الدوائر وفى النهايه هقوم بتقسيمها لاعطال بور واعطال داتا وكيفيه البحث عن العطل وتصنيفه و ان شاء الله كلنا نستفيد

عزرا يا شباب على التاخير وان شاء الله هقوم بالعمل على الموضوع الجديد وان استطعت انزله فى الساعات القدامه هنزله باذن الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .

.................................................. ...........................................

خامسا : الدايود Diode

رمزه على البورده حرف D

(من العناصر التى لها قطبيه)

رمزه الفنى



( نلاحظ دائما وجود دائره على طرف من اطراف الدايود وتشير دائما الى القطب السالب للدايود )

ويلطق على القطب الموجب anode ويرمز له بحرف A
ويطلق على القطب السالب cathode ويرمز له بحرف K




الوظيفه : جعل التيار الكهربائى يسير فى اتجاه واحد

انواع الدايود
1.دايود زنر



2.دايود ثنائى



3.دايود ليد LED





4.دايود سيليكون





طريقة القياس

1-كالعاده هنظبط الافوميتر على وضع الصفاره

2-نقوم بنزع الدايود من البورده (بجهاز الهوت اير)

3-يكون سليم عندما يعطى قراءه فى اتجاه واحد فقط

نضع الطرف الاسود للافوميتر على الطرف السالب من الدايود والطرف الاحمر من الافوميتر على الطرف الموجب للدايود يعطى قراءه

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .

.................................................. ...........................................

سادسا : الكريستالات Crystal

(من العناصر الغير قطبيه)

رمزها على البورده(X-Y-XY)
اى واحد منهم

رمزها الفنى




الوظيفه : مسئوله عن اعطاء نبضات من الفولت الى الايسيهات الديجتال

انواعها وارتباطها بالايسيهات:

1- كريستالة DATE & TIME
ودى شكلها ثابت (لو انت فكيت ساعات وانت صغير او وانت كبيره :) يبقى اكيد شوفتها في الساعه )
ترددها ثابت 32 khz
مسئوله عن اى سى ساوث بريدج ic south bridge
و اى سى اى او IN BUT/OUT BUT I/O
من اشهر اعطالها فصل البورده بور لانها مسئوله عن دائره التشغيل (دائرة البور سويتش PSW)

لاكتشاف تلفها نقوم بعمل قفله باطراف الجفت بين طرفيها ونشغل البورده لو اشتغتلت يبقى العيب منها ونغيرها بواحده مثلها
وليس معنى ان البورده تعمل بالقفله اننها نشغلها كده عادى ده مجرد اجراء للتاكد اذا كان العيب من الكريستاله الخاصه بال DATE & TIME










2- كريستالة CLOCK GENERATOR

ترددها بيكون 14.318 khz

وبيكون مكتوب عليها كما هو موضح بالصور واحيانا بيكتب 14فقط او 14.3

توجد الى جوار اى سى الكلوك جنراتور

الوظيفه :اعطاء نبضات الى كل الايسيهات التى لا يوجد بجوارها كريستاله

من اشهر اعطالها فصل البورده داتا






(الكريستالتان السابقتان لا توجده مزربورد خاليه منها )

3- كريستالة النتورك او اللان LAN

نفس شكل كريستالة الكلوك جنراتور لكن مكتوب عليها التردد الخاص بكريستالة اللان
وترددها 25 MHZ

فى البورد الموجود بها الكارت داخلى ممكن يضع الكريستاله وممكن الا يضعها وفى هذه الحاله ياخد الاى سى نبضته من اى سى الكلوك جنراتور
( لو عندك كرت نت خارجى هتلاقيها موجوده عليه)


4- كريستالة الاوديو AUDIO
واضح هنا انها مخصوصه باى سى كارت الصوت

وهى نفس شكل كريستالة الكلوك جنراتو وكريستالة اللان وبنميزها بالتردد الموجود عليها
ترددها 24 KHZ


طريقة القياس

1- كالعاده نضع الافور على وضع الصفاره

2-اذا كانت تالفه ستعطى صفاره متصله

3-اذا كانت سليمه تعطى قراءه او لا تعطى شىء

فى حالة التلف بنغيرها بواحده مثلها تماما

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .

.................................................. ...........................................
سابعا: تارنزستور موسفت
****l oxide semiconductor field effect) transistor mosfet)

رمزه على البروده حرف Q

(من العناصر التى لها قطبيه)

رمزه الفنى




وظيفته : يعمل كمفتاح للتيار الكهربائى واحيانا مكبر للتيار واحيانا مضغر للتيار


له طريقتين فى العمل
وقبل ان نعلمهم يجب ان نعلم اسماء اطراف هذا الموسفت
1 دراين DRAIN ورمزه حرف D
2 سورس SOURCE ورمزه حرف S
3 جيت GATE ورمزه حرف G



وده شكله على اغلب البورد


اما على البرد الجديده ممكن شكله بيخلتف لكن احنا فى دراستنا للدوائر هنقدر ازاى نميز الموسفت فى الدائرة ان شاء الله مهما كان شكله مختلف وجديد علينا

هو علشان يشتغل لازم بياخد نبضه على GATE
ويوصله فولت على DRAIN

احيانا بيتحط فى الدائره علشان يخرج فولت من على SOURCE زى ما هنعرفها بالتفصيل فى دائرة البروسيسور

واحيانا بيتم وضعه ليتأكد من ان التيار الداخل على DRAIN هو المطلوب للدائره
فان كان التيار المناسب تركه الموسفت يمر
وان كان تيار زياده يقوم بتفريغه فى SOURCE الموسفت اللى بيكون فى الحاله دى متوصل بارضى
وان شاء الله هنعرفها ونفهمها اكتر واحنا بناخد دائرة البروسيسور

ولازم نعرف ان المتحكم الرئيسى فى عمله هو GATE

انواعه

يوجد منه نوعين
النوع الاول وهو سالب القناه - والنوع الثانى وهو موجب القناه


اولا :سالب القناه Negative Chanel - N/CH

موجود على البورد بنسبه 95 % ان لم يصل ل 99 %

اذا قمنا بقياسه فولت سنجد ان دائما الفولت على DRAIN اعلى من الفولت على SOURCE
(سنعلم طريقة القياس فولت بالتفصيل عند دراستنا للدوائر)

اذا قمنا بقياسه لمعرفة كفائته (على وضع الصفاره) نضع الطرف الاسود على DRAIN والاحمر على SOURCE هنلاقى ان الافو يعطى قراءه

ثانيا : موجب القناه Positive Chanel - P/CH

ويتواجد على البورده بنسبه 2% الى 5 %

عند قياسه فولت نجد ان الSOURCE دائما يكون عليه فولت اعلى من ال DRAIN او مساوى له

ولقياس كفائته (وضع الصفاره)
نضع الطرف الاسود على SOURCE والاحمر على DRAIN فيعطى قراءه


طيب ازاى اعرف اذا كان الموسفت الموجود قدامى ده سالب القناه او موجب القناه
؟؟؟؟؟؟؟؟؟

احنا هنلاقى ان كل موسفت عليه رقم زى ده مثلا
K3918



احنا ناخد الرقم ده ونقعد قدام موقع جوجل ونجيب الداتا شييت DATA CHEAT
(الداتا شيت بنلجا اليها لما بنكون مش عارفين ايه الااى سى اللى قدامنا او ايه نوعه ومميزاته او نوع الموسفاتات او البورده وبياناتها )
وبعد ما ندخل على جوجل نكتب الرقم الموجود على الموسفت ونكتب جمبه داتا شيت

مثال
K3918 data cheat
ونعمل سيرش هيطلعلنا مواقع كتير افضلهم موقع اسمه داتا شيت اصلا

هتدخل عليه وتنزل الملف الخاص برقم الموسفت اللى انت عملت بحث عليه
وهينزلك ملف PDF
تفتحه هتلاقى جواه اذا موجب القناه ام سالب القناه

اللى عنده جهاز فى البيت يبص على الرقم الموجود على الموسفتات ويجرب ويقولنا وصل لايه :)

ملحوظه :بعض الناس اللى شغال صيانه من زمان بينصح ان الموسفت اللى عليه رقم K3918
يصلح مكان اى موسفت اخر
او اى موسفت يكون رقمه منتهى ب 03 يصلح ايضا بديل لاى موسف اخر
ويطلقون عليه اسم الموسفت الجوكر


طريقة قياسه

1 - نزعه خارج البورده
2 - نقوم بفتح القناه الداخليه فيه بتوصيل الطراف بتاعته كلها مع بعض
DRAIN SOURCE GATE
بطرف الجفت
3- ضبط الافو على وضع الصفاره

نفترض مثلا ان الموسفت سالب القناه

فيكون سليم عند
1 وضع الطرف الاسود على DRAIN والطرف الاحمر على SOURCE
يعطى قراءه
2 نضع الطرف الاسود على DRAIN والطرف الاحمر على GATE
لا يعطى شىء
3 نضع الطرف الاسود على DRAIN والطرف الاحمر على SOURCE
فى هذه الخطوه نقوم بتكرار الخطوة الاولى ومن المفترض او المعتاد ان يعطى قراءه
ولكنه فى بعض الاحيان يعطى قراءه وصوت صفاره
وفى هذه الحاله يكون الموسفت سليم اذا كانت القراءه مع الصفاره فى الخطوه الثالثه اقل بكثير من القراءه فى الخطوه الاولى

ويكون تالف اذا خالف الخطوات السابقه
هذا العنصر عندما يكون تالفا بيظهر التلف غالبا للعين المجرده بمعنى انه مش بيحتاج انك تقيسه علشان تعرف اذا كان تالف ام لا لانه بيكون اما منفجر او سايح او قابل للفرك ويتحول الى حبيبات

تابع الصوره









اترككم مع بعض اشكال الموسفت








الشكل ده هو الشكل الجديد فى البورد وطبعا علشان نعرف فين الدراين الو جيت او السورس لازم نجيب داتا شيت بتاعته



او مع الخبره ان شاء الله هتلاقى عندك مرسوم نقطه على الموسفت بالشكل الموضح ودى بتقدر تحدلنا الدراين والسورس والجيت

[Ayman_M]

رد: تعليم صيانة المزربورد للمبتدئين(متجدد - ان شاء الله)

---- تابع ----
الدرس الثالث :وهو العناصر الموجوده على المزربورد
.................................................. ....................
وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .

.................................................. ...........................................

اليوم ان شاء الله اخر جزئيه فى الدرس الثالث وسوف نبدا من بعدها فى دراسة الدوائر الموجوده فى البورده ومعرفة فولتات كل دائره على حده


ثامنا : الايسيهات (او الشيبات) IC

تنقسم انواع الايسيهات الموجوده على البورده الى :

• ايسيهات ديجيتال

• ايسيهات انالوج

.................................................. ......

• ايسيهات ديجيتال Digital Ic

1.البروسيسور processor او CPU
موجود تحت المروحه علطول اعتقد كلنا عارفينه
وظيفته معالجة البيانات القادمه له من عدة جهات مثل القنطره الشماليه


2.القنطره الشماليه N/B - North Bridge
مكان وجوده فى نص البورده تقريبا
وظيفته:معالجة البيانات القدامه من الرامات RAM وكارت الشاشاه VGA




3.القنطره الجنوبيه S/B - South Bridge
موجود فى اغلب الاوقات فى الجزء الاسفل من البورده ناحية اليمين
وظيفته : معالجة بيانات كل من
LAN - AUDIO - BIOS - USP - SATA - DATA - PCI



4.اى او I/O - In but /Out but :
ويتميز بعدد اطرافه حيث تصل ال 128 طرف
ويكون عادة من انتاج شركات ثابته
مثل:ITE - WINBOND - VIA - SMSC - FINETEC
مكانه فى اى مكان فى البورده فى الجزء السفلى
وبنميزه طبعا بال128 رجل
وظيفته :معالجة بينات كل من :
FAN - PS2 - FD - PARALLEL PORT - SALER PORT - HEALTH - POWER SWITCH (PSW) .H



5.لان NETWORK / LAN
بيكون ووجود فى الجزء السفلى من البورده ناحية الشمال
وظيفته النتورك والاتصال بالانترنت
سهل تمييزه فى جميع البرد لاننا لو بصينا على البورده من اسفل اليسار بيكون عندنا اى سى الاوديو audio اخر اى سى تحت والاى سى اللى بعده علطول فى طريقنا ناحية مداخل الكابلات فى البرده هو اللان بشكل اوضح فى الصوره لو بصينا على رقم 7 هنقدر نحدد ان ده اى سى audio و معظم البرد تقريبا ده مكانه فيها وبعد نجد ان رقم 5 هو اى سى lan
وده مكانهم ثابت تقريبا فى كل البرد اللى مرت عليا


6.CLOCK GENERATOR
لو فاكرين كريستاله الكلوك جنراتور الاى سى الموجود جنبها علطول هو اى سى الكلوك جنراتور
(وسؤال للمتابعين تردد كريستالة الكلوك جنراتو كام؟)
وظيفته: اعطاء نبضات للايسيهات التى لا يوجد جوارها كريستاله




7.IC AUDIO
دائما فى القصى اليسار اسفل البورده
وبيكون محاوطه عدد كبير من المكثفات الفايبر
وظيفته : مسئول عن الصوت

8. IC BIOS
مكانه فى اى مكان فى الجزء السفلى من البورده
وظيفته : تلقى اشارات فى بداية عمل الجهاز من عناصر فى البورده للتعرف عليها
او
للكشف عن الجهاز وما يحتويه من ملحقات ( الهارد - السى دى - الفلوبى - كارت الصوت .... ) والتعرف عليها لتهيئه الجهاز للعمل



9.IC VRM
مكانه فى الجزء العلوى من البورده وبالتحديد اعلى قاعدة ال CPU يمينا او يسارا او اعلاها مباشرة
مسئول عن اعطاء نبضات لــGATE موسفتات دائرة البروسيسور

10.موسفت دريفر MOSFET DRIVER
واضح من اسمه انه ليه علاقه بالموسفتات
وبالتالى بيبكون قريب ليها
وظيفته اعطاء نبضات لــ GATE اقرب الموسفتات اليه
شكله ثابت حتى الان لم يتغير وله اما 8 ارجل 4 فوق و 4 تحت
او 14 او 16




ملحوظه:
كى يعمل الاى سى الديجيتال بيحتاج الى فولت ونبضه من كريستاله


.................................................. ................................

• ايسيهات انالوج ANALOG

(منظمات الجهد)
يحتاج الى فلوت فقط كى يعمل
ويوجد منه على البورده نوعان فقط
وسهل تمييزه

الشكل الاول
يشبه فى شكله الموسفتات

لكن دائما نجد عليه ارقام ثابته معروف بها
(1117-1084-1085-1086)





يوجد عليه فولت دائما قبل تشغيل الجهاز

وظيفته: مسئول عن تغزية
IC - S/B _-_ IC LAN



الشكل الثانى
وهو الاخر له رقم ثابت
78L05
ونجده دائما الى جوار اى سى الاوديو
وظيفته : تغزية اى سى الاوديو








تشريح البورده

[Ayman_M]

رد: تعليم صيانة المزربورد للمبتدئين(متجدد - ان شاء الله)

ان شاء الله الموضوع متوقف لمدة اسبوع للاسئله والاستفسارت قبل البدء فى الجزئيه القادمه الخاصه بالدوائر
واحتمال يبقى فى امتحان صغير كده حسب ما تريدون
هجيب مثلا صوره لبورده ونزكر العناصر اللى اخدناها على البورده سهل نعلم عليها ببرنامج الرسام
ايه رايكم؟

[الداعي إلى الله تعالى]

رد: تعليم صيانة المزربورد للمبتدئين(متجدد - ان شاء الله)

شكرا على الموضوع ياعمو

[mahmoud casper]

رد: تعليم صيانة المزربورد للمبتدئين(متجدد - ان شاء الله)

رائع جزاك الله كل خير
انا بفضل الله مقدم فى دورة صيانة ماذر بورد فى اكاديمية سموحة
مجهود رائــــــــــــــــــــع

[(أبو فارس)]

رد: تعليم صيانة المزربورد للمبتدئين(متجدد - ان شاء الله)

ماشاء الله
بارك الله فيك اخي الكريم وجزاك خيرا عما تقدمة
ياااااه فكرتني بالذي مضي . انا اشتغلت فترة في الصيانة وبعدها اتجهت للبرمجة وكل دة ايام الدراسة بس حاليا استقريت في مجال الجرافيك ثري دي ربنا ييسر باذن الله واقدر افيد حد هنا

بارك الله فيك ونفع بك