إعـــــــلان

تقليص
لا يوجد إعلان حتى الآن.

معجزة حصلتلى بعد زيارتى لدار الايتام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [حصري] معجزة حصلتلى بعد زيارتى لدار الايتام


    السلام عليكم ورحمة الله وبركاته
    اللى هحكيه دلوقت حصل معايا وبالنسبة ليا وللطب تعتبر معجزة ودى حصلتلى لتانى مرة بعد ما قمت بزيارة دار للايتام
    بداية عايزة اقولكوا انى من حوالى شهر ونص فوجئت عن طريق القدر انى عندى ورم حميد كبير في الحجم على جدار المعدة والورم دة عمره خمس سنين وانا مكنتش اعرف واية متغلغل في المعدة بشكل كبير
    طبعا لما الدكتور شافة قالي احنا ممكن نعمل حاجتين ممكن يكجتة ودة خطر جدا لانة ممكن يعمل ثقب في المعدة او الحل التانى اللى انا عملتة اللى هو ازالة الورم مع استئصال جزء من المعدة يعنى حوالى نص المعدة
    اتكلت على الله وتم استئصال جزء كبير من المعدة اللى كان طايلة الورم واتعذبت جدا في العملية دى لانى حسيت بكل الامها واتركبلي 3 خراطيم دم وكنت بنزف من كل مكان وكان اصعب اسبوع شوفتة في حياتى من عذابة وكل الحقن بعدها كنت باخدها في البطن مش عضل زى الطبيعى او وريد
    المشكلة بقي مش في العملية نفسها لكن بعد العملية
    لأنى حصلت معايا مشكلة وهى ان الخياطة الداخلية لا تتفاعل مع جسمى وبالتالى الخياطة مقفولة من برة بس ومفتوحة من جوة
    من غير اطالة ان بقالى شهر ونص عايشة على العصير من غير سكر نهائي طبعا لان السكر بيفتح الجروح واللبن خالى الدسم والزبادى والبطاطس المسلوقة فقط
    لأن اى عملية هضم صعبة هتؤدى لفتح المعدة ويحصل نزيف
    ومرة واحدة اكلت فيها بيتزا وصل الحال لأنى بقيت ارجع بالدم واتنقلت المستشفي
    من كام يوم كدة لاقيت ان في اعلان ان في دور ايتام مفلسة ومحتاجة بس اننا نزور الاطفال دى ومحتاجين مننا الخير. فانا بحب الايتام اوى يا جماعة وبصيت لبنتى وحسيت انها ممكن تبقي يتيمة زيهم ممكن تعيط متلاقيش حد يطبطب عليها لو جعانة مين يأكلها ولا لو عطشانة مين يشربها ومين يضمها في حضنة ويدفيها لحد ما تنام
    لاقيت نفسي مصرة جدا اروح ازور دار ايتام حتى لو مش هتبرع كفاية افرحهم بشوية بلالين ولعب واخدهم في حضنى والاعبهم
    وطبعا رسولنا الكريم امرنا بذالك
    وعزمت النية للزيارة اخدت العنوان وبالتاكسي وصلت بسهولة واخدت معايا شوية شيكولاتة وشيبسي وبلالين وحاجات بتنور كدة هى حاجات قليلة طبعا في قيمتها المادية جدا لكن فرحت الاطفال اوى

    الاطفال الايتام في دور الايتام نظرتهم وعنيهم يخلوكى تعيطى والله ما هتمسكى نفسك وغلابة موت وتحسي انهم ولادك ما يسدقوا حد يحضنهم ويطبطب عليهم ويلعب معاهم وحسيت كلهم بنتى ربنا يصبرهم ويعوضهم خير
    طبعا خرجت من عندهم وانا حزينة كمان لان كان في بنوتة عيطت عليا كانت قاعدة على رجلى وقت كبير واتعلقت بيا لا حول ولا قوة الا بالله يارب
    بعد ما خرجت قلت قبل ما اروح بيتى اعدى على اختى ماما قاعدة معاها لان بيت ماما جنب التحرير لغاية ما الاحداث دى تخلص
    وانا طالعة في الاسانسير شميت ريحة اكل ماما تحفة بعرفة على طول طبعا مانا بقالي شهر ونص محطتش حاجة في معدتى وخايفة
    دخلت لاقيت ماما عاملة مكرونة بشاميل ومسقعة باللحمة المفرومة ريحتها واصلة لاخر الشارع وعيش محمص وفراخ كرسبي وبوفية سلطات اللى بحبها كلها طبعا اعدت اعيط لوحدى وهموت واكل زى الاول
    لاقيت ماما بتقولى انتى ان شاء الله هتاكلى ومش هيحصلك حاجة
    فقلتلها طب ازاى انا الدكتور مانعنى من الاكل ولا ارجع دم تانى . فجابتلى طبق فية مسقعة وعيش محمص وقالتلى حاجة بسيطة ومتكتريش وانا مسدقت بقي قلت اموت اموت بس اكون عملت حاجة بحبها والاعمار بيد الله
    واكلت ولاول مرة من ساعة العملية اكل وميحصليش حاجة ولا ارتجاع مرئ ولا حاسة بأى الم خالص شربت بعد كدة شاى من غير سكر وقلت الحق اكتب وصيتى قبل ما موت بقي
    تانى يوم رحت للدكتور اعمل اشعة واطمن والحمد لله انى نمت وصحيت تانى وممتش
    لاقيت الدكتور بيقولى كل شيء تمام
    تمام ازاى يا دكتور انا اكلت امبارح فقالى الجرح لامم من جوا سبحان الله ومفيش اثر للجرح ولا الخياطة خالص انا مستغرب حصل كدة ازاى في اربع ايام
    وكل حاجة نضيفة زى الفل وتقدرى تاكلى كل شيء لكن السكر مرة واحدة في الاسبوع لحد برضة ما نطمن اكتر بس مش هتقدرى تاكلى زى الاول لان المعدة بقت صغيرة يعنى نص معدة لكن امليها لحاد ما تشبعى والاكل غير محدد
    ومن يومها وانا باكل كل حاجة
    ودى وصفتى لأى حد عندة مشكلة يا جماعة او كرب صدقونى ربنا اكيد هيفك كربة بعطفة وزيارتة لليتيم متفتكروش انا حاسة ان ربنا كرمنى علشان رضيت اطفال يتامى وحنيت عليهم وربنا طبعا احن منى عليهم
    وياريت ياريت تجربوا زيي واكيد ومش احتمال ربنا هيفك كربك وهيراضيكى زى ما رضيتى طفل يتيم وانا ان شاء الله ناوية اروح مرة واتنين على الاقل مرة في الاسبوع
    وياسلام لو انتى ميسورة وكفلتى طفل يتيم حتى لو في الدار نفسها وتكفلتى بية وباكلة وعلاجة ومصاريفة
    شوفي ربنا عز وجل هيراضيكى ازاى وتبقي ضمنتى الجنة
    وقال رسول الله صلي الله علية وسلم ((انا وكافل اليتيم كهاتين في الجنة))
    صدق رسولنا الحبيب صلي الله علية وسلم

    القصه دي لوحده صحبتي
    التعديل الأخير تم بواسطة الخاضعة إلى الله; الساعة 06-11-2014, 04:42 AM.
    يارب اشهدك اني احب كل بنات المنتدى فيك يارب كل واحده نفسها في حاجه اديهالها وفرح قلبها ارزقهم يارب بالازواج الصالحين والذريه الصالحه واجعل ذريتي من الصالحين الداعين الى دينك وكتابك واجعلهم سد حصين لدينك اللهم امين
    معجزه حصلتيلي في دا الايتام

  • #2
    رد: معجزة حصلتلى بعد زيارتى لدار الايتام

    اللهم بارك قصة مؤثرة جدااااا

    بارك الله فيكِ

    وجزاكِ الله خيرااااااااااااا
    وآآآآه يا أبي بكر هل لي من لقياك نصيب
    رضي الله عنك وأرضاك


    تعليق


    • #3
      رد: معجزة حصلتلى بعد زيارتى لدار الايتام

      سبحان ربى العظيــــم
      فعلا والله اختى
      القصص كتيـــــــــرة جدا بتحصل زى القصة دى
      حتى لو بنطعم حيوان
      جزاكِ الله خيرا اختى
      ***************************
      اللهم صل على سيدنامحمدوعلى اله وصحبه وسلم.
      سبحان الله العظيم وبحمده.

      اللهم تقبل دعائـــى♥♥♥



      تعليق


      • #4
        رد: معجزة حصلتلى بعد زيارتى لدار الايتام

        جزاك الله كل خير

        تعليق


        • #5
          رد: معجزة حصلتلى بعد زيارتى لدار الايتام

          جزاكِ الله خيرا اختى




          {اللهم إنى أسألك إيماناً لا يرتد ,ونعيماً لا ينفد ,ومرافقة نبيك صلى الله عليه وسلم فى أعلى جنة الخلد}

          تعليق


          • #6
            رد: معجزة حصلتلى بعد زيارتى لدار الايتام

            وعليكم السلام ورحمة الله وبركاته
            جزاكم الله خيراً ونفع بكم
            نسألكم الدعاء
            اذكر الله ^_^


            تعليق


            • #7
              رد: معجزة حصلتلى بعد زيارتى لدار الايتام

              سبحان الله !
              نسأل الله أن يقدرنا على فعل الخيــــر


              جزاكم الله خيرا ونفع الله بكم
              اللّهُمَّ أَرضِنِي .. وَارْضَ عَنِّي
              اللهم اغفر لي ولوالدي وللمؤمنين والمؤمنات الأحياء منهم والأموات

              القرآن كلام الله .. خطاب الملك..القرآن عزيز .. مطلوب وليس طالب
              إذا تركته تركك .. وإذا ذهبت عنه ذهب

              تعليق


              • #8
                رد: معجزة حصلتلى بعد زيارتى لدار الايتام

                جزاكِ الله خيراً أختي .
                التعديل الأخير تم بواسطة أم عبد الرحمن .; الساعة 30-08-2012, 12:08 AM. سبب آخر: القسم مختلط أختي باارك الله فيكِ ..
                قال رسول الله صلى الله عليه وسلم "من صمت نجا"


                تعليق


                • #9
                  رد: معجزة حصلتلى بعد زيارتى لدار الايتام

                  وعليكم السلام ورحمة الله وبركاته
                  سبحان الله العلي القدير
                  جزاك الله خيرا أختي

                  اللهم جبرا يليق بجلالك وعظمتك

                  ثم تأتي لحظة يجبر الله فيها بخاطرك، لحظة يفزّ لها قلبك، تشفى كل جراحه، يعوضك عما كان، فاطمئن، لأن عوض الله إذا حلّ أنساك ما كنت فاقدًا
                  ربي لو خيروني ألف مرة بين أي شيء في الدنيا وبين حسن ظني بك لأخذت من دم قلبي ورسمت به طريق حسن ظني بك وقلت لهم اتركوني وربي إنه لن يخذلني أبدا

                  تعليق


                  • #10
                    رد: معجزة حصلتلى بعد زيارتى لدار الايتام

                    ماشـــــــاء الله قصة حلوة ااوووى
                    والله نفسى اروح مكان ذى ده بس للاسف مش متيسرلى الحال
                    اللـــــهم ردنــــى اليـــكــ ردا جميــــلا
                    نــــــقابى هــو حياتى اللـــــــهم انى اســـألك الثبات
                    مسلسل أنــا التـــائــــــــه

                    تعليق


                    • #11
                      رد: معجزة حصلتلى بعد زيارتى لدار الايتام

                      سبحان ربى العظيــــم
                      فعلا والله اختى

                      جزاكِ الله خيرا اختى
                      قال رسول الله صل الله عليه وسلم من استغفر للمؤمنين والمؤمنات كتب الله له بكل مؤمن ومؤمنة حسنة


                      تعليق


                      • #12
                        رد: معجزة حصلتلى بعد زيارتى لدار الايتام

                        سبحان الله !
                        نسأل الله أن يقدرنا على فعل الخيــــر


                        جزاكم الله خيرا ونفع الله بكم
                        حسبي الله و نعم الوكيل فيمن ظلمني و كسر بخاطري وقلبي
                        يَ رب انتقم لي اللهم انني رفعت أكف الضراعه اليك أدعوك بلسانٍ مظلوم
                        وكلي يقين في استجابتك فاللهم انتصرلي ولو بعد حين


                        [SWF]http://www.muslmah.net/upload/swfiles/csi47969.swf[/SWF]

                        تعليق


                        • #13
                          رد: معجزة حصلتلى بعد زيارتى لدار الايتام

                          جزاكِ الله كل خير
                          قصة جميلة ماشاء الله
                          {إِنَّمَا تَقْضِي هَذِهِ الْحَيَاةَ الدُّنْيَا}[طه72:]

                          تعليق


                          • #14
                            رد: معجزة حصلتلى بعد زيارتى لدار الايتام

                            جزاكى الله خيرا

                            تعليق


                            • #15
                              رد: معجزة حصلتلى بعد زيارتى لدار الايتام

                              بارك الله فيكم جميعا
                              يارب اشهدك اني احب كل بنات المنتدى فيك يارب كل واحده نفسها في حاجه اديهالها وفرح قلبها ارزقهم يارب بالازواج الصالحين والذريه الصالحه واجعل ذريتي من الصالحين الداعين الى دينك وكتابك واجعلهم سد حصين لدينك اللهم امين
                              معجزه حصلتيلي في دا الايتام

                              تعليق

                              يعمل...
                              X