إعـــــــلان

تقليص
لا يوجد إعلان حتى الآن.

خطوة بخطوة لإزالة صدأ وغشاوة القلب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #76
    رد: خطوة بخطوة لإزالة صدأ وغشاوة القلب

    اللهم آمين وإياكم جزانا الله وإياكم كل خير


    وبارك الله فيكم

    وآآآآه يا أبي بكر هل لي من لقياك نصيب
    رضي الله عنك وأرضاك


    تعليق


    • #77
      رد: خطوة بخطوة لإزالة صدأ وغشاوة القلب

      الدواء التاسع : البكاء من خشية الله


      دمعه تنزل على قلب اسود صدأ من المعاصي فتغسله من هذا السواد وهذا الصدأ

      ايه الدمعه الي تحول القلب الي قلب مقبل على الله

      ايه الدمعه الي تجعل عبد يسبق كثيرين في السباق بدمعه




      الأمام ابن القيم قسم البكاء الي عشرة انواع :

      1- بكاء الخوف والخشية .


      2- بكاء الرحمة والرقة .

      3- بكاء المحبة والشوق .

      4- بكاء الفرح والسرور .

      5-بكاء الجزع من ورود الألم وعدم احتماله .

      6- بكاء الحزن .... وفرقه عن بكاء الخوف ، أن الأول " الحزن " : يكون

      على ما مضى من حصول مكروه أو فوات محبوب وبكاء الخوف : يكون لما

      يتوقع في المستقبل من ذلك ، والفرق بين بكاء السرور والفرح وبكاء الحزن

      أن دمعة السرور باردة والقلب فرحان ، ودمعة الحزن : حارة والقلب حزين ،

      ولهذا يقال لما يُفرح به هو " قرة عين " وأقرّ به عينه ، ولما يُحزن : هو سخينة

      العين ، وأسخن الله به عينه .

      7-بكاء الخور والضعف .

      8- بكاء النفاق وهو : أن تدمع العين والقلب قاس .

      9-البكاء المستعار والمستأجر عليه ، كبكاء النائحة بالأجرة فإنها كما قال أمير

      المؤمنين عمر بن الخطاب رضي الله عنه : تبيع عبرتها وتبكي شجو غيرها .


      10- بكاء الموافقة : فهو أن يرى الرجل الناس يبكون لأمر عليهم فيبكي

      معهم ولا يدري لأي شيء يبكون يراهم يبكون فيبكي .

      " زاد المعاد " ( 1 / 184 ، 185 ) .


      حانتكم ان شاء الله عن نوعين فقط من البكاء

      1- بكاء المحبة والشوق


      2- وبكاء الخوف والخشيه





      وآآآآه يا أبي بكر هل لي من لقياك نصيب
      رضي الله عنك وأرضاك


      تعليق


      • #78
        رد: خطوة بخطوة لإزالة صدأ وغشاوة القلب

        1- بكاء المحبه والشوق : من كتر ماقلبك ممتلأ بالحب والشوق الي من تحب

        تبكي .... تخيلوا مقدار الحب والشوق اد ايه الي يخلي العين تدمع .

        حبيبك وحبيبي رسول الله صلى الله عليه وسلم من كتر حبه واشتياقه لينا

        بكى .. لم يرانا ماشفنيش ولا شافك ...بس مشتاق لينا ...تخيلوا مقدار الحب

        والشوق اد ايه عند رسول الله صلى الله عليه وسلم لينا .


        كان علي الصلاة والسلام جالس وسط الصحابة فبكي فقالو ما يبكيك يا

        رسول الله قال اشتقت لاخواني قالو اوليس اخوانك يارسول الله قال لا انتم


        اصحابي اما اخواني هم قوم ياتو من بعدي يؤمنو بي ولم يروني .

        احـــنـــا ....

        انا عارف ان كلنا عارفين الحديث ده .. بس عمرك استشعرت كمية الحب

        والأشتياق الي عند رسول الله صلى الله عليه وسلم لينا ؟؟

        مش حانعرف المقدار ده الا لما تجربه ....

        انك تبكي حبا واشتياق للرسول عليه الصلاة والسلام

        ياااااااااااااااااه ياترى عن الحوض لما تشوفه عليه الصلاة والسلام حاتعمل ايه ؟؟

        حاتبكي فرحا حاتاخده بالحضن حاتفضل تتأمل فيه

        يارب قد حرمنا صحبته في الدنيا فلا تحرمنا منه في الأخره .
        وآآآآه يا أبي بكر هل لي من لقياك نصيب
        رضي الله عنك وأرضاك


        تعليق


        • #79
          رد: خطوة بخطوة لإزالة صدأ وغشاوة القلب

          جزاكِ الله خيراً

          تعليق


          • #80
            رد: خطوة بخطوة لإزالة صدأ وغشاوة القلب

            جزاكم الله خيرا
            الحمد لله رب العالمين
            إنا لله و إنا إليه راجعون وفاة أحد المصلين اسمه(عبد اللطيف) (ادعوا له )
            اللهم اغفر لإبراهيم و لأبا أحمد و لجميع موتى المسلمين


            تعليق


            • #81
              رد: خطوة بخطوة لإزالة صدأ وغشاوة القلب

              جزانا الله وإياكم كل خير
              وآآآآه يا أبي بكر هل لي من لقياك نصيب
              رضي الله عنك وأرضاك


              تعليق


              • #82
                رد: خطوة بخطوة لإزالة صدأ وغشاوة القلب

                فضل البكاء من خشية الله


                قال تعالى : { وَأَقْبَلَ بَعْضُهُمْ عَلَى بَعْضٍ يَتَسَاءَلُونَ . قَالُوا إِنَّا كُنَّا قَبْلُ فِي أَهْلِنَا

                مُشْفِقِينَ . فَمَنَّ اللَّهُ عَلَيْنَا وَوَقَانَا عَذَابَ السَّمُومِ . إِنَّا كُنَّا مِنْ قَبْلُ نَدْعُوهُ إِنَّهُ هُوَ

                الْبَرُّ الرَّحِيمُ } [ الطور / 25 – 28 ]



                وقال النبي صلى الله عليه وسلم : " لا يلج النار رجل بكى من خشية الله حتى

                يعود اللبن في الضرع " . ‌ رواه الترمذي ( 1633 ) .


                وقالَ رسُولُ اللَّه صَلّى اللهُ عَلَيْهِ وسَلَّم : " سَبْعَةٌ يُظِلُّهُمُ اللَّهُ في ظِلِّهِ يَوْمَ لا ظِلَّ إلا

                ظلُّهُ : إِمامٌ عادِلٌ ، وشابٌّ نَشَأَ في عِبَادَةِ اللَّه تَعالى ، وَرَجُلٌ قَلْبُهُ مُعَلَّق بالمَسَاجِدِ ،

                وَرَجُلانِ تَحَابَّا في اللَّه ، اجتَمَعا عَلَيهِ وتَفَرَّقَا عَلَيهِ ، وَرَجَلٌ دَعَتْهُ امْرَأَةٌ ذَاتُ

                مَنْصِبٍ وَجَمالٍ ، فَقَالَ : إِنّي أَخافُ اللَّه ، ورَجُلٌ تَصَدَّقَ بِصَدَقَةَ فأَخْفاها حتَّى لاَ

                تَعْلَمَ شِمالهُ ما تُنْفِقُ يَمِينهُ ، ورَجُلٌ ذَكَرَ اللَّه خالِياً فَفَاضَتْ عَيْنَاهُ " .


                رواه البخاري ( 629 ) ومسلم ( 1031 ) .




                وقال رسول الله صلى الله عليه وسلم : " عينان لا تمسهما النار ، عين بكت من

                خشية الله ، وعين باتت تحرس في سبيل الله " . رواه الترمذي ( 1639 ) ،

                وصححه الشيخ الألباني في " صحيح الترمذي " ( 1338 ) .





                وقال النبي صلى الله عليه وسلم : " ليس شيء أحب إلى الله من قطرتين وأثرين :

                قطرة من دموع خشية الله ، وقطرة دم تهراق في سبيل الله ، وأما الأثران : فأثر في

                سبيل الله ، وأثر في فريضة من فرائض الله " رواه الترمذي ( 1669 ) ، وصححه

                الشيخ الألباني في " صحيح الترمذي " ( 1363 ) .




                وقال عبد الله بن عمر رضي الله عنهما : " لأن أدمع من خشية الله أحب إلي من

                أن أتصدق بألف دينار ! " .

                وقال كعب الأحبار : لأن أبكى من خشية الله فتسيل دموعي على وجنتي أحب


                إلى من أن أتصدق بوزني ذهباً .



                حال الملائكة

                عن أنس بن مالك رضي الله عنه عن رسول الله صلى الله عليه وسلم أنه قال

                لجبريل : " ما لي لا أرى ميكائيل ضاحكاً قط ؟ " قال : ما ضحك ميكائيل منذ

                خلقت النار .

                رواه أحمد ( 12930 ) ، وقال المناوي في " فيض القدير " ( 5 / 452 ) : ...

                قال الزين العراقي إسناده جيد ، وحسنه الشيخ الألباني في " صحيح الترغيب " (

                3664 ) . [ تنبيه : هذا الحديث من الأحاديث التي تراجع الشيخ الألباني من

                تضعيفه إلى تحسينه ] .



                عن جابر رضي الله عنه قال : قال رسول الله صلى الله عليه وسلم : " مررتُ ليلة

                أسري بي بالملأ الأعلى وجبريل كالحِلس البالي من خشية الله تعالى " . ‌

                رواه الطبراني في " الأوسط " ( 5 / 64 ) وحسنه الشيخ الألباني في " صحيح

                الجامع " ( 5864 ) .

                بكاء الأنبياء

                قال تعالى : { أولئك الذين أنعم الله عليهم من النبيين من ذريه آدم وممن حملنا مع

                نوح ومن ذريه إبراهيم وإسرائيل وممن هدينا واجتبينا إذا تتلى عليهم آيات الرحمن

                خروا سجداً وبكياً } [ مريم / 58 ] .


                بكاء النبي صلى الله عليه وسلم


                عَن ابن مَسعودٍ - رضي اللَّه عنه – قالَ : قال لي النبيُّ صَلّى اللهُ عَلَيْهِ وسَلَّم : "

                اقْرَأْ علَّي القُرآنَ " قلتُ : يا رسُولَ اللَّه ، أَقْرَأُ عَلَيْكَ ، وَعَلَيْكَ أُنْزِلَ ؟ ، قالَ : "

                إِني أُحِبُّ أَنْ أَسْمَعَهُ مِنْ غَيْرِي " فقرَأْتُ عليه سورَةَ النِّساء ، حتى جِئْتُ إلى هذِهِ

                الآية : { فَكَيْفَ إِذا جِئْنا مِنْ كُلِّ أُمَّة بِشَهيد وِجئْنا بِكَ عَلى هَؤلاءِ شَهِيداً }

                [ النساء / 40 ] قال " حَسْبُكَ الآن " فَالْتَفَتَّ إِليْهِ ، فَإِذَا عِيْناهُ تَذْرِفانِ . البخاري

                ( 4763 ) ومسلم ( 800 ) .


                قال ابن بطال :
                وإنما بكى - صَلَّى اللَّهُ عَلَيْهِ وَسَلَّمَ - عند هذا لأنه مثل لنفسه أهوال يوم القيامة ،


                وشدة الحال الداعية له إلى شهادته لأمته بتصديقه والإيمان به ، وسؤاله الشفاعة لهم

                ليريحهم من طول الموقف ، وأهواله ، وهذا أمر يحق له طول البكاء والحزن .


                وعَن عبد اللَّه بنِ الشِّخِّير - رضي اللَّه عنه – قال : أَتَيْتُ رسُولَ اللَّه صَلّى اللهُ عَلَيْهِ

                وسَلَّم وَهُو يُصلِّي ولجوْفِهِ أَزِيزٌ كَأَزِيزِ المرْجَلِ مِنَ البُكَاءِ . رواه أحمد (

                15877 ) ، والنسائي ( 1214 ) وهذا لفظه ، وأبو داود ( 904 ) بلفظ " ...

                كأزيز الرحى " ، وصححه الشيخ الألباني في " صحيح الترغيب " ( 544 ) .


                المِرْجل : القِدر الذي يغلي فيه الماء .



                عن عبيد بن عمير رحمه الله : " أنه قال لعائشة - رضي الله عنها - : أخبرينا

                بأعجب شيء رأيتيه من رسول الله صلى الله عليه وسلم ؟

                قال : فسكتت ثم قالت : لما كانت ليلة من الليالي .

                قال : " يا عائشة ذريني أتعبد الليلة لربي " .

                قلت : والله إني أحب قُربك ، وأحب ما يسرك .

                قالت : فقام فتطهر ، ثم قام يصلي .

                قالت : فم يزل يبكي ، حتى بل حِجرهُ !

                قالت : وكان جالساً فلم يزل يبكي صلى الله عليه وسلم حتى بل لحيته !

                قالت : ثم بكى حتى بل الأرض ! فجاء بلال يؤذنه بالصلاة ، فلما رآه يبكي ،

                قال : يا رسول الله تبكي ، وقد غفر الله لك ما تقدم من ذنبك وما تأخر ؟! قال :

                " أفلا أكون عبداً شكورا ؟! لقد أنزلت علي الليلة آية ، ويل لم قرأها ولم يتفكر

                فيها ! { إِنَّ فِي خَلْقِ السَّمَاوَاتِ وَالأَرْضِ … } الآية كلها [ آل عمران /

                190 ] " رواه ابن حبان ( 2 / 386 ) وغيره ، وصححه الشيخ الألباني في

                " صحيح الترغيب " ( 1468 ) ، وفي " الصحيحة " ( 68 ) .



                عن أنس رضي الله عنه قال : شهدنا بنت رسول الله صلى الله عليه وسلم ورسول

                الله صلى الله عليه وسلم جالس على القبر فرأيت عينيه تدمعان ، فقال : هل فيكم

                من أحد لم يقارف الليلة ؟ فقال أبو طلحة : أنا ، قال : فانزل في قبرها ، فنزل في

                قبرها فقبرها . رواه البخاري ( 1225 ) .

                وبكى شفقة على أمته .



                عن عبد الله بن عمرو بن العاص أن النبي صلى الله عليه وسلم تلا قول الله عز

                وجل في إبراهيم { رب إنهن أضللن كثيرا من الناس فمن تبعني فإنه مني } الآية

                [ إبراهيم / 36 ] وقال عيسى عليه السلام { إن تعذبهم فإنهم عبادك وإن تغفر

                لهم فإنك أنت العزيز الحكيم } [ المائدة / 118 ] فرفع يديه وقال - اللهم أمتي

                أمتي - وبكى فقال الله عز وجل يا جبريل اذهب إلى محمد - وربك أعلم -

                فسله ما يبكيك فأتاه جبريل عليه الصلاة والسلام فسأله فأخبره رسول الله صلى

                الله عليه وسلم بما قال - وهو أعلم - فقال الله يا جبريل اذهب إلى محمد فقل إنا

                سنرضيك في أمتك ولا نسوؤك . رواه مسلم ( 202 ) .



                عن عبد الله بن عمرو بن العاص - أيضاً - قال : انكسفت الشمس على عهد

                رسول الله صلى الله عليه وسلم فقام رسول الله صلى الله عليه وسلم فلم يكد

                يركع ثم ركع فلم يكد يرفع ثم رفع فلم يكد يسجد ثم سجد فلم يكد يرفع ثم

                رفع فلم يكد يسجد ثم سجد فلم يكد يرفع ثم رفع وفعل في الركعة الأخرى مثل

                ذلك ثم نفخ في آخر سجوده فقال : أف أف ، ثم قال : رب ألم تعدني أن لا

                تعذبهم وأنا فيهم ؟ ألم تعدني أن لا تعذبهم وهم يستغفرون ؟ ونحن نستغفرك ،

                فلما صلى ركعتين انجلت الشمس فقام فحمد الله تعالى وأثنى عليه ثم قال : إن

                الشمس والقمر آيتان من آيات الله لا ينكسفان لموت أحد ولا لحياته فإذا انكسفا

                فافزعوا إلى ذكر الله تعالى . رواه أبو داود ( 1194 ) وصححه الشيخ الألباني في

                " صحيح أبي داود " ( 1055 ) لكن بذكر الركوع مرتين كما في الصحيحين .




                وآآآآه يا أبي بكر هل لي من لقياك نصيب
                رضي الله عنك وأرضاك


                تعليق


                • #83
                  رد: خطوة بخطوة لإزالة صدأ وغشاوة القلب


                  الدواء السادس :" فضل الله ومحبته لعباده "

                  الدواء ده مش محتاج تحضير ولا بحث ولا اعداد لأنه من القلب ، من قلب كل واحد فينا

                  قبل ما نبدأ ياريت دقائق مع نفسك وإن كانت مش هتكفي إستجمع أد إيه

                  فضل ربنا عليك وأد إيه هو لطف بيك



                  حانتكلم عن فضل الله ورحمته علينا ....كل واحد فينا اكيد عند ه موقف

                  ربنا اكرمه او نجاه او شفاه او رزقه او اي حاجه تاني بيحمد الله عليها كل لما

                  يفتكرها ويشعر ان الله بيحبه .....طيب وهو ايه الهدف من الدواء دا ان كل

                  واحد فينا يطلع منه وهو قلبه معلق بالله سبحانه وتعالى ..عايزين نطلع من

                  الدرس واحنا كلنا ان شاء الله بنحب ربنا اوي .


                  محبة الله لعباده ...الله سبحانه وتعالى مش اختارك انت من بين ملاين البشر

                  ورزقك الإسلام ...وكمان من غير ماتدعي ولا تسأله سبحانه وتعالى الهدايه

                  انت اتولدت مسلم ....من اول ما اتولدت وابدت علاقة الحب مابينك وما

                  بين الله سبحانه وتعالى .... واختارك سبحانه وتعالى وقربك منه اكتر وهداك

                  الي العباده هو حضرتك صليت / صليتي كده مع نفسك لا والله ...الله

                  سبحانه وتعالى هو الي كرمك وقربك منه بالعباده .....بس غير العبادات في

                  حاجات دنياويه رقائق جميله في قلب كل واحد فينا عايزين كل واحد يتكلم

                  او يحكي عنها .

                  صاحب الموضوع اللي ناقلة عنه

                  بيقول موقف

                  تعالوا نشوف أد إيه رحمة ربنا بينا كبيرة


                  عن نفسي حاتكلم عن حادثه حصلت ليه في اخر رمضان تقريبا 17 او 18 من رمضان الماضي


                  البدايه جرح في العين ذهبت الي المستشفى طلبوا اني اجهز نفسي اعمل عمليه

                  على طول يعني انتظر حوالي 7 ساعات من غير اكل علشان اعرف اخد بينج

                  في خلال هذه الفتره والدكتور بيكشف على العين هو ودكتوره تانيه

                  بيتكلموا بالأنجليزي على اساس اني يعني مش حافهم الدكتور بيؤل للدكتوره

                  شوفي حد من اهله علشان تؤلي ليه انه مش حايشوف بعينه اليمين

                  تاني ...الدكتوره سألتني معاك حد ..جاوبتها اني ماعيش الا اصحابي المهم

                  بلغتني بالموضوع وقالت ان العمليه هي غرز في العين نفسها علشان نقفل

                  الجرح .


                  عملت العمليه في تاني يوم فضلت في المستشفى شويه ...طبعا الدكتور كان

                  فاقد الأمل لكذا حاجه ...ان اقل ضغط حاعمله حاياثر على الغرز الموجوده

                  في العين ، كان طالب مثلا اني ما اعطس ....مش عارف اذاي يعني ...بس

                  سبحان الله على مدار 3 اسابيع فعلا ماعطستش ولا مره ...بعد كده ابتديت

                  رحلة العلاج


                  طبعا البدايه من اول دكتور الي قال اني مش حاشوف بيها خالص


                  بعدين دكتور قال انت ممكن بعد ثلاث عمليات في خلال 6 شهور ..احتمال

                  تشوف بيها ولو جزء بسيط واستقر الموضوع على كده




                  طبعا كان الألم في العين كبير جدا ، لأن ضغط العين الطبيعي مش


                  مظبوط ....ليه بقول كده ...علشان في حلقه من حلقات الدينية

                  كان في داعية

                  تقريبا يوم 25 او 24 مش متذكر كان بيتكلم عن غزوه وانه صلى الله عليه

                  وسلم مسح على عين علي ابن ابي طالب رضي الله عنه وربنا شفاه مما كان

                  فيها . في الوقت ده والله الواحد حس باليتم ..كان نفسي اكون في عصر

                  الرسول عليه الصلاة والسلام ويمسح بيده الكريمه على عيني . طيب ايه الي

                  حصل .....في يوم تقريبا 26 والدتي بتصحيني وبتبشرني انها رأت في رؤيا

                  رسول الله صلى الله عليه وسلم وهو يقول لها هاتي اناء في مياه علشان امسح

                  على عين محمد .........سبحان الله الرحمن الرحيم ...هو مين الي خلا والدتي

                  ترا هذه الرؤيا ...الله سبحانه وتعالى يعني الواحد استشعر حب الله ورحمته

                  بعبده ...مع اني كنت في رمضان ده مقصر جدا وكان الشغل لاهيني عن

                  العباده لكن احنا بنعامل الكريم سبحانه وتعالى الرحمن الرحيم الذي يتجاوز

                  ويعفو عن غفلتنا ..طيب هو ايه الي حصل بعد كده الموضوع انتهى

                  ؟؟؟؟؟؟؟؟؟؟؟؟؟؟؟


                  اكمل القصه ....بعد رمضان رحت عند كذا دكتور منهم قال ان احنا

                  حانعمل كذا عمليه وممكن تشوف فيها ولا حتى ضعيف ومنهم قال الموضوع


                  انتهى ..اخر دكتور قال 6 شهور وان شاء الله ممكن تشوف فيها يعني بدرجه

                  معقوله وكان دكتور كويس ربنا يكرمه ...وابتديت مع الدكتور بعمليه ثم

                  قال خمس شهور وبعدين نعمل العمليه التانيه لأن لازم الجرح الموجود في العين

                  يلم ...وكل شهر تعدي عليه مره اشوفك فيها ..شهرين وقالي احنا حانعمل

                  العمليه لأن العين اصبحت مهيئه للعمليه ، الحمد الله العمليه نجحت دلؤتي

                  بشوف بيها ذي التانيه ومافيش فرق مابينهم خالص في الشكل ....الي طلعت

                  منه من هذا الموضوع نعمة

                  الــــــــســـــــــجـــــــود ....يعني بجد

                  والله ناس كتير مش حاسه بالنعمه دي وانا كنت منهم

                  الصراحه ...واستشعرت قيمتها بعد لما حرمت منها لأن كان بعد كل عمليه

                  ممنوع السجود لمدة 3 اسابيع الي شهر علشان ضغط العين ....الي حرم من

                  نعمة السجود يحس بالي بقوله مش عارف اعبر .....يارب يحفظ علينا هذه النعمه ويحفظها من الزوال .



                  تاني حاجه اتعلمتها قبل كل عمليه كان بتبان حقيقة اعمالي ...يعني كنت

                  بخاف الا اموت ما اصحاش من البنج ....بيبان حقيقة الأعمال والاقي نفسي

                  الشيطان ضحك عليه وزين اعمالي وانت كده كويس بتصلي ووو ...بس

                  في اللحظات تفتكر المصائب الي عملتها وتفتكر تقصيرك في العباده وتتمنى ان

                  الله يشفيك علشان ترجع تعبده حق عبادته ...وبعد كده ربنا يستجيب ليه

                  وانسى كل ده وارجع قبل العمليه افتكر نفس الكلام ...والله سبحانه وتعالى

                  يديني فرصه تانيه ....اكرم الأكرمين سبحانه وتعالى . الموضوع

                  خلص ....لكن رحمت الله سبحانه وتعالى ومحبته لعباده لا تنفذ .......

                  اسأل الله ان يعنا على ذكره وشكره وحسن عبادته
                  وآآآآه يا أبي بكر هل لي من لقياك نصيب
                  رضي الله عنك وأرضاك


                  تعليق


                  • #84
                    رد: خطوة بخطوة لإزالة صدأ وغشاوة القلب

                    معلش الدواء ده وقع مني في النص
                    وآآآآه يا أبي بكر هل لي من لقياك نصيب
                    رضي الله عنك وأرضاك


                    تعليق


                    • #85
                      رد: خطوة بخطوة لإزالة صدأ وغشاوة القلب

                      ودي قصة أخت تانية

                      السلام عليكم ورحمه الله و بركاته

                      انا بقى هحكي موقف من مواقف الكليه لان بيحصل فيها العجايب

                      في اول التيرم التاني كنا بدانا نشتغل عملي و سكاشن بقى و النظام دا
                      المهم احنا عندنا الدكاتره الهى ربنا يعمر بيتهم لا يخفى عليكم طبعا طيبين كدا و ناس محترمه جدا جدا طبعا

                      فانا باخد ف ماده 3 سكاشن بالتبادل
                      اول سيكشن اناتومي
                      تاني واحد مورفولوجي
                      تالت واد فسيولوجي
                      ما علينا يعني انا بس حابه اعرفكم الوضع قبل ما احكي الموقف عشان تكونوا فاهمينو كويس

                      المهم المفروض ان ف كتاب العملي هنسلمه اخر شهر مايو و يتصح و ناخد الدرجه ف الشهر دا
                      انا تاني اسبوع ف سيكشن المورفولوجي لقينا الدكتور داخل الصبح يشتم و يزعق و مش طايقنا و يلا كلكوا انهرده محسوبين غياب بره براااااااااااااااااااااا
                      طبعا انا اتبسط جدا قولت هرجع انام بقى مفيش وجع دماغ
                      المهم الدكتور لما لقانا مبسوطين كدا قالنا ارجعوا تاني و يلا هاتوا كتبكم عشان هتتصحح انهرده و يانا يانتو و هوريكم و هطلعوا من عنيكم
                      وقاعد يستحلفلنا كاننا واكلين اكله اعوذ بالله من دي ناس فعلا

                      طبعا الكل اتنرفز و ازاي تتصحح يعني احنا ماخدناش غير سكشنين بس و حتى ملحقناش نكمل الكتب و بعدين دا معاد تصحيح الكتب ف شهر خمسه

                      المهم بصيت لقيت الكل فاتح الكتب و قاعدين شغالين الله ينور و بيكملوا و بيرسموا
                      ********************* انا فاكره مناظرهم تهلك من الدحك العالم الدحيحه دي
                      انا بقى مكنتش عارفه اعمل ايه معرفتش اتصرف خالص ادايقت اوي حسيت بالقهر كدا
                      المهم روحت اخدت بعضي و قعدتلي على جنب و قولت تيجي زي ما تيجي لاني فعلا مكنتش عارفه اكتب ايه او اكمل الكتاب ازاي دا غير اني بعتمد على الكورسات لاني مش بفهم حاجه من الدكاتره ف الكليه اصلا
                      دا غير انه كان هيصحح الجزء ال المفروض سيادته كان يشرحه ف اليوم دا و قالنا اتشرح
                      يبقى انا اكتب ايه ؟؟؟؟؟؟؟؟؟؟


                      المهم قعدت اقرا قران و كنت مدايقه من الوضع اوي

                      لا و كل شويه واحده تيجي تقولي ابرار طب اكتبي اي حاجه
                      استغرب جدا و اقولها لا ربك هيعدلها والله كنت بقولها يثقه كدا

                      المهم كل ال كان يروح يصحح بالاسم طبعا يتهزق قدام الكل و ياخد 2 او 1 من عشره

                      انا بقى جه الدور عليه

                      رقم 27 ابرار عبدالله علي

                      روحت والله مكلمني نص كلمه قعد يفر الكتاب كدا و فتح على جزء التيرم الاول و قعد يبحلق فيه زي البتاع
                      و قام كاتبلي 7 من عشره

                      انا ساعتها فضلت واقفه متنحه مصدقتش نفسي خالص
                      بجد حمدت ربنا اوي قولت فعلا ربنا بيعدلها دايما
                      والله رجعت قعدت مع نفسي فعلا كرم ربنا كبير


                      بابا وماما كلموني كانوا اياميها مسافرين قولتلهم دعاءكم بيوصلني
                      انا اياميها عشان ظروف سفر ماما و بابا كنت بحس اني غلبانه اوي بقى و كارهه نفسي و حياتي بس بعد ال حصل دا حسيت ان ربنا معايا اوي حسيت رسايل كتير بتجيلي كدا ان ربنا معايا ف كل وقت
                      الحمد لله فعلا بيسترها معانا دايما والله
                      الحمد لله

                      إنتظرونا لتكملة الموضوع بإذن الله



                      وآآآآه يا أبي بكر هل لي من لقياك نصيب
                      رضي الله عنك وأرضاك


                      تعليق


                      • #86
                        رد: خطوة بخطوة لإزالة صدأ وغشاوة القلب

                        حاكمل معاكم ...بس كنت عايز اوضح كذا حاجه كده ...في الأول




                        المقصود من



                        عرض القصص الي حصلت استشعار رحمة الله بعباده سبحانه وتعالى ومحبته لعباده ....


                        لأن



                        كل واحد فينا ربنا بيحبه لكن مقدار الحب بيختلف من واحد لواحد ..

                        بس لو عايز



                        تعرف ربنا بيحبك اد ايه شوف انت بتحبه اد ايه وتخيل ان كل حبك ده

                        مايجيش ذره من


                        حبه سبحانه وتعالى ليك ....

                        مش ربنا اكرم الأكرمين سبحانه وتعالى مش حايبدلك نفس


                        مقدار الحب حايزيد إن شاء الله ، وطبعا كلنا عارفين ان الحب مش كلام

                        وسمعنا الكلام


                        ده كتير ..لكن للتذكره لا أكثر ...

                        شوف حبك لله اد ايه وقبل ماتفرح بحبك ليه ...

                        قيس حبك على اعمالك وعبادتك واعرف ان حبك ده مجرد كلام ولا فعلا

                        حب ..


                        وبعدين تبدأ تفرح وتحاول تزود الحب ده ، الهدف من الكلام ده ....


                        الي بيحب حد عمره مايقول ليه لأ خصوصا لما يكون متأكد انه بيقول لأ على حاجه متأكد انها

                        حاتفيده وحاتصلح حاله ...


                        ولله المثل الأعلى عايزين نوصل لمقدار عالي اوي في حب الله



                        نوصل للصحابي ..


                        الذي لما عصى الله سبحانه وتعالى اعتزل الناس الجبال واخذ يصلي


                        ويقوم الليل حتى بعث له رسول الله صلى الله عليه وسلم عمر بن الخطاب وصحابي تاني


                        علشان يرجعوه ...الي اخر القصه .....وطبعا مش المقصود ان احنا نعمل ذي الصحابي


                        ماعمل والا كلنا حانسكن الجبال ..




                        لكن المطلوب مننا اننا نعظم المعصيه في قلوبنا حتى لو


                        كانت صغيره اوي علشان نتوب بسرعه منها لأن كل معصيه بتبعدك خطوه عن الجنه



                        وبتقربك خطوه عن النار والعياذ بالله ، وكلمة " لأ " مش حاطيعك

                        او "لأ " هاعمل

                        المعصيه الفلانيه ...دا انا كده بتشبه بأبليس لأنه في البدايه استكبر ولم يطع الله سبحانه

                        وتعالى




                        وآآآآه يا أبي بكر هل لي من لقياك نصيب
                        رضي الله عنك وأرضاك


                        تعليق


                        • #87
                          رد: خطوة بخطوة لإزالة صدأ وغشاوة القلب

                          دي قصة أخت أخري




                          كنت في رمضان الماضي زي ما ذكرت نور حاطة في بالي دعوتين تلاتة مش

                          باتركهم أبداً


                          واحدة منهم كنت فعلاً محروقة عليها كني كنت عايزة أقدم أي حاجة أو

                          أعمل أي شيء إيجابي لديني لحياتي ..



                          لكن طبعاً مع الأولاد كنت بقول إن الموضوع صعب مش ممكن أخرج من

                          البيت أو وقتي والتزامات كتير عليّ



                          وبعد العيد بكم يوم فوجئت بوحدة بدق الباب فتحت وقالت إن هي

                          استلفت من زوجي فلوس أدام باب البيت للتاكسي وجاية ترجعها وإنها


                          جارتنا الجديدة

                          لأن المنزل إلي بجنبي للآجار وأنا صراحة ما اهتمش بساكنيه عشان في الأغلب

                          هم مستأجرين وغرباء فلا أحبذ الخلطة الزايدة

                          وهي كانت من لندن مسلمة لكن ماتعرفش تتكلم عربي نهائياً وتخيلوا إنها


                          جات مع بنتها الصغيرة (سنتين)وتركت أهلها وزوجها هناك عشان تتعلم

                          قرآن واحنا هنا مع توفر كل إمكانية مقصرين جدااااااً

                          المهم طبعاً الكلام ده كان في أول زيارة لي لبيتها طبعاً بعد ما تصارعت مع

                          نفسي أروح ولا لأ لكن بعدين رحت بحجة إني أقدم لها هدية

                          وبدون إطالة عليكم كانت هي إجابة لدعوتي يعني مش عايزة أتكلم عن

                          مساعدتي ليها لأن ده فضل ربنا عليّ


                          لكن والله حياتي لمدة 8 شهور تجندت لمساعدتها في كل شيء



                          وحسيت لما شفتها بتعاني عشان تقرا بالعربي القرآن نعمة كبيرة جداً والله نعمة

                          إني عربية أعرف أتكلم عربي لغة أهل الجنة وأقرا قرآن وأسرح في معانيه

                          وحلاوته


                          والله نعمة مش بيقدرها إلا كل مفتقد ليها ياااااااااارب لك الحمد والشكر



                          حسيت أد إيه أنا مقصرة تجاه قرآني وعبادتي


                          وهي دلؤقتي سافرت طبعاً عشان جاتها ظروف مع إنها كانت ناوية تفضل هنا

                          سنتين وتلاتة لو اتطلب الموضع الوقت ده



                          فالحمد لله على نعمه وعلى كرمه حتى يرضى حتى يرضى حتى يرضى



                          وآآآآه يا أبي بكر هل لي من لقياك نصيب
                          رضي الله عنك وأرضاك


                          تعليق


                          • #88
                            رد: خطوة بخطوة لإزالة صدأ وغشاوة القلب




                            في الدنيا لما الواحد يلاقي حد واقف جنبه على طول بيساعده ويحميه من اي

                            شىء اكيد حايحبه

                            طب ولو تأكد ان كل ده من غير مقابل حايزداد حبا لذلك الشخص دا في

                            معاملتنا مع عبد وكلنا عباد لله سبحانه وتعالى .




                            ولله المثل الأعلى قال تعالى :
                            " له معقبات من بين يديه ومن خلفه يحفظونه من أمر الله "


                            ولو كل واحد منا فكر في نعمة كيفية حفظ الله له، وبعد كده تأمل حاله مع

                            الله،هل هو محافظ على ما أمر الله به؟ هل هو حافظ لحدود الله؟

                            الله سبحانه و تعالى يحفظنا بالمعقبات، أي: الملائكة كما فسرها الصحابة ،

                            تحفظنا من الشياطين تحفظنا من أن يصيبنا شيء، إلا ما قدَّره الله علينا وكتبه فلا بد منه.




                            قال تعالى " صنع الله الذي اتقن كل شىء "

                            أنفسنا لا نملكها ولا نستطيع أن ندبرها، ولو وكل الله إلى واحد منا أن يدبِّر

                            عينه فقط، لما اشتغل في الدنيا إلا بعينه، ولو وكل إليك أن تدبِّر معدتك أو

                            قلبك حتى يتحرك، لذهب عمرك كله وأنت تحرك القلب أو تحرك المعدة أو

                            تحرك الكبد أو المرارة أو...... .



                            الله سبحانه وتعالى خلقنا على احسن هيئه وفضلنا على المخلوقات ، وكتب

                            لكل واحد فينا رزقه من مال وصحه وزوج وزجه وذريه ...كل ده علشان

                            نعيش لطاعته سبحانه وتعالى وماننشغلش عن الهدف المخلوقين علشانه


                            وهو

                            عبادته سبحانه وتعالى .



                            وبكده إنتهينا من الدواء السادس
                            وآآآآه يا أبي بكر هل لي من لقياك نصيب
                            رضي الله عنك وأرضاك


                            تعليق


                            • #89
                              رد: خطوة بخطوة لإزالة صدأ وغشاوة القلب

                              ما شاء الله
                              للرفع والنفع

                              قال الحسن البصري - رحمه الله :
                              استكثروا في الأصدقاء المؤمنين فإن لهم شفاعةً يوم القيامة".
                              [حصري] زاد المربين فى تربية البنات والبنين


                              تعليق


                              • #90
                                رد: خطوة بخطوة لإزالة صدأ وغشاوة القلب

                                جزاكم الله خيراا

                                تعليق

                                يعمل...
                                X