إعـــــــلان

تقليص
لا يوجد إعلان حتى الآن.

حكايات الواد اللى مدوخ البنات .... متجدد باذن الله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حكايات الواد اللى مدوخ البنات .... متجدد باذن الله

    السلام عليكم ورحمة الله وبركاته

    ازيكم ياشباب

    وحشنى كتييييييييييير ، من زمان ماكتبتش حاجة جديد وبجد ببقى سعيد وانتوا معايا

    بس

    النهاردة هنتكلم مع بعض بس بشرط ...

    مافيش زعل

    هتكلم عن موضوع زل ووقع فية الكتير الا من رحم الله

    وانا من خلال ردى على مشاكل قسم سرك فى بير ، لقيت اكثر المشاكل عن

    شباب وقع فى غرام بنات

    وبنات وقعت فى غرام شباب

    والاثنين عادى

    ولكن

    ان تجد واحد بيقول انه ملتزم وملتحى (( اعذرونى شويه )) وبيقولوا انه

    ماسك الدعوة كمان واقع وهيمان

    فى غرام بنت ومش كدة وبس وهى كمان ملتزمة وبتحضر دروس ومحاضرات

    لخالتو ......فى الدار وشكلها منتقبة وماسكة الاخوات فى الدعوة

    ايه دة ؟؟

    ايه اللى بيحصل دة ؟؟

    هما دول بجد يبقوا ملتزمين ولا ممكن اصلا يكونوا ملتزمين

    هتقول
    هو دة ينفع بين الملتزمين
    اقول لك
    ماينفعش لكن هو ده اللى بيحصل

    واحنا فى موضوعنا دة (( حكايات الواد اللى مدوخ البنات ))

    هنحكى قصص وغراميات بتحصل فى الواقع
    بس احنا او الكتير مننا بيحاول يبعد عن المشاكل
    وانا زى ماقلت شوفت كتير من المشاكل بين اخ واخت
    وقعين فى بعض وفيه مشاكل للركب
    فحبيت ان اعالج تلك المشاكل باسلوب مرح عن طريق قصص وغراميات
    -------------------
    حكايات الواد اللى مدوخ البنات .... متجدد ان شاء الله









    4--


    5 --






    8 --





    11--



    12 --



    13 --


    ــــــــــــــــــــــ



    ـــــــــــــــــــــــ






































    ______________________
    واليوم
    نبدأ مع اول الحكايات وهى بعنوان :

    (( حكاية موحة طربوش مع فتحية بلاطة ))

    أول النار. ..شراره





    فى حفله...أو فرح...أو فى الكليه...أو فى الشارع....لأ دى من


    العيله...يعنى بنت عمى....أو بنت خالى..






    كان موحة طربوش ... ..فى نفس المكان.....



    شافته..أو شافها.....لمحه واحده بس...((أول نظره))



    والله ملتزم.. ..حتى هى محجبه.. ...ومابصتش تانى....



    غضت بصرها...وغض بصره......بس هو الاختلاط



    أمال ايه الحكايه



    الله...انتوا ما تعرفوش انه كان مستنى اللحظه دى!!وقاعد من


    زمااااااااااااااااان يترقبها!



    هو مين!!.؟؟؟؟؟؟؟ حا تعرفوه لوحدكوا



    طبعها بالكربون...لأ...حلاها أكتر و أكتر....



    واستخدم مؤثرات صوتيه



    وكمان صورها فيلم ((فيديو كليب....))



    لأ....حتى نجوم الليل و القمر...والهوا اللطيف اللى بيسلم علينا


    كل ليله...ويلمس خدودنا علشان نحس بنعمة ربنا


    علينا.....خلاه يحس انه من عندها!!






    وبعدين



    ورسم على الشجره قلبه و قلبها
    وغنى لعيونها و هو ما يعرفش حتى ايه شكلها
    وسرح مع موج البحر رسم على الرمله قلبه و قلبها
    وحول حياته لمقبره أيوه. ...مقبره....بس مقبره شكلها من بره حلو قوى



    مدفون فيها وقت...وعمر.....وعمل....وقلب مجروح و بينزف ....واحتمال فى أى لحظه




    يموت






    غسيل مخ



    عمله غسيل مخ.. ...خلاه ينام...يحلم بيها...وعمل له مونتاج.


    ..وركب صورة وشها على جسم ((فتحيه بلاطه)) و هى بتغنى


    فى أغنيتها الاخيره. ..


    وصورته على وش الموبيل اللى كان معاها. .....فبقى كل يوم بيعيش أغنيه


    ((كذابه ))


    ...وحلم ((كذاب)). ...



    خلاة يحس ان هو اللى بيغنى... ..وانها بتسمع كلام الاغنيه منه. ..وكان فرحان قوى....وهيمان.....وفجأه تحول موحة الى انسان كسول .. مجروح....حزين...
    وكل ده اخراج.....المخرج..



    ((شيطان ناجح جدا ))


    عرفتوه بقى




    طب...طب....ليه عمل فيه كده؟؟ وايه الفايده. ..؟؟وليه بقى


    حزين...وما فضلش سعيد ليه؟؟


    تعالوا معاى...علشان تعرفوا ليه بقى فى الاخر حزين





    الاول




    ما اسمهوش الحب الاول .. ...سيبكم من كلام الاغانى و المفسديون .....


    منهم لله.....حسبنا الله و نعم الوكيل


    دى يا ولاد اسمها ((الفتنه الاولى)) ....يعنى بيبقى قلبك زى


    الفل..ولأنك كبرت..واتغيرت...ومشاعرك نضجت....بتحس ان


    فيه حاجه جديده


    الدنيا بقت حلوه . ..وردى...وردى...وردى..وردى.... وردى


    وبقت القلوب فى كل مكان....على


    الكشاكيل ...وميداليات....وعلى الكروت...وسلاسل.


    .وأساتيك.....وشنط...وهناو هناك . ...



    واديله بقى ((أغانى أم .. ...وعب.......))


    أصلها بتيجى على الجرح. ..وبتساعد فى اقناع العقل بوجود


    الحلم....مع انه فى الاصل حلم


    حد يعذب نفسه بنفسه!!


    حد يفضل يشم فى الاكل اللى ريحته واصله من عند


    الجيران...وهو عارف انه صايم ...ومش حا يأكل الا لما المغرب


    يأذن!!وكمان ما يقدرش يسرق أكل من حد!!



    ما هو أصل الموضوع كده


    انت صايم. ..وانت صايمه .. .وماينفعش تشموا ريحه أكل حد


    اصبروا على الصيام شويه.....لحد ما أذان المغرب


    يؤذن...ويأذن الله تعالى


    ساعتها حا تفطروا...والاكل...((الحب)) حا يكون طعمه حلو


    قوى....لأنه



    ((حلال))....وفى مكانه... .









    فكر شويه



    يعنى ايه الكلام ده.. . ..


    هو انت يا ابوأحميد يا أبو العيال ما بتسمعش ان الحب بعد الجواز مش موجود


    وان الخطوبه أجمل فتره فى الحياه


    وان...وان...وان



    مين اللى قال.....برده...كلام المفسديون. ..فى الحوارات العجيبه.....


    هو الحب ورده. ..وقلب. ..وغنوه. ...ونيل و هوا و ميه!!!


    لأ....الحب بيتترجم لأفعال ايجابيه....يمكن مش


    بتشوفوها....البسوا معاى نضارة أبو العيال... . ..بالاشعه


    الفوق المعنويه ...واتفرجوا معايه





    نظره جديده


    طب قولوا انتم...بلاش أنا


    بابا و ماما


    طول النهار قدامكم...صح؟؟....فاكرين يوم ما بابا اتأخر...لما


    كان مسافر ....ماما وقفت ازاى تستناه...رايحه جايه. ...بصيتوا


    لوشها....شفتوا الخوف. ..والقلق...والفزع...سمعتوا دقات


    قلبها و هى خايفه.....


    ما هو ده الحب....انك تخاف على حبيبك من الخطر..



    شفتوا بابا و هو شايل شنطة سفر...ومعاد الطياره بعد ساعه..


    .وقلبه بيتقطع و هو بيبوس راس ماما.....وبيمشى و دموعه


    بتجرى على خده (أول مره تشوف بابا بيعيط)


    ما هو ده الحب......انك تكره فراق حبيبك




    فاكر لما ماما كانت عيانه....وحرارتها عاليه. ...وبابا واقف فى


    المطبخ بيعمل الاكل بدالها...وهو راسم على وشه


    بسمه....بسمة حنان و عطف عليكم...بس مخنوقه...مخنوقه


    بألم...


    ما هو ده الحب برده...انك تتألم لألم الحبيب



    شفتى بابا لما مر بظروف صعبه...أد ايه كانت ماما واقفه


    معاه....واستحملت حاجات كتير...ما هو ده الحب برده...على


    الحلوه و المره


    فاكر لما ماما فضلت واقفه تصحى بابا علشان صلاة الفجر.


    ...وراسها كانت بتقع....وفضلت لحد ما قام و صلى ....ما هو


    ده برده الحب.....انك تخاف على حبيبك من نار جهنم((مش


    تكون سبب فى دخوله نار جهنم... ..))



    يبقى الحب...حنان...وموده...ورحمه....موجود جوانا


    فعلا...مش محتاج أغانى و هباب و فيديو كلاب...حا يطلع حا


    يطلع. ..


    بس لما نسمع كلنا الاأذان




    النور


    يا سلام....حاجه حلوه انك تعمل حاجه فى النور.
    ...قدام كل الناس...من غير ما تستخبى
    أصلك عارف انك صح...وانت عارفه انك مش بتعملى حاجه غلط.....
    أمال مين بيستخبى..((الحرامى ))اللى بيسرق حاجه مش من حقه....
    وخايف لأنه غلط فى غلط....حتى أحلامه غلط.....فبيخجل يحكيها
    طب....ربنا يعلم ما فى الصدور.......
    يا ترى جوه صدرك....ظلام... .واللا نور؟؟
    يا رب يبقى نور فى نور
    ألا بذكر الله تطمئن القلوب






    يعنى أحبس نفسى و أعيش فى تلاجه!!


    ما هو الظروف معروفه....ولسه مشوارى طويييييل.


    ...ولسه على ما أكون نفسى..طب أعمل ايه فى نفسى.....يعنى


    أعيش فى تلاجه!!


    حتى لو حاولت....مش حا أقدر أبقى على طول فى التلاجه


    أيوه...عارف ان المشوار طويل...ويمكن لو عجبتك ((ستوته ))


    تتخطب و تتجوز و تخلف و انت لسه بتكون نفسك..


    يبقى انت فى الحاله دى خسرتها....وخسرت أحلى سنين عمرك


    لأنك ضيعتها فى أحلام سلبيه...ولا بتودى و لا بتجيب...


    قصدى بتجيب سيئات بس ...وبتدبح القلب لما تحس انك


    خسرت المعركه اللى كنت شايف انها معركة حياه أو موت لقلبك


    الرقيق.....وبيفضل قلبك مجروح.. .ولو مريت فى حياتك مع


    زوجتك فى المستقبل بأى مشاكل حا تلاقى شماعه كبيره


    انتاج مصانع ((وساويس الشيطان)) ...تعلق عليها كل حاجه


    أصلها مش فتاة أحلامى


    أصلها مش حبى الاول


    وبالمفتاح الكبير بتاع شيطون بيفتح لك الباب الاسود


    (((((لو))))))) لو كنت اتجوزت ستوته كنت حا أبقى أسعد


    كانت حا تفهمنى


    كانت حا تسعدنى


    أصله شاف الزواق اللى من بره بس....واللا صحيح...ممكن


    يكون ما اتكلمش معاها أصلا..ولا عرف شخصيتها.....((معلش أصلى نسيت ان المخرج شيطون طبع الصوره و كمل باقى مسلسل الوهم من عنده))
    ودى النهايه يا أصدقائى




    بقى حزين... .بعد ما كانت بداية الرحله...قلب بيرقص....ودنيا


    ايه....فاكرين


    وردى...وردى...وردى...



    قصدى


    بمبى..بمبى..بمبى بمبى


    عارف ان ستوته فيها مميزات كانت عاجباه. ...لكن كل انسان فيه مميزات. ..وعيوب. ...والحب هو نجاح التفاعل الكيميائى بين مكونات الزوج و مكونات الزوجه...مهما كانت المكونات دى....مش شرط تركيبه معينه....


    لأن الموده و الرحمه...هى السبب الاساسى فى نجاح التفاعل


    خلى عندك بعد نظر


    حافظ على قلبك


    حافظى على قلبك


    ده ما فيش زيه...اوعى حد يكسره...واوعى انت تكون اللى


    كسرته ...((الله يسامحك))


    رفقا..رفقا....حاول تساعده علشان يفضل خام ...وجميل


    بطل تشم روائح كذابه...غض بصرك ....وافتكر دايما شكل


    الحور العين((يا ترى قريت عنهم. .))


    وطول ما انت صايم عن المعاصى. ...حا يفضل قلبك سليم...ولما يأذن الله بالحب حا يكون طعمه جميل


    وساعتها حا نقول كلنا((صوما مقبولا وافطارا شهيا ))


    فكرفى بكره....هنا....وفى الاخره


    ما تخليش منظارك أعمى....بيشوف بس تحت رجليه


    اللهم آتنا فى الدنيا حسنه و فى الاخرة حسنه


    وقنا عذاب النـــــــار




    يتبع بكرة أو بعد بكرة أو بعد بعدة
    ان قدر الله لنا البقاء

    والحكايات كتيييييييييييييييييير

    مستنى رايكم


    والدكم

    ابو معاذ احمد المصرى
    التعديل الأخير تم بواسطة أبو معاذ أحمد المصرى; الساعة 16-10-2012, 03:38 PM.

  • #2
    رد: حكايات الواد اللى مدوخ البنات .... متجدد باذن الله

    ماشاء الله ماشاء الله
    ايه الجمال ده كله
    موضوع اكثر من رائع يا بابا ..
    اقصد يا مولانا
    ربنا يبارك فيك ويكرمك
    ومتابعين معاك

    تعليق


    • #3
      رد: حكايات الواد اللى مدوخ البنات .... متجدد باذن الله

      ماشاء الله لاقوة إلابالله
      موضوع في غاية الجمال
      بارك الله فيك يا سيدنا
      جزاكم الله خيرًاشيخنا الحبيب ووالدنا العزيز وبارك الله فيكم ونفع بكم ... وجعل هذا العمل في موازين حسناتكم

      أح ــبك في الله
      ضل الطريق من ترك الطريق . عودة من جديد

      يامن خذلتنا وخذلت إخوانك .. في وقت احتاجوا فيه نصرتك وعونك لهم .. ولكنك تركتهم ولم تلتفت لهم .!
      ابشر بالخذلان .

      حزب العار

      تعليق


      • #4
        رد: حكايات الواد اللى مدوخ البنات .... متجدد باذن الله



        جزاكم الله خيرا شيخنا الحبيب

        موضوع مميز كعادتك

        جعله الله في ميزان حسناتك

        لا تنسانا من دعائك

        أن يرزقني الله الزوجة الصالحة

        أحبك في الله

        تعليق


        • #5
          رد: حكايات الواد اللى مدوخ البنات .... متجدد باذن الله

          المشاركة الأصلية بواسطة أبو السائب المصرى مشاهدة المشاركة
          ماشاء الله ماشاء الله

          ايه الجمال ده كله
          موضوع اكثر من رائع يا بابا ..
          اقصد يا مولانا
          ربنا يبارك فيك ويكرمك

          ومتابعين معاك




          ربنا يكرمك يااخى الحبيب

          وعطرت الصفحة بمروركم الطيب

          المشاركة الأصلية بواسطة mega byte مشاهدة المشاركة
          ماشاء الله لاقوة إلابالله

          موضوع في غاية الجمال
          بارك الله فيك يا سيدنا
          جزاكم الله خيرًاشيخنا الحبيب ووالدنا العزيز وبارك الله فيكم ونفع بكم ... وجعل هذا العمل في موازين حسناتكم

          أح ــبك في الله


          وفيك بارك الله يامولانا الحبيب

          وجزاك الله مثلة

          واحبك الله الذى احببتنا فية

          تعليق


          • #6
            رد: حكايات الواد اللى مدوخ البنات .... متجدد باذن الله

            السلام عليكم ور حمة الله وبركاته

            شباب وبنات وزوار المنتدى الكرام

            حد زعل من قصة امبارح ؟؟؟

            انت ...انت

            ايوة

            زعلت ليه من الحكاية امبارح ؟؟؟

            مش هو دة اللى بيحصل

            وكمان انتى زعلتى ليه ؟؟

            هى دية قصتك مع موحة بية ، اماااااااااال زعلتى ليه

            معلش ياشباب انا بدأت كدة علشان امبارح شباب وبنات خدوا الكلام عليهم

            والمفاجأة ان الكتيييييييييييييير ظن انى بكتب قصته

            ودة فى حد ذاته دليل على الوقوع فى الخطأ بوجود علاقة باسم الحب

            بين (( عتريس وفؤادة ))

            طيب ليه كدة ياعتريس تتصل بيها ؟؟؟

            وليه بتكلمها برقة وحنية ؟؟
            انت مش عارف ان اى بنت ممكن تقع بأقل كلمة

            ليه بتتواصل على الميل ؟؟؟

            ليه بتبعت رسايل فيها كلام غرام وهيام ؟؟؟

            ليه شغلت بالها بكلامك المعسول ؟؟؟

            ترضى اعمل كدة مع اختك ؟؟؟؟

            تعالوا بينا مع بعض نعرف حكاية (( الباشمهندس عتريس مع فؤادة ))

            عتريس ولد مؤدب خالص وملتزم ومن عيلة كويسة

            وفؤادة بنت ملتزمة ومن عيلة كويسة خالص

            عتريس مخلص هندسة وبدأ يشتغل فى مهنته وقبل ماانسى ملتزم وبيخطب فى المساجد

            يعنى يعرف ربنا ويعرف ان قلوب بنات الناس مش لعبة

            المهم

            من 8 شهور تقريبا مكانش يعرف فؤادة لانه بيغض بصرة ولكن تأتى الرياح بما لاتشتهى السفن

            الباشمهندس قاعد على الكمبيوتر علشان بيدعوا الى الله من على النت

            وعامل كمان حملة دينية على الفيس بوك

            وفجأة دخلت على الحملة فؤادة هانم

            وضفها صديقة

            وهى كمان قبلت صداقته

            وهنا

            جالهم الاثنين وقالهم : انتم كدة بتدعوا الى الله لازم تعرفوا بعض اتصل بيها

            اكيد عرفتوا مين دة .....


            فتح صفحة فؤادة وشاف الحائط بتاعها

            ماشاااااااااااااااااااااااااااااااء الله

            حملات اسلاميه وردود دينيه

            وكمان صورتها واحدة منتقبة

            ايه الالتزام دة ؟؟؟

            بجد ماتعرفش حصل ايه فى قلبة

            وهى كمان

            شافت صفحته ووجدت دروس دعوية ماشااااااااااااااااء الله

            ايه دة دة شيخ كبير

            وشافت صورة

            وهو حاططها جمال ايه ورشاقة ايه وعيون ايه

            يخطف القلب ويخليه يضيع

            وبعدين على الشات بعتلها :

            السلام عليكم

            ردت

            وعليكم السلام

            وفضلوا الاثنين مستنين حد يتكلم

            عارفين سكتوا ليه ؟؟

            علشان هما عارفين ان دة حرام يكلمها بصفتوا ايه ؟؟

            وهى ازاى تكلم شاب

            المهم

            بعد فترة قالها : ماشاااااااااااااااااااااااااااااااء الله

            ايه الالتزام دة ؟؟
            دة انتى داعيه وعالمة كبيرة شفت الحائط بتاعك ممتاز

            ردت : جزاك الله خيرا

            ودية كانت البداية

            وفضلوا يتكلموا ونسوا انهم ملتزمين

            طبعا كان مضطر يتكلم

            وحصل اللى حصل وأعجب بيها


            عتريس فعلا ولد متدين وبيعرف ربنا في البداية فضل يقاوم إحساسه ازاي أنا اعجب ببنت وفعلا بيغض بصره لانه مش شايفها وهوه بيكلمها لكن الأرواح جنود مجندة ما تعارف منها ائتلف

            وكمان فؤادة بتلوم نفسها ازاي ممكن يكون عندها الاحساس ده

            والاتنين مكنش قدامهم ملجأ غير الله عز وجل

            عتريس في قيام الليل بيدعي يارب يسر لي الخير
            يارب لو كنت في زمن رسول الله كنت اتقدمت وكملت نص ديني

            لكن انا لو عتبت باب بيتهم أهلها
            ...


            في الوقت ده فؤادة كان بيتقدملها ناس عشان تخطبها وأهلها كانوا بيضغطوا عليها

            لا فؤادة تعرف ان عتريس
            بيتمناها زوجة ليه
            ولا عتريس يعرف ان فؤادة بتتمناه زوج ليه

            ياترى ايه اللي هيحصل؟؟؟

            على فكرة دي قصة حقيقية لكن بتصرف واختلاف للأسماء فقط


            المهم

            قرر عتريس انه يبلغ فؤادة بمشاعره

            وفعلا بلغها


            وبدأ سلسلة من الايميلات عادية للاطمئنان عليها
            شوية يقولها متستننيش
            شوية
            استني

            ....

            الفترة دي زاد الضغط جدا من أهل فؤادة علشان توافق على عريس من اللي متقدمين ليها
            سبحان الله الأول كانوا بيلحوا انما مش بالطريقة الزيادة دي زي ما يكون ربنا مش راضي عن اللي بيحصل ودي رسايل منه

            وقدرت فؤادة ترفض عريس ورا التاني


            و..........


            وهنقف النهاردة على كدة

            ونشوف بكرة ايه اللى هيحصل مع فؤادة

            والباشمهندس عتريس هيسكت ولا ايه ؟؟

            فتابعونا

            غدا ان شاء الله



            تعليق


            • #7
              رد: حكايات الواد اللى مدوخ البنات .... متجدد باذن الله



              جزاك الله خيرا أخي الحبيب

              موضوع في الصميم

              ابتلي به كثير من الشباب "الملتزمين "

              وان بعرف عتاريس كثير

              ولا حول ولا قوة الى بالله

              منتضرين التكملة

              اللهم اهد عتريس وفؤادة

              وجمع بينهم في الحلال

              تعليق


              • #8
                رد: حكايات الواد اللى مدوخ البنات .... متجدد باذن الله

                تسلم ايدك يا مولانا
                وسلامي للطربوش موحة
                اللهم ارحم أبي رحمة واسعة وجميع موتانا وموتى المسلمين

                تعليق


                • #9
                  رد: حكايات الواد اللى مدوخ البنات .... متجدد باذن الله

                  المشاركة الأصلية بواسطة أبوسلمى المصري مشاهدة المشاركة
                  تسلم ايدك يا مولانا
                  وسلامي للطربوش موحة

                  تعليق


                  • #10
                    رد: حكايات الواد اللى مدوخ البنات .... متجدد باذن الله

                    اخوانى الكرام

                    معلش النهاردة الخميس والجو حر جدا

                    وبكرة الجمعه وهنصلى الجمعة

                    ويوم السبت نكمل حكاية عتريس وفؤادة

                    فكونوا معنا

                    تعليق


                    • #11
                      رد: حكايات الواد اللى مدوخ البنات .... متجدد باذن الله



                      في الانتضار شيخنا

                      نشوف عتريس ده

                      بطل القصة

                      حيعمل ايه

                      الله يستر


                      تعليق


                      • #12
                        رد: حكايات الواد اللى مدوخ البنات .... متجدد باذن الله

                        جزاك الله كل خير ننتظر منك تكملة القصة

                        تعليق


                        • #13
                          رد: حكايات الواد اللى مدوخ البنات .... متجدد باذن الله

                          الله المستعان
                          نسأل الله السلامة والعافية
                          متابعين معكم بإذن الله

                          تعليق


                          • #14
                            رد: حكايات الواد اللى مدوخ البنات .... متجدد باذن الله

                            المشاركة الأصلية بواسطة أبو معاذ أحمد المصرى مشاهدة المشاركة
                            ويوم السبت نكمل حكاية عتريس وفؤادة

                            واضح من اسم الاخ عتريس انه كان مقطع السمكة ودلها ^_^

                            متابعين معاك ياشيخنا

                            بارك الله فيك وجزاك الله خيرا على هذا الموضوع الرائــــــــع
                            قال رسول الله صل الله عليه وسلم من استغفر للمؤمنين والمؤمنات كتب الله له بكل مؤمن ومؤمنة حسنة

                            تعليق


                            • #15
                              رد: حكايات الواد اللى مدوخ البنات .... متجدد باذن الله

                              اخى الحبيب و شيخنا الفاضل ابو معاذ

                              كيف حالك اخى الحبيب

                              دائما متألق فى موضوعاتك

                              كطريقة عرض و كتقديم و فائدة

                              بارك الله فيكم اخى الحبيب و زادكم بسطة فى العلم



                              لا إله إلا الله وحده لا شريك له
                              سبحان الله و بحمده سبحان الله العظيم
                              ابطال فلسطين ( الاسطورة يحيى عياش )


                              تعليق

                              يعمل...
                              X