إعـــــــلان

تقليص
لا يوجد إعلان حتى الآن.

حكايات الواد اللى مدوخ البنات .... متجدد باذن الله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    رد: حكايات الواد اللى مدوخ البنات .... متجدد باذن الله

    جزاكم الله خيرا اخي الحبيب

    فعلا الواحد بيتعذب لما يحلم يتجوز واحده و المشوار لسه طوييييييييييييييل

    يا دكتور انت دكتور ايه لو سمحت

    تعليق


    • #32
      رد: حكايات الواد اللى مدوخ البنات .... متجدد باذن الله

      السلام عليكم ورحمة الله وبركاته

      انتم فين ياشباب ؟؟

      متابعين معاى الحكاية وكمان تحليل الحكاية

      وياريت كمان ابنائى البنات يكونوا متابعين خاصة ان الموضوع دة يهمهم اكثر

      وكمان هن اللى بيتجرحوا اكثر وهى اللى قلبها بينكسر

      احنا لسة مع التحليل للحكاية

      وقفنا المبارح عند السؤال دة :

      قوليلي لو انتي كدبتي زيه كده بالظبط , هيكون تصرفة ازاي معاكي ؟

      صحيح لو انتي كدبتي علية كده هيتصرف ازاي ؟
      ولو سكت عليكي يبقى اهبل و عبيط و مش راجل اساسا


      و لو واجهك يبقى شك فيكي و مش واثق فيكي و حاسس انك بتعملي حاجه من وراة ..

      صحيح الاول انتي كدبتي علية ليه ؟

      خايفة يزعل لو عرف الحقيقة , و شايفة انها عادي يعني غلطة صغيرة و هتعدي .....

      - طيب ما ده اسمة جبن يا جبانة ( اسف )
      - و ده معناه بردوه مش في الحب و لا يمت للحب بصلة ....

      الاسلام قال لو اخوك غلط فيك التمسلة سبعين عذر ....

      و انتي خايفة منه و مش حاسة انك محتاجة عذر واحد من السبعين دول ؟

      طيب تعالي كده اصل انا نسيت حاجه اساسا ....
      - ده انتي بتكلمية على التليفون و بتقابلية في الكلية و تقعدي معاه , و كمان شات طول الليل .....

      يعني اساسا علاقة كلها حرام في حرام .........
      و مش عاوزاه يكدب ؟؟


      اذا كان مش بيحترم الاسلام و دينة و يطبقة ..
      يبقى هيحترمك انتي و يخاف من الكدب عليكي ؟؟؟؟؟


      - يا بنتي كل ده غلط في غلط اساسا ......
      اسالي نفسك مرة واحده بس في حياتك ,, الانسان اللي بيكدب عليكي ده يستحق قلبك و حبك ليه ؟

      الانسان اللي انتي بتحبية ده بتقولي بحبك على اساس ايه بالظبط اذا كان معاكي بيفقد الاحساس بالمسئولية و بيكدب و بينافق ....

      الحب لما بيفقد الثقه و الصراحه فية يبقى مبني على غلطة و وهم كبير .....

      - الكدب اقرب وسيلة للخيانة , و اللي تستمر على علاقة مع واحد كداب , تبقى تستاهل اللي يحصل سواء قبل الجواز او بعدة ......


      - طيب انا هقفل على موضوع الصراحه في العلاقة بين بكاكا و سها ..


      ونتابع

      سوا ركن آخر من اركان الحب و يا ترى الركن ده موجود في علاقة تجمع بين طرفين اسمهم على باكاكا و سها ؟؟؟؟؟

      **( التعاون و المشاركة )**

      - طبعا دي كلها مواقف بتحصل و هتحصل في مجتمعنا ....
      - مواقف من واقع حياتنا.....

      - ما تيجوا نشوف سوا كده نقدر نقرأ اللي بين السطور ؟

      احفظوا منى الجملة دية :
      - من اركان الحب الاساسية و في أي علاقة بين اتنين هنلاقي التعاون و المشاركة ..
      و لو فقدنا احساسنا ان الطرف التاني في العلاقة مش بيشاركنا و يتعاون معانا في كل حاجة في حياتنا , يبقى بنفقد الاحساس بوجوده في حياتنا , و بالتالي بنفقد الاحساس بحبنا لية ....


      ربنا سبحانه وتعالى بيقول :
      ( و تعاونوا على البر و التقوى و لا تعاونوا على الإثم و العدوان )


      والنبى صل الله عليه واله وسلم بيقول :
      ( و الدال على الخير كفاعلة و الدال على المعصية كفاعلها )


      - و المجتمع بيقول :
      ( اللي يحبني يحبلي الخير , و اللي يحب يبقى يقف جنب حبيبه في الحلوة و المرة , و يا بخت من بكاني و بكى عليا , و لا ضحكني و ضحك الناس عليا )

      - ما تيجوا نشوف كدة المواقف اللي بين سها وعلى باكاكا :-

      - احنا شايفين فعلا ان باكاكا واقف جنب سها .. بيزاكرلها , و يقابلها , قال ايه فاضل على الامتحان اربع ايام و خايفة , يقوم البية يقابلها علشان يزاكرلها .. شفتوا المساعده ؟؟؟

      ما طبيعي ان القعدة بينهم هتكون فيها وقت ضايع كتير , ده غير الحب و العواطف بقى و القعدة الرومانسية , و فوق كل ده ان القعدة بينهم حرام اساسا ......


      يا ناس دي نازلة من بيتها بالكدب , يعني ما بني على خطأ فهو خطأ ...


      - اللي قرفني بجد و خنقني و انا بكتب , موقف الصلاة ...
      الشيطان ( بكاكا ) يعظ , شوفوا ازاي ؟؟؟؟؟
      - ( إن الصلاة تنهى عن الفحشاء و المنكر ) و انت قعدت معاها عز الفحشاء و المنكر نفسة يا بني آدم , بدل ما تقولها حافظي على الصلاة , كنت قللها انك عارف ان كلامك معاها اللي جاي بعد كده و قبل كده حرام في حرام اساسا , و لآ احنا بنقول اللي على مزاجنا و خلاص .....


      - و اية بقة موضوع دار الايتام ؟؟؟؟؟؟
      البية بيستغل الاعمال التطوعية و الخيرية في إنة يعمل راند فو في السليم ...
      و بدل ما يقول انه هياخد ثواب من وراء الزيارة , بيقول اهي فرصة نخرج برة الكلية ....
      - الاعمال بالنيات يا سها هانم شوفي كده نيتة ايه قبل ما تطلبي منه انه يجي معاكي و يبوظ عليكي الثواب اللي كان ممكن تاخدية من ورا عمل خيري و تطوعي زي ده ......


      - نيجي بقى لوقفة النواصي بتاعت على باكاكا و سها اللي في ثانوي ....
      بكاكا بيه بيشارك سها هانم العواطف الرقيقة و المشاعر الحساساة يا اخواتي
      بدل ما يشاركها الطاعه و العباده و يقول لنفسة ده عيب و ده حرام و انا كده بودي البنت في داهية بوقفة النواصي و مسك الايدين .....

      و هيا بدل ما تخاف من ربنا و تخاف على سمعتها ,, قال ايه خايفة علشان اول مرة يمسك ايديها ...


      - على فكرة اللي تسمح لواحد انه يمسك ايدها , هتسمحلة بحاجات تانيه مينفعش اقولها على المنتدى ...


      - اللي على راسة بطحة يحسس عليها بقى ......وانتى عارفه نفسك وانا اقصد مين من كلامى دة ، وهو كمان عارف نفسه كويس
      ماشى ياهانم

      على العموم المشاركة و التعاون بين الطرفين لو كانت بالمنظر ده يبقى نقول على الدنيا دمار و خراب يا بشر خراب .....


      ما تيجوا نتابع كده الكلام اللى جاى كمان .....

      - التعاون الحقيقي يا بنات هوه التعاون اللي بيثبت فعلا إن الحب حقيقة جميلة و منقدرش نستغنى عنها في حياتنا


      - التعاون و المشاركة مش مكالمة تليفون يا سها يطمن بيها على بابا , مش انه يذاكرلك و يقابلك في دار ايتام , او يقولك على الصلاة و هوه قاعد معاكي
      على النيل او قدام الدار او فى المكتبة اياها ....واللى على راسه بطحه يحسس عليها


      - لألألأ ... التعاون مش هيكون من واحد بيشجعك على إنك تكدبي على اهلك , و مش هيكون من واحد بتعصي ربنا معاه , و مش هيكون من واحد بتعصي ربنا معاه , و مش هيكون من واحد بيبوظ سمعتك بوقفته على النواصي.....


      - لألأ .... التعاون بيجي من انسان يعينك على طاعة ربنا و يحافظ عليكي اكتر ما بيحافظ على نفسة .....


      - التعاون هيكون مع انسان يقف جنبك و يعينك بس علشان تحافظي على علاقتك مع ربنا ....


      - لأن اي تعاون غير ده , مش من حق حد غير زوجك يتعاون معاكي فيه .......

      التعاون و المشاركة في الحب بيكون بين اتنين علاقتهم مبنية على الحلال و الصح و بس .....

      - لأن العلاقة اللي اتبنت على معصية او خطأ , مش هيكون فيها تعاون على الخير ابدا ......

      - صدقيني التعاون مش هيكون غير بينك و بين زوجك و بس ....
      لأن زوجك الوحيد اللي يقدر يعينك من غير ما يكون في معصية او خطيئة او نية سيئه بينكم .....


      و لو مش مصدقة كلامي ... تابعي معانا كده بقية الحكاية...
      و انتي تشوفي بنفسك بقية اركان الحب ....


      - و تقارني بنفسك بين الحب اللي بينك و بين الطرف التاني , و بين الحب اللي مستنيكي مع شخص انكتب ليكي زوج ......


      معلش النهاردة طولت عليكم وانا عارف انكم عاوزين الحكاية :

      - سها وعلى باكاكا على التليفون :-
      - سها :- على فكرة يا كاكا مش فاضل غير اربع أيام على الامتحانات و انا قلقانة ..

      -على باكاكا :- متخافيش يا سوسو , زاكري كويس انتي و هتعدي ..

      - سها :- بس انا مش فاهمه حاجة نهائى ...

      -على باكاكا :- خلاص نتقابل بكرة و انا اشرحلك اللي انتي مش فاهماه ...


      ونقف هنا

      لنكمل بكرة ونشوف على باكاكا هيعمل ايه ؟؟

      فتابعونا

      تعليق


      • #33
        رد: حكايات الواد اللى مدوخ البنات .... متجدد باذن الله

        متبعين معاك

        تعليق


        • #34
          رد: حكايات الواد اللى مدوخ البنات .... متجدد باذن الله

          متابعين معاك يا دكتور جزاك الله كل خير الواحد فعلا استفاد كتير من القصص دي

          تعليق


          • #35
            رد: حكايات الواد اللى مدوخ البنات .... متجدد باذن الله

            السلام عليكم ورحمة الله وبركاته

            احنا امبارح قولنا عن المشاركة والتعاون

            وحللنا المشاركة والتعاون من غير ما نقول ايه حكاية باكاكا وسها مع المشاركه

            وايه حكاية مسك الايد اللى خلا سها مش عارفة تتلم على نفسها

            وايه حكاية الدار اللى بتتقابل عندها هناااااااااااااااااك

            فتعالوا على طول نحكى الحكاية وبكرة نشوف التعليق :

            **( التعاون و المشاركة )**
            - سها وعلى باكاكا على التليفون :-

            - سها :- على فكرة ياكاكا مش فاضل غير اربع أيام على الامتحانات و انا قلقانة ..

            - على باكاكا :- متخافيش يا سوسو , زاكري كويس انتي و هتعدي ..


            - سها :- بس انا مش فاهمه حاجة نهائى ...
            - على باكاكا :- خلاص نتقابل بكرة و انا اشرحلك اللي انتي مش فاهماه ...


            - سها :- بجد يا كاكا , هنتقابل بكرة ؟ يعني زي كل يوم جمعة عادي ؟
            -على باكاكا :- انا عندي الجمعة دي شيء معتاد , بس هتدفعي كام على الشرح بقى ؟
            - سها :- مش عارفة من غيرك كنت هعمل إية بس ؟
            - على باكاكا :- كنتي هتسقطي بس مش اكتر ....


            - سها :- خلاص هقول لبابا اني رايحة ازاكر مع واحدة صحبتي كالعادة ....
            .................................................. ..:-


            سها وعلى باكاكا على التليفون في يوم تاني و سها وبكاكا تانيين خالص :-

            - على باكاكا :- إية اخبار بابا بقى ؟ كويس الحمد لله ؟
            - سها :- الحمد لله , بكرة هيخرج من المستشفى خلاص و هيرجع البيت .


            - على باكاكا :- طيب كويس , انا كنت قلقان خالص ...
            - سها :- و انا عارفة والله يا كاكا , ده انت كنت بتكلمني على الاقل عشر مرات كل يوم , و انا كنت مرعوبة حد من اخواتي ياخد بالة ....


            - على باكاكا :- انا كان هاين عليا اجي المستشفى و اقول اني قريبكم ..
            - سها :- عرفاك مجنون و تعملها .......
            .........................................:-


            - سها و على باكاكا في كافيتريا على النيل :-


            - سها :- انا مش عارفة ليه يا كاكا بقيت مش منتظمة في الصلاة اليومين دول ...
            - على باكاكا :- لأ , إلا الصلاة يا سوسو , لازم تحافظي عليها , علشان على الاقل تدعيلنا ربنا يوفقنا و نتجوز بقى , انا قربت اتجوز على روحي ..


            - سها :- بصراحة انا اكتر منك اساسا , انا اللي هتجوز على روحي ...
            - على باكاكا :- الصبر يا سوسو , كلة بيجي بالصبر يا حياتي ....


            - و القعدة قلبت من موضوع الصلاة لموضوع هادي و رومانسي .......
            ...........................................:-


            - سها وعلى باكاكا في الكلية :-


            - على باكاكا :- إية خارجة بدري كده على فين ؟
            - سها :- رايحين دار ايتام يا كاكا .. ما تيجي معايا ؟


            -على باكاكا :- و لية لأ ,, مفيش مشاكل على الاقل نخرج سوا في حتة على راحتنا , بدل قعدة الكلية اللي الواحد اتخنق منها دي ...
            - سها :- تعالى ,. بجد هتلاقي اليوم جميل جدا معانا على فكرة ....
            - على باكاكا :- معاكي مش معانا , انا جاي علشانك اساسا ....
            .....................................:-


            - سها و على باكاكا واقفين على ناصية شارع جانبي ...


            -على باكاكا :- خلصتي بدري الدرس يعني انهاردة ؟
            - سها :- كنت هموت و اشوفك و قلت مش مهم الامتحان اللي بعد الحصة ..


            -على باكاكا :- و انا كمان كنت هموت و تخرجي بدري ,
            - سها :- انا قايلى لبابا اني هتأخر علشان عندي امتحان بعد الحصة ....


            - باكاكا مسك ايد سها ...


            -على باكاكا :- إية بتترعشي كده ليه ؟
            - سها :- ابدا بس انت اول مرة تمسك ايدي , مش عارفه بقى , خايفة ...


            - على باكاكا :- متقوليش خايفة دي و انتي معايا يا حياتي , انا مستعد اضحي علشان بالدنيا كلها ..
            - سها :- و انا متأكده من كدة يا كاكا , بس بتترعش بقى و خلاص , اعمل ايه يعني ؟


            - على باكاكا :- من الحب مش من الخوف يا سوسو , احكيلي بقى عملتي ايه بعد ما قفلنا في التليفون امبارح ؟
            .................................................. ......:-


            ونقف على كدة ولسة سها بتترعش وباكاكا ماسك ايديها
            ونكمل بعد بكرة مع عنصر جديد من مقومات الحب الا وهو :

            الاخلاص

            ونشوف بكاكا وسها عاملين ايه فى الكلية ؟؟

            منتظركم يوم السبت ان شاء الله

            تعليق


            • #36
              رد: حكايات الواد اللى مدوخ البنات .... متجدد باذن الله


              كعادتك متألق ومبدع شيخنا ابو معاذ

              بس انت بتجيب الاسماء دى منين ^_^
              قال رسول الله صل الله عليه وسلم من استغفر للمؤمنين والمؤمنات كتب الله له بكل مؤمن ومؤمنة حسنة

              تعليق


              • #37
                رد: حكايات الواد اللى مدوخ البنات .... متجدد باذن الله

                جزاكم الله خيراً وبارك فيكم

                تعليق


                • #38
                  رد: حكايات الواد اللى مدوخ البنات .... متجدد باذن الله

                  مكملين معك أخي الفاضل والدكتور المتألق بس أنا بسأل بس الحاجات دي من تأليفك ولا إيه
                  كلا إن معي ربي سيهدين

                  تعليق


                  • #39
                    رد: حكايات الواد اللى مدوخ البنات .... متجدد باذن الله

                    قلنا الف مرة وبنقلها للمرة الالف ومائة بلاش العناوين غير المنضبظة بالشرع ليسة هذه العاناوين سمة طيبة لشخصية صاحب المقال والاساب راجعها في مقالات السابقة
                    ووفققك الله للعناوين الشرعية التي يرضي عنها الله ورسول
                    من أقوال عبد الله بن مسعود رضي الله عنه
                    خير الغنى غنى النفس وخير الزاد التقوى
                    وشر العمى عمى القلب
                    واعظم الخطايا الكذب
                    وشـر المكاسب الربا وشر المآكل اليتيم
                    ومن يعف يعف الله عنه ومن يغفر يغفر الله له

                    تعليق


                    • #40
                      رد: حكايات الواد اللى مدوخ البنات .... متجدد باذن الله

                      المشاركة الأصلية بواسطة سيد البنا مشاهدة المشاركة
                      قلنا الف مرة وبنقلها للمرة الالف ومائة بلاش العناوين غير المنضبظة بالشرع ليسة هذه العاناوين سمة طيبة لشخصية صاحب المقال والاساب راجعها في مقالات السابقة
                      ووفققك الله للعناوين الشرعية التي يرضي عنها الله ورسول

                      اخى الحبيب

                      اذكر لى ما هى المخالفة الشرعية لهذا الاسم ؟؟؟

                      بمعنى وضح لى اى من القواعد الشرعية التى خالفتها انا بهذا الاسم ؟؟؟

                      مع العلم

                      ان الفائدة التى ارجوها من الموضوع وصلت لكثير من الشباب
                      وانا لا اقول انى اعطى بموضوعاتى علما شرعيا بحتا وانما هو من باب خاطبوا الناس على قدر عقولهم وانا بكلامى هذا اخاطب شريحة كبيرة من الشباب الذى هو بطبيعة الحال يعجبة هذه الطريقة بل من الشباب من ارسل لى على الميل انه قد اقتنع فعلا وابتعد عن الفتيات مع فى الدراسة مع العلم انه يقول انه قد سمع من قبل عن خطر الاختلاط ومصاحبة البنات ولكنه بدا فى الخطوات الفعلية بعد قرائته هذه الحكايات ....التى تقول عنها انت انى اخالف فيها الشرع !!!!

                      تعليق


                      • #41
                        رد: حكايات الواد اللى مدوخ البنات .... متجدد باذن الله

                        المشاركة الأصلية بواسطة أبو معاذ أحمد المصرى مشاهدة المشاركة
                        اخى الحبيب



                        اذكر لى ما هى المخالفة الشرعية لهذا الاسم ؟؟؟

                        بمعنى وضح لى اى من القواعد الشرعية التى خالفتها انا بهذا الاسم ؟؟؟

                        مع العلم

                        ان الفائدة التى ارجوها من الموضوع وصلت لكثير من الشباب

                        وانا لا اقول انى اعطى بموضوعاتى علما شرعيا بحتا وانما هو من باب خاطبوا الناس على قدر عقولهم وانا بكلامى هذا اخاطب شريحة كبيرة من الشباب الذى هو بطبيعة الحال يعجبة هذه الطريقة بل من الشباب من ارسل لى على الميل انه قد اقتنع فعلا وابتعد عن الفتيات مع فى الدراسة مع العلم انه يقول انه قد سمع من قبل عن خطر الاختلاط ومصاحبة البنات ولكنه بدا فى الخطوات الفعلية بعد قرائته هذه الحكايات ....التى تقول عنها انت انى اخالف فيها الشرع !!!!
                        معك أيها الدكتور الفاضل وكمان العنوان من باب


                        1- الجذب


                        2- المزاح بطريقة مفيدة


                        3-الاستفادة


                        وبجد نحن بنستفيد من هذه القصص جدا والله العظيم
                        كلا إن معي ربي سيهدين

                        تعليق


                        • #42
                          رد: حكايات الواد اللى مدوخ البنات .... متجدد باذن الله

                          السلام عليكم ورحمة الله وبركاته

                          ايوه ياشباب

                          انا عاوز اسألكم الاول قبل ما نكمل حكاية على باكاكا

                          انتم بجد بتستفادوا من القصة والموضوع ولا بتضحكوا وخلاص ومفيش استفادة ؟؟

                          ياريت تردوا على

                          ماشى

                          ونكمل النهاردة بقية حكاية على باكاكا مع سها مواعيد

                          وكنا تكلمنا عن مقومات الحب من المشاركة والتعاون والصراحة

                          والنهاردة هنتكلم عن (( الاخلاص ))

                          ***( الإخلاص )***
                          - ما تيجوا ندخل الكلية الاول :-
                          - على باكاكا واقف مع جروب بنات , هذار و ضحك و العملية بقت بطاطس..
                          - سها :- بعد إذنكم يا بنات , هستلف منكم كاكا دقيقتين ..



                          - البنات :- براحتك خااااالص , احنا شبعنا منة , مترجعيهوش تاني بقى ...
                          - على باكاكا :- آسف و الله , مأخدتش بالي إنك جيتي الكلية خالص, صحيح انتي إتاخرتي ليه ؟
                          - سها :- و الله , إتأخرت !! انا هنا بقالي اكتر من ساعة يا بية , و شايفاك و انت واقف مع الجروب اللذيذ خااااالص , احنا شبعنا منة , مترجعيهوش تاني ههههه ,, بزمتك مش مكسوف من منظرك ؟ ياللي معندكش دم و لا بتراعي الانسانة اللي بتحبك , رد عليا ,, ساكت لية ؟



                          - على باكاكا :- مش هرد على كلامك ده طبعا , انتي عارفة انهم مجرد اصحاب , و انتي اللي في القلب يا سوسو , فكي التكشيرة دي بقى , مع ان شكلك امور اوي و انتي متنرفزة .........
                          ................................................


                          - ما تيجوا نروح وراهم الكافيتيريا اللي ف المقطم :-


                          - على باكاكا :- إية رأيك بقى في المكان ده ؟
                          - سها :- بصراحة تحفة , هادي كده و محدش بيبص على حد , كان فين من زمان ؟
                          - على باكاكا :- موجود يا حياتي , بس انتي اللي مش واخده بالك ......



                          - سها :- مش واخدة بالي من إية بقى ؟
                          -على باكاكا :- إني بقالي شهر بحالة ممسكتش ايدك ..................
                          و هاتك يا غرام و قعدة بقى في البعيد الهادي , و المقطم و ما ادراك ما المقطم ...
                          ..............................................



                          - ما تيجوا نمشي وراهم على كورنيش النيل :-


                          - سها :- مش واخد بالك ان في انثى ماشية معاك ؟
                          - على باكاكا:- هه , حلوة انثى دي !! لية بتقولي كده ؟



                          - سها :- اصل مفيش بنت مشيت قصادك إلآ و جبتها من فوق لتحت ..
                          - على باكاكا :- ابدا و الله , دي نظرات عابرة عادي ..



                          - سها :- دي عابرة !! ده انت عينك هتطلع على كل بنت , حاجة تقرف ...
                          - على باكاكا :- انتي اتقمصتي ليه , يعني مش شايفة طريقة اللبس المستفزة بتاعت البنات ؟؟
                          - سها :- و انت مالك , ايه دخلك , هيا اختك و لا مراتك , ولا قريبتك ؟
                          -على باكاكا :- لأ , بس مش منظر يعني , حاجه مستفزة بجد ..
                          - سها :- انت اللي بقيت مستفز بجد , سلام ...
                          - على باكاكا :- على فين يا سوسو ؟
                          - سها :- سلام بقولك , مش طايقة كلامك .. سلام ....
                          ..........................................



                          - يا ترى بعد ما سها عرفت ان باكاكا بيكلم بنت على الشات و ولهان معاها :-

                          - سها :- على فكرة يا كاكا انا عرفت موضوع نهال اللي بتكلمها على الشات , و كمان اتنقلي الحوار بالكامل حرف حرف , و كمان عارفة انك كنت هتنزل بكرة تقابلها ...

                          - على باكاكا :- بس بس , كنت حاسس انه مقلب , و كويس اني عرفت علشان يرتاح بالي , انا كنت بجاريها في الكلام علشان اعرف بس مين اللي عامل المقلب ده , بس آخر حاجه اتوقعها ان انتي اللي عاملة المقلب ..


                          - سها :- عبيطة انا علشان اصدق كلامك الغبي ده ...
                          -على باكاكا :- انتي حرة , عاوزه تصدقي صدقي , بس لازم تعرفي ان انا مش خاين , و كمان حاجه زي اللي بتعمليها دي معناها انك مش واثقه فيا , و ....



                          - سها :- بس بس , إية خدوهم بالصوت لا يغلبوكم ؟
                          ..........................................


                          - يللا نبدأ سوا في التعليق على المواقف ....

                          - اتكلمنا عن الصراحه و التعاون و المشاركة كأركان اساسية في الحب ...

                          - و النهارده بقى عندنا الاخلاص .....
                          - اكيد لما ربنا يطلب مننا الاخلاص في العبادة , كان العليم الخبير عارف ان الحب اللي المفروض يملا قلوبنا ليه مش هيكتمل غير بالاخلاص .....
                          يعني فعلا حب الله مش بيكتمل و يكون حب حقيقي غير لما نخلص في عبادتة ....
                          يعني فعلا من غير الاخلاص مفيش حب من اساسة .....




                          - و كلنا عارفين ان الاخلاص بين الزوجين شرط اساسي في نجاح العلاقة
                          و إي خيانة في العلاقة الزوجية بتدمرها و تقضي عليها ....

                          - محدش يقدر ينكر ان الخيانة دليل قوي جدا على عدم وجود الحب , و ان الاخلاص من اكبر الدلائل على الحب خصوصا لو ارتبط معاه بقية اركان الحب ......


                          طيب احنا شفنا على باكاكا واقف مع جروب لذيذ من البنات , هل ده معناه اخلاص ؟؟...
                          مفتكرش ..


                          - شفنا على باكاكا عنية زايغة على الللي رايحة و اللي جاية , هل ده إخلاص ؟؟... معتقدش ...


                          - شفنا على باكاكا بيكلم بنت تانيه على الشات قال ايه عاوز يعرف مين عامل فية مقلب , هل ده إخلاص ؟؟
                          ... مصدقش ..


                          - طيب فعلا كل المواقف دي خيانة واضحه و صريحة من على باكاكا لسها ....

                          لكن

                          موضوع المقطم ده , ايه صلتة بالخيانة و الاخلاص ؟

                          ده بقى من وجهة نظري اكبر خيانة بين طرفين ....
                          - إن واحد ياخد واحده تحت ستار الحب في مكان معروف انه بيقعد فية كل واحد على راحتة و ينسجم في القعدة ,,ده اكبر دليل على الخيانة ....
                          لأن خيانة لمعنى الحب نفسة , خيانة للطهارة في كل علاقة ...


                          - خيانة للأمانة , و اكبر دليل على انها علاقة مجرد للشهوة و المنفعة الخاصة ....

                          - الخيانة و انعدام الاخلاص مش بس ان البطل يخون البطلة مع بنت تانية ......

                          لألألأ ,, الخيانة لما يخونها معاها , يعني يخون الامانة اللي اسمها عفة و طهارة و حياء ....


                          - الخيانة ,, لما يخون الاسلام و تعاليمة , و يخون الاخلاق و يجرد البنت من شعورها و ارتباطها بالحياء ...


                          - لما يطلب منك انه يمسك ايدك ,, خان فيكي البراءة , خان بيكي مكارم الاخلاق اللي نزل بيها رسلنا الكريم صلي الله علية و سلم ( إنما بعثت لأتمم مكارم الاخلاق ) ...



                          - و البطل في قصتك بيمحي الاخلاق من جزورها , يا ريت نفهم الحب الحقيقي ...

                          بلاش نشوة بنفسنا المعاني الجميلة في الحب , و نحولها لصورة مشوهة بناخدها و نعرفها من التليفزيون و السينما .....


                          - يا ترى لو البطل شاف اختة مع واحد بيمسك ايدها , هيتجنن و ممكن يقتلها ... لية ؟

                          - لأنها خانت ثقة اهلها فيها , بالظبط زي ما انتي خنتي ثقة اهلك فيكي علشان خاطر البطل ....
                          - و لو اهلك راضيين فإنتي خنتي الامانة اللي ربنا اعطاها ليكي ...
                          - خنتي الرسول ( صلى الله علية و سلم ) لما قال عليكي حيية , وطاهرة و عفيفة ...
                          - خنتي اسلامك اللي وصفك بالمحصنة و المصونة ....



                          - .................. / تابعونا كده تاني بكرة
                          مع بقية التعليق

                          وموقف جديد لبكاكا وسها

                          تعليق


                          • #43
                            رد: حكايات الواد اللى مدوخ البنات .... متجدد باذن الله

                            جميل ما شاء الله

                            تعليق


                            • #44
                              رد: حكايات الواد اللى مدوخ البنات .... متجدد باذن الله

                              علي فكرة انا عايز اقول لحضرتك انا استفدت من هذه المواضيع كثيرا وبلاش بقي الناس الي تقعد تقولك الاسماء ياريت نبص علي نص الكباية المليان بلاش نفضل طول حياتنا نبص علي النص الفاضي ودي للاسف صفه ذميميه في ناس كتير انه بيحب يعترض لمجرد الاعتراض او انه يظهر نفسه مختلف عن باقي الناس فارجو من حضرتك انك متهتمش واحنا استفدنا كتير فعلا وجزاك الله خيرا

                              تعليق


                              • #45
                                رد: حكايات الواد اللى مدوخ البنات .... متجدد باذن الله



                                احب أن أقول لك أيها الأخ الفاضل إن إحنا بنستفيد من هذه القصص والله استفادة عظيمة لأن فيه كثير من المسلمين بل وأكثرهم من الملتزمين يقعون في هذه الأخطاء
                                كلا إن معي ربي سيهدين

                                تعليق

                                يعمل...
                                X