إعـــــــلان

تقليص
لا يوجد إعلان حتى الآن.

حدثني شيخي : حازم شومان حفظه الله (تفريغ محاضراته بإذن الله ) // مفهرس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حدثني شيخي : حازم شومان حفظه الله (تفريغ محاضراته بإذن الله ) // مفهرس



    هنا نضع بإذن الله


    سلسلة المحاضرات المفرغة

    لشيخنا حازم شومان حفظه الله

    فأين المشمرون لوضع المحاضرات المفرغة

    ونسأل الله أن يستعملنا ولا يستبدلنا

    هو القادر على ذلك وحده لا شريك له
    التعديل الأخير تم بواسطة راجية حب الرحمن; الساعة 06-10-2011, 11:49 PM.
    وأقوال الرسول لنا كتابا وجدنا فيه أقصا مبتغانا
    وعزتنا بغير الدين ذل وقدوتنا شمائل مصطفانا
    صلى الله عليه وآله وصحبه وسلم

  • #2
    رد: حدثني شيخي : حازم شومان حفظه الله (تفريغ محاضراته بإذن الله )

    وعليكم السلام ورحمة الله وبركاته

    أخى من فضلك أريد المشاركة فى تفريغ دروس دكتور حازم شومان

    هلا أخبرتمونى كيف يمكننى ذلك ؟

    هل أعمل بمفردى أم هناك تنسيق مع أحد ؟

    هل تتبعون نظاماً معيناً أو تودون نصحى بشئ قبل أن أبدأ فى التفريغ ؟

    هل أفرغ أى دروس أم تشترطون دروس معينة لها أولوية فنبدأ بها ؟

    هل أحضر ما أنتهى منه هنا أم أين ؟

    أرجو المزيد من التفاصيل جزاكم الله خيراً
    بحاجة شديدة للدعاء بظهر الغيب
    سأغيب فلا تنسونى من صالح دعائكم اخوتى
    الحمد لله على كل حال


    تعليق


    • #3
      رد: حدثني شيخي : حازم شومان حفظه الله (تفريغ محاضراته بإذن الله )

      تفريغ درس (( لحد امتي )) للشيخ الدكتور حازم شومان

      السلام عليكم ورحمه الله وبركاته

      هو الدرس انا كنت مفرغاه من قبل كده وكان علي المنتدي بس قلت انقله هنا لكي تعم الفائده

      أسالكم الدعاء

      السلام عليكم ورحمه الله وبركاته

      نعوذ بالله من شرور انفسنا ومن سيئات اعمالنا ان الحمدلله نستعينه ونستعينه ونستهديه ونستغفره ونعوذ بالله من شرور انفسنا ومن سيئات اعمالنا انه من يهده الله فلا مضل له ومن يضلل فلن تجد له هاديا مرشدا واصلي واسلم وابارك علي سيد الخلق اجمعين سيدنا محمد صلي الله عليه وسلم عليه افضل الصلوات من رب العالمين الي يوم الدين عليه افضل الصلوات من رب العالمين الي يوم الدين

      ثم اما بعد

      هنتخيل بس في البدايه ان واحد جاله دور رشح وكحه صدره تعب شويه يعني عادي ايه المشكله عداها الموضوع اتكرر وعداه شويه وبدا يجيله تعب في المعده ومغص في المعده ومغص في البطن والام في البطن الموضوع يتكرر وبعد شويه بدا يجيله دوخه وصداع الموضوع يتكرر ويعديه فجاه تعب تعب تعب شديد جدا اضطر يروح للدكتور الدكتور قاله انت عندك 3 امراض في غايه الخطوره كل مرض منها بيهددك بالموت مرض في المخ ومرض في الصدر ومرض في البطن

      الراجل ده ياجماعه كان بيجيله اعراض مرضيه وكان بيتجاهلها فجاه كل الامراض طلعت عليه فاصبح بعد ماكان مهدد بالمرض اصبح مهدد بالموت

      هو ده اللي حاصل للامه يا جماعه بتاعتنا في الايام القليله اللي فاتت

      3كوارث او 3 طرقات علي دماغ كل واحد في قلبه هم الدين حصلت في الايام اللي احنا فيها

      الماساه الاولي والمشكله الاوليه اللي بتجسد واقع اد ايه الغرب بيكرهنا واد ايه بيحاربونا واد ايه المكر اللي الدين بيتعرضله بيتجسد في مشكله الدنمارك

      المشكله الثانيه اللي بتصور لينا اد ايه المه مليانه ماسي واد ايه في تشرزم بين اطراف الامه بيجسده واقع النيجر سمعتوا عنها النيجر المسلمه اللي 98% من اهلها مسلمين جنوب الجزائر على طول

      المشكله الثالثه مين اللي هينقذ الواقع ده مش الشباب اللي هيصلح واقع الارض مش الشباب اللي هيصلحوا واقع الامه والتشرزن بتاعها

      واقع الشباب اصبح اكبر جرح في قلب الامه واللي بيجسده اسبوع الشباب العربي اسبوع الجامعات فاصبح كل المرض امام عيني مره واحده

      النهارده ياجماعه او الليله الكلام مش كتير لان ده مش مجال كلام انما اكبر عنصر الليله هنعمل ايه ايه اللي المفروض نعمله ايه اللي المفروض هنقدمه برهان لله سبحانه وتعالي ان احنا فعلا اهل للانتماء لهذا الدين

      الماساه الاولي المشكله الاولي المرض الاول او العرض الاول مشكله الدنمارك

      للاسف الشديد كثير من الشباب مكانش عنده وقت ان هو يتابع احداث الدنمارك ليه اصل هو مشغول ومعذور يا جماعه الدوره الافريقيه لكره القدم بدات ياجماعه

      لايهمه ان الرسول اتشتم ولكن مايهمه هل خسرنا في دور الثمانيه

      اسال سؤال الشباب ايه اللي هيحزنهم اكتر ان الرسول عليه الصلاه والسلام يسب علي جرائد بتوزع علي العالم كله ام ان مصر تخرج من دور الثمانيه اظن للاسف الاجابه معروفه عند اكتر من 70_80% من الشباب وهل ممكن ان رسول الله بيتشتم واحنا بناكل ونشرب وننام ويجيلنا نوم

      رسول الله حبيبي الله صلي الله عليه وسلم بيسب وممكن في اخوات كل تفكيرهم العبايه اطرزها ازاي كيف كان لبس السيده عائشه والسيده فاطمه ممكن الرسول صلي الله عليه وسلم يسب ويوجد ناس تتفرج علي افلام اجنبي وناس قاعده في الاستاد منذ ساعتين او ثلاثه مصلتش العصر والمغرب ومش هتصلي العشاء عشان تتفرج علي الماتش

      رسول الله يسب وفينا ناس مقيمه علي معاصي قد تصل الي درجه الكبائر ويقول مش قادر ان انا اتخلي عنها رسول الله حبيب الله صلي الله عليه وسلم

      كيف بدات القصه

      القصه بدات ان جريده اعلنت عن مسابقه يريدون حد يرسم محمد صلي الله عليه وسلم بدات الناس تقدم عروضها ومن ضمن الجوائز اللي فازت واحد راسم النبي والعمامه بتاعته علي شكل قنبله شديده الانفجار احنا بتوع قنابل ياجماعه؟؟ احنا اللي اخترعنا القنابل النوويه؟؟ احنا اللي موتنا مئات الالوف من نجازاكي وهيروشيما في لحظات؟؟ احنا بتوع قنابل هيدروجينيه وقنابل الفوسفور الابيض والقنابل الكيماويه والقنابل النظيفه ؟؟احنا اللي بتوع القنابل ياجماعه؟؟احنا المتطرفين اللي بننتهك الحرمات؟؟

      سيدنا عمر رضي الله عنه عند دخوله بيت المقدس ماذا فعل ماذا فعل في الكنائس والصلبان وماذا فعل في النصاري وكيف راعي حرماتهم لدرجه شكلها ايه؟؟

      احنا اللي بنراعي الحرمات مش احنا اللي بننتهك الحرمات فهما بيلصقوا بينا التهم اللي هما احق بيها من اي حد علي وجه الارض

      القصه بدات تتطور وبدات الدنمارك ولم يعترض عليها الدول الكفريه وبدات تشاركها النرويج وبدات تنشر الصور وسويسرا وايضا ساعدتها المانيا وفرنسا ايضا عملت كاريكاتير للاسف الشديد بيصور الله وسيدنا موسي وسيدنا محمد

      ده مشاركه من فرنسا مشاركه وجدانيه

      الاتحاد الاوروبي بدا يساند وبدا يعلن فهم من اخرجوا 7 حملات صليبيه من قبل لكي يقضوا علي الدين وايضا بداوا يعلنوا ان هما متكاتفين مع الدانمارك ضد اي اعتداء عليها حتي لو اعتداء اقتصادي اعتداء بالمقاطعه لان احنا مش فاهمين لانه عندما دخلت امريكا افغانستان واحنا مالنا ولما امريكا تهدد سوريا واحنا مالنا انما هما فاهمين لما هتضرب الدانمارك النهارده هتيجي تضربني بكره

      وبدا الموضوع يتطور اكتر كل مانعترض كل ما يزيدوا في الكفر والعدوان لدرجه ان ملكه الدنمارك اعلنت ان المسلمين دول خطر علي العالم كله وان الاقليه المسلمه في الدانمارك يجب الا تتعامل معهم بتسامح ثم بدات باعلان عام في الدانماركل حرق المصحف حرقهم الله وحرق قلوبهم في ميدان عام وبداوا يصفوا المسلمينانهم شبكه ارهابيه من يوم ماانشات وانهم جرثومه في هذه الارض وان كل واحد دانماركي اعتنق الاسلام فقد خان الدانمارك اللي العلم بتاعها يحمل رمز الصليب فالموضوع بدا يتطور اكتر ويسخن اكتر وبدات جريده فرنسيه تقول لا لن نعتذر اللي هي رسمت وليعوذ بالله الشخصيات اللي احنا قولنا عليها دلوقتي

      لا لن نعتذر نعتذر ليه ان كانوا قد حولوا الموضوع الي مساله مبدا فسوف نعلي اصواتنا بايه؟بان لنا الحق في ان نرسم محمد وعيسي وموسي والله سبحاته وتعالي هما بيعملوا الكلام ده ليه لان انجلترا فيها 3مليون مسلم وفرنسا بها 5 مليون مسلم والمانيا بها 1.8 مليون مسلم وسويسرا كانوا 200.000 تضاعفوا 100% واصبحوا 400.000 دلوقتي خلال سنتين بيعملوا الكلام ده رعبا من انتشار الاسلام

      "نسال الله سبحانه وتعالي الجبار القهار ان ينتقم من كل من اذي رسول الله صلي الله عليه وسلم

      اللهم كل من اذي رسول الله فشل اركانه وقطع بنانه اللهم كل من اذي رسول الله فانتقم منه انتقام عزيز منتقم"

      اللهم انتقم منهم بقدرتك ياجبار اللهم وحد هذه الامه اللهم لم شعث هذه الامه اللهم اذن لدينك ان يسود واذن لكتابك ان يحكم واذن لجندك ان يمكن لهم في الارض اللهم الف بيننا اللهم وحد بين قلوبنا اللهم انصرنا علي اعدائك اعداء الدين

      يعني ياجماعه لاتظنوا ان الله سبحاته وتعالي سوف يتركهم ابدا لا يمكن والله لايمكن علي الاطلاق فلو الصحابه كان حصلهم اللي حصل للنبي دلوقتي كانوا عملوا ايه

      الرسول لما اتشتم عملوا ايه حد منكم انتوا يعرف مواقف لما الرسول سب..الصحابه عملوا ايه

      تعرفوا انتوا الطفلين اللي دخلوا في غزوه بدر وذهبوا لعبد الرحمن بن عوف ياعماه اين ابو جهل قال لهم لماذا تريدونه قال الطفلان سمعنا انه يسب رسول الله صلي الله عليه وسلم انهم طفلين صغيرين مش شباب ولا حاجه سمعنا كمان ليس باذننا ولكن سمعنا انه يشتم رسول الله صلي الله عليه وسلم وقالوا لئن لاقيته في الحرب فوالله لايفارق سوادي سواده حتي يقتلني او اقتله لغايه ماحد فينا يقتل التاني ...عارفين يعني ايه لا يفارق سوادي سواده يعني مش هاسيبه يعني انا بيني وبينه ثأر يعني دمه بيغلي لدرجه انه بقي فيه ثأرمش هيسيبه ولا هيهدي الاما يوفيه

      حد منكم عنده الاحساس ده غيره علي رسول الله صلي الله عليه وسلم

      لما حمزه شاف ابو لهب وهو يسب الرسول قال له اتشتم محمد وانا علي دينه قالها انا ابقي مسلم بنتمي لرسول الله وحد يشتم رسول الله اتشتم محمد ونحن علي دينه ازاي ياجماعه...

      عبدالله بن ابي بن سلول عندما سمع ابوه وهو يقول ليخرجن الاعز منها الاذل وقصد ان هو الاعز وان الرسول هو الاذل ماذا فعل عبدالله رضي الله عنه ؟؟عندما عادوا من الغزوه وقف علي باب المدينه بالسيف وكل الناس عدت الي ان جاء ابوه قال له والله لا تدخلها(يقول لابوه) حتي تعلم من الاعز ومن الاذل حتي تعلم ان رسول الله صلي الله عليه وسلم هو الاعز وانك انت الاذل وطلب من الرسول انه اذا وافق ان يقتله فسوف يقتله بإيديه

      نريد ان نجعل كل واحد يعتدي علي السنه نريد ان نعرفه انه هو الاذل وان حبيبنا وسيدنا محمد صلي الله عبيه وسلم هو الاعز

      اي اعتداء علي رسول الله كان بيمثل حاله خطيره جدا عند الصحابه ياجماعه لما ابو طلحه في غزوه احد انكشف الرسول فوقف امام الرسول عليه الصلاه والسلام بجسمه بقي يرمي النبل يقول له لا تشرف يارسول الله لا يصيبك سهم

      نحري دون نحرك يارسول الله

      حد منكم قالها نحورنا دون نحرك يارسول الله ..اموالنا دون نحرك يارسول الله ..اطفالنا دون نحرك يارسول الله ..مراكزنا وشهادتنادون نحرك يارسول الله .. اعمارنا كلهادون نحرك يارسول الله

      مين فينا بيحب النبي رسول الله بس بيحبه بصدق يقسم بالله ان هو بيحبه ويجيب الترجمه العمليه

      رسول الله كان له دعوه ممكن ينال بيها مايشاء ولكنه ادخرها عشاني وعشانك

      رسول الله صلي الله عليه وسلم فدي عمره كله عشاني وعشانك..هل صلي الرسول جالسا قالت السيده عائشه نعم بعد ما حطمه الناس بعد ما الدعوه جابت اخر صحته فجيه في الاخر ميقدرش يصلي وهو واقف

      رسول الله صلي الله عليه وسلم اللي كان صدره بيغلي في قيام الليل عشاني وعشانك

      يسب رسول الله اللي يوم القيامه اللي هو 50.000 سنه سوف نجده واقف علي الصراط عشان يعديني ويعديك وواقف علي الحوض عشان يسقيني ويسقيك وواقف علي الجنه عشان يدخلني ويدخلك وساكن تحت عرش الله عشان يدعيلي ويدعيلك فانه يسب

      رسو الله صلي الله عليه وسلم اللي اتكسر عظم وشه عشاني وعشانك والقي علي ظهره وهو ساجد لله بيصلي امعاء البعير عشاني وعشانك فانه يسب

      نحري دون نحرك يارسول الله

      فين الدليل اللي عمل كل ده عشاني وعشانك بيشتم الان

      انت حبه في قلبك اد ايه وفين الدليل العملي علي هذا الامر علي حبك لرسول الله صلي الله عليه وسلم

      احوالنا بقت ايه ياجماعه الناس اللي زعلانه دي عشان الرسول بيتشتم ده احنا لما بنيجي نقول ان الموضوع ده مش مهم ومالوش قيمه بنقول ده سنه ما رسول الله صلي الله عليه وسلم والسنه بتتشتم من ناس من بني جلدتنا وبيتكلموا بالسنتنا الناس اللي زعلانه دي معملتش حاجه زعلانين ليه عشان ربنا اترسم...

      زعلانين ليه عشان الموضوع ده طب مافي ناس الله جل جلاله بينادي عليهم 5مرات في اليوم كل يوم ومبينزلش يصلي زعلانين ليه عشان المصحف في جوانتاناموا طب ماالمصاحف في بيوت ناس كتير اوي مننا بيتشال من عليها التراب كل شويهزعلانين علي السيده عائشه هل الاخوات لبسهم دلوقتي زي لبس السيده عائشه؟؟

      زعلانين عشان السنه؟؟كام في الميه من السنه بيطبق في حياتنا بصدق كده واحنا واقفين بنواجه انفسنا كم في الميه من السنه بيطبق في حياتنا فاحنا زعلانين ليه

      كم واحد مننا مستعد لو اضربت طلقه في النبي ياخدها في صدره؟

      كم واحد مننا مستعد ينام في فراش النبي زي سيدنا علي وعارف انه 100% هيتقتل؟

      كام واحد مننا مستعد ينام علي النبي بجسمه يحمي جسم النبي بجسمه زي ابو دجانه لما عمل في غزوه احد عندما انكشف رسول الله؟

      كام واحد ؟؟اين الحب الحقيقي؟اين الحب الصادق لرسول الله صلي الله عليه وسلم؟

      زعلانين ليه؟؟احوال الشباب ياجماعه دلوقتي ...الواحد وهو ماشي في الشارع دلوقتي ياجماعه البنات دي خرجت من بيوت فيها رجاله ماهي خرجت من بيوتنا اللي احنا فيها

      اسماء بنت ابي بكر رضي الله عنها كان عندها 100 سنه وكانت عمياء ابنها جابلها ثوب فبتمسكه بايدها كده فقالت ماهذا انه ثوب يشف فقال لها انه لا يشف فقالت ان كان لايشف فانه يصف فاتي لها بثوب اخر ثخين يعني تقيل فقالت اما هذا فاكسنيه

      دلوقتي البنت لما ابوها او خطيبها او جوزها يجيبلها لبس الشهامه تاخده ويجيبلها لبس نصف محتشم تقوله ماهذا انه لا يشف ولا يصف احنا عايزين لبس يشف ويصف مش هو ده الكلام يجيبلها ثوب تاني تقوله ايوه ده هو ده اما هذا فاكسنيه هو ده اللي انا عايزاه انت بتجيبلي ايه

      فين عفاف الاخوات دلوقتي ياجماعه ؟؟وفين الشباب؟وفين الناس ؟؟

      يعني فرعون لما قال للناس انا ربكم الاعلي مفكرتوش ليه الناس مااعترضوش اصل انت الاله..غيرك الاله..

      باكستان يحصل فيها زلزال و3.5 مليون واحد يقعدوا في الشارع ..اسرائيل تاخد فلسطين..الرسول يسب..يحصل اللي يحصل طالما مجيتش علي شهواتنا واهوائنا يحصل اللي يحصل مادام مباريات كره القدم الدوره الافريقيه بتتذاع باستمرار يحصل اللي يحصل مادام تمثيليه الساعه 8 مبتتقطعش ولايوم يحصل اللي يحصلمادام اللي عايزه تلبس استرتش وتمشي في الشارع محدش يكلمها اي حاجه تحصل مادام القهاوي مفتوحه والشباب يقعد زي ماهو عايز اي حاجه تحصل دلو قتي تبقي بتكلم مع الشاب وقلبك محروق والدين وربنا والرسول وفجاه تلاقي زلزال في ايه جوووووون وتلاقي الدنيا كلها اتقلبت جون كل الناس دي قامت عشان جون

      هل عشر الحماس ده اتعمل لرسول الله صلي الله عليه وسلم ياجماعه؟؟؟؟

      كنت بقرأ قصه عن واحد اسمه ابو عاصم شاب عراقي جميل عابد وصوام وقوام لما سمع عن الجهاد في افغانستان زمان ايام الروس سافر علي افغانستان يكمل طلب العلم وختم القران هناك سبحان ربي كان خاطب وبيحب خطيبته وبيحبها وبتحبه بعتتله هناك بتتصل بيه قالها الخلاص هنا الحياه وهنا الممات انسي ان انا ارجع تاني ولما جيه رمضان وكانت معركه كبيره هناك مابين الروس ومابين المجاهدين هناك صمم انه يمسك أكبر مهمه في المعركه وانه هو اللي يحط المتفجرات بتاعه القلعه اللي كانوا داخلين يفجروها في رمضان وكان صايم كل الناس فطرت ماعدا هو صمم انه يلقي الله صائم وبعد ماانتهت المعركه وجدوه في عداد الشهداء وانت بتقرأ القصه تحس ان في رجاله رجل عارف ان دينه ده كل قضيه في حياته ...هنا الحياه وهنا الممات

      سيدنا سعد بن معاذ مات بعد ما أسلم ب6سنين يوم ما مات اهتز عرش الرحمن انت بقالك كم سنه ملتزم لو مت دلوقتي هيحصل ايه لموتك يبقي انت عملت ايه لغايه دلوقتي

      أخت من الاخوات رايحه تشتغل في شركه راحت 3شركات شركتين منهم رفضوها ليه عشان محجبه عشان الايشارب والشركه الثالثه ماشي بس علي شرط في المنصوره الكلام ده ليه يعني الشرط انك تلبسي ضيق ومكياج وبرفان هو ده الشرط خالفتيه خلاص يبقي ملكيش شغل عندنا الي هذا الحد وصلنا الي ان مذيع ييجي في التليفزيون يجيب طفل صغير عنده 5 سنين ماشاء الله انا قعدت معاه طفل ماشاء الله عليه ربنا يبارك فيه طفل عنده 5 سنين موهوب في الخطابه ويتريق عليه ويقول لابوه انت كبت طفوله هذا الطفل يقول له الاب مش احسن مايغني يقوله لا لو غني هيعيش طفولته سيبه يعيش طفولته

      يبقي رسول الله صلي الله عليه وسلم لما خذ عبد الله بن عمرو بن العاص وراه وخلاه يصلي قيام الليل لغايه ما رجل عبد الله ورمت معيشوش طفولته يبقي الصحابه لما ربوا اولادهم علي العلم والعباده والجهاد معيشوهمش طفولتهم وام محمد الفاتح لما كانت بتقوله دايما انت اللي هتفتح القسطنطينيه كانت بتجيبله عقده نفسيه واكتئاب نفسي

      مره كنت شايف طفله صغيره وجميله معديه ابوها ملبسها حجاب فشاب معدي قعد يشتم في ابوها ده معقد لها طفولتها فواحد واقف معانا قال كلمه جميله اوي قال وهي كده مش عايشه طفولتها وهو ايه ياجماعه هو الدين معناه ان الطفل ميعيش طفولته احنا مش عايزين دين بقه يبقي احنا مش عايزين دين

      ام اتصلت ببرنامج دين من عده ايام علي الدش "كنت سمعت هذا الكلام" والله قالت كلام جميل اوي ...فين الاخوات من الكلام ده

      بتقول انا ليه ابن اسمه عبد الرحمن مبناديلوش غير بابن عوف وليه ابن اسمه عمر مبناديلوش غير بابن الخطاب وان شاء الله هجيب حمزه وهناديله باسد الله عايزين يبقي دين روح اللي عندنا روح الحياه من اجل دينا انما الرجل اللي كان طالع من يومين بيعيط عالجزيره ليه بتعيط ليه انا جاي من اسوان عشان احضر الماتش بتاع دور التمانيه وجيت ملقيتش تذاكر ولا تذاكر في السوق السوده ده انا مستعد ادفع مش عارف ايه عشان احضرالماتش وجايب عيلته وجايب اولاده وبيعيط رجل وبيعيط ادام الناس ياجماعه عشان مش عارف يحضر الماتش بتاع ماتش بتاع مصر ويشجع سبحان ربي

      المرور في مصر اتعطل 3ساعات في القاهره 3ساعات يعني اللي بتولد تقعد 3ساعات متولدش لغايه ماالمرور يعدي واللي جاله سكته قلبيه يقعد يصبر لغايه ماالمرور ييجي واللي بيموت يقعد 3ساعات يموت لغايه ماالمرور يعدي عشان الناس تقول الله مصر كسبت ياجماعه مصر كسبت ياجماعه ورسول الله بيتشتم في جرائد العالم دلوقتي سبحان ربي اين غيره قلوبنا علي هذا الدين عايزين ايه اكتر من كده عشان نفوق عايزين ايه اكتر من ان اقدس اراضينا اسطبلات للبهائم عايزين ايه اكتر من كده حرمات وانتهكت ذنوب وعملنا وعظ وسمعنا مأسي وحصلنا لسه ايه سخريه واتسخر مننا ومن نبينا ومن كتابنا

      لحد امتي هو ده السؤال اللي احنا عايزين نلف حواليه الليله

      لحد امتي هنفضل ناخذ كل يوم خبطه علي دماغنا وننسي ونسكت لحد امتي هنفضل نمصمص شفايفنا و نمص ليمونه لمانسمع __العالم الاسلامي
      لحد امتي هيفضل بتوع التنصير قاعدين ياخذوا من اطراف العالم الاسلامي واحنا ساكتين واحنا مبنتكلمش ومبتحركش لحد امتي هيفضل مسلمات بيغتصبوا وبتنتهك حرماتهم الاخت فاطمه اللي كانت في سجن ابو غريب اللي بعتتنا رساله للعالم الاسلامي تقوله ياريتنا نموت ارحم من اللي بيتعمل فينا في السجن واحده من الاخوات اللي هناك قعدت تخبط راسها في الحيطه لغايه لما ماتت لغايه ماراسها انفجرت من اللي بيحصل فيها وبعد كده ماتت هذه الفتاه قتلت فاطمه في الهجوم اللي عمله بعض مجاهدين العراق علي سجن ابو غريب سبحان ربي

      لحد امتي هنقعد كل يوم ناخذ طعنه جديده في هذا الدين واحنا مبنتاثرش امبارح طعنه بغداد وبعدكده طعنه دخول كابل بعد كده طعنه مذبحه جنين بعد كده طعنه قتل احمدياسين والرنتيسي بعد كده طعنه اغتيال خطاب قائد المجاهدين الشيشان ...كل يوم طعنه طعنه طعنه همفوق امتي من الطعنات دي

      لحد امتي هتفضل كل اخت معاها عيلين قاعده تاكلهم وتشربهم انما الدين والتربيه لا وبعدين ياجماعه لحد امتي هنفضل نعصي الله

      لحد امتي هيفضلوا يضحكوا علي الستات والشباب في الدش مؤتمرات المرأه لحد امتي هيفضل اليهود يقولوا علينا "العرب لايقرأون واذا قراوا لا يفهمون واذا فهموا لايعملون واذا عملوا لا يستمرون"

      لحد امتي السلبيه والعجز

      لحد امتي احوال قلوبنا هتبقي بالفساد اللي هيه فيه واحنا مبنبذلش جهد حقيقي عشان نلقي الله بقلوب طاهره ...بالله عليك اعمالك اللي انت بتعملها دلوقتي دي تخليك مع رسول الله في الجنه ..

      بالله عليك اعمالك اللي انت بتعملها دلوقتي دي تخليكي يوم الحر الاعظم والفزع الاكبر في ظل عرش الله ..بالله علينا السكه اللي احنا ماشيين فيها دي بعد 3 او 4 سنين هنبقي دعاه ننصر الدين

      اومال انت عايز تبقي ايه ماانت الرسول دلوقتي بيتقال عليه اقعد صوت في الشارع مين اللي هيسمعك صوتك قيمته ايه انما لما تبقي راجل داعيه بتطلع عالدش ولما بتنزل كتب ولا ليك جريده اسلاميه ولا ليك جمعيه اسلاميه يبقي انت ليك صوت تقدر توصله ...الطريق اللي احنا ماشيين فيه ده هيوصلنا نبقي دعاه ننصر ديننا فاحنا عايزين نعرف لحد امتي

      لحد امتي الواقع اللي احنا عايشينه ده لحد امتي ياجماعه فالسؤال ده عايزين كل شويه نعيده ونكرره ادام نفسنا كده..لما تقف ادام المرايه وتبص كده لو الامه دي كلها زيي مليار و200مليون محمد او احمد او ابراهيم.الدين هينتصر ولا مينتصرش لو مينتصرش يبقي مشكله كبيره

      وكارثه بمعني ادق لان انا بقيت مشكله من مشاكل ديني مبقتش حل من حلول مشاكل هذا الدين

      الحل ايه...........ونعمل ايه ككلام مبدئي كده اول حاجه لا للاحباط لا للاحباط

      اللي حصل في الدانمارك ده عمل ايه

      الامير نايف جزاه الله خيرا لما دفع فلوس في التليفزيون الدانماركي وخد ساعه كل يوم يكلم عن رسول الله هو بنفسه قال في الجزيره 50 واحد اسلموا لغايه دلوقتي..الناس عايزه تعرف عن الاسلام

      زي الاحداث 11سبتمبرنسخ القران ضربت ارقام قياسيه في التوزيع هناك في التوزيع هناك

      قرروا في الدانمارك ان السنه الجايه هيدرسوا القران الكريم علي المدارس الثانوي ليه عشان الناس عايزه تعرف ايه هو الاسلام

      ان شاء الله لما يعرفوا ايه هو الاسلام يقينا ناس كتير جدا هتدخل في الاسلام

      اللي بيحصل ده يقينا خير ياجماعه عشان الناس تفوق عشان الناس يفوقوا

      عمر بن الخطاب لما مالقاش حل في ابو محسن الثقفي من كتر شربه للخمر وداه في القادسيه مع سعد بن ابي وقاس لما يشوف المسلمين واللي بيحصل فيهم يفوق ويقوم

      انا اعرف شاب كان لما ييجي في اول توبته ييجي يعصي ربنا يطلع صوره لجندي امريكي بيضرب واحده عراقيه مثلا يقوم يقول انا اشرب سيجاره لا لا ممكن

      ييجي يعصي ربنا تاني يطلع صوره مثلا في باكستان او افغانستان او العراق انا اعصي ربنا لا لا يمكن

      الحاجات دي بتفوق المسلمين وبتعرفنا حقيقه الناس دي وحقيقه مشاعرهم تجاهنا

      قال بن تيميه كنا نحاصر الثغر شهرين او ثلاثه حتي اذا وقعوا في رسول الله ابشرنا ان النصر ات بما في قلوبنا من الغيظ ياجماعه النصر مجاش عشان بيشتموا الرسول عشان الغيظ اللي كان في قلوبهم لما بيشتموا الرسول

      احنا في قلوبنا غيظ حقيقي غيظ بيترجم عمليا لما بيشتموا رسول الله ..يبقي اذا اللي بيحصل ده بشري للنصر باذن الله سبحانه وتعالي

      ولكن اللي انا عايز اقوله ان زمان امير المؤمنين بعت رساله لملك الروم ..لما مسلمه بس مسلمه اعتدي عليها في سوق من الاسواق قال من امير المؤمنين الي كلب الروم اما بعد فان جوابي ماستري دون ماستسمع فلارسلن اليك جيشا اوله عندك واخره عندي ..كان عشان حرمه واحده تنتهك في استعداد ان حرب كامله تقوم حتي لو حرب عالميه مش الف مسلمه و2000مسلمه هنا ونقول انا اعمل ايه احنا بايدينا ايه حرب كامله تعلنها الخلافه كلها عشان مسلمه واحده بس مش اغتصبت ولا حاجه ده بس اعتدي عليها

      رفعوا الثوب او اتريقوا عليها بس حاجه زي كده تقوم الحرب كلها تقوم

      احنا فين من الكلام ده بقه

      مااهون الخلق علي الله ان هم اضاعوا امره

      ماهو احنا ضيعنا امر ربنا دلوقتي هونا علي الله ليه لان احنا ضيعنا امر ربنا

      كام واحد دلوقتي قاعد في الاستاد مصلاش الفرضين اللي فاتوا ومش هيصلي الفرض الجاي

      كام واحده في البلد اللي احنا عايشينها

      كام سينما بتشتغل وقت صلاه الجمعه والناس بتتفرج علي افلام في وقت صلاه الجمعه

      كام تليفزيون مفتوح دلوقتي حالا علي مشاهد لا ترضي الله سبحانه وتعالي او دش او شاب دلوقتي بيلف بالعربيه ومشغل الكاسيت به اغاني لا ترضي الله سبحانه وتعالي

      كام معصيه بتترفع من البلد اللي احنا عايشين فيها لله كل يوم في اخر اليوم

      بل من البيوت اللي احنا قاعدين فيها كام حاله زنا وكام حاله جواز دم وكام حاله جواز عرفي وكام حاله زنا تحت مسمي الخطوبه

      كام مليون بيتصرفوا علي المخدرات كل سنه في بلدنا

      عايزين نعد الكلام ده عشان نعرف احنا اللي سبنا ولا ربنا سبحانه وتعالي اللي ساب احنا اللي سبنا الاول

      الاول عشان كده انا عايز اقولكوا ان لو رجعنا ان شاء الله ربنا معانا

      اللي بيحصل دلوقتي من شتم النبي بشاره باذن الله بقرب النصر باذن الله سبحانه وتعالي

      الحاجه التانيه......المقاطعه

      معني المقاطعه

      الصحابه في بيعه الرضوان لما رسول الله صلي الله عليه وسلم

      يعني المشركين جايين يفاوضوا النبي فالمشركين بيقولوا والله لقد رايناهم مايتوضا وضوءا الا اقتتلوا علي وضوءه ولا تنخم نخاما الا اقتتلوا عليها ..العلماء قالوا هو الصحابه كانوا على طول بيعملوا كده مع النبي يقتتلوا علي الوضوء ..اومال عملوا كده ليه عشان يقولوا للكفار احنا بنحب النبي قد ايه

      انت بينت لهم انت بتحب النبي قد ايه عملت ايه عشان تبين للنبي انك بتحبه حب صادق في هذه الازمه

      ايه اللي عملته درست سنته او درست سنته لحد, دخلت في مشروع علمي او طلب علم ,عشان تبقي داعيه بعد سنتين تلاته عملت ايه اتبعت سنن انت كنت هاجرها في حياته

      (المقاطعه ياجماعه مش حل جامد ولا حاجه لكن المقاطعه دي احنا بنقول للعالم كله احنا بنحب رسول الله صلي الله عليه وسلم

      اد ايه امريكا لما جت تغزو العراق فرنسا قالت لأ

      امريكا قالت للجنود بتوعها والشعب بتاعها يقاطع البضائع الفرنسيه يبقي اذا المقاطعه ده سلاح في العالم كله ولكن مش هنقاطع الاكل والشرب ومنقاطعش الافكار ومنقاطعش المعاصي ومنقاطعش الهدوم بتاعتهم اللي الستات بيلبسوها ومنقاطعش الافكار والمبادئ والتصورات بتاعتهم دول اهم من مقاطعه الاكل والشرب
      الموضوع اللي عايزين نفكر نفسنا بيها بعد كده

      الرسول صلي الله عليه وسلم عالج الموضوع ده ازاي موضوع ايه هو الرسول الدانمارك شتموه ايام ماكان عايش

      ياجماعه الرسول شتم و اتشتم شعر هجاء واتالف فيه تشويه اعلامي واتشوه صورته اعلاميا

      كان رسول الله صلي الله عليه وسلم يدور علي الحشيش بمني وهو يقول من يمنعني حتي ابلغ رسالات ربي فان قريش منعتني ان ابلغ رسالات ربي وخلفه رجل يقول لا تصدقونه انه كذاب فيقول الناس من هذا فيقولون انه عمه ورسول الله لا يلتفت اليه , هذه كانت سياسه الرسول صلي الله عليه وسلم

      جوع واتجوع صلي الله عليه وسلم يقول كان يمر علي الايام ثلاثه ايام ليس لي طعام انا واهلي الا مايواري ابط بلال (الحاجه اللي سيدنا بلال يحطها يخبيها كده تحت ابطه وهو ماشي ربع رغيف نصف رغيف كده هو ده اكل الرسول واسرته 3 ايام

      حبس واتحبس صلي الله عليه وسلم في الشعب

      طرد واطرد من بلده

      اغتيال واتعرض لمحاولات اغتيال

      امتداد بالايد__ واتمد عليه بالايد مش ده اللي حصل للنبي ورسول الله ايه لا يلتفت لا يلتفت

      الحل البناء الحل ان احنا نبقي رجاله

      الدانمارك فيها 200,000 مسلم مفيش واحد منهم ليه جريده اسلاميه كبيره

      مفيش واحد منهم ليه برامج في التليفزيون

      مفيش واحد منهم شخصيه اعلاميه كبيره يعرف يرد

      مفيش واحد منهم في وزاره ولا في سفاره

      مفيش واحد منهم محبوب من الناس ايه ياجماعه

      الحل ان كل واحد مننا يبقي ليه صوت معاه ميكروفون معاه جريده معاه قناه معاه مركز يقرر ان هو يرد علي الدين يوم ما الدين يتعرض لأي أذي مما يتعرض له الان

      عايزين برضه ياجماعه لازم نستشعر المسئوليه هو الهدهد لما راح دعا في بلقيس ماكان قال سيبها تسبح والقط رزقي انا وعيالي

      الهدهد كان معاه مين سيدنا سليمان

      الجن لما راحوا يدعوا الي الله ياقومنا اجيبوا داعي الله كان موجود سيدنا محمد

      مؤمن ال يس لما قال ياقوم اتبعوا المرسلين كان معاه 3 رسل

      طب مؤمن ال فرعون لما وقف في وش فرعون ووقف في وش فرعون وقال رجل مؤمن من ال فرعون يكتم ايمانه يعني راجل ومؤمن اللي يقف عشان الدين في الاوقات دي يبقي رجل ومؤمن كان معاه سيدنا موسي

      يعني القران ذكر قصص الناس دي ليه ماكان ذكر قصه سيدنا موسي وسيدنا محمد وسيدنا عيسي لأ ليه عشان اللي يقول دول انبياء ربنا يقوله وطب دول مكانوش انبياء ليه عملوا البطولات دي هما كمان

      مسلم يعني اكبر هم شايله في حياتك هو الاسلام

      عايزين نطلع بقي ..... يعني واحد ييجي يقوللي اعمل ايه في العاده السريه اعمل ايه في واحده بحبها ولا واحده بترنلي ايه ده ياجماعه..ولا واحده تقوللي هو الاسدال المطرز يجوز ولا لا يجوز ولا واحده انا والدتي والله مش راضيه البس حجاب شرعي اعمل ايه عايزين نطلع بقي ياجماعه عايزين تبقي مشاكلنا واسئلتنا كلها ازاي اخشع في قيام الليل؟..ازاي ابكي في القران؟..ازاي اجمع ما بين الدعوه وطلب العلم؟...ازاي اربي ال3 اولادبتوعي كل واحد منهم يطلع صلاح الدين او خالد بن الوليد عايزين دي تبقي الاسئله بتاعتنا

      عايزين نبقي رجاله ....

      سيدنا ابو بكر الصديق "اينقص الدين وانا حي""ايشتم رسول الله وانا حي " يبقي هو ده الاسلوب اللي احنا بنواجه بيه اي حرمه من حرمات الله سبحانه وتعالي تنتهك "اينقص الدين وانا حي "" ايعتدي علي حرمات الله وانا حي" ازاي..ده انا اموت احسن ده انا اموت

      المتبرجات اللي بره دول خرجوا منين ماهما اخواتنا وامهاتنا وبناتنا خرجوا منين ازاي واحد يرضي يخرج بنته متبرجه ازاي واحد يخرج مراته متبرجه ازاي واحد يرضي ان اخته تخرج متبرجه قبل مايحاول بكل الوسائل اللي يقدر ان هو يعملها اللي يقدر ان هو يعملها ازاي ياجماعه فين الغيره علي حرمات ربنا ...........

      طب الدانمارك مش عارفين نعمل حاجه طب الحرمات اللي هنا ..طب النكت الكفريه اللي الشباب بيتريقوا بيها مع بعض تلاقي فيها ملايكه وتلاقي فيها ةوممكن وليعوذ بالله تلاقي بيكلموا فيها عن ربنا سبحانه وتعالي ازاي ؟...

      شاب بيقوللي انا ليه صاحبي بيسب بالدين على طول على طول على طول قلتله يابني ده لو مش كافر يبقي بيرتكب كبيره اعلي من الزنا انت ازاي مصاحبه انت لازم تحاول انك تصلحه والا لم ينصلح(انك اذا مثلهم ) لو انت فضلت مصاحبه يعني لو ليه واحد صاحبي بيرتكب كبائر انا مصاحبه كده الا ازاي حرمات الله بتنتهك ادامك وانت لا تفعل شيئا من اجل حرمات الله سبحانه وتعالي فعايزين ياجماعه يبقي عندنا غيره ونبقي رجاله.."فمنهم من قضي نحبه ومنهم من ينتظر" مستني انه يموت عشان ربنا "ومابدلوا تبديلا" مسخنش النهارده ولبست نقاب وبكره باعت القضيه بس لسه النقاب علي وشها مسخنش بعد ماسمع احداث الدانمارك ويومين نام تاني ..مسخنش بعد الدرس يومين وبعد كده نام تاني لأ "ومابدلوا تبديلا" فضل للاخر راااجل

      ياجماعه ده حبيب الله محمد عليه الصلاه والسلام ده رسول الله صلي الله عليه وسلم يعني لما رسول الله الغيره اللي في قلوبنا متقومش عليه اومال هتقوم علي مين... لما جابر رأي رسول الله صلي الله عليه وسلم في ليله مقمره فقال رايت رسول الل فنظرت اليه والي القمر والي رسول الله والي القمر والي رسول الله فلرسول الله احب في عينيه من القمر واجمل في عينيه من القمر ...كان اذا رايتهكأن الشمس تجري في وجهه ....كان نور عليه الصلاه والسلام نور كل جسمه نور كان اللي يبص لجبينه يلاقي نور ...كان اذا تكلم في روايه تانيه خرج النور من بين ثناياه كلامه نور وجبينه نور"في وصف ابو هريره كان الشمس تجري في جبهته" و "في وصف احد الصحابه كان اذا رؤي ليلا كان سراجا منير يسطع في جبهته " كلامه نور ووشه نور وعينه نور وجسمه كله عليه الصلاه والسلام نور فيعني عايزين ياجماعه يبقي دي الصوره اللي في قلوبنا تجاه رسول الله صلي الله عليه وسلم

      يعني موضوع الدانمارك موضوع كبير انما احنا مش عايزين الوقت كله يروح قبل مانكلم عن الماساه الثانيه او المشكله الثانيه مشكله النيجر سمعتوا عنها دوله اسمها النيجر جنوب الجزائر فيها 11 مليون 98%منهم مسلمين ..جماعات التنصير مستنيه اي فرصه عشان تنقض عليهم سمعتوا انهم في مجاعه بقالهم اربع سنين وصلت دلوقتي 3,5 مليون مسلم في مجاعه قاحله انا سمعت وعايز اقول لكوا اللي انا سمعته وعايز اقول لكوا اللي انا قريته وعايز اقول لكوا الصور اللي الواحد شافها سمعتوا ياجماعه مين فيكوا حد يرفع ايده كده اللي عارف احداث النيجر الموجوده دلوقتي يرفع ايده اصل هتبقي كارثه لو 5 او 6 اللي في المسجد رفعوا ايديهم .....انتوا ياجماعه لو اطلعتوا علي اللي بيحصل هناك يعني الناس اللي راحوا هناك هما اللي بيحكوا واحد راح لاسره معدمه بيديها اكل بتقوله الست ايه ده قالها ده اكل رز يعني عشان تاكلي قالتله لا ده احنا بقالنا 3 ايام بس مكالناش دول شهود عيان شهود عيان بقالنا 3 ايام بس مكالناش لكن العشه اللي ورانا دي بقالهم 8 ايام مكالوش مكالوش ....ده حتي شرب المياه عربيه اغاثه جايبه شرب مياه هناك عربيه الاغاثه وقفت في القريه الناس جروا عليها عشان يشربوا...

      والقرود اسراب القرود جرت عليها عشان تشرب من كتر عطش الاتنين اقتتلوا علي المياه لغايه ماقتلي من الجانبين وقعوا عشان المياه هناك يعني الناس بيهاجروا من القري الي المدن لان مجاعات قاحله قاحله قاحله فوانت واقف كده ام عدت ام جت علي مركز اغاثه فبيقولولها فين اسرتك جوزها مات في المجاعه خدت اولادها ومشت 500 كم في الصحراء ليس لها طعام الا حشائش الارض لغايه ماوصلت ..معظم اولادها ماتوا في الطريق في 2 مماتوش وهي في الطريق مقدروش يمشوا علي رجليهم من الجوع قالولها شيلينا مقدرتش تشيلهم سابتهم في الصحراء لانها مش قادره تشيلهم وكملت الطريق ووصلت لوحدها

      واحده تانيه اسره تانيه الاب مات والام قررت هي والاولاد يهاجروا كل اولادها ماتوا في الطريق والام ماتت ماعدا طفله عندها 8 سنين هي الوحيده اللي وصلت لمركز الاغاثه بعد ما رجليها تقرحت من المشي من هذا الطريق وهي تبكي من الجوع ومن الالم النفسي من ان اهلها كلهم ماتوا ادام عينيها واحد واحد يسقط في مكان في الصحراء وهي ماشيه

      مركز اغاثه ام واب وطفل اخيرا أسره وصلت سليمه لأ ده مش سليمه المواشي بتلعتهم كلها ماتت قرروا يهاجروا أكبر بنت عندها 12 سنه ماتت في الطريق من الجوع اللي اصغر منها عما وصلوالحد يغيثه ويركبله محاليل كان جسمه اصبح غير قابل ان هو يتركبله محاليل او حتي يشرب ماء بسكر مات منهم برده في الطريق ..الثالث جاله شلل نصفي جروا علي اي حد يغيثه مفيش اي حد غاثه مات بعد ما من كتر المجاعه جاله هذا الشلل النصفي ووصلوا بطفل واحد في النهايه الي مركز الاغاثه... وواحد معاه بعض الاطفال طبعا مراته ماتتوجزء من اسرته مات وماسك لوحه في ايديه اللوحه دي ايه لوحه القران اللي بيعلم عليها الاطفال هناك القران مصمم انه في المجاعه دي يفضل ماشي طول الطريق ده وهو شايلها ميسيبهاش من ايده ابدا عشان ميتخلاش عن الحاجه اللي ربطاه بكتاب الله سبحانه وتعالي

      قريه هناك يعني واحد من بتوع الاغاثه نزل قريه لقي الاطفال بياكلوا ورق شجر فواحد بيقوله الاطفال دول هيموتوا دلوقتي قاله الورق ده مسموم قاله طب ماتقولهم قاله اقولهم ايه ده جوع قاتل وانا لو قلتلهم هيسيبوه ثم ما تسيبهم يموتوا ارحم من اللي هما فيه سمعتوا عن حد مات من الجوع قبل كده مات من الجوع اهو هناك ياجماعه اللي عايز يسمع قصص ناس ماتت من الجوع يسمع قصص هؤلاء الناس في النيجر

      قريه تانيه واحد من بتوع مركز الاغاثه نزلولها لقي مافيش فيها ولا طفل واحد سنتين ثلاثه اربعه مفيش خالص اقل من 5 سنين راحوا فين كل الاطفال اللي اقل من 5 سنين ماتوا في هذه المجاعه!!!!

      يبقي احنا فين بقه يبقي احنا فين ياجماعه احنا دلوقتي بناكل ايه ولا بنشرب ايه ولا بنعمل ايه ...

      500جمعيه تنصير دلوقتي في النيجر بتشتغل

      500جمعيه تنصير يعني انا مش باقول لكوا 10ولا 20

      500جمعيه بيشتغلوا علي 3,5 مليون مسلم مش لاقيين ياكلوا ...احنا بناكل 3 وجبات في اليوم ..هما بياكلوا وجبه كل 3 ايام ده اللي بيلاقي ياكل والا يموت من الجوع بعد كده

      يبقي احنا فين بقي ونستاهل يبقي اسمنا مسلمين...هناك من كتر المجاعه تلاقي النساء ماشيين ورا النمل ماشيين ورا النمل لييه ؟...يعرفوا مخازن النمل يحفروها يطلعوا الحبوب اللي النمل مخزنها ياكلوها خلصوا الحبوب كلوا النمل نفسه خلصوا النمل بداوا ياكلوا ورق الشجر وفي الاخر بداوا يحفروا في الارض يطلعوا الجذر بتاع الشجر عشان ياكلوها من الاخر بعد ما خلصوا الاعشاب وخلصوا ورق الشجر

      دلوقتي حالا اهو في اللحظه اللي انا بكلمكوا فيها دهيه 150 الف طفل في النيجر علي وشك الاحتضار . .في اللحظه اللي انا بكلمكوا فيها دهيه 800 الف طفل في النيجر هيكل عظمي هيكل عظمي كامل مدهون بالسود بس الجلد بقي مدهون باللون الاسود

      في اللحظه اللي انا بكلمكوا فيها دهيه..في هذه اللحظه كل هذه الماسي وكل هذه المجاعات وهناك دلوقتي الوف حتي لو وصلتلهم اغاثه معدش ينفع طبيا انها توصلهم لان التهابات المعده والامراض اللي حصلتلهم في الجهاز الهضمي بسبب الجوع معدش ينفع جهازهم الهضمي يتفاعل مع الاكل دلوقتي ...

      يعني حتي لو وصل اغاثه معدش ينفع ان هذه الاغاثه توصلهم بعد كده... اللي بيحصل بقي الضعف وبيحصل بقي توقف عضله القلب وتوقف التنفس والناس بتموت والاطفال بيموتوا بسبب هذا الجوع القاحل

      هل لن يسالنا الله عنهم ؟؟

      لما تشوف الصور بتاعتهم صوره طفله عندها شهرين امها مشت بيها 20كيلو لغايه مركز الاغاثه لما وصلت هناك ..اكلوها وشربوها وادوها دواء وماتت بعد ساعتين برده خلاص معدش ينفع

      صوره تانيه ام ماسكه طفل تشوف وشه تترعب يعني الواحد شاف الجمجمه الحقيقيه وشاف ناس رفيعه اوي يقولك ده جلد علي عظم

      الجمجمه ياجماعه اول مره اشوف في حياتي جمجمه مدهونه اسود جمجمه معدش في عضلات ولا عاد في لحم ولا عاد في اي شئ اصلا ...

      خلاص هي الجمجمه بس الجلد لزق عليها جميع تفاصيلها الداخليه باينه دي شايله ايه ده ولا ده هيعيش ازاي وهياكل عظميه ماشيه ماشيه في الطريق واطفال تحس انه مش قادر مانتاش عارف هو مات اصلا ولا عايش في الصوره اللي انت بتتفرج عليها "هل لن يسالنا الله عنهم" ,500 جمعيه تنصير طبعا جرت علي هناك على طول طبعا النصاري لا جزاهم الله خيرا...راحيين هناك يعملوا ايه يبداوا يحفروا ابار ماء الناس طبعا هتموت علي الماء هناك بعد البير يبنوا مستوصف بيه ادويه مجانيه بعد كده يقوموا بانيين مدرسه غربيه بعد كده يقوموا بانيين الكنيسه بتاعتهم.... في الكنيسه يعرضوا افلام مؤثره جدا عن الدين بتاعهم.... في الكنيسه يدوا كارت للي يتنصر انه لو راح اي كنيسه في العالم كله الكنيسه تدعمه في البلد اللي هو فيه

      في الكنيسه يشترطوا عليه ان هو لا يتعامل علي الاطلاق مع لجنه اغاثه مسلمي افريقيا علي الاطلاق لو عايز ياخد منهم اي اكل او شرب يوزعوا عليهم ببلاش طبعا كل ماتتوقعوه وكل مالا تتوقعوه يتم هناك للاسف الشديد

      يعني راحوا لرئيس قريه من القري قالوا له اسمحلنا ان احنا نبني مركز دعوه مباشره لدبنا ونديك الفلوس اللي انت عايزها فرفض رغم انهم بيموتوا من الجوع

      فكرني بمين ده فكرني بعبدالله بن حذفه السهمي لما علم ملك الروم ان واحد من صحابه الرسول مأسور قالهم هاتوه قاله اتعتنق النصرانيه وتاخذ نصف ملكي فقال والله لو اعطيتني ملكك كله واعطيتني ملك العرب علي ان ارتد عن دين محمد طرفه عين ما فعلت طب احبسوه تاني طب ادوله لحم خنزير وخمره قال والله اني لاعلم ان لي رخصه ان اطعمها ولكن لا اشمت الكفار في ديني ...طب هاتوه يعني مش هترجع لأمش هارجع اقتلوه هاتوا برميل زيت مغلي وهاتوا واحد من الاسري حطوه في البرميل يدوب ادام عينيه فبكي فقالوا خلاص لنت ولا ايه قال والله تمنيت ان لو عندي بعدد شعر راسي انفسا تزهق في سبيل الله ده من حب الله ومن حب التضحيه لاجل الدين وحب الاسلام

      التعديل الأخير تم بواسطة جارة فاطمة; الساعة 03-02-2012, 11:51 PM.
      اللهم لك الحمد كما ينبغي لجلال وجهك وعظيم سلطانك
      اللهم صلي وسلم وبارك علي سيدنا وحبيبنا محمد وعلي آله وصحبه أجمعين
      اللهم إني ظلمت نفسي ظلماً كثيراً فإغفر لي فإنه لا يغفر الذنوب إلا أنت

      تعليق


      • #4
        رد: حدثني شيخي : حازم شومان حفظه الله (تفريغ محاضراته بإذن الله )

        السلام عليكم ورحمة الله وبركاته
        بارك الله فيك د .مسلم مجهود رائع
        يعنى محدش عنده حجه كل واحد يقدر يقرأ
        بدون أى مجهود وبقول هذا الكلام للى بيقول
        ان الكاسيت عنده عطلان والسي دى روم مش شغاله
        الكلام واضح جدا كأنك تقرأ جريده .... يلا بقى بلاش كسل
        وانا كمان يادكتور نفسى اعمل فى تفريغ الشرائط .جزانا الله واياك الجنه .

        (وَأُفَوِّضُ أَمْرِ‌ي إِلَى اللَّـهِ إِنَّ اللَّـهَ بَصِيرٌ‌ بِالْعِبَادِ )
        افضل موقع لحفظ والاستماع للقران الكريم
        ***}حــــــــــوار صريح جدا...{***
        مع المشرف العام للمنتدى

        تعليق


        • #5
          رد: حدثني شيخي : حازم شومان حفظه الله (تفريغ محاضراته بإذن الله )

          بارك الله فيكم

          بس انا ليا اقتراح و يا ريت محدش يفهمنى غلط

          ممكن الاخوه اللى بيلخصوا اى دروس يختصروا فيها مش شرط يكتبها بكل تفاصيلها
          مع الاحتفاظ بالمعنى و الحافظ على الايات و الاحاديث

          تعليق


          • #6
            رد: حدثني شيخي : حازم شومان حفظه الله (تفريغ محاضراته بإذن الله )

            ليت الناشر جانب اللهجة المحلية الى الاسلوب العربي البسيط = معدرة =
            أخوكم المهدي

            تعليق


            • #7
              رد: حدثني شيخي : حازم شومان حفظه الله (تفريغ محاضراته بإذن الله )

              جزاك الله خيرا

              تعليق


              • #8
                رد: حدثني شيخي : حازم شومان حفظه الله (تفريغ محاضراته بإذن الله )

                وعليكم السلام ورحمة الله وبركاته
                جزاكم الله خيرا ونفع بكم اللهم امين
                جعل الله هذا العمل فى ميزان حسناتك اللهم امين



                الْحَافِـظُ الْمُتْقِـنُ قَـدْ سَــاوى الْمَـلَـكْ .....
                فَاسْتَعْمِـلِ الْـجِـدَّ فَـمَـنْ جَــدَّ مَـلَـكْ
                :rose::rose::rose:
                القرآن كلام الله ..... خطاب الملك....القرآن عزيز ...... مطلوب وليس طالب
                إذا تركته تركك ..... وإذا ذهبت عنه ذهب

                من تعاهدني ..... ويكون قلبـــــها القرآن ؟

                تعليق


                • #9
                  رد: حدثني شيخي : حازم شومان حفظه الله (تفريغ محاضراته بإذن الله )

                  بارك الله فيكم ونفع بكم
                  وبالنسبة للاخوة والاخوات الراغبين في التفريغ يمكنهم تفريغ مايريدون من محاضرات ووضعها هنا في القسم باذن الله
                  كما يمكن للجميع الاشتراك في فريق تفريغ الموقع
                  وفقكم الله واعانكم


                  اسئلكم الدعاء ﻻخي بالشفاء العاجل وان يمده الله بالصحة والعمر الطويل والعمل الصالح

                  تعليق


                  • #10
                    رد: حدثني شيخي : حازم شومان حفظه الله (تفريغ محاضراته بإذن الله )

                    تفريغ حلقة " اسجد واقترب " للشيخ حازم شومان (18 - 6 -2011 )

                    تعليق


                    • #12
                      رد: حدثني شيخي : حازم شومان حفظه الله (تفريغ محاضراته بإذن الله )

                      وعليكم السلام ورحمة الله وبركاته
                      جزاكم الله خيرا ونفع بكم اللهم امين
                      جعل الله هذا العمل فى ميزان حسناتك اللهم امين

                      تعليق


                      • #13
                        رد: حدثني شيخي : حازم شومان حفظه الله (تفريغ محاضراته بإذن الله )

                        بارك الله فيكم
                        جهد طيب نفع الله به
                        أَنْتَ وَلِيِّي فِي الدُّنْيَا وَالْآَخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ

                        تعليق


                        • #14
                          رد: حدثني شيخي : حازم شومان حفظه الله (تفريغ محاضراته بإذن الله )

                          جزاك الله كل خييير


                          إن الرسول لنور يستضاء به مهند من سيوف الله مسلول

                          frost

                          تعليق


                          • #15
                            رد: حدثني شيخي : حازم شومان حفظه الله (تفريغ محاضراته بإذن الله )

                            جزاكم الله خيرا

                            تعليق

                            يعمل...
                            X