إعـــــــلان

تقليص
لا يوجد إعلان حتى الآن.

هل قبل الله توبتي؟!!! (( معاصى وافلام واغانى ..فهل من توبة ؟))

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هل قبل الله توبتي؟!!! (( معاصى وافلام واغانى ..فهل من توبة ؟))

    بسم الله الرحمن الرحيم
    السلام عليكم ورحمة الله وبركاتة
    اسعدني كثير هذا القسم في المنتدي لأني فعلا اشعر اني اريد ان اتحدث الي احد لا يعرفني حتي انني فكرت في احد الايام ان اذهب الي دكتور نفسي ولكن ليس لاني اعاني من مرض نفسي ولكن لمجرد اني اريد ان اجلس واسرد قصة حياتي الي شخص لا يعرفني وفي نفس الوقت يعطي لي النصائح ولم اجد افضل من هذا القسم صراحة فهو طريقي للرجوع الي الله عز وجل اعلم اني اطلت المقدمة ولكني لا اعلم من اين وكيف ابدأ فأرجوا ان تشرحوا لي صدوركم لكي اجد عندكم الحل بإذن الله
    فأنا ارتكبت المعاصي من مشاهدة افلام غير لائقة وسماع اغاني واحببت الكثير من الشباب وفي كل مرة كنت اتوب الي الله
    وابكي علي حالي واظل فترة واعود الي ارتكاب المعاصي مرة اخري فأنا احيانا اشعر ان الله لن يقبل توبتي والذي يجعلني اشعر بذلك اكثر هو رجوعي عن التوبة وهذا دليل علي عدم قبول الله توبتي فإذا قبل الله توبتي لن ارجع عنها مرة اخري
    وكثير ما استمع الي الدروس الدينية واقرأ في التفاسير واستمع الي القرأن الكريم واشعر بأرتياح كبير ولكن اعود مرة اخري الي المعصية فأنا اعيش بين التوبة والمعصية ولا اري اني اعيش حقيقة وان لم اتحدث الي احد واحزن كثيرا لثقة الناس بي وانا لا استحق هذه الثقة ولكن لا اعلم الي اين تقودني نفسي العاصية وهل سيقبل الله توبتي وارجوا ان لا تتعاطفوا مع فأنا اكره نفسي كثير واريد الانتقام منها لا تظن اني افكر في الانتحار لا والله ابدأ لكني اريد ازعاجها بأي طريقة لانها هي السبب في هلاكي ارجوا الرد سريعا علي هذه الرسالة لأنها ستحدد مصير
    شكرا لحسن استماعكم وارجوا الافادة.
    وفقكم الله
    الرغبة في قبول توبتها من الله

  • #2
    رد: هل قبل الله توبتي؟!!!

    وعليكِ السلام ورحمة الله وبركاته


    أختي الكريمة التائبة الطائعة الراغبة فى قبول توبتها إن شاء الله (لن أقول عاصية)


    مرحبًا بكِ بين إخوانكِ و أخواتكِ في المنتدى : )
    وجزاكِ الله خيرًا على ثقتكِ فينا.. وأسأل الله أن يصلح شأنكِ كله في ستر و عفو و عافية ويشرح صدركِ

    أختنا الكريمة لقد قرأت موضوعك بتمعن وأعدت النظر فيه وحاولت فهم ما بين السطور لذا أريد أن أجمل لك الإجابة

    قالوا الاعتراف بالمشكله هو نصف الحل ...
    جميل إنكِ ترى نعم الله عليكِ وتشعرى بتقصيرك وهذا ان دل فانه يدل على فطرتك السليمه وده واضح من خلال كلامك .

    طيب انتى قولتى إنك حاولتى كثير وفى كل مره بترجعى تانى ..........عارفه ليه؟؟
    تعالى نتكلم ببساطه شديده إنتى جواكِ صراع بين ان انتى عارفه الصح وعاوزه تطيعى ربنا وبين انكِ مش قادره تاخدى قرار بالتغير.

    طيب الصراع ده طبيعى لاننا كلنا جوانا الخير والشر لكن المهم مين أقوى جواكى؟؟

    وازاى اقوى جانب الخير عشان أقدر أتغير؟؟

    هقولك مثال بسيط جدا لو عندك زرعتين واحده بتسقيها باستمرار وواحده لأ ..الطبيعى الى بتسقيها هتبقى أقوى والثانيه هتضعف ....نفس الحكايه لو أحنا عاوزين نقوى جانب الخير او علاقتنا مع ربنا

    وهنقول كلام عملى أنتى بتدخلى لقلبك أيه طول اليوم؟؟؟؟؟

    ببساطه كده هسألك عن اربع حاجات :

    انتى بتسمعى أيه ؟؟
    وبتشوفى أيه ؟؟
    وبتتكلمى عن أيه ؟؟
    وبتفكرى فى أيه؟؟؟؟؟

    وبسأل عن الاربعه دول لان دول الطريق لقلبك
    هنلاقى ان اغلب يومنا بيدور عن الكلام عن اللبس والكليه والمذاكره ومشاكلنا مع اهلنا واخر الاخبار .........الى اخره
    الحل العملى البسيط جدا والفعال جدا كمان ان شاء الله
    خلى ليكى وقت يومى تسمعى عن ربنا وتتكلمى عن ربنا وتفكرى فى حالك معاه وتبصى فى كتابه وأحنا ممكن نساعدك هنا فى المنتدى تعالى قسم الاخوات واتعرفى على اخوات هتشجعوا بعض وهتحسى انك بتتغيرى ان شاء الله

    اسمعى الايه دى :
    {لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ} [الرعد : 11]
    يعنى لو حياتك فضلت زى ماهى واهتماماتك زى ما هى واسلوب حياتك زى ما هو تفتكرى التغير هيجى منين ؟؟


    يعنى دلوقتى المطلوب منك
    ان تعلمى
    جيداً إنك كل ما تقربى خطوة من ربنا ، ربنا سبحانه و تعالي الكريم هيقبل عليكى إن شاء الله
    لإنه قال في الحديث القدسي :
    "ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة "
    فلا تيأسى أبداً مهاما حدث ، و مهما فعلتى ذنوب و معاصي ، و حتي لو كل شوية بتقعى في الذنب بعد ما تتوبى ، مافيش يأس أبداً إن شاء الله



    لإن الشيطان مش بيسيب الواحد في حاله و بيحاول يقنعه إنه خلاص مش هيقدر يغير نفسه و يتوب ، و يقول للإنسان ماتتعبش نفسك كل شوية لإنك كل شوية بتتوب و بتقع تاني ، فإيه الفايدة ، كده كده هتقع تاني .
    ده طبعاً كلام الشيطان
    و هوه بيعمل كده عشان يجيب لنا احباط و اكتئاب و يخلينا مقتنعين بكده
    لكن طبعاً احنا مش عايزين نستسلم له مهما كان
    لإن ربنا سبحانه و تعالي غفور رحيم
    و باب التوبة مفتوووووووووووح كل يوم و كل ساعة و كل لحظة ، في أي وقت ، لحد طلوع الشمس من مغربها.
    و ربنا وعدنا بمغفرة الذنوب مهما فعلنا و حتي لو فعلنا كل الذنوب و المعاصي اللي في الدنيا كلها
    ربنا سبحانه و تعالي بيققول في سورة الزمر :
    "قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"
    و مش بس كده
    ربنا أيضاً قال في الحديث القدسي
    "يا ابن آدم لو أتيتني بقراب الأرض خطايا، ثم لقيتني لا تشرك بي شيئا لأتيتك بقرابها مغفرة "
    و ده يبين لنا أد إيه سعة فضل ربنا و رحمته لما العبد بيتوب إليه حتي لو كان عمل كل الذنوب اللي في الدنيا ، و ربنا مش بيتوب عليه و بس ، ده كمان بيبدل سيئاته حسنات
    قال سبحانه و تعالي في سورة الفرقان:
    "وَالَّذِينَ لا يَدْعُونَ مَعَ اللَّهِ إِلَهًا آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَامًا ، يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً ، إِلا مَنْ تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَحِيماً ، وَمَنْ تَابَ وَعَمِلَ صَالِحاً فَإِنَّهُ يَتُوبُ إِلَى اللَّهِ مَتَاباً "
    يعني ربنا مش بس هيتوب علينا و يغفر لنا ذنوبنا وبس ، لأ
    ده كمان هيبدل السيئات اللي احنا عملناها لحسنات
    هل في رحمة أكتر من كده ؟؟؟



    اختنا

    كلنا بنبحث عن السعادة

    مافيش حد في الدنيا إلا و بيدور علي السعادة و راحة البال
    سواء كان
    صغير أو كبير
    ذكر أو أنثي
    مسلم أو كافر
    كله بيدور عن السعادة لكن بطريقته الخاصة
    مع إن ربنا حدد لنا طريق السعادة و راحة البال في طاعته ، لإن ربنا هوه اللي خلقنا و هوه العالم باللي يصلح لينا
    صحيح ممكن في الأول الواحد بيبقي حاسس إن الطاعة تقيلة عليه و بيعملها بالعافية
    لكن مع المواظبة عليها و البعد عن المعاصي و الذنوب و مصاحبة الصحبة الصالحة و البعد عن أصدقاء السوء و محاسبة النفس باستمرار و وجود جدول منظم يومي و أسبوعي للعبادات ، كل ده بيخلي الطاعة بدل ما هي تقيلة يبقي الواحد بيتلذذ بيها و مش عايز يسبها .

    يقول ابن عباس -رضي الله عنه- :
    ( إن للطاعة نوراً في الوجه ونوراً في القلب وسعة في الرزق وقوة في البدن ومحبة في قلوب الخلق ، وإن للمعصية سواد في الوجه وظلمة في القلب وضيق في الرزق وضعف في البدن وبغضاً في القلوب )


    فالبعد عن طاعة الله يميت القلب و يسبب الشقاء و التعاسة للإنسان
    قال سبحانه و تعالي في سورة طه :
    "وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى "
    يعني اللي بيبعد عن طاعة ربنا بتبقي حياته كلها ضنك و شقاء و ألم و تعاسة ، و قال علماء التفسير إن الضنك معناه العمل السيء والرزق الخبيث و كمان ضيق القبر ، ربنا يعافينا جميعاً !!
    و ياريت الأمر انتهي في الدنيا و بس و خد عقوبته في الدنيا ، لأ ده كمان يوم القيامة هيبعث و هيدخل النار و هو أعمي البصر و البصيرة !
    لإنه كان كان أعمي في الدنيا عن أوامر ربنا .


    لذا فنحن ننصحك أختنا الكريمة بالآتي :


    1- بالصبر و عدم اليأس و الإستسلام لوساوس الشيطان .

    اقراى الموضوع دة :


    وكمان الموضوع دة :

    https://forums.way2allah.com/showthread.php?t=62142
    2- سرعة العودة و التوبة إلي الله .

    واقرأى الموضوع دة :


    3- مصاحبة الصالحات ، و ده هيتم من خلال الذهاب إلي المسجد و الالتحاق بإحدي المجموعات الخاصة بحفظ القرآن ، فهناك ستجدى الصحبة الصالحة إن شاء الله .

    4- سماع دروس أهل العلم من خلال شرائط الكاسيت أو عبر الإنترنت .

    5- أن يكون لكى جدول منظم يومي للعبادات ، مع محاسبة النفس باستمرار


    6- عليكى بأخطر و أهم سلاح وهو الدعاء مع تحري أوقات و مواضع إجابة الدعاء (بين الأذان و الإقامة ، في السجود ، يوم الجمعة ، ثلث الليل الأخير)



    دي باختصار بعض النصائح التي ستعينك إن شاء الله علي التغيير

    و احنا واثقين إن شاء الله إنك هتبدأى من الآن ، أول ما تقرأى الرد ده

    و هتتوبى إلي الله و تبدأى صفحة جديدة إن شاء الله مع ربنا







    و نبشرك بقول ربنا سبحانه و تعالي قي سورة آل عمران :



    {وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَوَاتُ وَالأَرْضُ أُعِدَّتْ لِلْمُتَّقِينَ (133)}.

    {الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنْ النَّاسِ وَاللَّهُ يُحِبُّ الْمُحْسِنِينَ (134) وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ (135)}. (آل عمران).
    شوفى الجزاء في الآخرة إيه لما يسارعوا بالتوبة لربنا
    "أُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ"









    و اقرأى الموضوع ده :















    و نسأل الله الكريم

    أن يعينك علي ذكره و شكره و حسن عبادته



    و أن يجعلك من عباد الله الصالحات


    اللهم آمين









    التعديل الأخير تم بواسطة أبو معاذ أحمد المصرى; الساعة 14-05-2011, 10:29 PM.

    تعليق


    • #3
      رد: هل قبل الله توبتي؟!!!

      بجد انا مش عارفة اشكرك ازي بعد رد حضتك عليا حسيت ان الدنيا نورت في تاني وان الامل رجع تاني بجد شكرا وربنا يجعله في ميزان حسناتك بالرغم من الرسالة اللي انا كتبتها لحضرتك اللي ممكن تكون مش موضحة قوي المشكلة الا اني نفسي اتكلم واحكي قصة حياتي كلها بس انا عارفة ان مش هيبقي ليها لازمة بس الحمد لله انا كده ارتحت من الجزء ده وربنا يتقبل منا ومنكم

      تعليق


      • #4
        رد: هل قبل الله توبتي؟!!!

        ثبتا الله واياكم

        وتقبل منا ومنكم

        وياريت تسجلى معانا بالمنتدى فهناك الكثير اللى هيسعدك فى

        روضة الاخوات

        وقسم فضفضة الاخوات

        تعليق


        • #5
          رد: هل قبل الله توبتي؟!!! (( معاصى وافلام واغانى ..فهل من توبة ؟))

          والله انا سجلت في المنتدي لكن مش عارفة افعل العضوية لأن موصلش قي البريد الالكتروني كودالعضوية وارسلت للادارة لكن محدش اداني حل مش عارفة اعمل ايه نفسي افعل العضوية واعرف اشاهد الاقسام لأن كل ما ادخل يقولي انتي مش مفعلة العضوية

          تعليق


          • #6
            رد: هل قبل الله توبتي؟!!! (( معاصى وافلام واغانى ..فهل من توبة ؟))

            اكتبي اختي بالإقتراحات والشكاوي أو بقسم غير المفعلين ليتم تفعيل عضويتك

            إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
            يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

            تعليق


            • #7
              رد: هل قبل الله توبتي؟!!! (( معاصى وافلام واغانى ..فهل من توبة ؟))

              الحمد لله انا خلاص وصلني تفعيل العضوية جزاك الله خيراً

              تعليق


              • #8
                رد: هل قبل الله توبتي؟!!! (( معاصى وافلام واغانى ..فهل من توبة ؟))

                المشاركة الأصلية بواسطة غير مسجل مشاهدة المشاركة
                الحمد لله انا خلاص وصلني تفعيل العضوية جزاك الله خيراً

                الحمد لله

                وجزاكم الله مثله

                ومرحبا بكم

                تعليق

                المحتوى السابق تم حفظه تلقائيا. استعادة أو إلغاء.
                حفظ-تلقائي
                x
                إدراج: مصغرة صغير متوسط كبير الحجم الكامل إزالة  
                x
                أو نوع الملف مسموح به: jpg, jpeg, png, gif
                x
                x
                يعمل...
                X