إعـــــــلان

تقليص
لا يوجد إعلان حتى الآن.

يوميات فتــاة تائبــة..القصة كاملة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #91
    رد: يوميات فتــاة تائبــة

    وعليكم السلام ورحمة الله وبركاته

    جزانا الله وإياكِ كل خير

    وبارك الله فيكِ
    وآآآآه يا أبي بكر هل لي من لقياك نصيب
    رضي الله عنك وأرضاك


    تعليق


    • #92
      رد: يوميات فتــاة تائبــة

      الحلقة الثالثـة والأربعـون





      هند : شروق انا مخنوقة أوووي ومش قادرة أذاكر

      وبقرأ قرآن وبقول الأذكار

      لكن حسيت بالملل

      تعبت من الثانوية العامة

      شوفي من إمتي بنذاكر حتي ملحقناش ناخد أجازة والدروس نزلت علينا بسرعة

      تعبت ياشروق ومليت وفي نفس الوقت مفيش وقت للزهق

      هلاقي كل حاجة إتراكمت عليه لو سبت المذاكرة

      مش عارفة انا ليه بقيت مخنوقة من كل حاجة

      شروق : الله المستعان

      طيب حاولتي تغيري طريقة المذاكرة يا هند

      أو حتي تخرجي عند قرايبك تنفسي عن نفسك

      هند : أيوة عملت بجد

      شروق : طيب تحبي أذاكر معاكِ نشجع بعض لحد ما تخرجي من الزهق

      هند : ياريت يا شروق

      عايزة حد يفتح نفسي علي المذاكرة

      شروق : وانا بجد هكون سعيدة أوووي وانا بذاكر معاكِ

      هند : ربنا يباركلي فيكِ يا شروق

      شروق : ويباركلي فيكِ يا غالية



      بس قبل ما أجي أذاكر معاكِ


      ممكن تسمعي شريط كيف تعلو همتك للشيخ هاني حلمي



      نزليه من علي النت عندك



      علشان مش أجي ألاقي النوم علطول أول ما نقعد ها ^^



      هند: وتضحك هند ربنا يكرمك ياشروق



      حاضر يا غالية



      هسمعه متخافيش ما انا لو نمت هتكبي عليه مية وتصحيني ^^



      إزاي يعني انام وإنتي عندي



      ده يبقي ضعت خالص


      شروق : وتضحك شروق يا بنتي بهذر معاكِ بس إسمعيه بجد


      هند : متخافيش يا بنتي بإذن الله هسمعه


      وفعلا عادت هند للبيت



      وجلست علي الكمبيوتر لتسمع الشريط



      فإذا به يقول

      علي أعتبار ان كل واحد منا بيأتي عليه فترات علو ودنو في الهمه

      والرسول عليه الصلاه والسلام قال (إن لكل عبداً شره وفتره )

      شره يعني نشاط

      بمعني ان كل انسان ليه فترات
      بيشتغل كويس والهمه عنده عاليه وفترات تانيه عنده احساس بالفتور ومش عاوز يعمل حاجه


      طيب ازاي انت تتعامل مع فترات الفتور دي دا اللي عاوزين نعرفه في الأول كدا اسأل نفسك سؤال مهم اوي وهو

      عاوز همتك تعلوليه ؟ ايه هو هدفك ؟


      الهدف اللي احنا جاين عشانه النهارده هو حالك مع ربنا وعلاقتك بالله كانت كويسه وبتقوم بأورادك بشكل جيد والحاله الإيمانيه عاليه

      وتيجي مره واحده كل دا يروح
      بخبطه واحده وبعد كدا عاوز تعرف ازاي

      تقوم تاني وتقرب لربنا زي الأول


      **اول خطوه في العلاج هي النيه والأخلاص**

      طيب ليه لأن الطريق لعلو الهمه لازم فيه تكون محدد هدف واضح قدام عنيك ومركز عليه


      والكلام دا علماء النفس بيقولوه بالحرف بيقولوا ان حصر الذهن في مطلوب واحد هو دا مفتاح النجاح بشكل عام في الحياه


      وهي دي قضيه الأخلاص انت حاطط هدف ومركز عليه وفي الحاله دي
      تكون النتائج فوق الوصف بإذن الله

      طيب وهدفنا هو ايه ؟ هدفنا هو الجنه عاوز توصلها قدام عنيك شيفها بتحدث نفسك بيها


      ولذلك لا ترضي بالدون والأقل وكل لما تركز اكتر عليها كل لما
      تبلغ اعلي درجات الجنان

      بعض العلماء بيقولوا إن القدره تكتسب بالميران والتدريب



      هنقول مثال علي كده واحد لسه في بدايه الألتزام يبص حواليه يلاقي كل اللي معاه سابقينه في الألتزام

      وهو لسه يدوبك بيبدأ يمسك مصحف يتعلم أحكام التجويد ويقول لنفسه خلاص القطر فاتني وانا مش هنفع ويمشي بخطوات تقيله وممكن كمان ينتكس

      إنما لما يحدد لنفسه هدف زي مثلا هيحفظ جزء الشهر دا ويبدأ في تحقيق الهدف ويحسس نفسه بالنجاح

      ويقول انه بينجح وكويس بفضل الله يلاقي في سنه واحده او اتنين حقق اللي الملتزم من سنين طويله ماحققهوش


      لأنه هدفه كان واضح ومحدد ومركز عليه

      وهي دي بقي روشته الأخلاص وتوحيد القصد اي مقصودك ايه من علو الهمه ومقصودك هو رضا الله سبحانه وتعالي





      **تاني خطوه في العلاج هي الشكـــــــر**

      اللي بيحرمك من نعمه القرب من ربنا انك ماشكرتش النعمه دي والشكر هو مفتاح التحرك وعلو الهمه


      ربنا اعطاك نعمه كبيره وهي انه أذن ليك انك تقرب منه خطوه
      والرسول صلي اتلله عليه وسلم قال ( قال الله : تقرب إلي شبرا تقربت منه ذراعا ، ومن تقرب إلي ذراعا تقربت منه باعا ، ومن أتاني يمشي أتيته هرولة )


      ربنا اعطاك النعمه د وكمان لما هتقرب منه بيكفأك علي قربك وعيل الخطوه بالضعف وانت ما حستش ان دي نعمه ربنا ادهالك


      زي مثلا الناس اللي لسه في بدايه الألتزام بيبقوا اقوي الناس واعلي الناس همه لأنهم حاسين بالنعمه اوي بيقارنوا بين حالهم دلوقت وحالهم زمان ويوقولا احنا كنا فين وبقينا فين ويشكروا الله علي كدا ويحسوا بمعاني ايمانيه وخشوع بفضل توبتهم

      وانابتهم والرجوع لله سبحانه وتعالي وبعد كدا خلا الموضوع يبقي عادي ومش حاسس بالمعاني دي لنها سلبت منه


      لذلك انت لما تحس انك بترجع لورا او بتقف ابحث عن حاجتين اولهم الشكر لنعمه ربنا سبحانه وتعالي اللي انت ماشكرتهاش علي الوجه المطلوب منك


      وتاني حاجه طريقه نظرك للعمل اللي انت قومت بيه يعني مثلا بكيت في صلاه القيام وربنا فتح عليك ااو مثلا التزمت بصلاه القيام فتره طويله تقعد بقي كل شويه تحدث نفسك بالعمل دا ويكون ليه وزن عندك وتقول دا انما عملت كذا وكذا وتنسب العمل ليك انت اهو دا يضيع منك العمل

      لأنك بتنسبه لنفسك لازم تعرف ان اي عمل انت بتعمله هو محض فضل من الله سبحانه وتعالي ولا بحولك ولا بقوتك


      هو فيه حد منا يستاهل انه يقف بين ايد ربنا ويناجيه ويتلفظ بأسمه فلما الواحد يعرف ويحس بكدا هيحس بنعمه ربنا عليه




      **تالت خطوه في العلاج هي اياك ونقض العهد مع الله **

      نيجي بقي لسلسه المنشطات الإيمانيه اللي انت بتشحن نفسك بيها واولها اوعي
      تنقض عهدك مع ربنا تحت اي ظرف من الظروف لأن اسا الطرق الي الله هو
      الصدق انت بالصدق تبلغ وتعلي همتك

      خطيره نفسياً وإيمانياً انك تاخد علي نفسك عهود وتنقضها

      لأنك لما تكون مقرر وقت محدد للطاعات وتقول هعمل كذا وكذا وجيت تعمل اللي انت مقرره ولاقيت معوقات ومثبطات وأجلت العهد مره والتانيه والتالته هتحسس نفسك تاني بالفشل وبصعوبه الموضوع وهتسوف

      يبقي انت لازم يكون عندك سرعه رد فعل مطلوبه جدا منك

      ربنا سبحانه وتعالي قال (وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ وَنَذَرُهُمْ فِي طُغْيَانِهِمْ يَعْمَهُونَ ﴿١١٠﴾الأنعام )


      اول لما اتقا الكلام تلقيت الرساله ازاي وقولت هعمل وهغير حياتي

      اوعي من كلمه ســـــــوف ومقدرش ومنفعش وصعب

      انت مش محتاج تضخم هدفك ابتدي بحاجه تقدر عليها ما تفكرش في اللي فات

      والعلماء بيقولوا لا تشغل نفسك بأمس فقد فات ولا تشغل نفسك بغد فهو غيب إنما كن ابن اللحظه

      عاهد ربنا ولا تنقض العهد بينك وبينه الرجال اصحاب الهمم العاليه ربنا قال عليهم

      (مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّـهَ عَلَيْهِ )

      عاهد ربنا علي الشئ اللي تقدر عليه يعني تقول الأسبوع ده هصلح الأذكار الأسبوع اللي بعده صلاه القيام وهكذا



      **رابع خطوه شده الحـــــرص علي الوقت **

      لازم تكون حريص اوي علي وقتك الرسول صلي الله عليه وسلم قال


      (ليس يتحسر أهل الجنة إلا على ساعة مرت بهم لم يذكروا الله تعالى فيها)

      وقال كمان (نعمتان مغبون فيهما كثير من الناس : الصحة والفراغ )


      لازم تكون الدقيقه عندك تختلف وتفرق معاك دا انت في الدقيقه دي ممكن تقول سبحان الله وبحمده سبحاان الله العظيم خدت منك ايه وبسببها تغرس لك نخله في الجنه وممكن تقول بس استغفر الله يمحي لك ذنب في ثانيه ويكون الذنب دا كان قاطع بينك وبين ربنا سبحانه وتعالي



      لازم تعرف انك مش زي اي حد لأنك مسلم والوقت عندك مهم وعشان كدا اهل الجنه هيتحسروا علي الساعه اللي مذكروش فيها اسم الله سبحانه وتعالي



      إذا لا تهدر الوقت ابداً ومن الكلام الجميل اوي ( قيد الطاعات بأعيان الأوقات )يعني شوف في كل لحظه انت وراك ايه لازم في كل لحظه يكون ليك فيها طاعه لربنا وتشوف حال قلبك ايه مع الله عرفته اكتر واتقربت ليه ولا لأ ؟؟؟




      **خامس خطوه هي رفقه أصحاب الهمم العاليه **

      خليك دايما حريص انك تكون مع الناس اللي يعلوك ويقربوك عند ربنا والرسول عليه الصلاه والسلام قال (المرأ علي دين خليله فلينظر أحدكم من يخالل)


      والصاحب زي ما بيقولوا ســـــــــاحب


      والرسول صلي الله عليه وسلم قال (مثل الجليس الصالح والسوء ، كحامل المسك ونافخ الكير ، فحامل المسك : إما أن يحذيك ، وإما أن تبتاع منه ، وإما أن تجد منه ريحا طيبة ، ونافخ الكير : إما أن يحرق ثيابك ، وإما أن تجد ريحا خبيثة )



      دائما وابدارافق اصحاب الهمم العاليه ومنى هم اعلي منك وحاول تقلدهم وتعمل زيهمبل تسبقهم كمان




      الواجب العملي للدرس دا النهارده هو انك اول حاجه تحس باصطفاء الله ليك شوف كام واحد ربنا انعم عليهم بالنعمه ديه كام واحد بيفكر يقرب من ربنا وبيفكر فيه حس بأنها نعمه كبيره اوي

      ربنا قال سبحانه وتعالي (وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ ﴿١٣٩﴾آل عمران )


      انت بإيمانك وقربك من ربنا انت الأعلي كلمه كبيره ومهمه اوي لو حستها بجد


      رددها بينك وبين نفسك كتير واعرف ان هي دي السعاده الحقيقيه والله


      تاني حاجه فكر نفسك دايما بالموت وان الدنيا مش مستاهله انك تهتم بيها ابدا
      وفكر بينك وبين نفسك ايه اللي موقفك لو كانت ذنوب تقدر تمحيها لو مش قادر استقوي باللي خلقك لاحول ولا قوه إلا بالله

      استنزل رحماته عليك بالدعاء والذكر قوله يارب خذ بيدي وناصيتي إليك أخذ الكرام عليك

      قوله يارب عيني مافكرش إلا فيك لاتستودع قلبي شئ إلا محبتك


      يــــــــــــــــارب
      يــــــــــارب
      يـــارب
      ليه تــــــــــــــحرم نفســـــــــــــك منــــــــــــــــه



      هند:


      الله يا شروق إيه الدرس التحفة ده


      ربنا يكرمك


      ده إنتي هتيجي تلاقيني جاهزة أووي بإذن الله


      وفعلا

      ذاكرت شروق مع هند حتي تغلبت علي الزهق

      واتفقوا ان يشجعوا بعض علي طاعة الله من خلال رسائل الموبيل

      بالتذكير بالطاعات في أوقاتها

      وأصبحت شروق وهند وروان أصحاب وأصبحوا يتكلمون عن الدين كثيرا

      وكانت السعادة تملئ قلبهم

      وظلت هند وشروق تشجع روان لتعويض مجموعها

      واجتهدت روان كثيرا في المذاكرة لتعوض مجموعها



      واقتربت إمتحانات الصف الثالث الثانوي والكل مرعوب



      من القصص والروايات التي علي لسان الطلبة في هذه الفترة



      ولكن يختلف روان وشروق وهند في هذه الفترة


      ياتري ماذا فعلوا

      وفي تلك الفترة كانت هناك مفاجأة في بيت شروق




      ياتري ما هي ؟؟






      ده الل هنعرفه الحلقة القادمة بإذن الله
      وآآآآه يا أبي بكر هل لي من لقياك نصيب
      رضي الله عنك وأرضاك


      تعليق


      • #93
        رد: يوميات فتــاة تائبــة

        الحلقة الرابعـة والأربعـون






        كانت البنات تتكلم بخوف عن إمتحانات الصف الثالث الثانوي


        ففي الفصل كان من زميلات شروق

        أريج ورودين ونورهان

        أريج : والله انا خايفة أوووي من الإمتحانات بيقولوا السنة دي مش هتيجي سهلة أبدا

        علشان مش تتكرر الأولي علي الجمهورية اللي طلعت من عندنا وجابت 410 من 410 من غير المستوي


        يعني إحنا ذنبنا إيه

        هو حرام حد يجيب
        410

        شروق : والله مفيش داعي للقلق بإذن الله

        بعدين هيملوا الكليات منين

        هيجيبوا من خارج مصر ولا إيه

        لو الإمتحانات جت صعبة بإذن الله التنسيق يقل

        سبحان الله طيب إحنا أوائل الفصول أمال الناس التانية تعمل إيه

        خلوا في توكل علي الله

        وإنسوا الرعب اللي إنتوا فيه ده

        وعايزين نشتغل بجد الأيام دي إحنا في بدايات شهر أربعة

        عايزين دماغنا تبقي مش مشدودة علشان تحصل في الشهرين دول كويس

        ونراجع حلو

        إحنا عايزين نحل كتيييير

        الحل هو اللي هيعيشنا مع الإمتحان علطول

        نراجع كويس خالص

        ونحل كتير بإذن الله

        كفاية اللي عملوا فينا المدرسين طول السنة

        عصرونا حفظ

        دلوقتي جي وقت إحنا نطلع العصر ده

        رودين : صحيح يا شروق عندك حق

        الواحد مش هينفع معاه شده الدماغ خااااااالص

        الأيام هتعدي من غير أدني إستفادة

        ومش هيلغوا الكليات أكيييد ^^

        هند : ولازم نعرف إن ربنا هيكتبلنا الخير ومش هيضيعنا بإذن الله

        اللي بيتعب تعبه مش بيضيع هدر

        روان : يااااااارب الله المستعان

        صحيح يا هند ربنا يوفقنا

        نورهان : طيب والفيزياء نعمل فيها إيه

        كل سنة يعملوا عليها جنازة

        ويقولوا مذبحة الفيزياء وحاجة توجع القلب

        شروق : إحنا دلوقتي مش بنحل وبناخد عن مدرس مورينا اللي عمرنا ما

        شوفناه في المسائل الصعبة وبفضل الله بنحلها وهو بيقول دي أصعب مسائل

        وشفنا الإمتحانات بتاعة السنين اللي فاتت

        ده كلام جرايد بجد

        مالها الإمتحانات سهلة

        بصوا يا جماعة من النهاية كده

        ليس لنا من الأمر شئ

        علينا بالتعب الشهرين دول بس من غير شدة دماغ

        ويبقي عندنا إستسلام وتوكل علي الله

        وربنا مش هيضيعنا بإذن الله

        هند : عند حقك فعلا يا شروق

        الله المستعان

        طيب بقولكم علي قناة الرحمة بيتذاع دروس للثانوية العامة وفي دروس فيزياء
        تحفة خاالص

        المدرس بيشرح حلو خالص

        ممكن نسمعله لو في حاجة واقعة منا وبالتأكيد هنستفاد بإذن الله

        شروق : طيب انا مش عندي تليفزيون

        امممم

        طيب خلاص أروح عند عمتي جمبي

        بس لما يجي الدرس ابقي رني عليه يا هند قبلها بربع ساعة عقبال ما ألبس
        وأنزل

        هند : خلاص ماشي يا شروق بإذن الله

        وفعلا يجتهد الجميع ويراجعوا المراجعة قبل الآخيرة بتركيز شديد ويبدأون في

        الحل طيلة هذه الفترة ويضعون أنفسهم تحت كل المستويات من الأسئلة

        حتي لا يكرسوا جهدهم للأسئلة الصعبة وبعد ذلك يمكن أن يفقدوا قدرتهم

        علي الإجابة علي الأسئلة المتوسطة والسهلة

        وتقترب الإمتحانات

        ويربط الله علي قلب شروق

        هند : انا خايفة والله يا شروق الإمتحانات قربت فاضل يومين علي العربي

        مش قادرة مش أخاف

        شروق : طيب بقولك إيه تعالي راجعي معايا المراجعة الآخيرة بدل ما الخوف يتعبك

        هند : طيب خلاص ماشي انا جيالك بإذن الله

        وتأتي هند لشروق ويراجعوا المراجعة الآخيرة وتستعجب هند من برود أعصاب شروق

        ولكن شروق تطمأنها بأنها تترك الأمر لله فكل شئ إنتهي

        وفعلا تذهب شروق وهند وروان كل يوم مع بعض للإمتحانات

        وتحاول هند وشروق طمأنة روان حتي لا تقلق لأنها تشعر أنها تتحمل مسئولية

        أكبر بسبب مجموعها في الصف الثاني الثانوي

        ويجتاز الجميع الإمتحانت بفرح في البداية إلي أن أتت الفيزياء

        وفي الإمتحان الكل خائف فلا يعلمون ماذا يخبئون لهم

        ولكن شروق تسلم الأمر لله

        فهو يعلم الخير لها أكثر من أي حد تاني

        وفي الإمتحان عم السكون اللجان

        وفجأة بدأ عدد ليس بصغير يخرج من الإمتحان ويؤجله للسنة القادمة

        وبدأ القلق والربكة في الإمتحان

        لم تستوعب شروق ما يحدث فكانت تحل والأمر طبيعي

        ولكن في نهاية الوقت وفي السؤال الآخير

        تسأل شروق نفسها

        هل الإمتحان صعب ؟!!

        أم أن السؤال الآخير جعلني أظن ذلك

        وينتهي الإمتحان

        ويخرج الجميع

        وتتفاجأ شروق بما حدث وصُدمت عندما علمت أن كثير من زميلاتها ترك الإمتحان

        ورأت الكثييييييير يبكي

        فأيقنت أن الإمتحان كان صعبا ولكن الله يشاء أنها لم تشعر بذلك أثناء الإمتحان

        وتقابل شروق هند ونورهان وروان

        وتري شروق نورهان تبكي بحرقة فتستعجب لأن نورهان متميزة

        شروق : نورهان بتبكي متخافيش والله مدام الإمتحان علي الكل يبقي هيأثر
        علي الكل

        سيبي الأمر لله

        نورهان : يا شروق شوفي عملوا فينا إيه

        ده مش ممكن ده مش إمتحان نهااااااائي

        ده بيقيسوا مين العباقرة

        شروق : برده متخافيش كله خير بإذن الله

        وتعود شروق مع هند للعودة للبيت وأثناء خروجهم

        تُفاجأ شروق من منظر أولياء الأمور ومرت بينهم

        وشعرت بسكون رهييييييب ونظرات كلها حزن علي أبنائهم

        شعرت شروق أن أولياء الأمور فقدوا غالٍ عليهم

        فوجدت الدموع تنهمر بدون أن تشعر

        هند : شروق إنتي بتبكي

        شروق : من منظر أولياء الأمور والله

        انا حسيت بشعور رهيييييب وانا بعدي بينهم

        ياااااااه يا هند

        الله يسامحهم

        ربنا يسترها في الكيمياء

        وتعدي علي خير

        وبفضل الله تأتي الكيمياء سهلة

        ويأخذ الجميع الأجازة بكل فرح وسرور

        فقد جعلتهم الكياياء يتنفسون الصعداء

        وبينما هم عائدون لبيوتهم

        سألت هند شروق :


        شروق هي ليه أختك أفنان دخلت أدبي


        مع إن كان نفسها تدخل علمي

        شروق : بصراحة انا خفت عليها علشان حاسة إنها هتعمل مجازفة



        لأن المذاكرة بتاعتها متنفعش في علمي



        هي فعلا ذكية وأحسن مني بكتير



        لكن ملهاش قدرة إنها تقعد علي المذاكرة كتير



        فقلتلها إنها تدخل أدبي وتشد حيلها ولو جابت مجموع تحول علمي وتقسم تالتة



        لأنها عايزة كده كده تقسمها حتي لو في أدبي علشان التاريخ وهي مش بتحبه وحساه صعب



        بس



        بدل ما تدخل علمي وممكن المجموع يتبهدل من الأول



        هند : أيوة صحيح عندك حق يا شروق



        ربنا يكرمها وييسرلها الخير يارب






        وفي ظل تلك الظروف



        يعم خبر جميل بيت شروق وهو أن زوجة أبيها حامل بعد رحلة عناء من الكشف



        لعدم قدرتها علي الإنجاب



        ويسعد الجميع لأن طفلا صغيرا سيأتي البيت



        وتمضي الآيام سريعا وتقترب النتيجة

        فياتري ماذا كانت نتيجتهم

        وما هي المفأجأة التي كانت تحملها






        ده اللي هنعرفه الحلقة القادمة بإذن الله

        وآآآآه يا أبي بكر هل لي من لقياك نصيب
        رضي الله عنك وأرضاك


        تعليق


        • #94
          رد: يوميات فتــاة تائبــة

          السلام عليكم و رحمة الله و بركاته

          جزاكم الله خيراً ، و نفع بكم

          الله يكرمك و يوفقك إلى كل خير

          صراحة .. أنا استفدت كثيييييراً من هذه اليوميات

          سلمت يداكِ

          و إن شاء الله متابعين معكِ


          تعليق


          • #95
            رد: يوميات فتــاة تائبــة

            اللهم آمين وإياكِ

            جزانا الله وإياكِ كل خير وبارك الله فيكِ

            أسعدني مرورك أختي الفاضلة
            وآآآآه يا أبي بكر هل لي من لقياك نصيب
            رضي الله عنك وأرضاك


            تعليق


            • #96
              رد: يوميات فتــاة تائبــة

              الحلقة الخامسـة والأربعـون








              وأتي يوم النتيجة





              والكل يتخيل ياتري ماذا ستفعل الفيزياء في المجاميع




              وآخيرا ظهرت النتيجة




              وكانت المجاميع أعجوبة للجميع




              فمن الناس من كانت مجاميعهم عالية وإنخفضت




              ومنهم التي كانت منخفضة و إرتفعت




              ولكن شروق حافظت علي مجموعها في نفس المستوي




              وكانت المفاجأة أن حصلت هند وشروق علي نفس المجموع للصف الثالث

              الثانوي لوحده




              ففرحوا جدا




              وحصلت روان علي مجموع أعلي من مجموع الصف الثاني الثانوي




              ولكن ليس لمجموع الطب فدعت ربها أن تدخل صيدلة وأن يقل التنسيق




              والكل سعيد وفرحان




              وكذلك رودين وأريج ونورهان كانت مجاميعهم مرتفعة أيضا




              ولكن مازال هناك خوف من التنسيق لأن محافظتهم تأخذ أعلي المجاميع




              ولكن كانت شروق متوكله علي الله




              ومتأكده أن الله لن يضيعها وكانت هند وروان خائفين لأن مجموع السنتين




              لا يعلمون لأي الكليات سيؤلهم




              وفي الفترة بين النتيجة والتنسيق




              ذهبت هند مع شروق لتحفيظ القرآن




              وشُغلت هند وشروق بالحفظ




              وجعلهم ينسوا موضوع التنسيق إلا قليلا




              وكانت شروق وهند لا يكفون عن الدعاء بأن ييسر الله لهم الخير




              وآتي التنسيق




              وكانت المفاجأة




              وفي صباح ذلك اليوم تتصل هند بشروق




              هند : شروق ألف مبروك جالك طب المحافظة بتاعتنا




              فرحتلك أوووي بجد




              شروق : الله يبارك فيكِ




              وإنتي عملتي إيه




              هند : انا جالي طب بس محافظة تانية




              لأن محافظتنا آخده أعلي تنسيق 98%




              فمدخلتش




              شروق : الله المستعان طيب مينفعش تحولي





              هند : لما يجي التحويل بقي ربنا يسترها وكليتنا تقبل




              شروق : متخافيش بإن الله هتكوني معانا




              وهتحولي خليكِ واثقة في ربنا




              ربنا كريم أوووي والله




              هند : يارب يا شروق انا مش عارفة هقدر علي الغربة إزاي ..الله المستعان




              شروق : توكلي علي الله بصدق متخافيش خالص وكل حاجة خير بجد




              قوليلي صحيح روان عملت إيه




              هند : جاتلها صيدلة الحمد لله




              أصل التنسيق أقل أوي السنة دي بالنسبة للكليات عامة ماعدا جامعتنا ..الله
              المستعان




              شروق : اللهم بارك ياااااااااه ده انا فرحتلها أوووي




              دي كانت فاقدة الأمل في كليات القمة خالص لأنها كانت جايبة 96%




              لكن سبحان الله ربنا كرمها




              وإنتي يا هند إفرحي و إرضي بقضاء ربنا والله انا حاسة إنك هتيجي معانا




              بس هو إختبار بس




              وحاولت هند أن تنسي الأمر وتدعوا الله أن التحويل يأتي في صالحها




              وتبدأ هند تعمل إستعدادتها للسفر لأن نتيجة التحويل ستكون قبل بدء

              الدراسة بقليل




              فربما لن تحول




              وكانت هند لا تستطيع إخفاء حزنها




              وكانت شروق تدعو الله أن ييسر لهند الخير وييسر لها أمر التحويل




              وكانت شروق في تلك الفترة تطمئن هند وتحاول إخراجها من حالتها




              وجاء يوم الإعلان عن نتيجة التحويل




              وكانت النتيجة في صالح هند




              وأصبحت هند مع شروق في كلية واحدة في محافظتهم




              وفرحت شروق وهند جدااااا




              وأصبحت شروق وهند ورودين ونورهان وأريج في كلية واحدة




              وتعمل شروق حفلة جميلة وتدعو صديقاتها بهذه المناسبة الجميلة




              ويحتفل الأصدقاء مع بعض




              هند : شروق دي التورتة اللي حلمتي بيها




              وإنتي بتفرقيها علينا




              شروق : يااااااااااه إيه ده إنتي لسة فاكرة




              سبحان الله يا هند




              ربنا يكرمنا جميعا ويوفقنا




              الحمد لله والفضل له




              ويبدأ الجميع للإستعداد للدراسة




              ولكن تقرر رودين أن تحول من الكلية لأخري لأنها تري أن الكلية ليس بها

              إمكانيات كافية




              وكان اليوم الذي تركت فيه رودين الكلية لمحافظة آخري لا ينسي




              فلم يستطيع الجميع منع نفسهم من البكاء عليها




              وخاصة هند فقد كانوا أصدقاء من الإعدادي




              ومرت الآيام




              وبقي الأصدقاء الأربعة




              هند وشروق ونورهان وأريج




              يحاولون التماسك في ظل ظروف الكلية الجديدة عليهم وأن سكاشنهم مختلفة




              ولكن لم يصمد ذلك التماسك كثيرا




              فبدأت هند ترتبط بأصدقاء جدد معها في سكشنها وبدأت تبعد عن شروق

              شيئا فشيئا




              وتبدأ شروق تتعجب من معاملة هند




              ولكن تقول ربما لأنهم معها في السكشن وتربطهم أشياء كثيرة




              ولكن تفاجأ شروق ببعد هند عنها كثيرا




              فينقبض قلب شروق




              ولا تعلم ماذا تفعل هل تذهب لتصارح صديقتها بهذا البعد المفاجئ أم تصبر

              فربما لها عذرها




              ولكن تجد شروق أن لا فائدة من السكوت فهند كأنها لا تري إختلاف




              شروق : هند إنتي مش حاسة إن في حاجة غريبة




              هند : غريبة إزاي




              شروق : مش حاسة إنك بتبعدي وخلاص مش بقينا أصحاب وبتتجاهليني كتير




              هند : يووووه يا شروق رجعنا للموال بتاع السنة اللي فاتت




              يا شروق مش معني نبقي أصحاب يبقي نبقي مرتبطين ببعض أووي ومش أكلم حد غيرك




              شروق : هند إنتي أصلا بقيتي تكلميني إمتي




              غير فين وفين




              حتي مش بقينا نقعد جمب بعض في المحاضرات بقيتي تسبيني وتمشي




              ولما نطلع بفضل ماشية لوحدي وبتروحي تمشي مع ناس تانية




              قوليلي إحنا بقينا نتكلم مع بعض إمتي




              انا طبعا مش أمانع إنك تتعرفي علي ناس غيري وتصاحبيهم كمان لكن إن تبقي

              الصداقة بينا كده




              معرفش انا حاسة إنها مبقتش صداقة أصلا




              انا حاسة إنك نسيتيني خالص




              هند انا هسيبك براحتك




              بس أقسم بالله يا هند انا عمري ما حبيت حد أدك




              وعمري ما حسيت بالعذاب أد ما انا حساه معاكِ دلوقتي




              انا حاسة إني حاجة علي جنب وبتعامليني كأني جماد مش هيهمه أي حاجة




              الله المستعان




              انا مش هتقل عليكِ




              اللي يرضيكِ إعمليه




              بس مهما عملتي يا هند هفضل أحبك ومش هقدر أنساكِ




              وتترك شروق المكان وتعود للبيت




              وتظل تبكي




              وتناجي شروق ربها




              : يارب هو انا إتعلقت بهند تاني




              ولا أصلا مش إتخلصت من التعلق من الأول




              يااااااااارب رحماااااك بي




              يارب انا عمري ما حبيت حد كده




              وعمري ما حسيت بالعذاب اللي انا حساه دلوقتي انا حاسة قلبي بيتقطع




              هان عليكِ يا هند كل اللي كان بينا




              هانت عليكِ العشرة




              هانت عليكِ الآيام الجميلة




              كنا أكتر من الاخوات




              إن كان هان عليكِ فانا مش هيهون عليه أبدا




              مستحيل




              هتفضلي بصمة في حياتي يا هند




              علي الرغم من الآيام الصعبة اللي مرت بينا لكن أنتِ صديقتي وحبيبتي في الله




              لا أعلم كيف قسي قلبكِ لهذه الدرجة




              ياااااااااه يا هند




              مرة واحدة تركتيني هكذا



              وشغلت شروق أنشودة يا أخي

              http://www.youtube.com/watch?v=u-Yrt...layer_embedded

              وظلت تبكي وهي تسمعها



              يا تري كيف سيكون حال شروق بعد ذلك ؟؟






              ده اللي هنعرفه الحلقة القادمة بإذن الله






              وآآآآه يا أبي بكر هل لي من لقياك نصيب
              رضي الله عنك وأرضاك


              تعليق


              • #97
                رد: يوميات فتــاة تائبــة

                الحلقة السادسـة والأربعـون




                لم تعرف شروق أين تذهب سوي لخالقها تبث إليه شكواها

                وتخفف ما بها من ألم

                وقررت أن تذهب لتسمع درس ليذهب عنها حالتها وتعود لعبادتها بنشاط

                وجلست شروق أمام الكمبيوتر لتستمع

                فوجدت شريط جميييل

                إسمه إنه الله للشيخ حازم شومان

                فإذا به يقول



                لسه ياجماعة بنحاول نوصل لربنا سبحانه وتعالى ,

                لسه بنحاول نشوف جلال الله سبحانه وتعالى بقلوبنا,

                لسه بنحاول ان احنا نطلع لغاية ما نوصل لمقام كانك تراة,

                احنا ليه بنتكلم عن ربنا ليه بنتكلم عن الله عرفين الصاروخ الصاروخ بيبقوا مركبين له جهاز جهاز دفع يخليه يدفعة,

                يدفعة لفوق يبفضل يدفعة, يدفعة لغاية ما يوصله لمرحلة بفصل عنه ,

                والصاروخ ينطلق لوحدة ,

                اهو احنا عوزين كل واحد من اللى قدمنا دلوقتى يبقى صاروخ الكلام عن الله

                يبقى عامل زى الالة اللى بتدفعك هيجى لحظة عليك هتلاقى نفسك لوحدك

                لو انت معندكش معرفة كاملة بالله هتنطلق ازاى ,

                احنا عوزين الدرس ده يخرج الف صاروخ وصاروخ عابر للسموات ينطلق الى الله بلا عائق ,

                عوزين الدرس ده يخرج الف صاروخ عابر للقارات ,


                ينطلق الى امريكا ولليهود وينسفهم وينسف كل عدو من اعداء الله على وجة الارض ,


                عوزين نبقى يا جماعة نبقى صواريخ منطلقة الى الله سبحانه وتعالى,

                يعنى لو انت عرفت ربنا ربنا هيبقى معاك,


                عرفين لما يبقى ضباط المخابرات ولا حاجة يبعتوه امريكا يعمل مهمة بيقولوا له خد بالك انت معاك ناس تبعنا مرقبك كويس جدا ,


                ومطمنين عليك ,و لو حصل ليك اى خطر او اى حاجة هيدخلوا فورا وهيحموك اوعى تقلق,


                اهو ربنا قالها لموسى " لا تَخَافَا إِنَّنِي مَعَكُمَا أَسْمَعُ وَأَرَى " طه :46



                لو حصل ليكم اى حاجة هيحصل تدخل فورى من اجل انقاذكم ,

                لو انت معاك ربنا سبحانه وتعالى

                ,ياجماعة هو قفل بابة فى وش حد مننا قبل كده ,

                يعنى تخيل كده شركة لها رقم تليفون يقول ليك ده عشرين خط لو اتصل بيها عشرين واحد هيلاقوا الخط مفتوح, لو انت اتصلت رقم 21 هتلاقى الخط مشغول , يبقى هتستنى معلش لغاية ما الخط يفضى وتتصل,


                طيب تخيل عدد الخطوط المفتوحة من الارض الى السماء كم خط بعدد المخلوقات كلها , طيب تخيل لو عدد الخطوط محدودة هتلاقى الخط مشغول هيقول ليك لا استنى سبحان ربى مش باقى ليك غيره,

                انت ليك واحد قريب تقع فى زنقة عاوز بيه وانت بتتكلم مرعوب لحسن يكون قافل التليفون, خايف لحسن يكون سافر , خايف تتصل ده مات سبحان ربى, فلن يبقى لك الا الله سبحانه وتعالى ,



                علشان كده ياجماعة مهما اى حد مننا حصل له مشكلة او ازمة او الدنيا ضاقت فى وشة لا يمكن هيصل للازمة اللى وصل ليها سيدنا يونس,



                تخيل ان مخلوق فتحت بقة 4 متر هاجم عليك وببيبلعك تخيل ووزن الحوت 150 طن تقريبا العشوة بتاعته بس بيتعشى كل باربعة طن سمك تخيلوا المخلوق ده بيرضع ابنه بى 300 كيلوا لبن فى الرضعة الوحدة


                ولو بيرضع 3 رضعات بطن لبن فى اليوم تخيلوا ان وزن لسانه بس 8 طن فتخيل انك فى بطن المخلوق ده وفى بطن البحر وفى ظلمة الليل وتلاقى سيدنا يونس يقول لا اله الا انت

                مهو طبعا هو في هنا غير ربنا سبحانه وتعالى مفيش جوة لا جهاز يبعت فكس ولا محمول


                لو فقدت اتصالك بالبشر , لا يمكن ان تفقد اتصالك بالله سبحانه وتعالى هتيجى عليك مواقف مينفعش تتصل فيها بالبشر ,



                لو وقعت فى صحراء مش هينجيك غيرة لو دخلت ارض نزلت صخرة عليك مش هينجيك غيرة لو وقعت فى نار زى النار اللى وقع فيها سيدنا ابراهيم مش هينجيك غيره , لو وقعت فى سجن زى اللى وقع فيه يوسف مش هينجييك غيرةه , لو وقعت فى بطن الحوت زى اللى وقع فيه سيدنا يونس مش هينجيك غيره, لو حصل ليك اى ازمة مين هينجيك غيرة علشان كده ربنا بيقول بعد انقاذ سيدنا يونس "وَكَذَلِكَ نُنجِي الْمُؤْمِنِينَ " الانبياء :88 ,



                يعنى ديه رسالة ليك لو انت قدمت حسن الظن بالله وعبادة الله ,

                علشان كده ربنا ذكر فى القران اصعب الابتلاءات ,


                علشان مهما حصل ليك بعد كده متقلقش فى اكتر من واحد اترمى فى النار ,

                فى اكتر من واحد حوت بلعة مفيش

                يبقى مفيش حد مننا يقلق محدش يقلق وهو مع الله ,


                ان الله سبحانه وتعالى ياجماعة انه الله ياجماعة بكلمة كن خلق النملة بكلمة كن

                والبني آدم بكلمة كن والمجراة العظيمة اتخلقت بكلمة كن
                ,


                مش النملة بكلمة كن والبنادم بى 5 كن , والمجرة ديه كبيرة شويه لا دى عوزة 500 كن ,


                هى كلمة لا يقف امام قدرة الله فيها شىء سبحانه وتعالى , هى كلمة مفتاح

                كل شىء السعادة والشفاء مفتاح الرزق و مفتاح تفريج الكربات مفتاح حل مشاكل,


                اللى قعدين فى المسجد فوق وتحت كلمة كن سبحان ربى العظيم

                انه الله كل شىء يحتاج اليه فى كل شىء ,

                انه الله سبحانه وتعالى يصب على الكون كله من الخزائن صب كل يوم ولا

                ينقص ما فى الخزائن جل جلاله الله العظيم سبحانه وتعالى.





                علشان كده عوزين نعرف ربنا ليه ؟

                لو عرفت ربنا مكر اهل الباطل اللى بيخوفنا ويرعبنا هنضحك منه هيبقى منظر كارتكاتيرى شوف ربنا بيقول ايه

                " وَيُسَبِّحُ الرَّعْدُ بِحَمْدِهِ وَالْمَلائِكَةُ مِنْ خِيفَتِهِ" الرعد :1


                السموات والارض اللى مليانه ملائكة بتسبح بحمد ربنا

                " وَيُرْسِلُ الصَّوَاعِقَ فَيُصِيبُ بِهَا مَن يَشَاء " الرعد :13


                الصواعق ديه جنود من جنود ربنا بتتامر تروح فين شوف بقى

                "وَهُمْ يُجَادِلُونَ فِي اللَّهِ "


                اه يا شوية مجانين بقى ,


                الكون فى الحالة ديه وانتم قاعدين تجادلوا ,


                افتكر كده لو احد زى مركس انجل وسالتر اكفر الخلق بالله اللى كتبوا كتابات كفر بالله ,


                واحد منهم سهر فى ليله كده يكتب مقالة كفر بالله ,


                وهو سهران كده فى ليلة شتاء الراعد مبطلش فيها لحظة تسبيح لله ,


                و المطر اللى نازل بينهمر بتسبح الله ,



                والف مليار خلية فى جسمة مفيش ذرة فيها مبطلتش طول الليل تسبيح لله,


                والملائكة بطول والسمات وعرضها مبطلوش لحظة تسبيح لله


                وهو قاعد يكتب كفر بالله ,


                سبحانه وتعالى سبحانك ما اعظمك ما احلمك سبحانه وتعالى ,


                فى حين

                اللى ميعرفش ربنا الحياة فى غير معرفة الله عذاب وشقاء , الحياة فى غير معرفة الله عذاب ,



                والله ياجماعة تخيلوا واحد ماشى مرعوب من كل حاجة خايف على كبدة


                ليجى له فيروس سى ,



                وخايف من تلوث الهواء ليجى له سرطان ,


                وخايف على كليته من الماء لحسن يجى له فشل كلوى ,



                وخايف على جلدة لان بيقول ليك ان ثقب الاوزان هيجيب 70% سرطان جلد ,

                وخايف ليجى له سرطان فى اى حته من جسمة وخايف على قلبة ليجى له القلب ولا السكر اللى بتيجى لمعظم الناس ,


                مرعوب من الحياه ديه هى ديه الحياة دى شقاء,


                الحياة بدون معرفة الله فى قلبه كل واحد مننا عطش لا يرويه جاة ولا يرويه مركز ولا يرويه التفاف الناس حولة ولا يرويه اى حاجة غير معرفة الله سبحانه وتعالى ,


                علشان كده الرسول قال ذاق طعم الايمان معرفة الله ليها طعم الايمان بالله

                ليها طعم وانت بتسمع عن الله ليها طعم واحنا عوزين نذوق الطعم ده

                الله عظيم اتكلمنا عنه متكلمناش عنه الله عظيم سبحانه وتعالى


                انما احنا عوزين نعبد ربنا باسماءة وصفاته


                طيب نعبدة ازاى ازاى نعبد ربنا باسمائة وصفاته

                يعنى اسم زى اسم الله الاول نعبدة بيه , ازاى انه يبقى الاول فى حياتك انه يبقى له الاولويه فى حياتك عن كل شىء


                علشان كده اى اسم من اسماء الله ممكن يغير فيك حاجات يغير فيك صفات يغير فيك سلوكيات ,


                لكن لفظ الجلالة الله يقلب حياتك كلها,


                ده الكون ده كلة لا يستفتح الا باسم الله لفظ الجلالة ده كلمة الله كلمة السر

                , عارف كلمة السر اللى الكون كلة بيتجاوب معاها ,

                عاوزين كلمة الله مش مجرد كلمة تبقى النور اللى بينور ليك كل ظلمة فى حياتك ,

                عوزين كلمة الله مش مجرد كلمة تبقى باب فرج يفتح ليك فى كل ازمة
                فى حياتك,


                وتتنفس شروق الصعداء


                ياااااااااااه يارب


                انا مازلت جاهلة بيك


                علمني يااااااارب


                انا بحبك أوووي




                وآآآآه يا أبي بكر هل لي من لقياك نصيب
                رضي الله عنك وأرضاك


                تعليق


                • #98
                  رد: يوميات فتــاة تائبــة

                  جزاكى الله خيراً
                  حسبي الله و نعم الوكيل فيمن ظلمني و كسر بخاطري وقلبي
                  يَ رب انتقم لي اللهم انني رفعت أكف الضراعه اليك أدعوك بلسانٍ مظلوم
                  وكلي يقين في استجابتك فاللهم انتصرلي ولو بعد حين


                  [SWF]http://www.muslmah.net/upload/swfiles/csi47969.swf[/SWF]

                  تعليق


                  • #99
                    رد: يوميات فتــاة تائبــة

                    جزانا الله وإياكِ كل خير

                    وبارك الله فيكِ
                    وآآآآه يا أبي بكر هل لي من لقياك نصيب
                    رضي الله عنك وأرضاك


                    تعليق


                    • رد: يوميات فتــاة تائبــة

                      الحلقة السابعـة والأربعـون





                      قررت شروق أن تستعيد قواها مرة ثانية



                      وتستعين بالله


                      وتنسي ألآمها فهذا قدر الله في النهاية

                      ويجب ألا تشغل نفسها بهذه الدرجة

                      ولكن شروق هناك شئ لم تستطع أن تركز فيه كثيرا وهو مذاكراتها


                      فمع أن السنة جديدة وشعرت أنها تائهة وسط هذه الأشياء الجديدة التي

                      تتعلمها


                      وكانت تحاول علي قدر إستطاعتها


                      وبينما شروق في الكلية إذ تعرفت علي أخت لها معها في نفس الدفعة إسمها أبرار

                      عرضت عليها أن تأتي معها للتحفيظ في أثناء الدراسة وأن ذلك لن يأخذ من الوقت كثيرا

                      وشجعتها بأن يسمعوا لبعض


                      وفعلا إنشغلت شروق بالحفظ كثيرا


                      وكانت سعيدة بهذه الأخت كثيراااا


                      وكان يأتي الليل وتجلس هي وأخيها طارق لتقرأ في قصص التائبين


                      وبدأت شروق تحاول أن تعوض مذاكراتها


                      وتنسي ما مضي


                      فأصبحت علاقتها بهند محدودة


                      وحفظت شروق في هذه السنة الكثير من القرآن


                      وإمتلئ قلبها بمشاعر جميلة


                      وشعرت أن حياتها في القرآن


                      وعادت أفضل من الأول بكثير بفضل الله


                      فحمدت الله علي ما مر بها ولولا ذلك


                      ما تغيرت للأفضل


                      فعلمت شروق أن كل ما يحدث ما هو إلا محض خير من الله


                      مدام نتوب الي الله


                      ومتصلين بالله


                      وتحدث أبرار شروق


                      أبرار : انا بحبك في الله يا شروق


                      بجد انا سعيدة أوووي إني إتعرفت عليكِ


                      انا إتعلمت منك حاجات كتير


                      كان نفسي من زمان أتعرف علي حد زي كده


                      ونفسي ألبس النقاب زيك


                      شروق : ربنا يبارك فيكِ يا أبرار يارب


                      ما أنا سوي إلا إنسانة عادية


                      وده ستر ربنا وفضل الله اللي إنتي شيفاه


                      أبرار
                      : ربنا يبارك فيكِ


                      وأتمني من ربنا نبقي أصحاب علطول


                      شروق : أكيد أبرار انا سعيدة جدااا إني عرفتك


                      من يوم ما عرفتك وفي حاجات كتير إتغيرت عندي


                      وإتعلمت كتير أوووي في الحياة


                      بجد يا أبرار إنتي جميلة أوووي


                      أبرار
                      : ربنا يبارك فيكِ كل ده ليه


                      ربنا يديم بينا يارب


                      بقولك يا شروق هي أختك منتقبة زيك وفي علمي ولا أدبي


                      شروق : آه منتقبة بفضل الله


                      وهي في أدبي


                      لأنها مش بتحب المذاكرة أوي


                      أبرار : ربنا يبارك فيكم كلكم يارب


                      وتمر الآيام وتتعب والدة شروق سارة في هذه السنة


                      ولكن لا تعلم ما سر هذه الألآم التي تشعر بها


                      فكل طبيب وطبيبة يشخصون المرض مختلف عن الآخر


                      ويتألم الجميع لألآم والدة شروق


                      ويدعو الجميع لها


                      ويبدأ الألم يسكن لوحده بدون علاج


                      وتنتهي السنة الدراسية الأولي لشروق في كلية الطب


                      وتأتي الإمتحانات


                      وتشعر شروق بالمشقة لأنها مواد جديدة عليها


                      فدعت ربها أن يهيئ لها الخير


                      وشعرت بالمجاهدة الرهيبة وسط هذه المواد


                      وخاصة أنها أهملتها في الفترة التي بعدت عنها هند


                      ولكن تمر الإمتحانات ويربط الله علي قلب شروق في هذه الفترة


                      وتمضي الإمتحانات


                      وتحصل شروق علي تقدير جيد مرتفع


                      وتحزن شروق لنزول مستواها ولكن تعزم أن تبدأ بجد ونشاط في العام القادم
                      بإذن الله


                      وتمر هذه السنة بكل ألآمها


                      ولكن ما أسعد شروق أن هذه السنة مرت بحفظها مقدار كبير من القرآن الكريم


                      وتدخل أختها أفنان كلية من الكليات الأدبية


                      وتبدأ معاملات العيلة تزداد سوءا مع أفنان


                      وحالة أفنان في إنكسار


                      ولكن تحاول سارة جاهدة أن تعوضها عن هذه المعاملة


                      سارة : متزعليش يا أفنان يا حبيبتي


                      كل إنسان في الحياة ربنا خلقه لعمل معين ومكانة معينة


                      مينفعش كل الناس تكون دكاترة ولا مهندسين ولا مدرسين


                      الدنيا هتقف علي كده


                      وكل واحد مكانته أفضل شئ له


                      وربنا هيكرمك كتير أوووي بإذن الله


                      خليكِ واثقة في ربنا يا أفنان


                      أفنان : ربنا يبارك فيكِ يا أمي


                      انا مش عارفة من غيرك كنت هعمل إيه


                      إنتي بجد أحلي حاجة في حياتنا


                      ربنا يحفظك لينا يارب


                      شروق : أيوة كده يا أفنان خليكِ قوية


                      ومش تتهزي وشدي حيلك في كليتك الله أعلم يمكن تكوني دكتورة فيها


                      أفنان : بإذن الله يا شروق ربنا يكرمك إنتي كمان ويوفقك في كليتك الصعبة
                      دي


                      وفي خلال هذه الآجازة


                      تقابل هند شروق في التحفيظ


                      وحدثتها بشئ


                      ياتري ماذا قالت لها





                      ده اللي هنعرفه الحلقة القادمة بإذن الله

                      وآآآآه يا أبي بكر هل لي من لقياك نصيب
                      رضي الله عنك وأرضاك


                      تعليق


                      • رد: يوميات فتــاة تائبــة

                        الحلقة الثامنـة والأربعـون




                        هند: إزيك يا شروق وحشتيني


                        شروق : وإنتي كمان والله يا هند


                        عاملة إيه في الأجازة وأخبارك إيه



                        هند : الحمد لله بخير بس مدايقة أوووي لأني مش مستغلاها كويس


                        وحاسة إنها بتضييع مني



                        شروق : ليه بس طيب والحفظ



                        هند : برده مش حاسة إنه كفاية إنتي مش كنتي بتروحي المستشفي في الدراسة

                        لسة بتروحي دلوقتي ؟؟




                        شروق : آه الحمد لله بروح



                        شكلك عايزة تيجي معايا


                        هند : آه بصراحة نفسي أعمل حاجات كتير



                        شروق : خلاص ماشي انا بروح يومين في الأسبوع هتيجي معايا فيهم

                        وهنتظرك بإذن الله




                        هند : ربنا يكرمك ياشروق يارب ويبارك فيكِ



                        شروق : ويبارك فيكِ يا هند يارب



                        وأفترقت هند وشروق علي موعد أن يتقابلا في المستشفي لزيارة المرضي



                        وفعلا ذهبت شروق وهند المستشفي



                        وكان يوم جميييل جدااا



                        فقد شعرت شروق وهند براحة كبيرة جداا بعد خروجهما فقد شعرا بجمال هذا العمل



                        وحمدوا الله علي النعم اللي ربنا وهبهالهم وفي غيرهم فاقد للنعم دي



                        وعادت العلاقة جميلة جداااا بين هند وشروق فقد كانت هند وشروق كل

                        منهما تشجع الآخري لكل عمل صالح وكانت أبرار معهم وأصبحوا صحبة جميلة جدااا




                        وتعانوا في حفظ القرآن وتعلم التجويد


                        ولكن في تلك الأجازة حدث ما يحزن شروق



                        فقد عاد المرض لوالدتها سارة وبشدة في تلك الفترة



                        وكان الكل يتألم ولا يعلم ما سبب هذا الألم الذي حل بها



                        فكل طبيب يشخصه تشخيص مختلف عن الآخر



                        أمسك المرض بوالدة شروق وأصبحت تتألم تألم شديد



                        فكان الالم يأتي لها علي فترات



                        واستمر الكل يدعو لها ويتمني لو تعود سارة كما كانت تملئ البيت بهجة وفرحة



                        وعرفت سارة أنه إبتلاء من الله ليختبر صدقها


                        ومرت الآيام والألم يزداد ولكن لا يملك الجميع سوي الدعاء لها فقد حاولوا


                        بكل الأسباب ولكن أُغلقت كل الأسباب وبقي مُسبب الأسباب




                        وفي تلك الأجازة أيضا بدأ طارق يتغير بدأت تظهر عليه علامات تغير تقلق شروق



                        فقد بدأ لا يهتم بالقرآن وشيئا فشيئا بدأ يهمل في الصلاة ويسمع الأغاني



                        دُهشت شروق ووالدتها جدااا من تغير طارق المفاجئ



                        وذهبا ليحدثا طارق



                        والدة شروق : طارق إنت إيه التغيرات اللي ظهرت عليك مرة واحدة دي



                        طارق : تغيرات إيه يا ماما



                        والدة شروق : يا طارق ده انا أمك يعني أكتر واحدة أعرفك



                        ليه يا طارق التهاون اللي انا حاسة بيه ده



                        انا حاسة وجهك بدأ يتغير



                        حاسة النور اللي في وشك مش موجود


                        طارق ليه عايز ترجع تاني لورا


                        ليه يا بني إنت شايف الحياة حلوة في البعد عن الله


                        إنت شكلك رجعت لأصحابك المش كويسين

                        ليه يا بني

                        بدل يا بني ما تخفف عني في ألمي بتزود ألمي



                        إنت عارف يا طارق أد إيه إنت غالي عندي وأتمني أشوفك أحسن حاجة في الدنيا


                        يا بني الشباب الطايش ده مش حاسس بالمسئولية وبيعيش علي هواه



                        وهو بيضيع نفسه في الأساس


                        لازم تفوق يا طارق



                        إيه يا طارق سبت القرآن بسهولة كده



                        بجد إنت مرتاح في حياتك دي


                        طارق :_يحدث طارق نفسه عندك حق يا امي _



                        ولكن لا يستطيع أن يعترف بالحقيقة لكبرتأثير أصدقاء السوء عليه



                        يا ماما ما انا كويس اهو إنتي خايفة علي زيادة عن اللزوم



                        متخافيش عليه يا ماما انا بقيت راجل خلاص ودخلت ثانوي



                        والدة شروق : انا هصدقك يا بني بس ياريت فعلا تكون راجل وعلي أد تحمل المسئولية




                        عايزة أشوفك راجل بجد وتفرح أبوك وأمك بيك



                        عايزاك تكون خايف علي آخرتك ومستقبلك يابني



                        لأن هو ده الراجل بجد يا طارق



                        إنت شايف إخواتك يا بني مشرفينا إنت بقي عايز تكون أقل منهم



                        مينفعش يا طارق



                        لما تكبر هتحس بالفرق يا بني وهتندم أشد الندم وساعتها مش هينفع الندم


                        طارق : يتألم من هذا الكلام


                        حاضر يا ماما متخافيش انتي بس واطمني



                        والدة شروق : خلاص ماشي يابني ربنا يهديك يارب ويبعد عنك أصدقاء السوء



                        ويحبب ليك الإيمان ويملي بيه قلبك يارب



                        شروق : انا مش هكتر علي كلام ماما يا طارق



                        بس بجد إنت غالي عندنا كلنا ومش نحب نشوفك في حالة مش كويسة أبدا



                        ولازم تعرف إن مفيش حد هيخاف ولا يحبك أدنا


                        طارق : علي فكرة إنتوا مكبرين الموضوع ممكن مش تخافوا عليه



                        والدة شروق : خلاص يا بني انا خلاص هعمل إنك راجل ومش في يوم هسمع

                        حاجة تدايقني لأن الراجل بيبقي عارف مصلحته صح




                        طارق : أيوة كده إطمني يا ماما ومتخافيش بإذن الله



                        _لم يطمئن قلب والد شروق لتصرفات وكلام طارق فقد شعر أنه يهديهم فقط



                        ولكن آثر الصبر ليشعره أنه واثق به _



                        ولم يكن لديهم في تلك المرحلة سوي الدعاء له بأن يثبت الله قلبه



                        وإنتقضت الأجازة



                        وعادت شروق للكلية وكانت بداية الدراسة جميلة جدااا


                        وشروق وهند وأبرار يشجعون بعض في كل عمل خير



                        وقررت شروق أن تذاكر بهمة ونشاط هذه السنة فقد تعلمت الكثير والأمر

                        أصبح ليس صعبا



                        وأجتهدت شروق كثيرا



                        وأحبت شروق هذه السنة



                        من بدايتها المشرقة



                        وكان لا يحزنها سوي شيئين



                        خوفها علي أخيها طارق


                        وحزنها علي والدتها المريضة



                        ولم يكن لديها سوي الدعاء



                        وتمر الآيام



                        ويحدث شيئا لم يكن في الحسبان



                        ولكن هذا الشئ يكون نقطة تحول في حياة شروق



                        ياتري ماهذا الشئ









                        ده اللي هنعرفه الحلقة القادمة بإذن الله

                        وآآآآه يا أبي بكر هل لي من لقياك نصيب
                        رضي الله عنك وأرضاك


                        تعليق


                        • رد: يوميات فتــاة تائبــة

                          جزاكم الله خيرًا
                          بارك الله فيكم
                          ونفع بكم
                          ضل الطريق من ترك الطريق . عودة من جديد

                          يامن خذلتنا وخذلت إخوانك .. في وقت احتاجوا فيه نصرتك وعونك لهم .. ولكنك تركتهم ولم تلتفت لهم .!
                          ابشر بالخذلان .

                          حزب العار

                          تعليق


                          • رد: يوميات فتــاة تائبــة

                            اللهم آمين وإياكم

                            جزانا الله وإياكم كل خير

                            وفيكم بارك الله
                            وآآآآه يا أبي بكر هل لي من لقياك نصيب
                            رضي الله عنك وأرضاك


                            تعليق


                            • رد: يوميات فتــاة تائبــة

                              الحلقة التاسعـة والأربعـون



                              تفاجأت شروق بعودة هند لمعاملتها السابقة بعد عودتهم للدراسة بإسبوعين فلم

                              تتوقع منها هذه المرة أن تعود مرة آخري بعد أن أصبح الإرتباط بينهما يجمله

                              القرآن وأعمال كثيرة في الخير


                              ولكن في هذه المرة عاملت هند شروق معاملة مختلفة


                              شروق : يا هند إنتي ليه مش بتلحقي كده انا عملتلك حاجة زعلتك


                              هند : مش عملتي حاجة يا شروق يا شروق انا حسيت خلاص إن عمرنا

                              مهنتفاهم مع بعض ولا إننا نكون أصحاب


                              إحنا نكون أخوات في الله مع بعض وكفاية كده


                              شروق : بعد ده كله بتقولي كده


                              هند : معلش سامحيني يا شروق انا آسفة


                              انا والله عارفة إنك أكتر واحدة إستحملتيني ووالله مش هلاقي زيك


                              وعمري ما قابلت حد زيك


                              وعارفة إني أصلا مش أستاهلك



                              بس بجد إحنا الإتنين مش ننفع نكون أصحاب


                              شروق : هند انا آسفة انا بجد شكلي زعلتك طيب لما هو ده كله ليه طيب ما تفهميني



                              وقبلت شروق رأس هند _هند متزعليش مني لو كنت زعلتك بجد انا آسفة أووووي



                              هند : متعمليش كده يا شروق



                              بس بصراحة إحنا في حاجات كتير مش فاهمين بعض فيها



                              شروق : طيب خلاص قرار نهائي مش هنبقي أصحاب



                              هند : أيوة بجد قرار نهائي وممكن تسبيني فترة صغيرة كده كل واحد يبعد عن

                              التاني ونشوف ننفع نكون أصحاب أو لأ



                              شروق : خلاص ماشي يا هند شكرا ليكِ خالص



                              سلام بقي انا همشي



                              وفي ذلك الوقت تعود شروق للبيت


                              وهي عائدة تحدث نفسها



                              لاااااااااازم تفوقي كفاااااااااية بقي يا شروق كفاااااااية




                              لحد إمتي يا شروق



                              أرجوكِ حرام عليكِ نفسك اللي بتعذبيها دي



                              وأهلك اللي منتظرين منك تفريحهم



                              فوووووقي بقي



                              ياااااااااااااه يا شروق تعبتي نفسك أووووووووي



                              إنتي فعلا معرفتيش تحبي في الله



                              أيوة ياشروق فعلا معرفتيش



                              لأن لو فعلا حبيتي في الله كان عمركما زعلتي من هند


                              وظلت تبكي شروق علي حالها



                              وركبت شروق العربية وتُفاجأ بأن السائق يشغل خطبة جميلة



                              فقد سمعت شروق الشيخ يقول





                              انا عايز اكلمكو الليلة عن موضوع خطير جدا يا جماعة ,

                              أخطر موضوع فى الدين كله بالله عليك _ بالله عليكى عيشوا بقلوبكو معايا الخمس دقائق



                              دول بس لأن الموضوع ده لو دخل فى قلوبنا حياتنا كلها هتتقلب اخطر حاجة ممكن تقلب حياتنا كلها يا جماعة ,

                              انا بكلم مين الليلة , انا بكلم كل واحد قال انه بيحب اى حاجة بكلم اللى من حب بنت سهر


                              الليالى بكلم اللى سهرت الليالى من الحب

                              واول ما اتقدملها واحد تانى قعدت اسبوعين

                              زعلانة وبتفكر وفى الاخر وافقت عليه

                              بكلم اللى قال ما اقدرش اعيش من غيرها والحياة من غيرها مالهاش طعم ولما

                              ما طلعتش من نصيبه واتجوزت واحد غيره قعد شهر واحد بس زعلان وبعد

                              كده حياته مشيت عادى

                              بكلم اللى حب واحدة واللى حبت واحد واللى

                              حب الفلوس واللى حب العربيات والعمارات واللى حب

                              الشهادات واللى حب اصحابه بكلم اللى قال انه حب اى حاجة فى الدنيا ..


                              يا جماعة انتو ما تقدوش الحب ولا عرفتوه انا بدعوكو كلكو الليلة لأعظم قصة

                              حب فى الوجود كله بدعوكو لأعظم حب فى الكون كله حب الله سبحانه وتعالى


                              ( جاتلى بنت بتقولى انا كنت جاية لك اسالك فى مشكلة كبيرة عندى من يومين فجيت صليت ركعتين لله قبل ما اجى لك عشان ربنا يحل لى المشكلة جيتلك ما عرفتش اقابلك فقالت ان ربنا بيقول ..


                              انى ما اتوجهش لحد غيره رجعت صليت ركعتين تانى لربنا قبل ما اسلم من الركعتين كان ربنا حل لي المشكلة بتاعتى بقيت بصلى وانا بقول له انا بحبك اوى يا رب
                              انا بحبك اوى يا رب )



                              يا جماعة البنت دى ليه فى اول ركعتين الدعاء

                              بتاعها ما استوجبش لأنها كانت بتصلى بين ايدين

                              ربنا بس قلبها مع غيره لما رجعت المرة التانية بتصليله وقلبها

                              معاه لوحده

                              ربنا قبل ما تخلص صلاة حل لها المشكلة

                              بتاعتها انا بحبك اوى يا رب
                              :



                              ( ياه احنا سمعنا دروس كتير اوى فى رمضان من اوله عن

                              النار والموت والقيامة ليه ؟ لأن الناس عاوزانا نتغير

                              انما اكتر حاجة فعلا ممكن تغيرنا حب

                              الله سبحانه وتعالى يا اللى حبيت اى

                              حاجة فى الوجود يا اللى حبيتو اى حاجة فى الدنيا

                              عملتو ايه عشان اللى حبيتوهم انا عايز اقولك اللى


                              حب ربنا عمل ايه عشان ربنا عمل ايه عشانه انت

                              هتكلمنى عن حب الانبياء وحب



                              لالالا انا هقولك عن حب الحجر لله حب الشجر لله حب السما والارض لله هكلمك ان الكافر بيكفر بالله وجسمه هايم فى حب ربنا سبحانه وتعالى

                              اسمع معايا بس بقلبك لما سيدنا موسى بيكلم ربنا ...

                              (( فلما جاء موسى لميقاتنا وكلمه ربه فلما ربنا كلمه سيدنا موسى حس بحب الله اوى فقاله ايه ربى ارنى انظر اليك "



                              "يا رب عاوز اشوفك

                              يا رب تخيل انت بتحب حد مش بتبقى هتموت عشان تبص فى وشه وتملى

                              عينك من جماله" يا رب نفسى

                              اشوفك يا رب قال لن ترانى ولكن

                              انظر الى الجبل انا

                              هتجلى للجبل ربنا دلوقتى هيتجلى للجبل يا جماعة جمال الله وجلال الله

                              وكمال الله

                              هيتجلى للجبل شوفوا الجبل حصل

                              له ايه لما تجلى له ربنا سبحانه وتعالى

                              فلما تجلى ربه للجبل جعله دكاء الجبل

                              اتفرفت من جمال الله ومن جلال الله

                              ومن حب الله واحنا قلوبنا حجر فى حب الله الجبل اتفتت من حبه واحنا قلوبنا

                              حجر تجاه الله سبحانه وتعالى شوف الجبل حصل له ايه, الجذع اللى حن

                              لرسول الله صلي الله عليه وسلم

                              هو الجذع حن ليه يا جماعة من احب

                              رسول الله فبحب الله احب رسول

                              الله دا من حب الله الشجر بيحب ربنا عارفين ربنا تعبدنا

                              بعبادة جميلة اوى لو فكرنا فيها هنحس انها عبادة خطيرة اوى

                              وهنشتاق ليها اوى لو انت جبت قطة لسة والدة ابنها الصغير اللى بتحبه

                              بالفطرة وحبسته فى بيت القطة هتعمل ايه ؟ هتفضل تطوف حوالين البيت تدور

                              على اى حتة تدخل منها بتحبه هدخلك منين

                              بتطوف حوالين البيت عشان تدخل لابنها عبادة
                              الطواف


                              يا جماعة بنطوف حوالين الكعبة كإننا بنقول لربنا بنحبك

                              يا رب ندخلك منين يا رب نوصلك منين يا رب

                              عارفين ملائكة السماء السبعة عبادتها الطواف

                              من حول العرش عبادة اهل الحب الرهيب عبادة

                              الطواف انا عايز قلبك يرتجف وشعر راسك يقف لما تعرف ان

                              الكون كله بيطوف...


                              لما تعرف ان العلماء اكتشفو ان الذرة للمجرة بتطوف كل ذرة الالكترونات

                              بتطوف فى نفس اتجاهك وانت بتطوف حوالين الكعبة الشمس بتطوف والقمر

                              بيطوف و 400 مليار مجرة بيطوفوا يعنى الكون كله بيحب الله يعنى الذرات

                              اللى فى ايد الكافر بتطوف من حب الله وهو بيكفر بالله يعنى الشمس بتحب

                              الله والقمر بيحب الله


                              الحجر حبه وانت ما حبتوش الكون كله

                              حبه وانت ما حبتوش الجبل اتهد من

                              جماله وجلاله وانت قلبك ليه حجر تجاهه

                              الكون كله بيطوف حواليه وبيطوف من

                              حبه بل كل ذرة فى جسمك بتطوف من حبه

                              الا قلبك قلبك بيطوف حوالين الدنيا مش من

                              حب الله سبحانه وتعالى يا جماعة حبك


                              اديتو لمين قلبك اديتو لمين حبك اديتيه لمين يا جماعة يا جماعة حبك ده اغلى

                              حاجة عندك فى الوجود ده انت

                              بتحشر مع من احببت هتحشر فى جوار

                              الله ولا هتحشر مع مين ؟ حبيت مين

                              حبيتو مين يا جماعة ؟ حبيتو اهل الحق

                              ولا اهل الباطل حبيتو الملك

                              حبيتو ربنا طب احبه ليه؟ تحبه ليه !

                              ده انعم عليك نعم لو واحد انعم عليك

                              واحد على الف منها قلبك يموت من حبه

                              وتعيش خدام تحت رجليه

                              ده سترك فى معاصى لو

                              اخوك اللى معاك فى

                              البيت عرفها عنك مش هيقعد معاك فى

                              بيت واحد ده نات كنت لا شئ وخلاك

                              كل شئ " هل أتى على الإنسان حين

                              من الدهر لم يكن شيئا مذكورا "

                              احنا ما كناش حاجة وادانا الكون كله

                              مسخر لينا خلانا كل حاجة تحبو ليه !

                              عمل فيك حاجة مرة أذاك فيها عمل فيكى

                              مرة حاجة ضرك فيها عملنا حاجة زعلنا

                              منه يا جماعة فيها نحبه ليه !

                              كفاية فرحته بينا لما بنجرى

                              عليه كفاية فرحته بينا لما بنقبل عليه

                              تخيل لو انت واحد فرحت الفرح اللى ربنا

                              بيفرحه بتوبتك لما جه يزورك يبقى انت بتحبه

                              اد ايه يبقى هو بيحبك اد أيه وبيفرح بيك اد ايه

                              وبيحتفل بيك لما انت بتدخل بيته اد ايه تخيلو

                              يا جماعة ربنا بيحبنا اد ايه شوف بيعاملك ازاى

                              " ليجزيهم الله احسن ما عملوا "

                              على احسن حاجات عملتها وربنا يجازيك ويثيبك

                              يعنى انت فى ورقة الامتحان السؤال ده 5 من 10 ده 7 من 10 ده 9 من

                              10 ده 1 من 10 مجموع المتوسط تتحاسب

                              عليه انما ربنا يحاسبك على اعلى اجابة

                              جاوبتها على احسن صلاة صليتها عشان بيحبك عشان يريد ان هو يدخلك

                              الجنة فى جواره " ويزيدهم من فضله " ده كمان

                              حاجات ما عملتهاش ربنا يديك اجرها "والله

                              يرزق من يشاء بغير حساب " انا بروح

                              اشتغل عند واحد فى الدنيا بييجى

                              اخر الشهر يدينى 150 جنيه ربنا لما بتشتغل عنده ربنا لما بتعبده بيفتح لك

                              خزائن الملكوت كله ويقولك خد اللى

                              انت عاوزه كل ده ولسة ما بتحبوش
                              وآآآآه يا أبي بكر هل لي من لقياك نصيب
                              رضي الله عنك وأرضاك


                              تعليق


                              • رد: يوميات فتــاة تائبــة

                                الحلقـة الخمسـون


                                انا عايز اكلمكم عن اللى حبو ربنا


                                انا عايز اكلمكم عن اللى احلامهم


                                اتغيرت من حب ربنا مش الواد اللى


                                بيقعد قبل ما ينام 3 ساعات يحلم بالبنت


                                والبنت تحلم بالولد انا عايز اكلمكو عن اللى


                                سهروا الليالى من حب ربنا مش اللى سهروا


                                الليالى يتكلمو فى التليفونات ويفكروا فى حبايبهم بتوع



                                الدنيا انا عايز اكلمكو عن اللى دموعهم نزلت على خدودهم وغرقت


                                خدودهم من حب ربنا مش اللى بكت عشان واحد ولا اللى بكى عشان


                                واحدة انا عايز اكلمكو عن اللى كتبوا شعر فى ربنا كتب شعر لربنا !



                                اه والله يا جماعة مش واحد كتب بيقول اغلى من


                                حيتى لأ انا عايزك انت تقول لربنا يا رب انت اغلى


                                من حياتى يا رب والله انت اغلى من


                                حياتى بس اوصلك ازاى اوصلك ازاى


                                يا رب طب انا صليت ركعتين


                                مش كفاية طب انا قرأت نص القرآن


                                مش كفاية سيبت ايه عشانه عملت


                                ايه عشان توصله انا عايز اكلمكو



                                يا جماعة على اللى ماتو من حب ربنا مات ! اه والله امراة رايحة



                                تزور الكعبة بيت ربنا اخذت تقول يا خلق اين بيت ربى ؟ اين بيت ربى ؟



                                فدلوها على الكعبة فلما ذهبت اليها


                                وضعت خدها عليها ثم لما حركوها


                                وجدوها قد ماتت .


                                ومن الحب ما قتل يا جماعة عبد الله بن جحش


                                كتب لربنا جواب حب بدمه بدمه قاله يا رب


                                انا عايز اتقطع حتت عشانك . يا جماعة ده فى


                                ناس كتبت شعر لربنا يا حبيب القلوب انت حبيبه يا رب ده


                                انت حبك جميل اوى يا رب انت أنسى ما بحسش بأى انس


                                غير وانا معاك يا رب وانت منى قريب يا طبيبا بذكره


                                يتداوى كل ذى علة فنعم الطبيب يا رب ده انا ابقى


                                مريض بس واحد يذكر اسمك قدامى اقوم وانشط من


                                كتر ما انا بحبك يا رب


                                فليتك تصفو والحياة مريرة

                                وليتك تعفو والأنام غضاب

                                يا رب خلى الدنيا كلها تكرهنى بس انت تحبنى يا رب خلى الدنيا كلها تسيبنى


                                بس انت ما تسيبنيش يا رب


                                وليت الذى بينى وبينك عامر


                                وبينى وبين العالمين خراب


                                خلى كل صحابى


                                يكرهونى وخلى كل اللى انا بحبهم خلى الدنيا كلها تسيبنى يا رب بس انت ما


                                تسيبنيش وبينى وبين العالمين خراب


                                صح منك الود فالكل هين يحصل اللى يحصل وكل الذى فوق التراب تراب .



                                كتبو شعر لربنا من حب ربنا اللى



                                سهروا الليالى من حب ربنا كان السلف


                                بيقولو يا رب يا رب ما نتمناش شئ بعد الموت



                                غير انك انت تسيبنا نقيم الليل فى قبورنا


                                طب ليه؟ اصل قيام الليل ده الخلوة مع



                                الحبيب انت فى خلوة مع حبيبك ما فيش


                                حد بيكدر صفو الخلوة يا رب انا عاوز


                                افضل فى خلوة معاك يا رب الرسول


                                كان بيقول وددت انى اقاتل فاقتل ثم


                                أحيا فاقاتل فاقتل ثم احيا فاقاتل فاقتل, ايه ده ؟


                                دى احلام النبى ليه عشان ربنا عشان ربنا سبحانه وتعالى الرسول كانت


                                السيدة عائشة احب انسانة على وجه الارض له لما جه ليلا للسيدة عائشة


                                وحب ربنا غلب فى قلبه قالها ايه ذرينى سبينى ذرينى اتعبد لربى اللى سابت ربنا


                                عشان واحد واللى ساب ربنا عشان واحدة الرسول ساب الدنيا


                                كلها عشان ربنا سبحانه وتعالى سعد بن


                                ابى وقاص أبوه كان يبلف الحصير حواليه


                                ويحرق الحصير من فوق عشان يخنقه بس عشان


                                ربنا استحمل,

                                سيدنا مصعب ساب وطنه وبلده وبيته وفلوسه وعطره وساب


                                بلده عشان ربنا البنت دلوقتى اللى بتسيب اهلها وتهرب منهم عشان بتحب


                                واحد يا جماعة يا جماعة انتو حاسين بالكلام


                                ده ولا لأ انتو حاسين بالمعانى دى ولا لأ انتو


                                حاسين بحب ربنا ولا لأ لما اقولك ان رجل


                                قلبه معلق بالمساجد يعنى اللى بيحب واحد


                                او بيحب واحدة المكان اللى بيتقابلو فيه


                                بيحبوه اوى ده مكان لقاء حبيبى اهو


                                المسجد ده مكان لقاء حبيبك اهو المسجد ده


                                اللى انت بتصلى فيه التراويح من اول رمضان ده


                                المكان اللى انت بتقابل فيه حبيبك انت قلبك


                                معلق بالمكان ده ؟ يعنى وانت نايم سايب قلبك هنا


                                وانت فى الدنيا سايب قلبك هنا انتظار الصلاة بعد


                                الصلاة اه دلوقتى نفهمها بقى اصل الصلاة دى لقاء


                                الحبيب لقاء ربنا امتى اقابلك بقى يا رب امتى ييجى


                                الميعاد وتروح المعاد من بدرى زى الشاب اللى بيروح


                                الكازينو قبلها بساعة ليه؟ فرحان انك هتقابل حبيبك .


                                سيدنا موسى بيقول وعجلت اليك ربى لترضى يا رب



                                انا مش جايلك برجليا انا مش


                                حايلك بعربيتى يا رب ده انا جايلك


                                قلبى اللى سايقنى اليك جايلك يا رب


                                جايلك يا رب عشان اقف فى الصف الاول


                                عشان اخشع فى القران بين ايديك جايلك


                                يا رب جايلك من العشا مش همشى غير


                                بعد الفجر يا رب عشان اقعد اعبدك فى


                                بيتك فى مكان لقاء حبيبى جايلك يا رب


                                جايلك فى رمضان وبعد رمضان جايلك


                                يا رب كل حاجة ترضيك هعملها هحضر


                                دروس واحفظ قران وهتعلم التجويد


                                وهقرا فى الدين وهسيب كل حاجة عشانك


                                يا رب عشانك يا رب هعمل كل حاجة انا جايلك


                                يا رب وعجلت اليك ربى لترضى ,


                                انا عايز اكلمكو يا جماعة عايز اكلمكو


                                عن اللى سابو كل حاجة فى حياتهم عشان


                                ربنا عن اللى ضحوا بكل حاجة عن اللى


                                دموعهم نزلت على وشهم ورجل ذكر الله


                                خاليا ففاضت عيناه افتكر حبيبه امتى هشوفك يا رب؟


                                امتى هشوفك؟ تخيل اللى بيحب حد


                                امنية حياته انه يقابله ويملى عنيه من جماله

                                تخيل اول مرة هتشوف ربنا يوم


                                القيامة اول مرة كده وجوه يومئذ ناضرة الى


                                ربها ناظرة اول ما شافو ربنا خلاص


                                مش قادرين يشيلو عينهم من عليه خلاص


                                بيتملو فى جمال الله ربنا يقولهم ماذا تريدون


                                يا رب يا رب ده ا نت اكرمتنا ودخلتنا الجنة ونجتنا من النار يا رب يا رب ده


                                انت النظر ليك اعظم لذة دوقناها فى


                                حياتنا طب انتو مش فاكرين النعيم


                                الفلانى ولا فاكرين النعيم الفلانى


                                نعيم ايه نعيم ايه احنا مش فاكرين حاجة


                                هو الواحد وهو مع حبيبه بيبقى فاكر


                                حاجة فى الدنيا انا مش فاكر اى حاجة وانا ببصلك يا رب بس خلينى معاك يا


                                رب خليك مع ربنا فى الدنيا عشان تبقى


                                معاه فى الاخرة حاسبو يا جماعة حاسبو


                                يا جماعة اشد من عذاب النار الاليم الحرمان من


                                رؤية وجه الله الكريم هو انا ممكن ما اشوفوش ؟


                                ممكن لو حب الشهوات حجب قلبك عن حبه



                                فى الدنيا مش هتشوفه فى الاخرة حاسب حاسب


                                احسن المعاصى اللى انت بتعملها تخليك


                                ما تشوفش حبيبك فى الاخرة حاسبى لو كشفتى شعرك


                                يخليكى ما تشوفيهوش فى الاخرة


                                حاسبوا لو سمعتو اللى ربنا حرمه واتكلمتو بالكلام


                                اللى ربنا حرمه وقعدتو فى الاماكن اللى ربنا حرم عليكو


                                القعدة فيها وتفرجتو على اللى ربنا حرم ان


                                احنا نتفرج عليه حاسبو احسن ما تشوفوش حبيبكو فى الاخرة


                                حاسبو يا جماعة ده سيدنا يوسف بيقول


                                ربى السجن احب إلي انا بحب السجن


                                يا رب بتحبه؟ بحبه بتحبه ليه ؟


                                عشان ابقى معاك يا رب عشان هبقى فى جوارك


                                يا رب يا جماعة فى حب بيودى الجنة وحب بيودى النار فى حب بيرفع فى


                                الفردوس الاعلى وحب بينزل فى قاع جهنم انت


                                الحب اللى فى قلبك انهى حب من الاتنين ؟


                                أنت الحب اللى فى قلبك الحب اللى بيخليك سعيد ومنشرح


                                ولا الحب اللى بيخليك فى ضيق وهم وغم على طول .


                                انا عايز قبل ما امشى


                                افكركو بقاتل واحد يا جماعة عصى ربنا؟


                                لأ يا جماعة زنا؟ لأ يا جماعة ده قتل


                                قتل ميت نفس بس لما رجع لربنا ربنا قبله طب ليه؟


                                ما حدش منكو سأل نفسه ليه؟


                                ربنا قبله

                                عشان حاجتين الحاجة الاولى انه ساب بلده اللى فيها


                                ماله واهله والناس اللى بيحبهم وعزوته


                                ومركزه وفسحه وسهراته وقعداته ساب الوطن بتاعه


                                عشان يروح لأرض طاعة عشان ربنا. الحاجة التانية


                                ان وهو فى الطريق لما جاله الموت


                                لما حس بالموت المفروض لما الواحد يحس بالموت


                                طب ارجع بقى اموت عند اهلى لأ لأ


                                ده لما ايده اتشلت ورجله اتشلت وجسمه اتشل من سكرات


                                الموت بدأ ينزح بصدره ناحية ارض الطاعة


                                بدا يزحف على صدره وهو بيموت وروحه


                                بتحشرج عشان يموت وهو فى اقرب نقطة لله


                                سبحانه وتعالى اقرب مكان يبقى فيه لربنا يحاول


                                عايز يقرب من ربنا ده واحد عايز يقرب يا جماعة


                                ده واحد عايز يموت وهو اقرب ما يكون الى الله


                                انت عايز تكون قريب من ربنا اد ايه؟ انت عزيمتك


                                انك تقرب من ربنا اد ايه؟ انت مستعد تسيب ايه عشانه؟


                                مستعد تعمل ايه عشانه؟ هوا ده اللى بسبب الى عمله ربنا غفر


                                له كل ده . انت مستعد تعمل ايه عشانه؟ لو انت بتحب


                                واحد هتقوله انا بحبك انا عايزك وانت ساجد تقول


                                لربنا يا رب انا بحبك يا رب قربنى ليك يا رب


                                خلى كل يوم يقربنى منك خطوة عن اليوم اللى قبله


                                يا رب عرفنى اوصلك ازاى .


                                يا جماعة بعد عبادة الطواف اللى هى حب كلها بنعمل ايه؟


                                بنعمل ايه السعى : اللى بيحب حد بيسعى اليه بعد


                                الطواف بعد الحب اسعى الىٌ بقى اسعوا اسعوا لربنا قوله


                                جايلك يا رب قوله عشانك يا رب هسيب كل حاجة قوله يا رب


                                اوصلك ازاى يا رب يا جماعة احنا فى


                                ليلة 25 الرسول عليه الصلاة والسلام قال


                                فى حديث صحيح ان القران نزل فى


                                ليلة 25 يعنى ليلة 25 دى من ارجح



                                الليالى انها تكون ليلة القدر يعنى يا جماعة الليلة


                                دى فى المكان دهو مكان لقاء حبيبك مستعد انك تقعد فيه اد ايه


                                لربنا سبحانه وتعالى مستعد انك تقضى الليلة دى مع حبيبك


                                ولا لأ مستعد انك تدخل عشان تغسل قلبك من جدار الشهوات ,


                                جدار حب الشهوات اللى محيط بيك عشان تقدر تحس بحب


                                الله ولا لأ احنا معاكو فى المسجد طول الليل ومعانا


                                جلسات تجويد وجلسات تفسير قاعدين فى المسجد


                                وقاعدين نصلى طول الليل مع بعض اللى عايز


                                ييجى معانا اللى عايز يقرب من ربنا خطوة زيادة


                                الليلة ييجى معانا يا جماعة يتقرب لربنا


                                سبحانه وتعالى عشان يفضل يا جماعة

                                فعلا شعارنا مع ربنا



                                طول حياتنا ( أغلى من حياتى )



                                _ شروق _

                                بكت شروق كثيراااااا



                                ياااااه يارب كأنه بيكلمني انا


                                سامحنننننني يارب


                                آآآآآآن يارب إني أرجع من التعلق ده



                                أيوة آآآآآآن يارب


                                المرة دي غير أي مرة





                                لازم مش أنتظر من البشر أي حاجة مهما كان


                                انا أنتظر من ربنا وبسسسس



                                ياااااارب بحبك يااااااارب

                                سامحني


                                وعادت شروق



                                وقررت أن تركز في مذاكرتها وتجتهد وتنسي ما مضي نهاااائي


                                وتبدأ صفحة جديدة مع الله تتوب فيها من كل ما أبعدها عن الله


                                وظلت شروق تستمع لهذا النشيد وهي تذاكر

                                http://www.youtube.com/watch?v=2WfsU...layer_embedded


                                وفعلا إجتهدت شروق كثيرااااا



                                وأحبت شروق هذه السنة أكثر وأكثر


                                وأكرمها ربها كثييييرا طول هذه السنة


                                وكانت علاقتها تزداد قربا من الله بفضل الله


                                ومن صديقتها أبرار


                                ياتري ماذا حدث مع شروق بعد ذلك








                                ده اللي هنعرفه الحلقة القادمة بإذن الله



                                وآآآآه يا أبي بكر هل لي من لقياك نصيب
                                رضي الله عنك وأرضاك


                                تعليق

                                يعمل...
                                X