حكايات الواد اللى مدوخ البنات .... متجدد باذن الله

[ahmadof]

رد: حكايات الواد اللى مدوخ البنات .... متجدد باذن الله

يا عم أحمد انتا بتحب تعذبنا كده ليه؟!؟؟؟؟؟



بالانتظار...

[ضيف]

رد: حكايات الواد اللى مدوخ البنات .... متجدد باذن الله

حياكم الله

معلش طولت عليكم

بس

كان لازم نستنى شوية علشان الحكاية بتولع وعاوزين نشوف النهاية ايه


الحصان الاسود

في خلال الفتره التى مرت كانت دودى اخت سمسم قدرت انها تاخد سمسم من احزانه
رجّعت تانى سمسم بتاع ثانوى (المتدين)

سمسم بقى واحد تانى خالص.....:


هو احنا كده لازم ناخد على دماغنا علشان نعقل.

.........بس فى حاجه؟

سمسم والله لسّه بيحب سمسمه ما كانش يعرف انها مش سعيده، بس كان بيدعيلها دايما انها تكون سعيده مع اخينا(ميعرفش اللى فيها)

.........................................

نرجع تانى لسمسمه........

لاول مره سمسمه تاخد قرار فيه ايجابيه؟؟؟

سمسمه صممت على الطلاق دون رجعه.......

مش علشان خاطر سواد عيون سمسم

(لالالالالالا)

لانها انسانه مش بضاعه
(ده كده ايجابيه)

...........................

يا ترى مين الحصان الاسود؟؟؟ ؟


عارفين مين الحصان الاسود؟


من كام سنه فاتت قولتلكوا ان والد سمسم راجل جدع مش بس علشان كان عاوز سمسم يقف على رجليه و يعتمد على نفسه

( لالالالالالالالالالا)


والد سمسم عرف كل حاجه عن موضوع سمسمه
منين؟ الله اعلم؟الحيطان ليها ودان؟


المهم ان والد سمسم اول ما عرف الموضوع راح على طول و حل المشكله مع اهل العريس وقدر يقنع والد سمسمه ان اللى عمله ده كان غلط في غلط و قدر فعلا انه يرجع سمسمه لبيت ابوها بعد ما اتنازلت عن كل حقوقها في سبيل الطلاق ..؟..



و كان و الد سمسم في منتهى العقل و الحكمه في تصرفاته مع العريس و ابوه و مع والد سمسمه و سمسمه نفسها( راجل جدع بجد)


اكيد يستاهل لقب الحصان الاسود.........

تابعوا معانا (الترابط ؟؟؟؟؟)

(الترابط)

بعد مرور سمسمه من التجربه الفاشله دى كانت محتاجه لحد ياخد بأيديها و يخرجها من اليأس و الشعور بالضياع .......
و هنا نرجع تانى للملاك اللى في القصه دى و احنا مش حاسّين بيه....
الملاك ده هو القدوه اللى كانت المثل الاعلى لسمسمه في بدايه تربيه سمسم لسمسمه
الملاك بتاعنا هو اقرب الناس لسمسم دلوقتى
الملاك ده اسمه دودى (ربنا يحرسها)

دودى اول ما عرفت ان سمسمه مش بتخرج من البيت و حابسه نفسها في البيت ، و مش بتكلم حد
كان لازم ترجع دودى تاخد دور القدوه لسمسمه بس المره دى بجد
دودى اخدت بيد سمسمه و عرّفتها على الاخوات المحترمات اللى انتشلوها من حالة اليأس و عرفوها الايه دى
بسم الله الرحمن الرحيم
(( قل ان كان اباؤكم وابناؤكم و اخوانكم وازواجكم و عشيرتكم و اموال اقترفتموها و تجاره تخشون كسادها و مساكن ترضونها احب اليكم من الله و رسوله وجهاد في سبيله فتربصوا حتى يأتى الله بأمره و الله لا يهدى القوم الفاسقين ))


اللهم اهدنا جميعا يا رب امين ....
..........................................


و بكده قدرت سمسمه انها تخرج من القوقعه اللى كانت فيها و رجعت تانى ان الاسلام هو الحل مش سمسم او غيره ...........


و كمان سمسم قدر يعرف ان الحب قبل ما يكون لسمسمه .. فلازم يكون لله عز وجل

الباقي جاي في السكة حالا




الترابط الاسرى بين اسرة سمسم و سمسمه
رجع تانى زى الاول و اكتر و الحمد لله وخصوصا بين دودى و سمسمه

المهم ان فاضل حاجه مهمه و اكيد كلنا عاوزين نعرفها ::


يا ترى ايه اللى هيحصل بين سمسم و سمسمه؟؟؟؟؟؟

سمسمه و دودى فى منزل سمسمه::::::

سمسمه:ايه اخبار سمسم دلوقتى؟

دودى : من اى ناحيه الماديه,الاجتماعيه,النفسيه؟

سمسمه:كل حاجه.

دودى:هو بدأ يرجع تانى للشغل و قدر انه يكمل كل الاقساط القديمه و الحمد لله انه رجع تانى يقرب من الله و دى اهم حاجه عندى.


سمسمه: هو ماعدش بيسأل علّيا؟


دودى : انتى مجنونه ,دى اول حاجه بيسألنى عليها اول ما يشوفنى:: انتى عبيطه


سمسمه:ممكن اطلب منك طلب؟
ممكن تسأليه اذا كان عاوز يرجعلى بس من غير ما يعرف انى انا اللى سألت.


دودى: ماشى يا عم التقيل بس انتى عاوزه ترجعى بجد و لا بتشوفى هيقول ايه؟


سمسمه:انا هقولك بس بينى و بينك,انا فتحت الموضوع مع بابا و هو موافق من غير شروط و ده طبعا بعد اللى عمله و الدك معاه في موضوع طلاقى.


......................................


دودى مع امها و ابوها:::::


دودى شرحت كل الكلام اللى حصل بينها و بين سمسمه لوالدها و و الدتها و بصراحه مكنش في حاجه تمانع العوده و مكنش فاضل غير ان سمسم و دودى يدور بينهم الحوار اللى جاى .


و ده فصل لوحده ؟؟؟؟؟؟؟؟؟؟


تابعوا معى اجمل ما في القصه في الفصل القادم.

ايه رايكم فى القفلة دية ؟؟؟

[ahmadof]

رد: حكايات الواد اللى مدوخ البنات .... متجدد باذن الله

قفله زي باقي القفلات..

بتتركنا مولعين كده..

بالانتظار..

بوركت عم.. :)

[ضيف]

رد: حكايات الواد اللى مدوخ البنات .... متجدد باذن الله

حياكم الله شبابنا الغالى بمنتدى الطريق الى الله

تعالوا نكمل بقية الحكاية اللى ابتدناها من زمان

وهى حكاية سمسم وسمسمة


دودى شرحت كل الكلام اللى حصل بينها و بين سمسمه لوالدها و و الدتها و بصراحه مكنش في حاجه تمانع العوده و مكنش فاضل غير ان سمسم و دودى يدور بينهم الحوار دة :


دودى: ممكن نتكلم مع بعض شويه؟

سمسم: انا اللى كنت عاوزك بس انتى عاوزه ايه الاول؟

دودى :سمسمه كا..........

سمسم في ابتسامه كلها حزن: لا اله الا الله (القلوب عند بعضها)

دودى : كنت حاسه انك كنت هتفتح الموضوع معايا بس انا عندى سؤال.....
انت لسّه عاوز ترجعلها ؟ يعنى لسّه بتحبها؟


سمسم: بصراحه انتى غبيه اوى
الاول هى كلمتك؟


دودى :ممكن ترد؟

سمسم:انا بحبها المره دى بجد و اكتر من الاول طبعا
انا بحبها و اتمنى لها انها تلاقى انسان يسعدها و يحافظ عليها مش زى اخينا..


دودى:يعنى ايه انسان يسعدها ,انت بتحبها و مش عاوز ترجعلها ,انا مش فاهمه حاجه؟؟؟؟؟؟


سمسم: انتى هتعرفى كل حاجه بس ممكن طلب صغير؟


دودى :؟؟؟؟؟؟؟؟؟؟؟


سمسم: انا عاوزك تديها ميعاد علشان نتكلم انا و هى مع بعض بس فى و جودك و يا ريت يكون خارج البيت ,انا عارف انه صعب شويه انى اقعد معاها من غير وجود حد من اهلها بس دى هتكون اخر مره .


دودى و عينيها غرقانه دموع:انت بتتكلم بجد, انا مش فاهمه اى حاجه؟ بس انا هدبر الميعاد ده على بكره الظهر بعد الصلاه ممكن نعدى عليك في الشغل و نخرج فى اى مكان

...............................



ايه ده :: انا مش فاهم حاجه

يعنى ايه الحب بالنسبه لسمسم هو اتجنن ولا ايه اللى حصل بس ؟
فين الحب الحقيقى ؟؟؟؟؟؟؟؟؟؟؟؟


طبعا انتو بتوقوله الواد ده ( اهبل ) اكيد اتجنن عاوز تفهمنا ان سمسم بيحب سمسمه لدرجة انه مش عاوز يرجعلها؟؟؟؟؟؟؟


...........................


افهمونى يا جماعه "" انا زيّكوا مش قادر افهم موقف سمسم , بس لمّا عرفت اللى حصل عرفت ان سمسم ده هو اكتر انسان قدر يفهم الحب؟


....................ازاى؟؟؟؟؟؟؟؟؟؟؟


سمسم حب سمسمه اكتر من نفسه؟


الحب = ثقه+تفاهم+تعاون+مشاركه+احترام+غيره+عطف+حنان+
الحب مش كلمه او احساس بس
الحب اكبر من كده بكتير
و اشمل من كده بكتير


سمسم عرف الحب الحقيقى لمّا قرب من ربّنا


سمسم عرف ان الحب الحقيقى مش بيكمل الا اذا حبيت الانسان اللى قدامى اكتر من نفسى


.........................


فاكرين الايه ال24 من سورة التوبه........


و كلام الرسول لعمر بن الخطاب.......

لن يكتمل الايمان الا اذا احبينا الله و الرسول(صلى الله عليه وسلم) اكتر من نفسنا.....


و بما ان الحب من الايمان

اذن لن يكتمل الحب و يصبح كامل من كل جوانبه الا اذا حبيت اكتر من نفسى ...

وده طبعا في المرتبه الثانيه بعد الله و الرسول و الجهاد

....................................


سمسم اخيرا قدر يحب سمسمه اكتر من نفسه



سمسم صاحبنا اتخذ القرار الاخير في القصه


الفصل قبل الاخير

(انا حبيتك اكتر من نفسى)


تابعونا واعرفوا ان النهايه مش مكرره زى ما انا قلت

؟؟؟؟؟؟؟؟؟؟؟؟؟؟؟؟؟

[أبوالمعالـي]

رد: حكايات الواد اللى مدوخ البنات .... متجدد باذن الله

السلام عليكم ورحمة الله وبركاته

جزاكم الله كل خير أخانا الحبيب أبو معاذ

انا مش عارف ليش أنا لم أقرأ هذه الحكاية

وهي قدامي طوال الوقت

أنا بدأت قراءة الحكايه الليلة وبإذن الله

سأكمل قراءتها..

الحكايه خفيفه ولطيفه وهادفه

بارك الله فيك

[ahmadof]

رد: حكايات الواد اللى مدوخ البنات .... متجدد باذن الله

متابعون

[ضيف]

رد: حكايات الواد اللى مدوخ البنات .... متجدد باذن الله

الفصل قبل الاخير
(انا حبيتك اكتر من نفسى)

بدون ذكر التفاصيل عن المكان و التدابير اللى بين دودى و سمسمه و اقناعها بالتواجد مع سمسم من غير وجود حد من اهل سمسمه حصل اللقاء الاخير بين سمسم و سمسمه و (دودى)

سمسم:انا اسف انى طلبت منك انك تيجى مع دودى بس اوعدك ان دى هتكون اخر مره اكون السبب فى انك تعصى الله

سمسمة :و انا اسفه انى مكنتش عاوزه اجى بس صدقنى انا كان نفسى مقعش فى الغلط تانى و اكدب على بابا انت عارف انى خلاص مش قادره استحمل انى ابقى عارفه الغلط و اعمله

دودى: يا جماعه خلاص سيبكوا من الموضوع ده , انا اللى هشيل كل الذنب اصل انا اللى كدبت على و الدها مش سمسمه يا سمسم.

سمسم:ايه اخبارك يا سمسمه؟
انا هتكلم معاكى بدون اى حياء مع انى عارف ان ده مش من حقى بس اوعدك ان دى اخر مره......

سمسم و وجهه مليان ابتسامه حزينه:انتى بتحبينى ياسمسمه؟

سمسمه في خجل و هى تنظر الى دودى:انت عارف

دودى: انا مش موجوده يا سمسمه , انا لا اسمع لا ارى لا اتكلم

سمسم : انا عاوز اسمعها منك

سمسمه: ايوه بحبك

سمسم: انا لسّه بحبك بس نفسى ان الكلام اللى هقوله دلوقتى تفهميه زى ما كنتى طول عمرك بتفهمينى , ممكن؟

سمسمه : انا عمرى ما فهمتك غلط ممكن تدخل في الموضوع.

................................................

سمسم:انا مش عارف ابتدى منين يا سمسمه بس الموضوع محتاج شوية صبر
انا لما قلت يادودى انى بحب سمسمه اكتر من الاول كان قصدى ان اللى قبل كده مكنش حب قد ما كان انانيه و حب تملك لسمسمه..........
انا اسف انى بقول كده يا سمسمه بس دى الحقيقه
بس بعد ما سبتك واتجوزتى و حسيت انك ضعتى من ايديا و انك من غير زعل.،ما اتمسكتيش بيا و قدروا انهم يقنعوكى انى مش مناسب ليكى ,فكرت كتير و عرفت السبب اللى خلانى انا و انت منتمسكش ببعض................
السبب ان انا وانت مكنش حبنا كامل (و مرت الدقائق سريعه و سمسم يشرح لسمسمه المعنى الحقيقى اللى قدر يفهمه من معنى الحب و اللى شرحته قبل كده) ...............

.......................

و جائت اللحظه المهمه و صمت يعم المكان و سمسم مش قادر ينطق ..........

وهنا جه الوقت اللى دودى تتكلم فيه:::::

دودى :سمسم انت قلت انك عاوز سمسمه تفهمك وانا شايفه انك لسّه مقلتش المهم ,انا ممكن اقوم و اسيبكم لوحدكوا تتفاهموا.

سمسم: انا اسف يا دودى ممكن تسيبينا وتقعدى و رانا شويه؟

دودى انسحبت من سكوت و جه المهم.................................

سمسم:انا حبيتك اكتر من نفسى يا سمسمه ,صدقينى انا نفسى اكمل معاكى بقيت حياتى ,انا عمرى مقدر اتخيل انى ممكن الاقى في يوم انسانه تقدر تفهمنى و وتحترمنى و اثق انها تكون اوفى و اطهر وارق و اصفى زوجه و ام لاولادى غيرك ,انا عاوزك تثقى انى خلاص مش هقدر افتح قلبى لانسانه غيرك .........

و تنهد سمسم تنهيده اخرجت معها حزن شديد لم تشعر به سمسمه من قبل مع سمسم
سمسمه حبت سمسم على مدار سبع سنوات ,كان فيها العديد من التجاوزات و الايام الحلوه و المرّه و لكنها لاول مره في حياتها ترى الدموع تنزل من عيون سمسم و رغم كل ما في سمسمه من تدين الا انها و دون ان تشعر قربت من سمسم و مسحت الدموع من على خده

و سمسمه ايضا بكت من قلبها ,ان سمسمه عندما تركها سمسم المره الاولى لم تبكى و سمسم لاول مره يبكى امام احد ......

يا ترى ايه اللى ممكن يخلى سمسم يبكى دموع كالطفل الصغير و هو يبحث عن امه (والله لو مكنش حرام كانت سمسمه ضمت سمسم لصدرها و لكن دودى عندما رأت الوقف و دون تردد قامت و اخدت سمسم في صدرها بكت ....بكت .........بكت (فهى لم ترى من قبل اخوها يبكى منذ الطفوله...................

الموقف لا يستدعى للشرح فهناك ما يمنع سمسم من العوده لسمسمه الفراق اصعب لحظه و خاصة اذا كان بين اتنين عرفوا معنى الحب و حبوا بعض بجد ........

بصراحه انا مش عارف اقول ايه اكتر من ان الموقف ده اخد تقريبا ربع ساعه حتى تركت دودى اخوها و الحمد لله ان المكان لم يتواجد فيه احد يشعر بالموقف
(اسف لعدم ذكر المكان )

.........................................

يا اخى كمّل بقى انتا ايه ممل

,خلاص كفايه كده خش في اللى بعده.....

.....حاضر انا اسف انى طّولت عليكوا ..........

بعد انتهاء الموقف و ما زالت سمسمه في عينيها الدموع اخيرا نطق سمسم............................

سمسم:انا اسف يا سمسمه انى اقولك انى اتمنالك السعاده مع انسان تانى

انا مقدرش ارجعلك تانى .

انا لما حبيتك بجد و قدرت احس انى فعلا مقدرش اعيش مع غيرك
اكتشفت بالصدفه
انى

عقيم

ايوه يا سمسمه انا عرفت من شهر انى عقيم
,انا مقدرش احرمك من انك تكونى ام ،مقدرش احرمك من انك تشوفى طفل يقولك ماما،انا عارف كويس اوى اد ايه انتى بتحبى الاطفال و طول عمرك بتتكلمى معايا في موضوع الاطفال و انك مش عاوزه تبطلى خلفه و ان موانع الحمل حرام ،انا اسف بس لانى حبيتك اكتر من نفسى ,فضّلت انى اسيبك على انك تتحرمى طول عمرك من الاطفال....................................

لم تتردد او تأخذ لحظه في التفكير في الرد

سمسمه:ازاى ييجى في دماغك انى ممكن اسيبك علشان حاجه زى دى (و يجعل من يشاء عقيما)

انا دلوقتى فعلا اقدر اقول انى متمسكه بيك اكتر من الاول ,انا حبيتك لمّا كنت متدين و حبيتك لمّا كنت (اسفه)فاسد،و حبيتك اكتر لمّا اتجوزت غيرك و غلطت ،لكن دلوقتى انا متأكده انى مقدرش اكون لغيرك.................. صمتت سمسمه لوهله ثم قالت:اقسم بمن خلق قلبى ,اقسم بمن ادخل حبك في قلبى،اقسم بالله انى(اسكتها سمسم بيده)

ثم ازاحت يده و اكملت و هى تبكى اكثر من الاول:اقسم بالله انى مخليش انسان يلمسنى غيرك ،اقسملك انى اعيش على حبك طول عمرى ,اذا كان حبى لله ملأ قلبى و كنت اقسمت على انى عمرى ما ارجع تانى للى كنت بأعمله قبل كده من معصيه،فأنى اقسملك انك لو سبتنى عمرى ما حفكر اتجوز تانى ،اذا صممت على رأيك فأنا اشهدك انت و اختك انى اوهب نفسى للدين,سأدعوا و اجاهد بالمال و الوقت و العمل و كل ما املك من قدره لله عز وجل

سمسم ارجوك و افق انى ارجعلك و الله انا ميهمنيش انى اتحرم من الاطفال احنا ممكن نكفل طفل في بيتنا و ندخل بيه الجنه ،بس استحلفك بالله متسبنيش ارجوك لو كنت حبيتنى بجد اكتر من نفسك فأنا عاوزه اكمل حياتى معاك نقضى حياتنا في خدمة الدين...........

سمسم كان عارف رد سمسمه و كان مجّهز الاجابه:ارجوكى انسينى انا مقدرش اكون السبب في دمعه من عيونك تنّزلّيها لما تشوفى طفل قدامك
,انا اسف مهما كان ردك و مهما كان تمسكك بيّا ,فانا اقسمت قبلك انى مكونش لغيرك و برده مكونش ليكى ،انتى ممكن تلاقى انسان احسن منّى بكتير ،كنت اتمنى انك تفهمينى و تقدرّى الموقف و توعدينى انك زى ما حبتينى و اخلصتى في حبك ،هتحبى غيرى و تسعديه و تخلفى منّه اولاد تدخلى بيهم الجنه ،لأخر مره بقولك انك حرّه من اى وعد او قسم اقسمتيه ليّا و اتمنالك انك تفكرى تانى في الموضوع و تقدرى تنسينى زى ما نسيتى المعاصى اللى كنت انا و الحب المذعوم سبب فيها.

سمسمه ارجوكى انسينى و اسعدينى بأنك تسعدى غيرى و تخلصيله ,انا حبيتك اكتر من نفسى.....................................

ترك سمسم سمسمه و دودى و هم يبكون

يا ترى اللى عمله سمسم صح و لا لأ؟؟؟؟؟؟؟

يا ترى ممكن يرجع في كلامه ؟؟؟؟؟؟؟؟؟؟؟؟

هو اخد وعد من دودى و سمسمه ان اللى قاله سرّ بينهم و عدم ذكر الموضوع لأى حد من الاهل
..................................

تابعوا الفصل القادم

والمفاجأة

(الوعد و القسم)

[Muhammad Ragab]

رد: حكايات الواد اللى مدوخ البنات .... متجدد باذن الله

موقف رجولي رائع من سمسم وردة فعل متوقعة من سمسمة
ممكن اتوقع اللي هيحصل
بس مش عاوز احرقها لان توقعاتي كويسة ف الحاجات دي

[أبوالمعالـي]

رد: حكايات الواد اللى مدوخ البنات .... متجدد باذن الله

السلام عليكم ورحمة الله وبركاته

أستاذنا الفاضل أبو معاذ

أنا متابع الحكايه من يومين فقط

والموضوع صار من عشرة صفحات

أنا خلصت خمس صفحات من الحكايه قبل قليل

وأنا معروف عني صاحب خيال واسع أعيش

أحداث الحكايات

ومما أعجبني أنك تطرح المعضله من واقع المجتمع

وتطرح معه العلاج

ومما أعجبني الردود من الأعضاء

وكأنك الجد وهم الأحفاد

جزاهم الله كل خير لمتابعتهم لك

صدقني أنا أكثر الأعضاء إستمتاعاً بالحكايه

لأنني بدأت فيها من جديد وأقرأ الردود

وعند قراءتي لكل جزء سأرد عليها برد

لأن الأفكار فيها كثيرة

بارك الله فيك أستاذنا الفاضل...

متابع بإذن الله

[ahmadof]

رد: حكايات الواد اللى مدوخ البنات .... متجدد باذن الله

بوركت أبا معاذ..

بانتظار الوعد والقسم..

[أبوالمعالـي]

رد: حكايات الواد اللى مدوخ البنات .... متجدد باذن الله

البنت : بس أنا مش نزلت موضوع جديد ( كسفه جامده بس العالم دي مش بيحوق فيها حاجه )

هههههههههههههههه

أنا اليوم خلصت قراءة قصة رشدي أحاسيس

هايله والله

انت رجل عجيب أستاذنا أبو معاذ

أحبك في الله

[محمدعبدالجواد]

رد: حكايات الواد اللى مدوخ البنات .... متجدد باذن الله

مش عارف أقول إيه لفيضيلتك
أولا عارف حضرتك وأفكارك
ثانيا بعد كلام أخي ابو المعالي الوصف الرائع له علي هدا الخيال (عزرا أخي أبو المعالي لمعرفتي باخي أحمد فهدا قليل جدا وأنه مجاله في الخيال ماشاء الله لاتعليق مني)
مولانا الشيخ أحمد أين السلسلة الأخري مشتاق لها زو...... لاتك.....
بارك الله فيكم وأريد أن أتعلم منكم كل هده الإبداعات
شيخنا الفاضل أحللك كما حللني الشيخ هاني حلمي :- أنت أصفر جدا وباين عليك أوي وأخضر جدا وباين عليك أوي وأزرق جدا بس مش باين إلا إدا تم التعامل معكم وأحمر بس خفيف مبيطلعش إلا في الضرورة الجامدة وبالأخص في انتهاك محارم الله الظاهرة
هدا أخي ومن بلدي فيلرني أحدكم أخاه ومن بلده
اعزرنا يامولانا علي عدم الرد علي الموضوع ده طول هده الفترة من أول قصة موحة طربوش

[ضيف]

رد: حكايات الواد اللى مدوخ البنات .... متجدد باذن الله

حياكم الله ياشباب

معلش طولت القصة شوية

(( دول اخر 3 اجزاء وهما احلى 3 اجزاء وبيبينوا قد ايه سمسم حب سمسمة
الوعد و القسم ))

مين اللى يقدر يقول ان سمسم محبش سمسمه اكتر من نفسه ؟

مين يقدر يقول ان سمسم ما اخدش القرار اللى بيه يرضى نفسه و يرضى سمسمه و قبل اى حد يرضى الله؟؟؟؟؟؟؟؟؟؟؟؟؟؟؟؟؟

.........................

سمسم حب بجد من قلبه؟

سمسمه وعدت انها متكونش لغيره؟

سمسم وعد انه ميتجوزش تانى؟؟؟؟؟

.............................................
مر على ذلك اليوم (انا حبيتك اكتر من نفسى)
سنه و نصف,.....................

تقدم لطلب يد سمسمه حتى الان 9 من الخّطاب ,الحمد لله من الشباب المتدين اللذين رأوا في سمسمه قمة التدين و الاحترام ,ولكن الرفض (للاسف)كان الرد من سمسمه

سمسمه اوفت بالوعد لم تفكر قبل ان ترفض
لم تعطى لنفسها الفرصه في ان تكون لغير سمسم

اقسمت ان تكون حياتها لله و اقسم ان سمسم ان يعيش لله و على الذكرى الخالده في قلبه لحب شاء الله ان يكون كامل من الطرفين دون اى ارتباط
................

حتى الان لم يرى سمسم سمسمه رغم انهم جيران ولا مره........

تخيل نفسك انك لم ترى جارك لمدة سنه و نصف
ها من المعقول ذلك ؟؟

و الله لم يراها ,والله لم ينساها,و الله لم تنساه.

واخر ما كان بينهم...........................
احلف بمن خلق قلبى سأظل احبك حتى البس الثوب الابيض تحت التراب .......
احلف بمن خلق جسدى ان لن يلمسه احد قبل ان تفارقه روحى.........
احلف بمن خلق عقلى ان لن يفكر في غيرك حتى اخر نبضه حياة..........
احلف بمن خلق عينى ان لن ترى غيرك حتى يغمض جفنى لموتى............
احلف بالله انى احببتك اكتر من نفسى و لن احب من بعدك احد حتى نفسى ...........

.........................................

(القدر)

اذا دخلنا فى موضوع السلبيات الكثيره التى طرحت من خلال الاحداث و التجاوزات التى تمت بين الافراد..............

سنحتاج الى شرح طويل ونحن جميعا بالغين و ندركها و نعلم كيف نتجنبها و الهدف الرئيسى من القصه هو طرح البدايه الطبيعيه لكل قصة حب و التطورات و التجاوزات التى ستحدث اذا تمت عن طريق غير شرعى ........

و كما قلت (ما بنى على خطأ)

البدايه هى لمسة يد و النهايه كما رأينا فى غرفة النوم يملأها الخطيئه ....
و بعدها الندم ثم الندم......
...............................
كما انتهينا بنهايه غير تقليديه ......
سنبدأ الحوار ببدايه غير تقليديه..........
؟؟؟؟؟؟؟؟؟؟؟؟؟؟؟؟؟؟؟

مين فينا اللى يقدر يوصل للحب الكامل .؟؟؟؟؟؟؟
(الايمان الكامل)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الهدف من القصه هو توضيح معنى كلمه الحب الكامل الحقيقى

مين فينا يقدر يقول انا حبيت امى و ابويا او زوجتى وابنائى اكتر من نفسي؟؟؟؟؟؟؟؟؟؟؟؟؟

مين فينا اللى قدر يوصل للايمان الكامل فى حبه لله و الرسول و الجهاد اكتر من نفسه (الدرجه الاعلى)....؟؟؟؟؟؟؟؟؟؟؟؟؟؟؟؟؟؟؟؟؟؟؟؟

{ قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ }
الايه 24 من التوبه

**** فكروا كويس قبل ما تقولوا انكم حبيتّوا...

بتقول لزميلتك في الجامعه ..........انا بحبك
بتقول لخطيبتك......................انا بحبك
بتقول لزوجتك......................انا بحبك
بتقول من قلبك .........انا بحب الله و الرسول
قبل ما تقول انا بحب لازم تعرف ان :

-الحب عطاء مش هيكون.........انانيه
-الحب ثقه مش هيكون ..........غيره زايده
-الحب عدل مش هيكون.........ظلم
-الحب سعاده مش هيكون........عذاب
-الحب كرم مش هيكون..........بخل
-الحب عطف مش هيكون...........قسوه
-الحب رجاء مش هيكون...............امر
-الحب عفه و حياء مش هيكون...........معصيه
-الحب اخلاص و وفاء مش هيكون.......خيانه
-الحب امل مش هيكون ..............يأس
-الحب طهاره وروح جميله و ابدا مش هيكون ...........شهوه
- الحب عمل و احساس بالامن
-الحب تضحيه.....الحب مش كلمه بتتقال..

سمسم و سمسمه وصلوا لمعنى الحب و حسّوه و عاشوا الحب

سمسم و سمسمه اللى بينهم اقوى من انى اقدر اوصفه

سمسم و سمسمه غلطوا و تجاوزوا الحدود

بس مين فينا معصوم من الخطأ

سمسم و سمسمه وصلوا للحب الحقيقى

بس مين فينا يقدر يوصل زيهم

وصلوا متأخر اوى......كان نفسى اقول ان سمسم و سمسمه اتجوزوا ........
لكن مين يعرف المستقبل فيه ايه ؟؟؟؟؟؟

سمسم و سمسمه عايشين لحد انهارده

سمسم.....الحبيب العاذب.......

سمسمه.....المطلقه العذراء.......

الحب اللى بينهم خالد لانه حب حقيقى

(طلب هجره)

لكى نتابع الاحداث احب انى اذكركم ان سمسمه و سمسم لسّه عذاب

دودى خلاص اتجوزت واحد محترم جدا جدا جدا

الف الف مبروك (دودى)

دودى مع جوزها وسمسم.....

مودى (جوز دودى) :اخبارك ايه يا سمسم؟

سمسم:الحمد لله انا كويس وانتوا اخباركم ايه؟

دودى:مفيش احسن من الجواز يا ابنى :

مودى:انت مش ناوى تعملها؟

دودى:بلاش السيره دى يا مودى دلوقتى

مودى:انا اسف هو فى مشكله عندك يا سمسم ؟
انا ممكن اساعدك احنا بقينا اهل....

سمسم:لا عادى بس انا عندى اسباب تمنعنى من الجواز بلاش نذكرها دلوقتى لانتوا لسّه عرايس جداد الف مبروك(ومع الف سلامه ) "الواد ده رومانسى":

.....................

بعد خروج سمسم من عند اخته قعدت دودى مع مودى و قالتله حالة سمسم وسمسمه بأختصار و كان موقف مودى كالتالى...........

مودى مع سمسم ::::::::::

مودى : سمسم ممكن نتكلم مع بعض شويه فى موضوعك؟

سمسم:انا اسف بس مش بحب افتح الموضوع ده وعلى فكره انا خلاص طلبت الهجره لاستراليا و على وشك انها يتوافق عليها لانهم طالبين تخصصى هناك في شركه بيشتغل فيها واحد صاحبى و هو اللى بيسعى في الموضوع من هناك
.... بس الموضوع لسّه سر

مودى: لالالالالالالا
اياك تفكر في الموضوع ده تانى انت مش عندك قلب
والبنت الغلبانه اللى مستنيه اشاره منك علشان تكمل حياتها(حرام عليك)

سمسم:انا عملت كده علشانها و بعدين لمّا اسافر اعتقد انها هتستسلم للامر الواقع

مودى:تفكير(غبى) البنت اقسمت و اعتقد انها خلاص استسلمت لحبك يا ابنى اللى اعرفه ان(روميو وجولييت) مش هتتكرر تانى
..............................
سمسمه مع دودى
(الجانب الاخر)

دودى:اخبارك ايه يا حبيبتى؟

سمسمه:الحمد لله و الجواز عامل ايه معاكى؟

دودى:منتهى السعاده وانتى مش ناويه؟

سمسمه الدموع فعنيها : قولى لاخوكى.....(غبى)
هو فاكر انى ممكن انساه ولا ايه ده يبقى مش عارف مين سمسمه.

دودى:انا اسفه بس انتى غبيه اوى ,حاجه من الاتنين لازم تعمليها....
تاخدى خطوه ايجابيه معاه او ترضى بالنصيب و تتجوزى و تكملى حياتك بقى

سمسمه: الموت عندى اهون من انى اتجوز غير اخوكى(بحبه)
....................................
طب ايه الحل يا ناس (الواد هيسافر)؟؟؟
..................................
دودى مع سمسم...........

دودى:اناعرفت انك مسافر الكلام ده صحيح؟

سمسم:ايوه انتى عرفتى من مين؟

دودى:قبل ما تسافر لازم تعمل حاجه الاول.
لازم تعرف سمسمه علشان تحلّها من وعدها (خلّى عندك دم)

سمسم:انتى عرّفيها انا مقدرش اقعد معاها انتى عارفه كويس ليه.

دودى:"انا اسفه بس ممكن انت تقعد معاها تانى,انا هعزمها عندى على الغدا و انت هتكون هنا بالصدفه و تقعد معاها و تتكلموا مع بعض

سمسم بعد تفكير عميق(انا موافق)
................................

(هو مين ده؟؟)

بدون ذكر تفاصيل مملّه دودى مع مودى مع سمسم مع سمسمه

ياترى ايه اللى هيحصل

تابعونا بكرة

مع كل جديد

[ahmadof]

رد: حكايات الواد اللى مدوخ البنات .... متجدد باذن الله

لا وصف يقال!

فقط

متابع معك

[أبو سعيد الأزهرى]

رد: حكايات الواد اللى مدوخ البنات .... متجدد باذن الله

أنت شوقتنى لما سوف يحدث غدا ولكن هل سوف نحيى الى الغد
معاك استمر