صفحة التواصل العامة لمادة الحب والحياة مع د/ أحمد سعد

[د_احمد ابوسليمه]

بالنسبة لموضوع الاستئذان
بحاول أعود عليه ولاد أخواتي من صغرهم والحمد لله مرة ف مرة بيستجيبوا.

موضوع حسن الاستقبال
بحرص فعلًا إني أنفذه، من باب إدخال السرور عليهم وده فرق طبعًا كتير جدًا على علاقتي بمن حولي.

جزاكم الله خيرًا.

مجهود رائع ما شاء الله

[د_احمد ابوسليمه]

الحمد لله
حسن الاستقبال و الاستئذان بجتهد في التطبيق على اهل البيت زوجي و بناتي و طبعا الاثر طيب جدا
و باضافة حسن الاستماع ليهم كمان فعلا البيت بقى هادي اللهم بارك و مفيش توتر و عصبية و صراخ كتير و خصوصا الاطفال اهدى كتير فى التعامل
و استجابتهم لي و لوالدهم افضل و رفضهم للاوامر بيقل كتير بالاضافه كمان الى قدرتهم على استيعاب دروسهم سبحان الله بقت افضل و ايسر
بالفعل الاخلاق دي احيانا كتير بنتغافل عنها و بنحس انها بسيطه لكن فعلا تأثيرها كبير جدا على نفسياتنا

جزاكم الله خيرا

حقيقيى احنا محتاجين بيوتنا تكون مصدر السكينة والطمئنينة في حياتنا

[د_احمد ابوسليمه]

مشاركة أختي أم عبد الملك
بالنسبة لحسن الاستئذان الحمدلله طبقته مع بنتي لاني فعلا لقيت في الاداب رقي وبدأت اعمله عشان يرسخ في ذهنها تصرفي لان افضل للطفل التربية بالقدوة
ده بالنسبة قبل الدخول اي مكان، وحاليا بدأت ندرب انا وهي على الاستئذان قبل اخذ اي شيء

ما شاء الله وبكده اصبحتم اصدقاء

[د_احمد ابوسليمه]

بالنسبة لخلق الاستئذان
بفضل الله ده تربيت عليه من صغري
ولكن في اشياء كنت بحسبها مفيش داعي للاستئذان فيها... زي أني اخد فلوس من شنطة والدتي من غير ما اقولها لأنها بتقولنا خدوا اللي انتو عايزينه
ومرة سمعت فتوى للشيخ مصطفى العدوي سؤال يشبه كده وقال ان دي سرقة
ومن وقتها بفضل الله مش بفتح شنطتها غير لما استأذن حتى لو شيء بسيط جدا
وكذلك مع أخواتي ، وأحيانا بيستغربوا من تكلفي ده معاهم

خلق حسن الاستقبال
بطبقه مع أولاد أخوتي ، ولازم استقبلهم بالفرح والاحضان من على السلم ومستناش لحد ما يدخلوا
وهم كمان اتعودوا يعملوا ده معانا

ما شاء الله اكيد الضحكة في وجوه الاطفال بتفرح

[د_احمد ابوسليمه]

بالنسبه لخلق حسن الاستقبال دوما بفضل الله اقوم به
وبالنسبه لخلقك الاستئذان بصراحه بستأذن مع اى حد ما عدا بناتي كنت بدخل عليهم علطول من باب الاطمئنان
اني ادخل في اي وقت دون اذن ....لكن بعد سماع الدرس بدات استاذن ف بنت من بناتي بتقول ايه ده ماما بتستاذن انها تدخل ...قلتلها اعمل ايه المعهد يا حبيبتي قالتي الله احلي معهد ده ولا ايه
جزاكم الله عنا كل خير

طب انا المرة الجاية عاوزهم يحضروا معانا
ممكن؟

[د_احمد ابوسليمه]

الحمد لله متعوده على الاستئذان وبحاول اركز في موضوع حسن الاستقبال الله المستعان واجمل حاجه هي ابتسامه رد الفعل للاخر ^^

فعلا ضحكة الناس بتفرحك قبل ما تفرحهم

[قدوتي أم المؤمنين خديجة]

مشاركات من الأخت عفو ربي :
لما بأستئذن من زوجي أني ابات عند اهلي كام يوم بلطف و أدب بيوافق و كمان بيسيبني اختار اليوم و أن معترض ع اليوم بيقولي روحي يوم تاني و هضبطلك امورك

زوجي لما بسمع خطوات طلوعه ع السلالم بعرف انه وصل بفتح الباب و استناه و ببتسم ف وشه و اشيل اللي ف أيده و بيبقي مبسوط من استقبالي له و بيبقي مرتاح

[روعة القران]

طب انا المرة الجاية عاوزهم يحضروا معانا
ممكن؟

اكيد طبعا ان شاء الله شرف لينا ان حضرتكم تدعوهم للحضور
جزاكم الله خيرا عنا

[د_احمد ابوسليمه]

مشاركات موفقة
جزاكم الله حيرا

[سمر أسامة]

السلام عليكم ورحمه الله وبركاته
تحدي الفكاهه والمرح
من ورشه صحبه للجنه
رفعته ف ملف لتعذر رفع الصور ع المنتدي مباشره
وان شاء الله ردود الافعال اكتبها لما انتهي من توزيع البونبوني
https://up.top4top.net/downloadf-664yuts21-docx.html

[ياسمين مجدي عبد المحسن]

السلام عليكم ورحمة الله وبركاته
صور تحدي : الفكاهه والمرح
من ورشة صحبه للجنه
وسأكتب المواقف حين اجمعها ان شاء الله ان وجدت
وجزاكم الله خيرا
https://up.top4top.net/downloadf-664ci06k1-docx.html

[قدوتي أم المؤمنين خديجة]

السلام عليكم ورحمة الله وبركاته
صور تحدي : الفكاهة والمرح
فكرة تصوير البونبوني على شكل كلمة الحب والحياة فكرة ورشة 2 (صحبة للجنة )
جزاكم الله عنا كل خير
https://up.top4top.net/downloadf-664j3gi41-docx.html

[قدوتي أم المؤمنين خديجة]

اشتريت البونبوني يوم الثلاثاء وبدأت توزيع يوم الأربعاء
كل البنات انبسطوا جدا
وحدة قالتلي : انا بحب الحاجات الصغيرة دي جدا لانها اكتر حاجة بتفرح
ووحدة كنت لسه مسلمة عليها بحرارة لان بقالي فترة مشوفتهاش وبعدين ادتلها وكان رد فعلها انها حضنتني وقالتلي كدا كتير عليا
وفيه مجموعة بنات اصحابي ادتلهم مع بعض فسألوني بمناسبة ايه قلتلهم بمناسبة اني بحبكم قالولي واحنا كمان بنحبك وحكيتلهم عن المادة والمعهد وعجبتهم الفكرة واندهشوا ان فيه معهد بيدرس بالطريقة دي
وفيه بنات تانية ملتزمات لما شافوني بوزع قالولي ده أكيد تبع المعهد مش هيفتحوا دفعة جديدة بقى

التحدي فرق معايا جدا وانبسطت وحسيت ان كل اللي حواليا مبسوطين وده من يوم واحد بس لأني منزلتش الجامعة النهاردة
جزاكم الله عنا كل خير وإن شاء الله هكمل توزيع الأيام الجاية

[سمر أسامة]

تحدي الفكاهه والمرح
الطالبه أسماء سعد
https://up.top4top.net/downloadf-664a1jie1-docx.html

[*جنتي في صدري*]

الحمد لله تم توزيع الشكولاتة علي أفراد عائلتي واستغليت فرصة أنها أول مرة لي لذهاب بيت أهلي بعد زواجي واخدت الشكولاتة وانا مسافره وبعد لما رجعوا من الصلاة وزعت عليهم وكانوا فرحانين
جزاكم الله عنا كل خير