إعـــــــلان

تقليص

دورة بصائر | إعداد المسلم الرباني " الجزء الثالث

دورة بصائر | إعداد المسلم الرباني " الجزء الثالث "
شاهد أكثر
شاهد أقل

قرب تعالى -- انت رايح فين؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قرب تعالى -- انت رايح فين؟



    حبيبى الغالى

    قرب تعالى -- انت رايح فين؟


    بيبقى احساسك ايه ؟؟؟


    لما الاذان اذن و افتكرت انك كنت زمان بتكون فرحان و طاير و بتوضى و هتنزل جري على المسجد و تقوله

    جايلك يارب جايلك ياحبيبي

    ياللى مليش غيرك في حياتي ..

    جايلك يا كريم يا رحيم يا ودود يا جبار..

    السلالم اللى كنت بتنزلها جري علشان تلحق تكبيرة الاحرام في المسجد ..!!!و كان بيتكتبلك بكل سلمة حسنة...الطريق اللى ياما مشيت فيه للخير و مشيت فيه للمسجد بسرعة في رمضان علشان تلحق مكان بعد ما فطرت و تستثمر الوقت بجزء قرآن ؟؟!!!

    كانت هتشهد ليك....ليه تخليها تشهد عليك و تبقى كل خطوة بسيئة ..ما كانت بتشهد ليك

    ؟؟؟؟؟؟؟؟؟؟؟؟؟؟؟؟؟!!!!!!!!!!!!

    ؟؟؟؟؟!!!!!!!



    قرب تعالى -- انت رايح فين؟

    احساسك ايه لما بتشوف اخوة معديين باللحى تزين الوجوه و النور يضيء من الوجوه

    و ماشين يكلموا شلة واقفة مش ملتزمة...

    بتقول انا كنت زمان كده كنت بعمل كده

    و جم وقفوا ادامك مصدومين

    ايه ده انت مين ؟؟!!!

    انت فلان

    انت اللى كنت معانا و بنعمل الورق اللى هنوزعه في رمضان

    انت اللى كنت بتدعوا معانا

    انت اللى كان حلمك الشهادة

    انت الطائع العابد الزاهد..

    ولا انت مين ؟؟؟

    انت مين ؟؟

    و بدأوا يكلموك و انت ايه احساسك فين ؟؟


    قرب تعالى -- انت رايح فين؟

    احساسك ايه ..و انتى بتعصي ...و انتى بتتجرأ على محارم الله ؟؟

    و أنت بتنتهك اعراض البنات اللى رجعت تكلمهم ؟؟

    احساسك ايه لما بترجع للشلة القديمة و الاغاني و الكليبات و الافلام و المسرحيات؟؟

    احساسك ايه ...لما بتسود زجاج العربية و الكلام بالانجليزي ينزل ؟؟

    احساسك ايه و انت بتعاكس ديه و ديه و ديه

    و فجأأأأأأأأأة ...

    لقيت اخ و زوجته المنتقبة معديين...

    اللى كان حلمك تبقى كده ...؟؟



    احساسك ايه لما عرفت ان صاحبك اللى كنت بتكلموا التزم بس بجد و سبقك و بقى داعية ...

    و في يوم كلمك على الموبايل ازيك يا فلان عامل ايه ياعم ده في درس انا هعدي عليك نروح ما بعض

    باركلي ياعم و اخير التزمت و قربت من ربنا و عرفت فين السعادة

    هتقوله ايه

    اصلي سيبته

    اصلي روحت للشقاء برجلى

    و ياه هو ممكن يقولك ايه ..ممكن يقولك تصدق لو كنت شوفتك كده قبل ما التزم مكنتش التزمت

    و فتنته!!!!!!!!!!!!

    ده غير بقى الشلة الجميلة القديمة الروشة بتاعت زمان اللى لما رجعتلها

    ثبت عندهم ان اللى هما بيعملوا هوا الصح

    بقيت انت بدل ما بتقربهم خطوة بعدتهم مليون

    بقيت ادامهم الضعيف لشهواته و نزواته ..

    ؟؟؟؟؟؟!!!
    قرب تعالى -- انت رايح فين؟



    طيب احساسك ايه لما حد يسألك انت ليه عملت في نفسك كده ؟؟؟

    و ليه سيبت ..طب ده انا كنت بفكر التزم ..ليه بس تسدها في وشي كده يا عم احبطني و الله

    لما انت مقدرتش تثبت انا هثبت..

    و راح انغمس في شهواته ... و معاصيه تاني

    و كان مين السبب

    أنت..

    فرحت الشيطان فيك..فرحت اعداء الله فيك

    فرحت اعداء الاسلام فيك..فرحت النصارى و اليهود فيك

    و بقيت وجبة غذائية متكاملة للشيطان و أعوانه

    و طبعا هيقولك برافو عليك و مبروك يا حبيبي مبروك عليك



    و طبعا الشيطان هياخدك بالاحضان و يقولك انت رجعتلى

    اهلا و سهلا و مرحبا بحبيب اتى بعد غياب انت فين ياعم ياما نديت عليك ومعبرتنيس و استعذت و استغفرت و عملت اعمال صالحة

    فسيبتك و مشيت قلت مفيش منك فايدة لالالالا ده انت طلعت تبعنا صحيح ده انا اتعلمت منك ان ميأسش من حد مهما عبد ... و يرحب بيك احسن ترحاب و يبقى عيد بالنسبة له...و يقولك جدع و الله أخيراااااا عرفت الطريق الصح ؟

    اقلها كده يعني

    كبيرة ولا اتنين في اليوم

    ياعم سيب الصلاة هيا كانت عملتلك ايه ...و كلم بنات ..و ازني

    زنا العين و الايد و السماع و كله و بقت

    هييييييييييييييييييييييييييييييييييييصة

    و كله بيتفرج على جديدك كل يوم ؟؟؟!!!!


    وفى الآخر..هييجي يقولك بكل ثقه : ايه ده هو انا شفتك قبل كده!!!! انا معرفكش

    ويديك ظهره ويقول "إني أَخَافُ اللّهَ رَبّ الْعَالَمِينَ


    "
    قرب تعالى -- انت رايح فين؟



    طب احساسك ايه ؟؟!!


    و العيلة بقى ايه ده معقول فلااااااااااااااااااااااان اللى كان بيكلمنا و يدعونا و يوزع علينا شرايط

    اللى مرضاش يحضر افراحنا

    اللى مرضاش و مرضاش و مرضاش

    وكان رضى الله عندي اغلى من كل حاجة

    و هما بيقول مش ده اللى كان سلفي...مش ده اللى كان بيقول قال الله و قال الرسولى صلى الله عليه و سلم ...شوف يا عم بيعمل ايه دلوقتى ده انا معملتش اللى عملوا ...الحمد لله يا سيدي...أنا كده كويس اوي ( و بيبوس ايده وش و ظهر)

    ؟؟؟!!!!


    طيب احساسك ايه و انت نازل من البيت و ركبت العربية

    و بتفتح علشان تحط شريط الاغاني لقيت شريط كنت بتسمعه زمان

    للشيخ يعقوب و لا لدكتور حازم ولا للشيخ حسان و لا الشيخ أحمد جلال

    ولا شريط قرآن لمشاري راشد

    ولا لقيت ورق من اللى كنت بتوزعه

    ايه هتعمل ايه

    هترميه ؟؟!!!

    ولا هتشغله ؟؟!!

    ولا هتبقى حجر

    و تشغل شريط الاغاني عادي؟؟!!!


    استنى بس عليا ..


    طيب و المكتبة اللى في الاوضة و الكتب و الشرايط احساسك ايه لما بتشوفها ؟؟!!

    احساسك ايه لما بتشوف المصحف

    ولا المكان اللى بتقم فيه

    ولا السواك؟؟؟؟


    طب و البنطلون اللى قصرته ؟؟؟و القمصان البيضة الطاهرة اللى كنت بتلبسها ؟؟

    هتعمل ايه

    لما جيت تفتح الدولاب و ملقتش بنطلون طويل شوية تلبسه

    ولا لبست البنطلون و لقيته قصير فاتكرت انك كنت عملته كده اقتداءا بالرسول صلى الله عليه و سلم ؟؟؟ و أنتي برده نقابك اللى قلعتيه ..بتفتحي الدولاب لقيته ادامك ..لقيتي الملحفة ادامك ..فافتكرتِ ايام الطهر و العفة و الحياء...افتكرت ايام العزة لما كنتِ في طريق الله ...و مع ذلك ازاي قدرتي ...تشدي البنطلون الجينز و البادي و تقفلي الدولاب طب دموعك منزلتش ...قلبك مرقش؟؟؟طب محنش ؟؟؟


    ولا مثلا الاسرة اللى كنت بتكفلها ...و يتصل بيك صاحبك يا فلان عايز الكفالة

    علشان رفقة الحبيب صلى الله عليه و سلم ..

    هتقوله ايه بقى

    لما يقولك عمرك ما اتأخرت ..الاسرة فقيرة جدا و محتاجة الكفالة

    انا جايلك دلوقتى هتقوله ايه

    و هو كان قدوة ليك لما يجي يشوفك كده

    هيقولك ايه

    ؟؟!!!

    و الاهم احساسك انت ايه ؟؟

    مش مكسوف من نفسك ؟؟

    مش مكسوف من ربنا يا اخي؟؟؟

    قرب تعالى -- انت رايح فين؟

    سيبك من كل دول اصل انت مبيفرقش معاك الناس..انا عارف

    طيب نظر الله ليك و مراقبته ليك ..مش مكسوف

    مش خايف من ربنا مش خايف من النار مش خايف لتموت في اي لحظة

    هتقول لربنا ايه

    ؟؟؟؟؟؟؟!!!!!!!!!


    احساسك ايه و انت حاسس انك محروووووووووووووووووم

    محروم من الطاعة وحلاوتها و جمالها

    محروم من الصلاة

    محروم من الذكر

    محروم من القرآن

    محروم من الدعاء

    محروم من الدعوة

    محروم من المسجد و محروم من كل حاجة

    احساسك ايه و انت مستبدل

    و انت مطرود

    و انت مشرد

    و تايه في طريق المعاصي

    احساسك ايه

    ؟؟؟؟؟؟؟؟!!!!!!!!!!!!!


    ازاي بتضحك؟؟....ازاي بتهزر؟؟...ازاي مش همك؟؟

    هتقول لرسول الله صلى الله عليه و سلم ايه ؟؟

    هتقوله انا بدلت تبديلا يا رسول الله

    هتقوله مصدقتش في اقتدائي بيك يارسول الله

    هتقوله انا ندل يارسول الله

    هتقول انا مستحقش اي حاجة يا رسول الله

    هتقوله انا مش راجل انا عيل يا رسول الله

    هتقوله ايه و انت السبب في انه صلى الله عليه و سلم

    يحزن و تدمع عيناه لم يعرف حالك

    هتقوله ايه على الحوض

    لما يتقالك تقول سحقا سحقا .....................بعدا بعدا

    ؟؟؟؟؟؟!!!!!!


    طب ليه ؟!؟!؟!؟!

    عشانها الدنيا الحقيرة اللى متساوش عند الله جناح بعوضة ...و و الله لو كانت تسوى عند الله جناح بعوضة ما سقى الكافر منها شربة ماء..

    علشان ايه .؟

    سامحني أنت مجنون

    اه مجنون ...اصل العاقل اللى يختار الجنة النعيم الدائم اللى يختار طريق ربنا

    و المجنون بقى اللى يضيع دنيته و اخرته

    يا حبيبي انا خايف عليك..انت اخويا..افهمني وحس بالكلمه لانها مش بالبطاقه..لا احنا مسلمين واخوة بجد ومع بعض فنفس المركب



    علشاااااااان ايه ؟؟

    جاوبني و فوق احسن متفوق و ملك الموت على بابك ..جاي يقبض روحك

    ارجع و روح و مرمغ نفسك على بابه قبل ما تتمرمغ في جهنم

    قبل ما يضيق عليك قبرك...

    فوق قبل ما تقول يارتنى و تندم و ساعتها مش هينفعك الندم

    توووووووووووووووب و ارجع قبل القطار يمشى و يتقفل ادام عينك باب التوبة

    لانك هتبقى مت....؟؟؟؟؟!!

    توب قبل ما تتلف في الكفن و تنزل قبرك و عينك تنفجر و عينكِ تنفجر...!!!


    قرب تعالى -- انت رايح فين؟




    حبيبى انا نفسى اقول لك حاجة


    تخيل معايا ناس بتعصي و مش عارفة جاهلة مش عارفة العذاب و العقاب اللى ممكن تتعرض ليه من المعاصي مش عارفة خطورة اللى بتعملوا ( مع العلم ان دول ملهومش عذر المفروض يروح يعرفوا دينه )


    تخيل دول عقابهم هيكون ايه ؟؟!!!

    ونا مش هفضل أثبتلك الكلام ده بآيات وأحاديث لانك عارفها كويس ...



    فما بالك بناس تااااااااااااابت _ المفروض_ و رجعت لربنا و التزمت و ليها في ارض الالتزام بيوت ..و بقالهم سنين بيبنوا

    و عارفين و ذاقوا و عرفوا ان ده الحق و ذاقوا طعم السعادة في طريق الله

    و فجأة انتكسوا و راحوا للطريق التاني ؟؟!!

    تخيل بقى اللى عرفوا و عملوا دول و بعدين سابوا هوا اللى ساب

    تخيل ممكن يكون عقابه ايه ؟؟!!!

    =============

    قرب تعالى -- انت رايح فين؟



    أحبكم فى الله


    التعديل الأخير تم بواسطة أبومصعب محمود ابراهيم; الساعة 10-05-2013, 06:43 PM.

  • #2
    رد: قرب تعالا -- انت رايح فين؟

    جزاكم الله خيرا

    موضوع رائع

    جعلة الله في موازين حسناتكم

    اللهم بارك لنا في شعبان وبلغنا رمضان

    تعليق


    • #3
      رد: قرب تعالا -- انت رايح فين؟

      المشاركة الأصلية بواسطة عبدالرحمن ابواليزيد مشاهدة المشاركة
      جزاكم الله خيرا

      موضوع رائع

      جعلة الله في موازين حسناتكم
      اللهم امين
      وجزاكم بالمثل

      بارك الله فيكم ورفع قدركم

      تعليق


      • #4
        قرب تعالى -- انت رايح فين؟

        تعليق

        يعمل...
        X