إعـــــــلان

تقليص
لا يوجد إعلان حتى الآن.

12 سنة رحلتي مع الخشوع في الصلاة !!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [منقول] 12 سنة رحلتي مع الخشوع في الصلاة !!


    رحلتي 12 سنة مع الخشوع في الصلاة !!






    أعرف بنت قعدت تجاهد نفسها أكتر من 12 سنه في الصلاه ,
    بتجاهد نفسها ازاي تخشع في الصلاه ,




    بتقولي :-

    كنت بتوصل بيا اني كنت بقعد أبكي في الصلاه بكاء زي الطفل الصغير عشان مش عارفه
    أخشع



    , بحاول و بسعى و بقرأ في حاجات تجيب الخشوع , و أسمع فيديوهات , مره و أتنين , و أخشع يومين و أرجع تاني اصلي حركات جسم من غير روح
    , أقعد أدعي أدعي و أطلب
    من ربنا يقدرني اعرف اصلي صح , و أعمل اسبابي , و أدعي , و يومين و أرجع , و كنت
    ساعات بقول طب هو هيقبل صلاه كده ؟! لدرجة اوقات كنت بفوت السنن عشان مش عارفه


    أخشع و ده غلط كبير اوي و ده من الشيطان , كنت أشوف بنات في مسجد او في أي مكان
    بيصلوا بخشوع أقعد أبكي و يصعب عليا نفسي , كنت أقرأ قصص الناس ال كانت بتخشع كنت اتحسر عل نفسي , طب اعمل ايه علشان أوصل يارب
    , عانيت كتير أوي ,



    و في رحلتي للخشوع في الصلاه
    و اني عايزه أخشع في صلاه فعلاً تكونلي (
    أرحنا بها يا بلال
    )


    لاحظت إني أنا نفسي بدأت أتغير
    , يعني قلبي مبقاش قلبي بتاع زمان , بقى قلب شايف


    ربنا في كل حاجه , قلب بيحاول يرضى ربه في كل كبيره و صغيره , قلب بيحاول يوصل
    للتخلي عن الدنيا علشان ينعم بتجلي الله عليه :") , لاحظت اني مش بغير صلاتي بس ,
    لأ والله , انا بغير حياتي كلها وقتها
    , كل حرف بقرأه و بسمعه يبعرفني ربي , بيعرفني هو


    مين , مش فكرة صلاه بس , مع الوقت بعد 12 سنه و أكتر , من جهاد نفس
    و
    تعب قلب



    عشان يوصل تحقق وعد الله ليا (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا) صلاتي بقت حاله
    من حالات



    الاتصال العالي بالله , بحس إني لما بدخل الصلاه بقيت خلال فجوه زمنيه
    بيني و بين الواقع كله والله , بحس بقربه مني ,
    بصلي بحال و بخرج بحال تاني
    , بس
    في حاجه , صلاني بدأت تبان عليا ,
    بتبان على أخلاقي
    , أخلاقي أتغيرت جدااا وطباعي
    و شخصيتي و تفكيري و سلوكي لساني






    صلاتي طبعت عليا


    , بقت بحس اني مع كل سجود عل الارض بترفع عند الله درجه , مش قصدي ثواب , قصدي تغير فيا , بقيت حريصه
    أني في كل مره هقول " الله أكبر
    " أكون أحسن من الـ قبلها , و لما أسهى أو أسرح


    في صلاتي أقعد أستغفر طول ليلي من قلبي انه يغفرله خطئي و بلاقي نفسي في الفرض
    الـ بعده أحسن و أقرب , قيام الليل
    ساعدني أوي , كنت بستمد منه طاقه روحانيه عاليه


    و مساعده من ربي ( عَسَىٰ أَن يَبْعَثَكَ رَبُّكَ مَقَامًا مَّحْمُودًا ) , و ده الـ بيحصل


    الحمدلله , ربنا بيوصلني للمقام ده في الصلاه , الصلاه لما أتغيرت , حياتي والله كلها
    أتغيرت , و بقى ترمومتر صلاتي
    ,
    حال قلبي
    , لو حال قلبي بعد الصلاه هدى و سكن


    و بفكر في الخير أعرف اني أقمت الصلاه الـصح , لقيت نفسي عكس كده , أعرف ان الخلل
    مني , حبيت أنقل قصتي لكل مين بيجاهد ربه ف الصلاه
    ,
    أصبر
    , و
    أتعلم
    , و
    أعمل
    اسبابك

    , ربنا هيفتح لك فتح مبين في الصلاه , و منه فتح مبين في حياتك كلها






    ربنا يرزقني و يرزقكم جميعاً كما رزقها






    ( منقول للفائدة )






    التعديل الأخير تم بواسطة *أمة الرحيم*; الساعة 10-01-2017, 12:32 AM. سبب آخر: وضع الآيات بالتشكيل



  • #2
    رد: 12 سنة رحلتي مع الخشوع في الصلاة !!

    جزاكم الله خيرا

    تعليق


    • #3
      رد: 12 سنة رحلتي مع الخشوع في الصلاة !!

      جزاكِ الله خيرًا

      تعليق


      • #4
        رد: 12 سنة رحلتي مع الخشوع في الصلاة !!

        المشاركة الأصلية بواسطة *أمة الرحيم* مشاهدة المشاركة
        جزاكم الله خيرا
        المشاركة الأصلية بواسطة بالقرءان نحيا مشاهدة المشاركة
        جزاكِ الله خيرًا
        جزانا و إياكم أخواتي



        تعليق


        • #5
          رد: 12 سنة رحلتي مع الخشوع في الصلاة !!


          اللهم ارزقنا الخشوع

          من أهم أسباب الخشوع معرفة الله بأسمائه وصفاته واستشعار مخاطبته أثناء الصلاة
          اللهم ارحم أبى وأمى وأسكنهما الفردوس الأعلى من الجنة
          اللهم اعتق رقابنا من النار
          يا وهاب هب لنا من لدنك ذرية طيبة إنك سميع الدعاء

          تعليق


          • #6
            رد: 12 سنة رحلتي مع الخشوع في الصلاة !!

            المشاركة الأصلية بواسطة م/ جيهان مشاهدة المشاركة

            اللهم ارزقنا الخشوع

            من أهم أسباب الخشوع معرفة الله بأسمائه وصفاته واستشعار مخاطبته أثناء الصلاة
            بالفعل الموضوع يحتاج مجاهدة و تعلم
            الله يرزقنا و إياكم لذة الوقوف بين يديه و مناجاته


            تعليق

            يعمل...
            X