إعـــــــلان

تقليص
لا يوجد إعلان حتى الآن.

تفريغ اول شريط فى مدرسة القرآن000والله المستعان // مفهرس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تفريغ اول شريط فى مدرسة القرآن000والله المستعان // مفهرس


    تفريغ اول شريط فى مدرسة القرآن
    لكن التفريغ ليس حرفيا وانما بالمعنى
    وتم التقسيم على حلقات ومحاولة التنظيم قدر المستطاع
    اسال الله ان يعيننا على تدبر القرآن وفهمه
    وان ينير قلوبنا به ويجعله لنا هاديا ومرشدا
    الله المستعان

  • #2
    بسم الله الرحمن الرحيم
    قبل ما نبدا 000ياريت كل حد فينا يستحضر النية باذن الله
    ويفرغ قلبه من كل مشاكل الدنيا وكل الشهوات
    ويجعل الفترة القصيرة دى خالصة لوجه الله تعالى
    هيا جميعا نقرا بقلوبنا ونبدأ الرحلة والله المستعان
    *******************************
    اولا 000سورة البقرة من اصعب السور الى ممكن نخشع فيها
    لانها مليئة بالاحكام اكتر من الروحانيات
    طيب ليه القرآن الكريم بدا بالاحكام قبل الايمانيات؟؟؟؟؟
    لان قبل ما تنزل سورة البقرة 000كان المسلمين غير متميزين فى عبادتهم اوى عن اهل الكتاب
    فنزلت سورة البقرة عشان تميزنا عن غيرنا فى حاجات كتير
    زى آيات القبلة وآيات تفصيل العبادات
    عشان لما ندخل الدين 000اول حاجة نقراها هى الاحكام
    فاى حد يدخل الدين لازم يقر بالاحكام دى
    ويؤمن بمبدا (سمعنا واطعنا)
    مش يدخل الدين وهو مش مقتنع باحكام معينة فيه
    زى الى بيحصل دلوقتى مثلا 000ان فتاة مش محجبة او كده
    تقول هتحجب بالتدريج اوكده
    لا الاصل فى الاسلام 000ان احنا نسلم بكل اوامر الله عزوجل
    *****************************
    طيب ليه سميت سورة البقرة بهذا الاسم ؟؟؟؟
    00البقرة من اكبر الرموز الشركية على وجه الارض
    لانها لحد دلوقتى بيعبدها حوالى نص مليار شخص
    والسورة اتسمت كده 000لان ربنا اراد انه يطهر قلوب بنى اسرائيل من حب عبادة البقر
    000فامرهم بانه يذبحوا البقرة ويعلنوا التوحيد لله عزوجل
    عشان كده الحكمة من الاسم 000اعلان توحيدنا لله عزوجل
    **********************************
    طيب نيجى لفضل سورة البقرة؟؟؟؟
    سورة البقرة قال عنها رسول الله صلى الله عليه وسلم
    (البقرة وآل عمران تاتيان يوم القيامة كانهما غمامتان تحاجان عن صاحبهما)
    ياه تخيلوا ياجماعة مدى فضلها
    ان سورة البقرة تيجى يوم القيامة وتشفع لنا
    يعنى ممكن تقينا باذن الله حر واهوال يوم القيامة
    لكن ده بشرط لازم ناخد بالنا منه000انها تكون صاحبة لنا
    يعنى ايه ياجماعة ؟؟؟؟
    الرسول صلى الله عليه وسلم قال صاحبها مش قارئها او حافظها
    يعنى علشان تشفع لينا هى وسورة آل عمران 000لازم تكون صاحبة لينا فى حياتنا
    ولازم نفهم احكامها وايمانياتها ونطبقها فى حياتنا عشان تشفع لينا باذن الله
    اللهم ارزقنا فهم آياتها وتطبيق احكامها واجعلها شافعا لنا يوم القيامة

    تعليق


    • #3
      نبدا ان شاء الله000فى اول 5 آيات الى بيتكلموا عن المؤمنين
      اللهم اجعلنا منهم اجمعين
      *******************************
      اول آية (الم)0000
      احنا كلنا مش عارفين تفسيرها
      وكل العلماء اختلفوا على معنى الحروف المقطعة الى فى اول السور دى
      لكن اجتمعوا 000على انها تحدى للكفار
      يعنى ربنا بيقولهم ان الحروف دى هى الى خلق منها القرآن
      وبيتحداهم انهم يقدروا ياتوا بآية واحدة زى آيات القرآن الكريم
      فلازم احنا نثق فى كمال ديننا وانه اعظم الاديان واكملها على الاطلاق
      وهى برده 000لها معنى مهم لينا
      ان مش شرط كل حاجة فى الدين من احكام او غيره 000نبقى عارفين حكمتها ايه
      يعنى هى تربية لينا ان الحاجة الى احنا ما نفهمش حكمتها 000نقول برده سمعنا واطعنا ونثق فى حكمة الله
      **************************
      (ذلك الكتاب لا ريب فيه هدى للمتقين)000يعنى هو ده الكتاب مفيش غيره
      ومفيش مصدر تانى وطريق لربنا غيره
      ********************************
      (الذين يؤمنون بالغيب)000دى اول صفة للمؤمنين
      انهم مش ماديين فقط زى الغرب
      لا ده احنا بنؤمن بوجود الملائكة من حولنا
      وبوجود الغيبيات من حولنا كمان
      ***************************
      (ويقيمون الصلاة ومما رزقناهم ينفقون )
      يعنى بيحافظوا على الصلاة 000وبينفقوا قدر استطاعتهم
      يعنى مش على اد الزكاة وخلاص الى مقدارها 2.5%
      لا ده الانفاق فى سبيل الله 000المؤمن بينفق حتى ولو كان ما بلغش نصاب الزكاة
      *******************************
      (والذين يؤمنون بما انزل اليك وما انزل من قبلك )
      معناها ان احنا لن نصل للايمان بالله الا بالعبادة
      يعنى مش ممكن ايمانياتنا هتعلى 000الا لما نزود عبادتنا
      يعنى اول خطوة للوصول الى الله 000ان كل حد فينا يبقى مؤمن عابد لله
      وان احنا نجتهد فى العبادة قدر استطاعتنا
      ***********************************
      (وبالآخرة هم يوقنون)
      ايه الفرق بين الايمان واليقين ؟؟؟؟
      اليقين ان قلوبنا تبقى مليانة بالايمان ومفيش اى ذرة شك فيها
      لكن الايمان بيزيد وينقص
      اما اليقين ان احنا نبقى عندنا يقين فى الجنة وفى النار وفى الحساب
      وان احنا نبقى عندنا يقين زى يقين سيدنا عثمان رضى الله عنه الى كان بيقول
      (لو تهتكت الحجب ورايت الجنة ورايت النار ورايت ربى ما زدت يقينا )
      طيب ازاى نوصل لليقين العالى ده؟؟؟
      ان احنا نفضل ماشيين فى طريق ربنا زى ما ربنا قالنا
      اول حاجة نجتهد فى العبادة ثم ربنا يرزقنا الايمان بالتدريج الى ان يرزقنا الله اليقين
      وطول ما احنا بنجاهد ان شاء الله هنوصل لربنا
      يعنى لازم باذن الله طول ما احنا ماشيين فى الطريق كل يوم نزيد خطوة الى ان يرزقنا الله اليقين
      وحاجة كمان 000ان ربنا وصفهم بانهم (يوقنون )
      وده يعنى استمرار فى اليقين 000يعنى الاحساس ده ملازم ليهم
      مش مثلا فى صلاة التراويح تذكر آيات الجنة والنار نبكى تيجى آيات تانية نتوقف عن التاثر بيها
      لا ده يقين مستمر فى الله
      ***********************
      (اولئك على هدى من ربهم واولئك هم المفلحون)
      اولئك 000للرفعة &على 000حرف استعلاء
      كأن المؤمنين دول على جبل عالى اوى بسبب ايمانهم
      (من ربهم )000دى معناها كبير اوى
      ان المؤمنين ما وصلوش للى هما عليه من الايمان
      الا من عند الله 000يعنى الايمان ده مش بعملهم فقط
      يبقى احنا لازم نفتقر الى الله وندعوه دايما ان يرزقنا الايمان باذن الله
      **************************
      يتبع قريبا ان شاء الله
      والله المستعان

      تعليق


      • #4
        رد: تفريغ اول شريط فى مدرسة القرآن000والله المستعان

        جزاكم الله خيراً

        تعليق


        • #5
          رد: تفريغ اول شريط فى مدرسة القرآن000والله المستعان

          فى انتظار باقى التفريغ

          تعليق


          • #6
            رد: تفريغ اول شريط فى مدرسة القرآن000والله المستعان

            بارك الله فيكم وجزاكم خيرا
            نفع الله بجهدكم

            تعليق

            يعمل...
            X