Tweet
تاني مرة بنرحب بيكِ معانا
فاكرة أول مرة كانت إمتى؟؟؟؟
لما قررتِ تدخلي دورة عم وتحفظي الجزء وتتعلمي تجويد
فاكرة خوفكِ وقتها وإحساسكِ إن الموضوع كبير ومش هتقدري عليه؟
فاكرة الشيطان حاول كام مرة يحبطكِ ويبعدكِ عن الحفظ؟؟
فاكرة بقى لحظة انتصارك عليه لما ختمتِ الجزء بفضل الله واتعلمتي التجويد؟
ممكن الشيطان يكون بيوسوس لك تاني ويقولك فرحانة ليه؟
أنتِ مكنتيش من أوائل الدورة ولا حتى المتميزات!!!!
تسكتِ أنتي بقى ولا تردي عليه؟؟؟
تردي عليه طبعًا وتنتصري على وساوسه كمان
لو خرجتِ من الدورة بآية واحدة جديدة حفظتيها فأنتِ كسبانة
لو خرجتِ بمعلومة واحدة جديدة عرفتيها فأنتِ برضه كسبانة
متخيلة كل حرف مجرد قراءتك له تاخدي حسنة والحسنة بعشر أمثالها؟؟؟؟؟
قادرة تتخيلي عداد الحسنات شغال بيعد لك أد إيه؟؟
أنتِ بفضل الله عديتي أصعب خطوة وهي الخطوة الأولى
وطول ما بتستعيني بالله هتعدي خطوات كتير جاية
وطول ما معاكي صحبة صالحة بيتشجعك وتحفزك عمرك ما هتقفي بفضل الله
كل الكلام اللي فات ده جميل لو كنتِ حضرتِ دورة عم وحفظتِ الجزء معانا
طيب لو في أخت محضرتش دورة جزء عم هينفع تشترك معانا؟؟؟
ينفع طبعاااااااااا بس تكوني حافظة جزء عم ومُتقن معاكِ بنسبة كبيرة
وكمان تكوني عارفة أساسيات التجويد زي:
اللحون، أحكام الاستعاذة والبسملة، أحكام الميم الساكنة والنون الساكنة والتنوين
هاتي إيدك في إيدنا تاني نكمل مشوار بدأناه مع بعض وهنكمله بإذن الله
هنحفظ جزء تبارك بمعدل نص وجه يوميا وهندرس أحكام المدود والتفخيم والترقيق
وزي ما عملنا في دورة عم هيكون لينا مدارسة مع شيوخنا الأفاضل
نفهم منهم معاني الكلمات والقضايا الاساسية في جزء تبارك
جددي النية لله
اطلبي من ربنا يوفقك ويسددك ويثبتك على الطريق
الدروة إن شاء الله لها اختبار نهائي (شفوي وتحريري) وجوايز للأوائل زي دورة عم
بس هفكرك تاني إن هنا مفيش حد خسران
الكل كسبااااااان بفضل الله
شروط الالتحاق بالدورة:
1- تكوني حافظة جزء عم وثابت معاكي بنسبة متقلش عن 70%
2- تكوني مش حافظة جزء تبارك، ولو حفظتيه قبل كده تكون نسبة تثبيته متزيدش عن 25%
3- تجيدي تطبيق أحكام النون الساكنة والتنوين وأحكام الميم الساكنة
4- تكوني مبتدئة في الحفظ مش حافظة أجزاء كتير من بداية المصحف
5- الاشتراك في دورة واحدة فقط
مواعيد الحلقات والجوايز في المشاركة الجاية
اشتركي في الموعد المناسب ولاااااااازم تردي على الأسئلة المكتوبة
وده ايفينت الفيس علشان تضيفي كل أصحابك
https://www.facebook.com/events/499050880288478/?notif_t=plan_user_invited¬if_id=14697982718048 05
تنبيه هاااااااااااام
كل أخت تشترك بحلقة تعمل حساب على برنامج الاسكايب أو الزيلو وتضيف الحساب ده سواء على اسكايب أو زيلو akhwat_way2allah لتكمل اشتراكها في الدورة
المركز الأول
تعليق