إعـــــــلان

تقليص

برامج رمضان 1439 هـ

برامج رمضان 1439 هـ
شاهد أكثر
شاهد أقل

دورة صيانة المزربورد للمبتدئين(تم بحمد الله)

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [شرح] دورة صيانة المزربورد للمبتدئين(تم بحمد الله)

    بسم الله والصلاة والسلام على خير خلق الله سيدنا محمد صلى الله عليه وعلى اله وصحبه وسلم
    سلام عليكم ورحمة الله و بركاته
    --------------------------------------------------


    سلام عليكم ورحمة الله وبركاته
    شكر خاص وتقدير وعرفان الى الاستاذ
    Mido El Sayed

    لما قام به من تجميع وتنسيق شامل للموضوع على شكل كتاب لتسهيل الوصول اليه
    يمكنك الان تحميل الدوره كامله PDF من
    هنا
    او
    هنا

    او
    هنا





    مقدمه: فى ناس كتير بتحب تحتفظ بـ سر المهنه لنفسها وماشيين بمبدأ دارى على فرختك تبيض احنا عاوزين ننسى المبدأ ده ونمشى بمبدا نشر العلم .

    كتير حاولت ادور على الانترنت على دوره اتعلم منها صيانة المزربورد توفيرا لمصاريف ومجهود فى السفر لان اغلب الدورات دى بتكون مكلفه
    لكن ملقتش وفى النهايه اضطريت انى اروح اخد دوره فى احد الاماكن اللى مش هنقول اسمها علشان ميبقاش اعلان .
    المهم بأذن الله كل اللى اتعلمته هناك هنقله ليكم لعل وعسى تكون بدايه لمشروع او توسيع لدخل .
    كبدايه الموضوع سهل جدا لكنه محتاج فهم و تركيز (تفتيح مخ يعنى وعدم استعجال)
    وطبعا الاهم انك تكون حابب الموضوع وبيتهيقلى احنا كمصريين مفيش حاجه واحنا صغيرين لم نقم بفكها .

    -----------------------------------------------------------------------
    خريطة الدراسه
    اولا: نتعرف على الادوات المستخدمه فى عملية الصيانه .

    ثانيا:هنتعلم ازاى اقيس البور صبلاى واعرف اذا كان سليم وبيخرج الكهرباء الازمه لتشغيل الجهاز ولا لا .

    ثالثا: قبل ما نتعلم ازاى نعرف اعطال البورده والمشاكل اللى فيها وازاى نحلها لازم نعرف البورده بتتكون من ايه (العناصر الموجوده على سطحها ومعرفة اذا كان العنصر تالف او سليم ).

    رابعا: هناخد الدوائر فى البورده وازاى اعرف اقيس البورده واعرف ازاى العيب اللى فى الجهاز من اى دائره ونعرف كمان الفولتات لكل دائره .

    خامسا :كيفية استخدام كارت التستر لمعرفة الاعطال .

    سادسا : شحن البيوس.

    سابعا :اللحامات.

    .................................................. ........
    دى كانت المقدمه وباذن الله هقوم باعداد الدرس الاول واجهزه بالصور وارفعه فى الموضوع ان شاء الله والاخوه المراقبين يساعدونا فى التنسيق وترتيب الموضوع
    ان شاء الله

    2013/03/04




    001 مقدمه


    http://www.youtube.com/watch?v=VFHMf...i6msoiz0YOX0lp



    002 قياس البور صبلاى



    http://www.youtube.com/watch?v=1DoW3...i6msoiz0YOX0lp


    003 capacitorالعناصر الالكترونيه اولا المكثفات




    http://www.youtube.com/watch?v=E2kMf...i6msoiz0YOX0lp


    004 العناصر الالكترونيه diode الدايود




    http://www.youtube.com/watch?v=ZEmW2...i6msoiz0YOX0lp



    005 العناصر الالكترونيه fuse الفيوز




    http://www.youtube.com/watch?v=OzfQm...i6msoiz0YOX0lp



    006 العناصر الالكترونية resistors المقاومة




    http://www.youtube.com/watch?v=P_716...i6msoiz0YOX0lp



    007 العناصر الالكترونيه ملف Coil




    http://www.youtube.com/watch?v=i1eH0...i6msoiz0YOX0lp


    008 العناصر الالكترونيه tranzistor ترانزيستور





    http://www.youtube.com/watch?v=-VL6m...i6msoiz0YOX0lp





    009 العناصر الالكترونيه كريستاله crystal quartz



    http://www.youtube.com/watch?v=6o13U...i6msoiz0YOX0lp


    010 مقدمه فى الايسيهات



    http://www.youtube.com/watch?v=OHxXS...i6msoiz0YOX0lp



    011شرح دائرة اى سى البروسيسور processor - CPU

    http://www.youtube.com/watch?v=7SmKcD6EKQ8



    012 شرح دائرة الرامات RAM






    http://www.youtube.com/watch?v=jUqZlliwtZ8


    013 شرح دائرة north bridge القنطره الشماليه


    http://www.youtube.com/watch?v=R76v8GYXQ4c

    014 شرح دائرة south bridge القنطره الجنوبيه


    http://www.youtube.com/watch?v=LDWKAX39-S0



    015 دائرة التشغل power switch (PSW)



    http://www.youtube.com/watch?v=piTU3EAZBHk


    016 دائرة الصوت audio


    http://www.youtube.com/watch?v=8CDo8EOpm5c


    017 تشخيص وتحديد العطل


    http://www.youtube.com/watch?v=VKIgy92hlTA








    40
    نعم
    70.00%
    28
    لا
    30.00%
    12
    لا اهتم
    0.00%
    0
    التعديل الأخير تم بواسطة Abdullah-Albani; الساعة 10-06-2015, 03:28 PM. سبب آخر: اضافة حلقات اليوتيوب
    تحميل دورة صيانة المزر بورد هنا او هنا او هنا
    لمتابعة الدوره فيديو من ---> هنا

  • #2
    رد: تعليم صيانة المزربورد للمبتدئين(متجدد - ان شاء الله)

    اولا : الادوات المستخدمه فى عملية الصيانه
    .................................................. ...........................................
    1.الافوميترونستخدمه لقياس الفولتات فى الدوائر او لمعرفة اذا كانت العناصر متصله ببعضها ام لا
    وسوف نتعلم تفاصيله فى خلال الدراسه وفى كل الاحوال لا نحتاج منه فى تعلمنا لصيانة المزربورد الا قياسين الاول وهو قياس الصفاره او الbuzer والثانى قياس 20 فولت ثابت
    سعره من 25 حنيه مصرى الى 45 حنيه حسب الجوده





    2. جهاز الهوت اير او الهيتر hot air ونستخدمه فى فك ولحام العناصر من البورده ويوجد منه نوعان الديجتال والعادى ولا يوجد فرق كبير فى الاستخدام غير ان الديجتال مزود بشاشه تطلعك على درجات الحراره وفى النهايه انت من يحدد سهولة الاستخادم او الايسر فى الاستخدام بالنسبة اليك
    وياتى مع كاوية لحام
    سعره فى العادى يتراوح من 150جنيه مصرى الى 180 جنيه
    والديجيتال يتراوح سعره من 230جنيه مصرى الى 250 جنيه





    3. مادة الفلكس وهى ماده تساعد على اللحام وفك اللحام
    سعرها 5 جنيه مصرى





    4.القصدير او بالمصطلح الشعبى الازير
    وهو الماده التى نستخدمها فى اللحام لوصل العناصر بالبورده
    سعره 5 جنيه مصرى




    5. شفاط القصدير ونستخدمه عن فك بعض العناصر من البورده حيث يقوم بشفط القصدير من على العناصر
    سعره 10 جنيه مصرى ويوجد منه نوع شعبى ب7 جنيه




    6.الجفت او الملقاط ونستخدمه عند نزع بعض العناصر من البورده وله اشكال كثيره هذا واحد منها
    سعره 5 جنيهات مصريه




    7.عدسه مكبره وقد تحتاجها او لا حسب الحاجه
    العدسه الموجود بها اضاءه او كشاف سعرها 10 جنيه مصرى




    8. بنسه ذات طرف مدبب او الاسم الشعبى لها بنسه بوز رفيع
    تتراوح بين 6.50جنيه الى 18 جنيه حسب جودتها وحجمها




    تلك هى اغلب الادوات التى نستخدمها فى صيانة المزر بورد وسوف نوضح طريقة استخدام كل منها على حده فى خلال دراستنا ان شاء الله
    نراكم على خير مع درسنا القادم وهو طريقة قياس البور صبلاى لمعرفه ان كان سليم ام لا
    التعديل الأخير تم بواسطة Ayman_M; الساعة 16-06-2014, 08:10 AM. سبب آخر: اعادة رفع الصور
    تحميل دورة صيانة المزر بورد هنا او هنا او هنا
    لمتابعة الدوره فيديو من ---> هنا

    تعليق


    • #3
      رد: تعليم صيانة المزربورد للمبتدئين(متجدد - ان شاء الله)

      ثانيا : قياس البور صبلاى وخرج الفولتات منه
      .................................................. ...............
      اغلبنا من اللى بيستخدم الكمبيوتر وبيحب يفتحه ويتفرج على مكوناته عارف شكل البور صبلاى وعارف انه مسؤل عن امداد الكمبيوتر او الكيسه بالكهرباء وده شكله بالنسبه للى مش عارف شكله





      نبدا نقيس البور صبلاى بالافوميتر و نعرف كل سلك بيخرج فولتات قد ايه(وفى فولتات بنستخدمها قبل تشغيل البور صبلاى وفى فولتات بنقيسها بعد تشغيل البور صبلاى)
      بمعنى :
      (نظبط الافوميتر على 20 فولت ثابت - كما بالصوره)





      1.السلك الاسود :وهو بيكون السلك الخاص بالارضى (ونقوم بتركيب السلك الاسود فى الافوميتر فيه كما هو موضح بالصوره) السلك الاحمر فى الافوميتر بنستخدمه لقياس باقى الاسلاك كل على حده)




      2.السلك البنفسجى :والسلك ده يمكن قياسه قبل تشغيل البور صبلاى او بعد تشغيله ويكون خرج الفولت منه 5 فولت
      (احنا بنترك السلك الاسود الخاص بالافوميتر متوصل بالسلك الاسود الخاص بالبور صبلاى ونبتدى نمسك السلك الاحمر الخاص بالافوميتر وندور على السلك البنفسجى فى الكابل الكبير وبيطلق عليه كابل atx 20 ونلمس السلك الاحمر فى البنفسجى ونشوف القراءه اللى هتظهر على الافوميتر واللى المفروض تكون 5 فولت لا تزيد بواحد صحيح ولا تقل بواحد صحيح بمعنى انها ممكن تكون 4.8 فولت او 5.2 فولت لكن متوصلش ل3 فولت او 6 فولت كده يبقى فى خطأ فى البور صبلاى وغلط على البورده)





      (علشان نشغل البور صبلاى بنحتاج اننا نعمل قفله بين سلكين الاخضر والاسود وبنعملها بالجفت فيشتغل البور صبلاى وبعدها نبدا نقيس باقى السلوك)
      البعض بيعمل الحركه دى علشان يشغل سى دى روم اوديو وبيوصل السك الاخضر والاسود بسلك ويعمل قفله دايمه اول ما يحط الفيشه فى الكهرباء يشتغل البور صبلاى





      هنبدا نقيس باقى السلوك بالطرف الاحمر للافوميتر (انا مش عارف اصور واشغل البور صبلاى بالجفت و اقيس فى نفس الوقت فانتوا هتكرروا العمليه اللى عملناها فى السلك البنفسجى وتقيسوا مفيش اى تغيير فى طريقه القياس )

      3.السلك الاصفر : بيخرج 12 فولت

      4.السلك الاحمر : بيخرج 5 فولت

      5.السلك الازرق :بيخرج سالب -12 فلوت

      6.السلك البرتقالى: بيخرج 3.3 فولت

      7.السلك الرمادى او الرصاصى : بيخرج 5فولت

      8.السلك الابيض : بيخرج سالب -5 فولت

      9. السلك الاخضر : بيختلف من بور صبلاى لاخر اما يخرج 2.5 فولت او يخرج 3.3 فولت او يخرج 5 فولت ويكون خرج الفولت فيه قبل التشغيل
      واذا قمنا بقياسه بعد التشغل سنجد القراءه على الافوميتر صفر


      ملخص طريقة القياس :
      1. نضبط الافوميتر على الوضع المناسب 20 فولت ثابت
      2. نقوم بقياس السلك الاخضر والبنفسجى قبل التشغيل ونتاكد من خرج الفوت كما ذكرنا
      3.عمل قفله بين الطرف الاسود والاخضر ثم قياس باقى السلوك

      ملحوظه : احيانا يكون البور صبلاى الضعيف هو المتسبب فى مشكله قطع الداتا للجهاز

      (الجهاز القاطع داتا هو الذى يعمل لكن لا تظهر اى بينات على الشاشه)
      (الجهاز القاطع بور هو الذى لا يعمل نهائيا)

      وسندرس كلاهما بالتفصيل ان شاء الله خلال الدراسه

      التعديل الأخير تم بواسطة Ayman_M; الساعة 16-06-2014, 08:12 AM.
      تحميل دورة صيانة المزر بورد هنا او هنا او هنا
      لمتابعة الدوره فيديو من ---> هنا

      تعليق


      • #4
        رد: تعليم صيانة المزربورد للمبتدئين(متجدد - ان شاء الله)

        ماشاء الله مجهود طيب يا غالى
        استأذنك فى إيميلك
        يحتاج المرء إلى سنتين تقريباً ليتعلم الكلام .. لكنه يحتاج إلى سنين ليتعلم لغة الصمت


        تعليق


        • #5
          رد: تعليم صيانة المزربورد للمبتدئين(متجدد - ان شاء الله)

          الدرس الثالث :وهو العناصر الموجوده على المزربورد
          .................................................. ....................
          وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - القماومه - الملف - ترانزستور موسفت - الكريستالات .
          وسوف نتناول كل منها على حده وطريقة قياسها ومعرفه اعطالها ان شاء الله تعالى

          ---------------------------------------------------------------------------------
          اولا المكثفات - Capacitor


          - رمزها على البورده يكون حرف C
          - رمزه الفنى




          - الوظيفه:يقوم بشحن وتفريغ وتنعيم التيار الكهربائى
          -وحدة القياس الخصاه به وتسمى الفراد ورمزها حرف F ولان الفراد من الوحدات الكبيره فى القياس والمكثفات تقاس سعتها بكميه قليله فيتم قياسها بوحده اسمها الميكرو فراد ورمزها UF )microfarad ) وتكون مكتوبه على المكثف نفسه

          مثال توضيحى: ان احنا مينفعش نقيس خط طوله 1.5 سم بالكيلو متر لان الكيلو متر 1000 متر والمتر 100 سم فبنضطر نقيه بوحدة مللى متر مثلا يعنى 15 مللى متر

          - انواع المكثفات:
          أ/ مكثفات قطبيه. ب/ مكثفات غير قطبيه.

          أ/ المكثفات القطبيه :
          وهى التى يكون لها طرفان طرف منهم سالب (-) والطرف الاخر موجب(+)
          وتنقسم المكثفات القطبيه الى نواعن :
          1- مكثفات كيميائيه.
          2- مكثفات صلبه.
          .................................................
          1-المكثفات الكيميائيه:
          وهذا شكلها والخط الجانبى دائما على المكثفات يشير الى ناحية القطب السالب
          ويكون مذكور على المكثف سعته او قيمته (UF) ويكون كذلك مذكور عليه اقصى فولت ويكون مكتوب جنبه حرف V رمزا الى الفولت يتحمله كذلك اقصى درجة حراره يتحملها ويكون جنبها رمز حرف Cْ






          ----------------------------------------------------------------------
          2- المكثف الصلب :
          وهو النوع المفضل او الحديث للمكثفات حيث انه يتحمل درجات حراره عاليه
          ويكون عليه بياناته مثل سعته والفولت الذى يتحمله ويكون الرقم الاكبر دائما هو سعة المكثف الصلب
          كذلك نجد ان المكان الملون عليه يشير الى القطبيه اى الى الطرف السالب فى المكيف






          .................................................. .............
          ب/ المكثفات الغير قطبيه او الفايبر

          وهى التى لا يوجد بها سالب او موجب عند تركيبها فى البورده تركب على اى وضع وفى حالة تلفه نأتى باخر فى نفس حجمه ونضعه مكانه

          وهو عنصر صغير لونه بنى كما هو موضح بالصوره




          ---------------------------------------------------------
          مظاهر تلف المكثفات
          المكثفات من العناصر السهل تمييز تلفها بالشكل او بالعين المجرده
          فمثلا عند تلف المكثف اما نجده منتفخ او منفجر او نجد عليه ترسيبات كحجر البطاريه عندما يترك مده طويله داخل الساعه وتكون تلك الاعطال نادره فى المكثفات الصلبه

          ونجد الانتفاخ اما من اعلى المكثف او من اسفله كما هو بالصور







          ------------------------------------------------------------





          - ملاحظات مهمه:

          عند قيامنا باستبدال مكثف تالف بمكثف جديد يجب ان نراعى سعة المكثف ودرجة الحرارة وتحمله للفولت
          ففى اسوا الاحوال اذا لم نستطع ان نجد مكثف بنفس السعه او درجة الحرارة او تحمل الفولت نأتى بالاخر يكون قريب له فى السعه او الحراره او الفولت بحيث لا تزيد نسبة التفاوت بالزياده او النقصان عن 10% مما يتحمله المكثف .


          كذلك يجوز استبدال مكثف كيميائى بصلف لكن كما ذكرنا يراعى البيانات الموجوده عليه.

          كذلك عند التغير يجب ان يراعى حجم المكيف الجديد حتى لا يصبح عائق عند اعادة تركيب الجهاز فيكون عائق لمروحة البروسيسور او كارت الشاشة مثلا .

          عند تلف مجموعة مكثفات متصله مع بعضها على التوالى نقوم بتغيير جميع المكثفات لانه حين يعطل احدها يزيد الحمل على المكثفات الاخرى مما يقلل من كفائتها وادائها ويؤدى الى عطلها مره اخرى .


          التعديل الأخير تم بواسطة Ayman_M; الساعة 16-06-2014, 08:19 AM.
          تحميل دورة صيانة المزر بورد هنا او هنا او هنا
          لمتابعة الدوره فيديو من ---> هنا

          تعليق


          • #6
            رد: تعليم صيانة المزربورد للمبتدئين(متجدد - ان شاء الله)

            المشاركة الأصلية بواسطة سيف الأسلام 1 مشاهدة المشاركة
            ماشاء الله مجهود طيب يا غالى
            استأذنك فى إيميلك
            جزاك الله خيرا واتفضل خده من الاداره او من اخونا احمد السقا (ساعى الى الريان ) لو تعرفه
            تحميل دورة صيانة المزر بورد هنا او هنا او هنا
            لمتابعة الدوره فيديو من ---> هنا

            تعليق


            • #7
              رد: تعليم صيانة المزربورد للمبتدئين(متجدد - ان شاء الله)

              اكتبو هنا وامسحو تانى بسرعه
              يحتاج المرء إلى سنتين تقريباً ليتعلم الكلام .. لكنه يحتاج إلى سنين ليتعلم لغة الصمت


              تعليق


              • #8
                رد: تعليم صيانة المزربورد للمبتدئين(متجدد - ان شاء الله)

                خده من الاداره احسن لانهم بيتدايقو انت عارف من موضوع الايميلات ده
                تحميل دورة صيانة المزر بورد هنا او هنا او هنا
                لمتابعة الدوره فيديو من ---> هنا

                تعليق


                • #9
                  رد: تعليم صيانة المزربورد للمبتدئين(متجدد - ان شاء الله)

                  طيب يا أخى الأخوه بالها طويل شويه وانا واخد أجازه من الجيش مؤقته
                  كما تحب أخى الحبيب
                  يحتاج المرء إلى سنتين تقريباً ليتعلم الكلام .. لكنه يحتاج إلى سنين ليتعلم لغة الصمت


                  تعليق


                  • #10
                    رد: تعليم صيانة المزربورد للمبتدئين(متجدد - ان شاء الله)

                    المشاركة الأصلية بواسطة سيف الأسلام 1 مشاهدة المشاركة
                    طيب يا أخى الأخوه بالها طويل شويه وانا واخد أجازه من الجيش مؤقته
                    كما تحب أخى الحبيب
                    طيب لو تعرف ابراهيم الطنبولى (ابو عبد الله ابراهيم الطنبولى) هو معاه ايميلى خده منه
                    تحميل دورة صيانة المزر بورد هنا او هنا او هنا
                    لمتابعة الدوره فيديو من ---> هنا

                    تعليق


                    • #11
                      رد: تعليم صيانة المزربورد للمبتدئين(متجدد - ان شاء الله)

                      أخى الحبيب خد ضفنى عندك

                      التعديل الأخير تم بواسطة HossaM.H; الساعة 20-04-2013, 05:53 AM.
                      يحتاج المرء إلى سنتين تقريباً ليتعلم الكلام .. لكنه يحتاج إلى سنين ليتعلم لغة الصمت


                      تعليق


                      • #12
                        رد: تعليم صيانة المزربورد للمبتدئين(متجدد - ان شاء الله)

                        جزاك الله كل خير
                        موضوع رائع


                        تعليق


                        • #13
                          رد: تعليم صيانة المزربورد للمبتدئين(متجدد - ان شاء الله)

                          المشاركة الأصلية بواسطة mans_our5 مشاهدة المشاركة
                          جزاك الله كل خير
                          موضوع رائع


                          وجزاكم الله مثله ويارب يكون فى استفاده ان شاء الله
                          تحميل دورة صيانة المزر بورد هنا او هنا او هنا
                          لمتابعة الدوره فيديو من ---> هنا

                          تعليق


                          • #14
                            رد: تعليم صيانة المزربورد للمبتدئين(متجدد - ان شاء الله)

                            ---- تابع ----
                            الدرس الثالث :وهو العناصر الموجوده على المزربورد
                            .................................................. ....................
                            وسوف نتناول فى دراستنا لهذا الجزء لكل العناصر الموجوده على سطح البورده وهى :الايسيهات - المكثفات - الدايود - الفيوز - المقاومه - الملف - ترانزستور موسفت - الكريستالات .


                            .................................................. ..................................
                            ثانيا : المقاومه Resistor

                            (من العناصر التى ليس لها قطبيه)

                            ويكون رمزها على البورده هو حرف R

                            رمزها الفنى




                            عنصر صغير وموجود على البورده منه كتير وهتلاقى دايما مكتوب عليه رقم (هنا ممكن نحتاج العدسه المكبره )


                            الوظيفه : تعمل على اعاقة مرور التيار الكهربى اعاقه جزئيه

                            شكلها على البورده


                            شكل 1: الموجوده باللون الاسود وعليها ارقام وكما ذكرنا من قبل رمزها على البورده حرف R






                            يوجد شكل اخر لها على البورده
                            شكل 2



                            وعلشان تستوعبوا حجمها على الطبيعه ممكن يوصل لايه شوفوا الصوره دى




                            .................................................. ...
                            طريقة قياسها :


                            1. المقاومه تقاس بوحدة القوم ويكون رمز القوم على الافو بالشكل التالى






                            2. قراءة الرقم الموجود على سطح المقاومه والتعويض عنه
                            بمعنى
                            لو ان الرقم الموجود على سطح المقاومه هو 222
                            يجب ان نعلم ان اخر رقم موجود على المين دائما يرمز لعدد الاصفار الموجوده فى الرقم
                            بمعنى
                            انه لو 222
                            فالرقم هو 2200
                            لان المقاومه صغيره حجما ومش معقول هيصغر الخط على المقاومه اكتر من كده

                            نفسر تانى
                            الرقم الاول دائما بيكون ثابت (وبم انه انجليزى يبقى اول رقم هو اللى على الشمال )
                            الرقم الثانى هو الاخر ثابت

                            الرقم الثالث ده وهو اللى بيرمز الى عدد الاصفار
                            يعنى لو الرقم الثالث ده 4 يبقى 0000 اصفار لو 5 يبقى 00000 اصفار وهكذا.

                            (مش شرط يكون الرقم الثالث ممكن يكون مكتوب على سطح المقاومه 4 ارقام مثل 4523
                            ساعتها اخر رقم هو المشير لعدد الاصفر يعنى لما نعوض عن الرقم 4523 هيكون الرقم 452000)




                            طيب لو حبينا نعرف المقاومه تالفه ولا سليمه نعمل ايه؟؟؟

                            احنا نجيب الافوميتر ونظبطه على وضع الصفاره

                            ونوصل كل طرف بناحيه من المقاومه
                            لو تالفه تعطى صوت صفاره فى الاتجاهين (يعنى لو غيرنا اطراف الافو مع بعض الاسود مكان الاحمر والاحمر مكان الاسود - على المقاومه) او مش هتدى حاجه خالص لا صفاره ولا قراءه

                            لو المقاومه سليمه هتدى قراءه او صفاره وقراءه 22 قوم

                            وعند التلف نستبدله باخر بنفس قيمته - يعنى نفس الرقم المكتوب عليه وطبعا نفس الشكل

                            (يارب تكونوا بتستفيدوا ده لو فى متابعه)





                            التعديل الأخير تم بواسطة Ayman_M; الساعة 16-06-2014, 08:40 AM.
                            تحميل دورة صيانة المزر بورد هنا او هنا او هنا
                            لمتابعة الدوره فيديو من ---> هنا

                            تعليق


                            • #15
                              رد: تعليم صيانة المزربورد للمبتدئين(متجدد - ان شاء الله)

                              فى انتظار باقى الموضوعات و جزاك الله خيرا

                              تعليق

                              يعمل...
                              X