إعـــــــلان

تقليص
لا يوجد إعلان حتى الآن.

وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

    دايما بتجيبوا لينا احلى مسلسلات
    مسلسلات هادفة بجد مش بتاعة رمضان
    ربنا يحفظكم ويجازيكم خير

    اسئلكم الدعاء ﻻخي بالشفاء العاجل وان يمده الله بالصحة والعمر الطويل والعمل الصالح

    تعليق


    • #17
      رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

      جزاكم الله خيرا
      متابعون ان شاء الرحمن
      " حَسبُنا الله سَيُؤتِينا الله مِن فضْلِه إنّا إلَى الله رَآغِبُونَ"
      يقول عن هذه الآية الشيخ / صآلح المغآمسي ..إنها دُعــآء المُعجِزات، ويقول: والله متى ما دعوت الله بصدق وكنت في مأزق إلا وجاء الفرج من حيث لا أعلم،، وقال ابن باز رحمه الله: مادعوت بهذا الدعاء بعد التشهد الأخير. في أمر عسير إلا تيسّر

      تعليق


      • #18
        رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

        ما شــــاء الله
        مبــــــــارك انطلاااااااااق المسلسل الجديد
        نسأل الله سبحانه وتعالى أن ينفع به كل من قرأه
        جزاكم الله خيراا كثيراا
        وبارك الله فى هذا الجهد الطيب





        تعليق


        • #19
          رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

          المشاركة الأصلية بواسطة مستبشرة مشاهدة المشاركة
          ما شــــاء الله

          مبــــــــارك انطلاااااااااق المسلسل الجديد
          نسأل الله سبحانه وتعالى أن ينفع به كل من قرأه
          جزاكم الله خيراا كثيراا
          وبارك الله فى هذا الجهد الطيب
          • يارب أصلح لى قلبى وارض عنى وردنى إليك رداجميلا

          تعليق


          • #20
            رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

            جزاكم الله خيرا ( متابعون ان شاء الله )


            اﻋﻤﻞ ﺛﻮﺍﺏ بـ 20 ﺟﻨﻴﻪ

            اللهم احفظ مصر امنة مطمأنة وسائر بلاد المسلمين

            تعليق


            • #21
              رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

              ما شاء الله
              جميل جدا

              بارك الله بكم وجعله في ميزان حسناتكم


              اللهم خابت الآمال إلا منك وانقطع الرجاء إلا إليك وغلقت الأبواب إلا بابك
              اللهم إني أستودعتك لا إله إلا الله فلقني إياها عند الموت


              تعليق


              • #22
                رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                اين انت يا اصحاب الجوووووووووووووون؟؟؟؟؟؟؟؟؟؟
                مر يومان وانتم لم تضعوا لنا جديدا
                ارجو ان يكون الامر خير
                اسال الله ان ييسر لكم الامور
                امل لا ينقطع = حاملة الرايه
                انتظروا قسم القصص الدعويه في ثوبه الجديد قريبا ان شاء الله

                تعليق


                • #23
                  رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                  يسر الله لكم امركم أختا الكريمه

                  اين الحلقه نحن فى اشتتياق لها
                  اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
                  اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
                  وبارك اللهم في أهلى ورفيقاتى واحفظهم من كل سوء

                  تعليق


                  • #24
                    رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                    جزاكم الله خيرا على هذه الابداعات الجميلة وننتظر تكملة الحلقات

                    تعليق


                    • #25
                      رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                      حيا الله الجميـــــــع
                      الحلقة الثانية غدا بإذن الله
                      ونأسف للتأخير

                      هذه ضربات جزاء

                      تعليق


                      • #26
                        رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                        منتظرين

                        وفقكم الله وسهل امركم

                        تعليق


                        • #27
                          رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

                          منتظرين باذن الله

                          تعليق


                          • #28
                            الحلقة الثانية




                            الحلقة الثانية


                            مرحباً بكم من جديد
                            مع





                            ومع عمر الشاب الروش الكول اللي عايش اللحظة
                            _ ربنا يهديك يا عمر _



                            توقفنا عند صوت الرسالة اللي وصلت عمر على الفيس بوك



                            ويفتح عمر الرسالة
                            لقي المُرسِل مجهول


                            ونص الرسالة كالآتي:



                            احنا شباب مصر التعبانين - الزهئانين - العاطلين عن العمل - المظلومين في دولتنا المليئة بالخيرات الثمينة ولكن للأسف مش احنا اللي بنتنعّم بها إنما الحكومة الطاغية هم بس ملاّك الدولة اللي غرقانين في خيراتها ونعيمها واحنا اللي مش لاقيين نأكل وبنتخانق على رغيف العيش ولا لاقيين أي شغل ولا وظيفة , فحااااااانت لحظة الانفجار - انفجار براكين الشعب الغلبان المغلوب على أمره ,

                            لو أنت شاب مصري رجل بجد بتحب البلد دي انضم لمظاهرتنا يوم 25 يناير في ميدان التحرير
                            منتظرينك يا بطل















                            يقرأ عمر الرسالة



                            ولكن لا يُلقي لها بااااااااااالاً








                            buzz



                            طروووووووقة



                            طروقة : انت يا عم النونو كل دا بترضع البزازة ؟؟



                            عمر: ما تلم نفسك يا مان أمال ؟


                            طروقة : ههههههههههه جيت يا نونو قصدي يا مان !



                            عمر : أيوة جيت يا خفيف

                            طروقة : بقولك إيه , انت جاتلك رسالة ع الفيس بتاعة المظاهرة دي
                            عمر : آه , يا عم سيبك مظاهرات إيه وعبط إيه , هي البلد دي ينفع فيها أي حاجة , كنت بحسب الرسالة من نانسي يا خسارة .
                            طروقة : على رأيك مصر بلد الكوسة والبطاطا والخس ههههههههه
                            عمر: تصدق إن أنا نفسي أسافر واشتغل برا وأسيب البلد دي .






                            [FLV]http://www.archive.org/download/beladelmoshreken/Clip-Beladelmoshreken-segment100_00_01-00_02_44.flv[/FLV]



                            طروقة : والله الواحد ما عارف , أنا بحب مصر ومش بحب الغربة بس للأسف الحكومة فعلا عايزة الحرررررررررق أنا بفكر أروح المظاهرة دي , إيه رأيك يا ريس ؟


                            عمر: يا عم انت مظاهرة إيه , دا أمن الدولة هيرمينا في النيل هههههههههه

                            طروقة : ههههههههههه طب اشوفك بكرة بقي يا كينج في الجامعة .
                            عمر : اوكش. بااااااااااي
















                            يصحي عمر الصبح من غير ميصلي الفجر



                            ولا كأنه فرض من ضمن الفروض




                            _



                            " ركعتا الفجر [ أي صلاة السنة قبل الفجر ] خير من الدنيا وما فيها ". وفي رواية لمسلم ” لهما أحب إلي من الدنيا جميعها ”.

                            فإذا كانت الدنيا بأسرها وما فيها لا تساوي في عين النبي صلى الله عليه وسلم شيئا أمام ركعتي الفجر فماذا يكون فضل صلاة الفجر بذاتها ؟
                            يجب أن نتوقف عند ذلك كثيراً





                            وهذا رسولنا صلي الله عليه وسلم يمنح وعداً بالنجاة من النار فيقول :



                            ( لن يلج النار أحد صلى قبل طلوع الشمس وقبل غروبها )




                            يعني الفجر والعصر



                            ثم ألا تحب أن تكون طوال يومك وأنت في حفظ الواحد الأحد عز وجل ،،



                            فها هو رسولنا الكريم صلي اله عليه وسلم يقول :


                            ( من صلى الصبح فهو في ذمة الله ، فلا يطلبنكم الله من ذمته بشيء فإنه من يطلبه من ذمته بشيء يدركه ثم يكبه على وجهه في نار جهنم )



                            أخرجه مسلم ، من حديث جندب بن عبد الله .





                            وبعدين بالله عليك يا عمر اسأل نفسك كده



                            مش مشتاااااااق انك تشوف حبيبك !!!




                            أيوه حبيبك .. ربك اللي خلقك ... وأنعم عليك بكوووول النعم الّي أنت فيها



                            مش نفسك تشوفه يوم القيامة ؟؟

                            يااااااااه
                            ودى ممكن ؟؟ ممكن أشوف ربنا ؟؟
                            أيوه وبطريقة سهله قوي
                            اسمع حبيبك النبي بيقول ايه
                            بس صلي عليه الأول
                            عليه الصلاة والسلام
                            عن جرير بن عبد الله رضي الله عنه قال : كنا جلوس مع رسول الله صلى الله عليه وسلم فنظر إلى القمر ليلة أربع عشر فقال (إنكم سترون ربكم عيانا كما ترون هذا لا تضامون في رؤيته فإذا استطعتم أن لا تغلبوا على صلاة قبل طلوع الشمس وقبل غروبها فافعلوا )صحيح البخاري






                            شفت بقى يا عمورة انت قد ايه مفرط في حق ربنا وفايتك خير كثير ؟


                            في الحلقة اللي فاتت ضيعت صلاة العصر والنهاردة بتضيع صلاة الصبح ينفع كدة ؟
                            _








                            يسلم عمر على ست الحبايب



                            وينزل رايح الجامعة




                            وهو نازل على السلم يقابل أحمد جاره الملتحي اللي بيسمع عمر دايما مشغّل أغاني بصوت عالي وبيشوفه مع بنات في الجامعة
                            فأحمد يبصله ويكشر تكشيرة 10 متر قدام ويمشي .






                            عمر يبص عليه من فوق لتحت ومش طايقه ويقول في نفسه : غور يا شيخ كرهتونا في الدين .






                            _ ينفع كدة يا أخ أحمد تنفر الناس من الدين ؟ للأسف دا سلوك بعض الملتزمين مكشرين 24 ساعة في الـ 24 ساعة ومحسسين نفسهم أنهم فووووق وبعيد عن المعاصي ولا يدرون أن الفضل كله بيد الله إن شاء هداهم وإن شاء أزاغهم



                            قال تعالى : ((كَذَلِكَ كُنتُم مِّن قَبْلُ فَمَنَّ اللّهُ عَلَيْكُمْ(94))) النساء


                            _







                            ويوصل الجامعة يلحق بسرعة آخر محاضرة للدكتور :
                            ملقاش مكان خالص في المدرج
                            لقي مكان صغير جدا جمب شاب ملتحي بس مروش نفسه علي الآخر ولا همه الدعوة لله نهائي هنعرف ازاي ,
                            فعمر مش طايق نفسه فيستأذنه رغم انه بيكره أي حد بدقن : ممكن أقعد جمبك ؟
                            الأخ الملتحي : اتفضل اتفضل اتخّروا شوية يا رجالة .
                            فعمر يستغرب كان متأكد إنه هيرفض فقاله : شكرا .
                            فيبص علي اصحابه اللي جمبه يلاقيهم زيه بالظبط
                            - مفيش حد مربي لحية
                            - ومنهم اللي ماسك علبة السجاير
                            - واللي مشغل أغاني وسط المحاضرة
                            - واللي قاعد جمب الجيرل فريند بتاعته
                            فيأخذه الفضول إنه يسأله : هم دول صحابك ؟
                            فيرد الأخ بكل فخر للأسف : أه طبعا شلتي الروشة ايه رأيك فيهم !
                            فيستغرب عمر ويكلم نفسه : أمال اللي اسمه أحمد دا مش بيطيقني ليه مهمُ الملتحين أهم قاعدين وسط المعاصي والدلع وفرحانين .
                            انا مش فاهم حاجة ......دا حاجة تقرف
                            والمحاضرة خلصت
                            وقام مشي .

                            وهنا لنا وقفة :
                            _ يعني الأخ أحمد بينفّر الناس من الدين عشان عارف ان هم غلط فبينفُر منهم ودا طبعا غلط كما بيّنا ,
                            والاخ التاني دا عايز يعرّف الناس إنه cool زي باقي الشباب ومش بيتكلم في الدين عشان ميخافوش منه من كتر الهجوم الفظيع علي الدين وأهله , والجرايد والمجلات والمسلسلات والبرامج اللي كوووول شوية تطلع واحد ملتحي نصااااب ومنتقبة حراااامية , ودا طبعا غلط فادح " كنتم خير أمة أخرجت للناس تأمرون بالمعروف وتنهون عن المنكر وأولآئك هم المفلحون " ويقول النبي صلي الله عليه فيما معناه: أن النهي عن المنكر أولا بيدك , فإن لم تستطع فبلسانك , وإن لم تستطع فبقلبك وذلك أضعف الإيمان , مش أقعد كمان وسطهم يا أخ وسعيد بفعلهم !!! _



                            ويقابل عمر شلته واناتيمه




                            هاي طروقة

                            هاي ميدو

                            هاي سنسن
                            هاي جو
                            هاي يارا , أمال فين نانسي ؟
                            يارا : ليك عين تسأل عليها , خلاص مش هتكلمك تاني بعد اللي أنت عملته .
                            عمر: ايه البت النكدية دي انا كنت بهزر معاها
                            هات يا عم سجارة تهدّيني دا حاجة أرف ..













                            أما زلت تدخن ؟


                            _ رجاء
                            تأملوا الصورة جيداً تجدوا أن السيجارة على شكل رجل مكفن , ثم الضغط علي الصورة_






                            ويكمل عمر كلامه بعد ما يولع السيجارة :


                            هو يوم أسود باين من أولّه من تكشيرة اللي اسمه أحمد دا .



                            _" لا يسب أحدكم الدهر فإن الله هو الدهر " رواه مسلم _








                            وهو بيشرب سجارة يلاقي أخ من الإخوان المسلمين عنده في الكلية كان اتكلم معاه قبل كدة في المدرج :






                            الأخ : السلام عليكم عمر

                            عمر : وعليكم السلام .

                            الأخ : ايه يا عم عمر محدش بيشوفك ليه ؟ فكرت ولا لأ في إنك تكون واحد مننا ؟

                            _ عايزه يكون اخواني زيه ,
                            للأسف أغلب المنتسبين للجماعات المختلفة دا تفكيرهم إنهم ميتكلموش معاك أو يفكروا يهدوك للخير إلا لو انضميت لهم وهذا غير صحيح فمنهجنا هو الإسلام ليس غيره من الجماعات أياً كانت , علينا توحيد الصف المسلم حتى ننطلق للأمام وكلنا يد واحدة لا كذا يد وكل يد تنطلق في ناحية وتتشتت الأمة _






                            عمر : يا عم حلّ عني بقي أنت كمان أنا ناقصك ؟!

                            الأخ : يا عمر استني طب هتيجي معانا المظاهرة يوم 25 يناير ؟ اليوم اللي قبل الأخير في الامتحانات ؟
                            عمر : انت رايح انت وجماعتك كمان , يبقي مش رايح طبعا .



                            وقام سايبه وماشي

                            سنسن وجو نادوا عليه : ايه يا كينج مالك النهاردة
                            عمر: مش طايق نفسي ولا طايق اتكلم مع حد .
                            _علشان بعيد عن طاعة ربنا ومُعرض عنه
                            لا صلى الفجر ولا قرأ أذكار الصباح
                            فأكييييييييييد يكون مضايق
                            {مَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً }
                            _

                            سنسن : كدة برده يا كبير !, طب واسمع اخر شريط لموري هيروقك تمام .
                            عمر : هو نزل ! هات يا عم ابعتهولي ع البلوتوث .











                            يلاقي بلوتوث اسمه 25 يناير ويقول :



                            ايه حكاية 25 يناير دي هم فاكرين نفسهم في بلد الحرية وان حد هيسمعهم !
                            جو : آه كل شوية ألاقي رسالة ع الفيس ولاقيت هنا برده في الجامعة ع البلوتوث , متيجوا نروح احنا والشلة نغير جو ع النيل .
                            عمر : يا عم اسكت شلة ايه ما انت شايف نانسي هانم اهي :( .








                            طروقة : هههههههه معلش يا جماعة الباشا مزاجه مقريف ع الآخر أصل نانسي عملتله Ignore



                            سنسن وجو : ههههههههههههه آآآآآآه بقي كدددددة ولا يهمك يا مان مسيرها تروق وتحلى وتلاقي أحسن منها هو في أكتر من البنات !












                            والامتحانات شغالة



                            والقلق يسود معظم الجامعات




                            ويتفق أغلب رؤساء الجامعات على سهولة الامتحان قبل الأخير والأخير عشان الطلاب تخرج مبسوطة ومتعملش مظاهرة



                            ولكن أنّا هذا والأسود قد زمجرت خلاص


















                            وحااااااااااااااااااانت اللحظة



                            لحظة التغييييييييييير




                            لحظة خروج الأسد من عرينه ليهجم على الطغاه الظالمين








                            واليوم 25 يناير


                            يوم الثلاثاء

                            الطلبة خلصوا امتحانات



                            وكله اتقابل مع كله

                            الطلبة - الشباب العاطل - مع شباب القهاوي - مع كله






                            وها نحن في ميدان التحرير الآن





































                            مصر يا أم …


                            ولادك أهم …


                            دول علشانك داقوا الهم.








                            ومضي يوم 25 يناير بسلام وكانت الاعداد كبيييييييييييييييييييرة غير متوقعة بالمرة


                            والموضوع فعلا بجد


                            والشباب حط الموضوع في دماغه



                            والشباب بالفعل قاموا من ع القهاوي وراحوا المظاهرة



                            والشباب بالفعل سابوا الشات والفيس بوك واتقابلوا في ميدان التحرير




                            والشباب بالفعل ساب شلة البنات بتاعته وراح يشارك في المظاهرة



                            والشباب بالفعل أفحم الجميع بقوته وبإرادته وبأصل وطيب معدنه





                            هذا هو الشباب المسلم المصري الأسد

                            .
                            .
                            وكانت حصيلة يوم 25 يناير



                            * ثلاثة قتلى من المتظاهرين، إضافة إلى جندي من الشرطة وعشرات المصابين.

                            * مئات المعتقلين.









                            نعود لعم عمر بعد مشاهدتنا لمظاهرة 25 يناير
                            وكيف تمت بشكل سِلمي منظم رائع ,
                            عمر طبعا ولا راح ولا حتي سأل عملوا ايه فيها
                            لأنه ملوش في السياسة خااااااالص أهم حاجة عنده شلته والشات وأحدث أغاني وأحدث نوع سجاير أمثال كثير من الشباب للأسف .



                            ولكن
                            يفاجأ عمر بخبر إلغاء امتحانه الموافق الخميس 27 يناير


                            ليه ؟




                            وعشان ايه ؟



                            مظاهرة ايه دي اللي تلغي امتحانات الكليات ؟!


                            دا آخر امتحان دا أهم امتحان .... هو اللي في الخروج والنعنعشة كله





                            أكيد الخبر غلط أما أروح أتأكد بنفسي


                            اتصل بشلة الأنس عشان يقابلوه


                            راح الجامعة يوم الأربعاء



                            ولقي الجامعة مقفولة



                            والأمن واقف في كل مكان

                            يحاول يتصل بأصحابه يلاقي الموبايل مكتوب فيه :
                            < حالة طواريء >




                            يادي الحظ ...
                            طيب هتصل من الخط التاني " فودافون "



                            نفس الكلام
                            < حالة طواريء >
                            < لا يمكن إتمام المكالمة >




                            هو ايه اللي بيحصل ؟


                            ويقول أما أروح بسرعة أشوف ايه الأخبار ع النت


                            ويوصل البيت


                            يلاقي ماما قلقانة مش عارفة تكلم بنتها أم معاذ أخت عمر


                            يقولها انتي برده مش عارفة تتصلي ؟



                            أمه : الموبايل مش عارفة باظ ولا ايه .


                            عمر : لا يا ماما أنا كمان زيك مش عارف ايه اللي بيحصل ! أما ادخل ع النت بسرعة أشوف في ايه .






                            يدخل ع النت



                            يلاقيه فااااااااااااااصل




                            يتصل بصاحب الشركة
                            يقوله : العطل في الدولة كلها مش احنا بس .


                            امممممممممممممممم



                            ويقول في نفسه دا الموضوع بجد ولا ايه ؟؟؟؟؟؟؟


                            .



                            .




                            .



                            .


                            هيعرف عمر الموضوع بجد الجد ولا لأ ....

                            في الحلقة القادمة بإذن الله








                            فاكهة الحلقة






                            وبحبك يا مصر












                            تعليق


                            • #29
                              رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

                              ماشاء الله اللهم بارك مبارك علينا المسلسل الجديد

                              تعليق


                              • #30
                                رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

                                ما شاء الله اللهم بارك
                                مسلسل رائع جدا كما تعودنا منكم
                                بارك الله فيكم ونفع بكم وجعله الله فى ميزان حسناتكم
                                متابعة بإذن الله

                                بس لما قطعت خطوط الموبايل كان يوم الجمعة مش الاربعاء^.^
                                لا تقل من أين أبدأ ... طاعة الله بداية
                                لا تقل أين طريقى ... شرع الله الهداية
                                لا تقل اين نعيمى ... جنة الله كفاية
                                لا تقل غدا سأبدأ ... ربما تأتى النهاية

                                تعليق

                                يعمل...
                                X